2009 december - Opeinde

In Keninklik berjocht .
Yn 2001 is Slachterij Biesma “Bij Koninklijke Beschikking”Hof leverancier wurden.
Ed Nijpels dy’t doe Kommissaris fan de Keninginne wie , hie ta sein dat hy wol ris del
Komme soe , want dat die hy by alle” Hof leveranciers” Hy is no gjin kommissaris mear
mar hat nea yn De Pein west , en sil no ek wol net mear komme. No mei it spektakel fan it
Fryske hynder yn Ljouwert , tocht Marijke de frou fan Biesma: ik weachje der in mailtsje
oan. Hja stjoerde in mailtsje nei Haad Protokol fan Fryslân , mei yn de efter holle :
miskien mei Gerk wol wat oanbiede oan Jorritsma dy’t no Kommissaris fan de Keninginne
is. Biesma sit ek yn de Fryske Hynste wrâld, dus hja gienen toch nei Ljouwert, dat soe
wol moai wêze. Mar hja hearden der neat mear fan, dus it soe wol neat wurde ,wol
hearden hja dat de Keninginne de saterdei joun komme soe.
De saterdei midzje om 1 oere gie de tillefoan Haad Protokol fan Fryslân ,as Biesma de
Keninginne wol wat oan biede woe !!! No dan skrikke jo wol efkes, want dêr wie net op
rekkene, mar it wie wol moai fansels. Gelokkich hie Biesma noch wol in heale meter
Fryske droege woarst hingjen, dat it moast mar oan gean want sa’n kâns krije jo net
wer.
Foar de tillefoan waard útlein wat wol en net mocht en wêr’t Biesma him oan hâlde
moast, en mei twa wurden prate .Dat lêste dêr hie Biesma gjin muoite mei want dat hat hy
fan hûs út mei krigen.
De jûns sitte Biesma en syn Frou yn it F.E.C. op é tribune nei it hynste spul te sjen, de
heale meter woarst op é skoat. De minsken dy’t om harren hinne sieten, rôpen jou ús in
stikje woarst wy sitte hjir al sa lang te wachtsjen, mar hja wisten fansels net foar wa as dy
woarst wie.
Kertier foar njoggenen soe de woarst oan bean wurde. Biesma hie it tillefoan nûmer fan
de Haad Protokol krigen, dan koe hy belje as hy dy kant út gie,en dan soe dy man fertelle
wêr’t Biesma wêze moast. As jo dan dy kant út rinne, betinke jo fan alles wat jo freegje of
sizze sille, jo binne dan súver in bytsje senuweftich . Mar it foel ta. De Keninginne stie
dêr mei allegearre minsken om har hinne. Biesma hie net sa tinke hoeft wat hy sizze
moast , want de Keninginne prate mar raak. Hja frege fan alles : hoe âld it bedriuw wie
en de hoe folste generaasje Gerk wie. Hja frege ek wat der yn dat doaske siet, wat
Biesma dêr by him hie.
Biesma koe har oeral in antwurd op jaan. Mar doe woe hja graach witte wat it resept fan
de woarst is, Dat : sei Biesma fertelle wy net dat moat geheim bliuwe.
De Keninginne koe dat wol wurdearje. Gerk Biesma fûn har in Geweldige Frou. Hja soe
oan it skoft ta bliuwe, mar is de hiele jûn sitten bleaun. As it troch de woarst kaam witte
wy net , mar it kin ek de moaie show fan it Fryske Hynder west ha.
As de Keninginne op in jûn thús sit by de iepen hurd, mei in gleske fris of in lekker
wyntsje en in lekker stikje Fryske woarst, dan kin it net misse, dan seit se tsjin har
sjauffeur: kom wy ride efkes nei De Pein nei Slachter Biesma , om noch sa’n heale
meter woarst. As ik de Keninginne wie soe ik earst efkes belje, want nei dat it yn de
krante stien hie, fleagen de heale meters de winkel út, dus wienen se
yn in omsjoch op.
Dit wie in hiele belevenis foar de famylje Biesma, ien om nea te
ferjitten. In moaie grutte foto fan dit barren hinget yn de winkel.
Wat kinne wy as doarp grutsk wêze op ús eigen Slachter Biesma
41