Parlementaire Democratie en Rechtsstaat - FESCA

Bijlage 3. Comunicado di Prensa/resumen
E discusion riba maduracion di democrasia na Aruba a cuminsa !
E foro di FESCA tocante di democrasia parlamentario a bira un exito
grandi!
Un sala yen di interesadonan a presencia diahuebs dia 24 di april anochi na Cas di
Cultura e promer di un ciclo di actividadnan nobo di FESCA (Fundacion
Estudionan Social Cristian Aruba). E directiva nobo di partido AVP kier yuda hisa
e nivel di debate politico na Aruba y cambia e cultura politico di polarisacion pa
uno di debate constructivo. Pa logra esaki AVP a scohe pa laga su instituto
cientifico FESCA cuminsa haci investigacion y fomenta discucion riba temanan
relevante pa gobernacion di nos comunidad.
Cu e titulo "Aruba, un democrasia hoben-adulto" tres experto a duna nan evaluacion di
puntonan debil y fuerte di nos sistema parlamentario. Despues di e tres
presentacionnan a surgi un discucion constructivo cu personanan den sala. Esaki a
demostra no solamente cu tin interes pa temana manera e funcionamento di
democrasia na Aruba, pero tambe cu tin un necesidad pa discuti riba e tema aki. E
tres oradornan tabata dr. Luciano Milliard, docente di ley di estado di Universidad
di Aruba, mr. Johan Sjiem Fat, abogado Arubiano bon conoci y mr. Jaime Saleh,
ex-gobernador di Antiyas, jurista renombra y ex-presidente di corte comun di
husticia di Antiyas y Aruba.
Presidente di FESCA sr. Arjen Alberts, a splica den su introduccion e reactivacion
di FESCA como instituto cientifico. Despues di a perde eleccion na aña
2001, partido AVP a cuminsa un proceso di evaluacion y re-orientacion interno. E
meta final di e re-orientacion aki ta pa bolbe gana confiansa di votadonan door di
ofrece e oportunidad di mihor gobernacion cu Aruba conoce awor aki. E
dirigentenan nobo di AVP ta haña entre otro cu AVP mester distancia su mes di
polarisacion politico cu ta forma un circulo visioso cu no ta hiba na nada y cu
solamente ta haci contradiccionnan politico mas importante cu e meta y contenido
di asuntonan di gobernacion.
FESCA como organisacion cientifico ta fiha su mes netamente riba e continido di
temanan relevante pa gobernacion di nos pais. A base di analysis cientifico duna
sostenen na temanan cu partido AVP ta scohe pa entama saliendo for di su
principionan cristian democrata. FESCA ta sinembargo independiente di AVP den
su trabou cientifico manera ta usual cu institutonan manera esaki. FESCA ta traha
intensivamente hunto cu otro institutonan den su trabou. Entre otro cu e instituto
cientifico di partido CDA di Hulanda.
Verslag forum “Aruba, een jong-volwassen democratie” Pagina 31
FESCA 24 april 2003