2009 december - Opeinde

Violeria
Sa as jimme witte ,wie it in bytsje yn é hobbel mei ús toaniel selskip, mar wy kinne jim no
fertelle dat alles wer rint as it spoar.
Wy ha wat minsken frege om ris te besykjen om in rol te spyljen, no is elk dêr net foar yn
de widze lein, mar wy ha doch guonfûn dy’t wolris yn é kunde komme woenen mei it
toaniel. Hoe it giet en wat te dwaan en al sa fuort hinne.
Nei ferskate rippetysjes kinne wy sizze : it giet mar bêst.
Dit seizoen ha wy de útfieringen:
Freed en Saterdei 29 en 30 Jannewaris en
Freed en Saterdei 5 en 6 Febrewaris 2010
Jûns om 8 oere yn de Wringe
Spile wurd : Stunt
In komeedzje fan Aris Bremer
Yn it Frysk bewurke troch Alle G Hof
Ús regisseur is Romke de Leeuw
It stik spilet him ôf yn in âld skiphûs. Studinten komme nei hiel wat jierren wer ris
byelkoar, en de greate fraach is: Wa hat no wer in stunt úthelle.
Kom ien fan dizze jonnen nei de Wringe foar in noflike jûn wêr ‘t Jo efkes lekker laitsje
kinne. Kaarten bestelle kin by :
Trienke Veenstra tel. 372166 foar Jannewaris en by
Ypie Heida tel 372032 foar Febrewaris
As it kin graach middeis fan 4 oant 6 oere
Wy sjogge nei jim út op ien fan dizze jonnen yn de Wringe
Binne Jo in bytsje sneu om’t wy Jo net frege ha om te spyljen, skromje net en skilje ús, of
sis it op ien fan ús útfieringen.
Bestjoer Violeria
Wiebe de Vries tel 371946; Heare Postema tel 372766;
Trienke Veenstra tel 372166; Ypie Heida tel 372032
====================================================================
Calanetic
Mei yngong fan 1 septimber middeis om 3 oere binne wy wer mei it Calanetic klupke útein
set. Wa’t de spieren trene wol , is wolkom, sjoch ris om é hoeke yn de Wringe hoe as wy
dêr dwaande binne. Om de priis hoege jo it net te litten: 3 euro per kear.
Wolle jo mear witte skilje Ypie Heida 0512-372032
15