1 C. Verspreide literaire teksten van Jacob Revius ... - Enny de Bruijn

14. Lijkzang op David Scanderus (1631)
Plano-uitgave. GA Arnhem, collectie Van Rhemen, bibliotheek (0993), 380.
IN DECESSUM
Clarissimi & Doctissimi viri D. Da-
vidis Scanderi Cotbusinatus Lusati, Artium liberalium Magistri,
ac earundem in Illustri Gymnasio Daventriensi Professoris.
Qui
Nondum biennio in professione exacto, Anno Domini CI)I)CXXXI
A.D. xxv. Aug. ad meliorem vitam migravit.
THRENODIA.
Coelo supinas quin ferimus manus,
Daventrienses? occidit, occidit
Spes grandis & fortuna nostri
Gymnasij. iste dies ruinam
Utramque ducet, ni prece supplice 5
Litemus & vitae & necis arbitro,
Qui, saepe neglectus, furorem in
Conspicuos humilesque vertit.
Ah! te priorem si decuit mori
Scandere, jam nos & decuit mori, 10
Quos literarum, candidaeque
Nexus amicitiae ligarat.
Quod si voluntas fixa Dei manet
Clavo trabali, non ego lividâ
Oblivione te sepultum 15
Perpetiar, neque laudis expers
Reddes avaro depositum* solo,
Cui vera virtus, cui vigilantia,
Cultique mores undiquaque
Egregium decus arrogarunt. 20
O fonte pectus Socratico madens,
Coelique, terraeque, & pelagi capax!
Quid tam minutum, tam repostum,
Quod satagentem animum fefellit?
Quid aether ardens, claraque sydera, 25
Quid bruta tellus &, vaga flumina
Habent stupendi, quid nivalis
Canities, pluvijque rores
30