Lummelke jaargang 34 editie 1

Wèèrdsje Vorst,
Leef Kwaartsjeslummels,
Names de Road van Öllef enne Orde vanne
Kwaartsjeslummels, names Ex- Stadsprins Stijn I en zi-jn
adzjudante Stef en Yves, en hun leef mèègdsjes Carine,
Veerle en Joke, en uich het Dorde Jeugd Prinsepaar
Jaak den 2° en Prinses Nellie, winse vèè och weer ei vlot
en sjuun karnevalsjoar tuw.
Es gèè dit “Lummelke” aan ’t lèze zeet, is uis
karnevalsezûn alweer begonne. Want wi-j gèè op ’t viêrblaad zeet, stoan uize nuwe
Stadsprins van Bree Erwin I° en zi-jn adzjudante Jan en Valère, t’r alweer piekfi-jn op.
De prinsekemissi-j hèèt echt neet stil gezète, en presentère och ei fantastis nuw stöl.
Mèr vèè mogke uich ziêker neet vergète om uis viêrige prinsegevolg, van harte te
bedanke, viêr det sjik joar det zi-j t’r van gemaakt höbbe. Viêr os ziêker een niêge en
een half, oppe tiên.
Ei nuw sezûn kimt ’r weer aan; ei bi-jzonder langk karnevalsjoar buu in vèè t’r weer ei
gruut en gezellig fiêst van goan make, tesame möt de Zate Hermeni-j en de Vlegeband,
buu op vèè alle joar weer könne rèkene. En ûteraard möt óch alle breejenère, goan
vèè t’r eine ferme lap op geve, en t’r ei plezerig en geweldig joar van make. De nuwe
stadsprins en zi-jn adzjudante stoan er alleszins kloar viêr.
Leg uich oor kleijer en attribute al mer kloar, want op 20 november kimt uize iêrste
krugetocht er al aan. Dan stölle vèè uize nuwe prins viêr aan hiêl Bree. Uich goan vèè
dan same uis prachtige leedsjes zinge en ûteraard uich de 2 nûw schlagers aanliêre di-j
de Sjatties weer höbbe gemaakt. Begin jannewari is er dan al de prinseresepsi-j in de
Barrier in Gèringe en dan volgt weer de rest van uis program in ein denderende vaart,
möt es huugtepunt de grute zitting op 26 fibbrewari. Sjri-jf dèn datum al mer ziêker op !
Gèè vindt alle informasi-j in uis “Lummelke”, det toch uich elke kiêr weer bi-jzonder sjik
in ein stikt. Profisi-jat aan alle teikeneers en redaksi-j van het krantsje en ziêker bedankt
aan al di-j vri-jgèvige sponsers di-j dit gezetje miêglik make.
En uich uis eige brees talent is al bèzig möt het viêrbereije van de grute zitting, de zitting
viêr de dorde jeugd en het karnevalsconsèèr. Gèè zult zeen, det möt het enthousi-jasme
van Stadsprins Erwin I°en zi-jn adzjudante Jan en Valère, gèè allemoal wiltsj mötdoon
aan dees sjikke fiêste. Het zal weer gauw volgend joar zeen.
Vèè hupe och ziêker op dees aktiviteite tiêge te komme en winse och names de ganse
vereiniging nuw al ei geweldig plezerig en gezond 2011 tuw.
Vorst Gerard
KW AA RT SJ ES LU M M E L S