Parlementaire Democratie en Rechtsstaat - FESCA

Luciano Milliard: medionan di prensa ta 'watchdog' di democrasia
E docente di ley Luciano Milliard a splica e lugar di democrasia parlamentario
entre otro formanan di gobernacion como forma di eherce poder den un
comunidad. Nos na Aruba ta custumbra cu democrasia parlamentario, pero en
realidad e no ta algo cu ta bin di mes. Dr. Milliard a compara e sistema di
democrasia parlamentario na un forma masha scerpi cu otro sistemanan
autoritario cu tin na mundo. Tambe dr. Milliard a duna un splicacion di e
derechonan cu un sistema parlamentario tin pa eherce su poder. E derecho di
parlamento di crea presupuesto y asina dicidi con gobierno ta uza placa di
comunidad, e derecho di tin su propio trahadonan y asina ta mas independiente di
gobierno y e derecho di investiga y hasta tene enquesta. Ora gobierno por ejempel
entrega presupuesto laat na parlamento e ta viola e derecho di presupuesto di
parlamento. Milliard a pone den su presentacion tambe enfasis riba e importancia
di medionan di prensa y a yama esaki un di e piedranan angular di democrasia.
Medionan di prensa ta e 'watchdog' di democrasia. Pesey democrasia
parlamentario no ta funciona bon sin prensa critico y liber. Prensa liber ta forma
parti di e sistema di 'checks and balances' (= sistema di control y balansa) den cua
un democracia parlamentario por existi.
Mr. Johan Sjiem Fat: 'comision di berdad' e punto mas abou den nos democrasia
Abogado Sjiem Fat tambe a compara democrasia na Aruba cu sistemanan
autoritario cu mundo a conoce. Aruba ta bendiciona di tin un democrasia cu ta
funciona y cu ta ancra den un estado di derecho. Esaki segun Sjiem Fat ta un
garantia pa e calidad di bida cu nos conoce na Aruba. E garantia ey ta ancra en
particular den e Statuto di Reino Hulandes. Articulo 43 di Statuto di Reino ta
duna e garantia cu Reino Hulandes ta interveni ora tin peliger pa bon gobernacion
na Aruba y Antiyas. Den pasado a interveni na Corsou (1969) y mas recientemente
na St. Maarten. Esaki no kier men cu nos por ta contento con cos ta bai na Aruba
of cu no tin critica riba e funcionamento di democrasia parlamentario na Aruba.
Tin algun desaroyo preocupante den politica y den comunidad cu ta poniendo nos
estado di derecho bou presion pisa segun abogado Sjiem Fat.
Hopi biaha ministernan ta lansa atakenan personal riba hueznan cu ta duna
veredictonan cu no ta na fabor di gobierno Door di haci esaki gobernantenan ta
amenasa e independencia di 'poder hudicial' cu ta un piedra angular di democrasia
parlamentario. Un otro desaroyo preocupante segun abiogado Sjiem Fat ta e
persecucion di oponentenan politico. Di banda di gobierno ta hiba campañanan pa
descredita oponentenan politico, pa despues presenta esaki cu hopi buya na
publico. E asina yama 'comision di berdad' ta den e cuadro aki e punto mas abou
cu nos a yega den historia di democrasia na Aruba. E 'comision di berdad' ta
consisti exclusivamente di oponentenan abierto di e gobierno anterior of di
Verslag forum “Aruba, een jong-volwassen democratie” Pagina 32
FESCA 24 april 2003