1 C. Verspreide literaire teksten van Jacob Revius ... - Enny de Bruijn

11. Lofdicht op Coccejus’ Sanhedrin & Maccoth (1629)
In: Joannes Coch (Coccejus), Duo tituli Thalmudici, Sanhedrin et Maccoth, Amsterdam,
1629, voorwerk. Bayerische Staatsbibliothek, München, 4 Exeg. 183 d [google books]
[transcriptie en vertaling dr. C.A. de Niet]
Εἰς τὰ τοῦ λογιωτάτου
ΙΩΑΝΝΟΥ ΚΟΚΚΗΙΟΥ
τοῦ ἰουδαικῶν νομίμων ἐξεγητικά
῾Υδογενὴς ὅτ’ ἰουδαίοις πόρε δίπλακα θεσμὸν
οὔρεος ἐκ καταβὰς ἀριδεικέτου αἰγληέντος,
ἔνθεν ἓ ἀθανάτων βασιλεὺς προέηκεν ἰαώ,
ἔστιλψεν τὰ πρόσωπα, χάρις δ’ ἀπελάμπετο πολλὴ
ἄμβροτος, οἵη τ’ ἐσθ’ ὑπερίονος ἠελίοιο. 5
ὡς δ’ ἴδον ἥρωος σμερδνὸν σέλας ἄγχιοι ἄνδρες
τάρβησαν τε καὶ ὀσσε παρακλιδὸν ἔτραπον, εἶτα
αὐτὸς μὲν μέγα φάρος ἑλὼν χερσὶ στιβαρῇσι
κακκεφαλῆς εἵρυασε, κάλυψέ τε χρῶτα φαεινόν,
οἱ δὲ κάτω ὅραον ποτιδέγμενοι, εἴ τι μιν εἴποι. 10
ὣς νυν οὑδὲ δύνανται ἐνωπιδίως ἐσιδεσθαι
Χριστὸν παμμεδέονθ’, ὃν ὑπερφιάλως κατέπεφνον,
καὶ μάλ᾿ ἀτιμάζουσι, καὶ οὕπω φασὶ τὸν εἶναι,
†θεαστέσιον† γὰρ τι κραδίας σκότος ἀμφικαλύπτει.
ἀλλ’ ἄγεται χρόνος ὀψὲ περιπλομένων ἐνιαυτῶν, 15
ᾧ τὸ φάος βλέψουσι μελαίνης νυκτὸς ἑταῖροι
καὶ θυμον τρέψουσιν ἀπηνέα εἰς τὰ ἀμείνω
εὐσεβέων διὰ παρφάσιος γλυκερῆς ἀνθρώπων.
τῶν Κοκκήιον εἶναι ὀιομαι, ὅς μιν ἕπεσσι
σωφρονίσαι πειρᾶται, ἀνάγκῃ δ’ οὐ λέγει ἄξειν. 20
χαῖρε, θεοῦ ὑποφῆτα, σὺ μὲν νόμον ἠδὲ θέμιστας
ἑβραίους ἐδιδαξας, ἰδὲ δωτῆρα θεμίστων,
σαῖς δ’ ὑποθημοσύναις πεπιθήσεται, εἰτις ἐχέφρων.
εὐκτὸν γὰρ λαὸν σόον ἔμμεναι ἢ ἀπολέσθαι
πρὸς τ’ ἀρετὴν καλὸν αὐτομολεῖν κακότητα λιπόντα. 25
ΙΑΚΩΒΟΣ ὁ ΡΗΒΙΟΣ.
28