3. Wat beteken die om Weer Gebore te word - By Jesus se Voete

3. WAT DIT BETEKEN OM WEER GEBORE TE WORD
Joh 6:44 Niemand kan na My (Jesus) toe kom as die Vader wat My gestuur het, hom
nie trek nie; en Ek sal hom opwek in die laaste dag.
Pro 8:17 Ék het lief die wat my liefhet, en die wat My soek, sal My vind.
Luk 11:9 En Ek sê vir julle: Bid, en vir julle sal gegee word; soek, en julle sal vind; klop,
en vir julle sal oopgemaak word. (In die Grieks is die werkwoorde bid, soek, klop in
teenswoordige voortdurende tyd m.a.w. hou nou aan met bid, hou nou aan met
soek, en hou aan met klop en aan jou sal gegee word, jy sal vind en voor oopgemaak
word.)
Wat beteken dit om Nuut Gebore te Word?
Joh. 3:5,6 Jesus antwoord: Voorwaar, voorwaar Ek sê vir jou, as iemand nie gebore
word uit water en Gees nie, kan hy in die koninkryk van God nie ingaan nie. Wat uit
die vlees gebore is, is vlees; en wat uit die Gees gebore is, is gees.
Kom ons kyk na die vier stappe wat die Nuwe Testament direk in verband bring met
om weer gebore te word: ‘Repent,’ Geloof, Doop en Ontvang van die Gees van God.
(Mat 3:2,6; Joh 1:33; Mat 4:17; Joh 11:25; Mat 28:19; Luk 24:49; 1Tes 1:19; Rom
3:22; 6:4; Gal 3:2; Hand 8:4-8,12,15-17,35-39 en 19:1-6,18,19 en veral Hebr 6:1,2
waar al vier stappe bymekaar genoem word.)
Om Geestelik weer gebore te word, is ‘n proses net soos wanneer ‘n baba fisies
gebore word. Dit is eers wanneer die baba uit sy ma se liggaam is, die naelstring
geknip, die kleinding self kan asemhaal, skoon gewas is en aan mamma kan drink dat
ons kan sê, die geboorteproses is afgehandel, m.a.w. hy lewe en is buite gevaar.
Maar as ons nou, na die suksesvolle geboorte, van hierdie pasgebore baba verwag
om op sy eie groot en volwasse te word, sonder die hulp van ‘n ouer of versorger, sal
die kind in alle waarskynlikheid nie lank lewe nie.
Die tyd wat die geestelike proses om weer gebore te word neem om te voltooi, hang
alles af van hoe ‘n goeie ‘vroedvrou’ jy gehad het. Is jy van die begin af deur al die
nodige stappe geneem of net deur een of twee daarvan? Moes jy maar self langs die
pad die ander ontdek? Daarom dat dit wat net enkele ure hoef te neem, dalk vir
party van ons jare duur voordat ons lewe volkome omgedraai en bruikbaar vir God
is.
Hoe pas Bekering en Wedergeboorte volgens die Nuwe Testament?
Bekering: Sluit al vier die stappe in om te ‘repent’- om berouvol jou sonde te bely en
weg te draai daarvan, te glo, jou te laat doop en jou oop te stel vir Heilige Gees om
jou te vul. Dit is dus wat die mens doen om tot God te nader.
Wedergeboorte: Sluit al vier stappe in maar nou is dit nie meer wat die mens doen
nie maar dit wat ons Hemelse Vader vir die mens doen. Hy vergewe wanneer jy
‘repent’ sodat jy ‘n nuwe begin in Hom kan maak; Hy gee jou geloof; Hy was jou
sondes simbolies af in die doopwater; Hy vul jou met Sy Gees sodat jy op Die Weg
kan wandel en verander kan word na die beeld van Sy Seun, Jesus. In die eerste twee
stappe ‘repent’ en geloof is die mens se aandeel groter maar wanneer dit kom by die
1

doop en veral vervulling met Sy Gees, doen God die meeste. Daar is dus in die
opeenvolging van hierdie stappe ‘n tendens van minder van my en meer van Hom.
1. Stap 1: ‘Repent’ – Berouvolle belydenis en wegdraai van jou sondes
Dit is nie net die gevoel van jammer of spyt wees of selfverwyt nie, hoewel hierdie
emosies teenwoordig kan wees. Dit is eerder die besef dat jy vir God, die Vader
seergemaak het, dat jy Sy Woord oortree het, dat jy Sy liefde geweier het, dat jy Sy
woede op die hals gehaal het. Dit is soos die ‘Verlore Seun’ (Luk 15) wat tot die besef
van sy sonde kom en sê: “Ek het gesondig teen die hemel (teen God) en teen u (sy
aardse pa).” ‘Repentance’ is voortdurend deel van ons daaglikse wandel met God.
Berouvolle sonde belydenis (‘repentance’) sluit drie fases in: Gedagtes, woorde en
dade.
1.1 Gedagtes
Ons gedagtes en denkwyses moet verander om in lyn te kom met hoe ons Hemelse
Vader dink. Abba Vader is die Almagtige, wonderlikste, liefdevolste, mees opregte,
reinste, edelste Persoon, miljoene kere beter as die edelste persoon wat nog ooit op
hierdie aarde gewandel het. Hierdie besef dring my om berouvol my sondes teenoor
Vader te bely en 100% daarvan weg te draai.
‘n Ongelowige persoon wat Hom nie ken nie, sal anders dink en dalk selfs uitlatings
maak soos: Hy is onregverdig. Hoekom het Hy my geliefde weggevat? Hoe kon Hy dit
toelaat? Waarom laat Hy dit op aarde gebeur? Met ander woorde, ek is beter as
God. As ek die heelal kon bestuur, sou ek nie sulke foute gemaak het nie. Hulle besef
nie dat hulle die ‘verkeerde’ Persoon beskuldig nie.
1.2 Woorde
Die Woord beveel ons om ons sondes aan mekaar te bely (bv. Jak 5;16). Wanneer
iemand sê dat hulle wil hê dat God hul sondes moet vergewe, is die vraag watter
sondes wil hul van vergewe wees? Berouvolle belydenis van sondes begin wanneer
iemand spesifieke goed bely, sonder selfregverdiging of verskonings: Hemelse Vader,
ek bely hierdie sonde, dit en dit en dit... wat ek gedoen het. Ek het verkeerde vriende
gekies en ...
Dit gaan oor na innerlike genesing waar ek ander vergewe, in plaas van blameer en
verwyt vir die onreg wat my aan gedoen is. Die dinge waarmee ek stoei, is nie my
ouers of iemand anders se skuld nie. Dit is die resultaat van my reaksie op die seer of
onreg wat aan my gedoen is. Dit is my keuses en besluite op beslissende tye van my
lewe, wat maak dat ek vandag is wat ek is. As ek vandag bitter is, is dit omdat ek
gekies het om aanstoot te neem, die leuens te glo en nie te vergewe nie. Ons is almal
die gevolg van ons keuses en ons moet verantwoordelikheid aanvaar vir ons eie
keuses, reaksies en dade. Wanneer ons vergewe maak dit, dit vir Vader moontlik om
ons te vergewe (Mat 18).
Dit is baie belangrik dat ons, ons sondes hardop in woorde bely. Ons bely ons berou
hardop sodat die geestes realm daarvan kan kennis neem. Wanneer ons, ons sondes
bely, noem ons hulle een vir een, dan is Hy getrou en regverdig om ons ons sondes te
2

vergewe (1Joh 1:9). Dit is die pragtige belofte dat Sy bloed ons voordurend sal skoon
was maar ons moet wegdraai van daardie sondes.
1.3 Dade
Dade is die moeilker deel van ‘repentance’ en kan baie tyd in beslag neem. Mat 3:8
Dra dan vrugte wat by julle bekering pas. ‘n Wonderlike voorbeeld hiervan is Saggeus
in Luk 19:1-10 wat nadat hy Jesus se boodskap gehoor het, gesê het dat hy
vierdubbeld gaan teruggee aan die wat hy bedrieg het en die helfte van sy goed aan
die armes sal gee. Nog ‘n voorbeeld is Hand. 19:18,19 waar die nuwe bekeerlinge hul
duur okkultiese boeke gebring en verbrand het. Deel van ‘repent’ is om oneerlike
finansiële praktyke reg te stel, om te breek met buite-huwelikse seksuele
verhoudings of die herstel van vrede, ens. As jy nie breek met dit wat jy oor ‘repent’
het nie, gaan jy nie geestelik verder kan groei nie maar net daar stagneer en begin
om terug te val in jou ou weë.
Hoe kan ek iemand help wat wil ‘repent’?
- Hulle moet besef dat dit ‘n baie ernstige saak is wat nie ligtelik opgeneem kan
word nie, met ander woorde bereken die koste, wil die persoon werklik
wegdraai van sy sondes en dit laat staan?
- Wees spesifiek in die belydenis van sondes. Jy kan hulle help met leidende
gesprekke, soos van watter sonde wil jy die graagste voor vergewe word? As
‘n vertrekpunt, kan ook van ‘n vooraf uitgedrukte gedetaileerde lys van
sondes gebruik gemaak word wat aan hom verskaf word om daar op af te
merk waarin hy betrokke was (in die Nuwe Testament word 120 dinge
genoem wat God as sonde sien). Heilige Gees kan gevra word om uit te wys
waar die wortel van ‘n probleem lê soos bv. by homoseksualisme of vrees –
waar het dit begin? Hy wys dalk al in die baarmoeder.
- Wees verstandig ten opsigte van dade. Jy kan nie altyd teruggaan en alles
weer reggestel nie. Let op na dinge soos valsskuld en oordrewe
skuldgevoelens en deel daarmee. Wanneer jy in opregtheid iemand om
vergifnis gevra het, wat jy te na gekom het en regstel wat jy kon, is die onus
nou op daardie persoon om jou te vergewe. Jy kan dan net bly bid as dit nie
dadelik vir die persoon moontlik is om jou te vergewe nie. Verhoudings
herstel nie noodwendig volkome soos in die geval van ‘n egskeiding nie maar
daar kom ‘n goddelike vrede, ten spyte van wat in die verlede gebeur het.
2. Stap 2: Geloof
Wat moet ek glo?
2.1 Glo die Historiese feite
Dit is baie belangrik om in Jesus Christus, God (YHWH) die Messias te glo. Die
fondasie van ons geloof berus op die historiese feite dat Jesus die Seun van Vader
die Almagtige Skepper, mens geword en aarde toe gekom het deur ‘n maagdelike
geboorte. Hy het onskuldig gesterf om ons van ons sondes te verlos. Hy was begrawe
en het weer uit die dood opgestaan en opgevaar na die hemel en sit as die
Regterhand van God.
3

2.2 Geloof is Persoonlik
Die tweede ding wat iemand moet weet, is dat ons geloof persoonlik van aard is. Ons
glo nie net in feite nie maar ook IN God die Messias. Wat Hy gedoen het, het hy vir
ons gedoen. Ons kan ons persoonlik absoluut vereenselwig met wat met Hom as
Persoon gebeur het. Geloof is om jou vetroue volkome in Jesus as Persoon te stel en
om aan Hom gehoorsaam te wees. Dit is om met Hom in ‘n persoonlike verhouding
te wees.
2.3 Geloof word Verbaal uitgedruk
Dit is nodig om jou geloof in woorde uit te druk. Mat 10:32 Elkeen dan wat My sal
bely voor die mense, hom sal Ek ook bely voor My Vader wat in die hemele is. Rom
10:9 As jy met jou mond die Jesus (Y’shua die Meester en Messias) bely en met jou
hart glo dat Abba Vader Hom uit die dode opgewek het, sal jy gered word. Ons moet
ons geloof uitdruk in woorde. Daar is twee maniere hoe ons geloof verbaal uitgedruk
word:
Geloof is om met Jesus, ons Verlosser, te praat en ook om in Sy Naam te bid.
Geloof is ook om met ander oor Hom te praat, dit versterk jou geloof.
2.4 Geloof word Praktiese Dade
Ons word geregverdig deur geloof en nie uit werke nie maar Jakobus 2 sê ook
duidelik dat geloof werke voortbring, anders is dit dood. Werke is die bewys dat ons
glo. Wanneer laas het jy in Jesus, die Messias, geglo? Wanneer laas het jy ’n daad
van geloof gedoen? Wanneer laas het jy die risiko geneem om plat op jou gesig te val
as Jesus nie daar sou wees om jou te vang nie. Dit is die enigste geloof wat die Nuwe
Testament erken – geloof wat oorgaan tot dade (Hebr 11). Geloof is wanneer jy jou
geloof in God en Sy beloftes in die Woord, om sit in dade.
2.5 Geloof verg Volharding
Dit is nie die wat in geloof begin het, wat gered word nie, maar hulle wat volhard in
die geloof wat gered word. Daar staan nêrens in die Woord dat as iemand een keer
gered is, dat hulle altyd gered is nie. Volhardende geloof is om te bly glo, selfs al lyk
alles lynreg teen wat jy glo en steeds hou jy aan om Hom te vertrou. Dit is hoe Daniël
se drie vriende geglo het. Dan 3:17,18 As onse God wat ons dien, in staat is om ons
te verlos, dan sal Hy ons uit die brandende vuuroond en uit u hand, o koning, verlos;
maar so nie, laat dit u dan bekend wees, o koning, dat ons u gode nie sal dien nie en
die goue beeld wat u opgerig het, nie sal aanbid nie. Ek bly glo. Al gebeur dinge nie
soos wat ek dink dit moet uitwerk nie, sal ek steeds vas bly glo en op Hom vertrou.
Heb 10:38,39 Maar die regverdige sal uit die geloof lewe; en as hy hom onttrek,
(teruggaan na sy ou lewe) het My siel geen welbehae in hom nie. Maar by ons is daar
geen onttrekking tot verderf nie, maar geloof tot behoud van die lewe. Wanneer ons
aanhou om ‘n lewe van geloof te lewe deur altyd op God te vertrou, word ons gered
en sal nooit vergaan nie. Mat 10:22 ... Maar wie volhard tot die einde toe, hy sal
gered word.
2.6 Hoe kan ek iemand help om geloof te behou?
Demonstreer eers die koninkryk en verkondig dit dan. Dit help nie om mense met
woorde (preke) alleen te probeer oortuig nie, hoewel dit belangrik is dat hulle die
4

feite ken. Y’shua het Sy dissipels na die dorpe gestuur met die opdrag: maak die
siekes gesond, reinig die melaatses (vandag die wat HIV is), wek die dooies op, dryf
duiwels uit en verkondig aan hulle die Koninkryk van God (Mat 10:8; Luk 9:1,2). Wys
hulle die verskil wat dit aan individue se lewens maak. Moedig hulle aan om in hul
eie woorde self te bid. Dit is dan maklik om agter te kom waar hulle geestelik is en
kan van daar af verder gehelp word.
Laat hulle ‘n doelstelling in hul geloof nastreef. Gestel hulle worstel met ‘n probleem
of behoefte, sê aan hulle dat jy saam met hulle bid, glo en vertrou vir die uitkoms.
Begin by iets kleins op die vlak waar hulle geloof is, al is dit om in die Naam van Jesus
te bid vir iets soos skilfers om weg te gaan. Geloof groei soos wat antwoorde op
gebede verkry word. Moedig hulle aan om elke dag aan te hou met glo en vertroue
te stel in ons Hemelse Vader vir iets spesifieks in hul lewens, om hul te strek om
dinge in Hom te begin doen wat hul nog nooit vantevore gedoen het nie.
3. Stap 3: Die Waterdoop
Dit is meer as net ’n nat getuienis of ’n stap van gehoorsaamheid. Waar ek reeds tot
bekering gekom het, voltooi die doop in water hierdie stappe deur finaal af te handel
en te breek met my ou lewe. Dit is om te sterf en begrawe te word saam met Jesus,
skoon gewas te word van my sondes, en saam met Hom op te staan in ‘n nuwe lewe
saam met Hom, vrygemaak van die bande wat my na my ou lewe wou teruggetrek.
Die doop het ‘n dubbele betekenis: Dit is ‘n begrafnis en ‘n skoonwas. Dit is ‘n
bevryding. 1Pet 3:21 which figure now also saves us: immersion – not a putting
away of the filth of the flesh, but the answer of a good conscience toward Elohim –
through the resurrection of עשוהי Messiah (The Scriptures). Lees ook Hand 22:16;
Rom 6:4; Kol 2:12 in jou gunsteling Bybel.
3.1 Waarom en hoe moet ons, ons laat doop?
Dit is ‘n direkte opdrag wat Jesus aan ons gegee het: Die heel eerste ding wat Jesus
voor Sy hemelvaart Sy dissipels beveel, is om nuwe dissipels te doop. Mat 28:19
Gaan dan heen, maak dissipels van al die nasies, en doop hulle in die Naam van God
die Vader en die Seun en die Heilige Gees; en leer hulle om alles te onderhou wat Ek
julle beveel het. Die doop word direk gekoppel aan redding van ons sondes (Mar
16:16). Dit is ‘n simbool van om skoon gewas te word met die bloed van ons
Verlosser en dus die vergewing en verwydering van sondes. Dit sou vir die dissipels
in die Nuwe Testament ondenkbaar gewees het dat mense hulself as dissipels van
Jesus, (God YHWH) kon reken sonder die doop, omdat hierdie stap van
gehoorsaamheid die heel eerste uitdrukking van bekering en geloof is. Enigiemand
wat weer gebore is, kan ‘n nuweling doop die Woord spesifiseer nie dat dit iemand
in ‘n spesifieke amp moet wees nie, waarskynlik juis sodat niemand kan spog oor wie
hom gedoop het en so die betekenis daarvan mis nie (1 Kor 1:14,15).
3.2 Ons moet voldoen aan die voorwaardes voordat ons gedoop kan word
Ons moet eers glo in Jesus Christus en dit wat die Messias vir ons gedoen het (Joh
4:24; 6:47; 12:46; Hand 4:10-12) en ons bekeer (‘repent’) van ons sondes teenoor
Vader, Wie se Woord ons verbreek het (Mat 4:17; 11:21; Hand 2:38; 14:15).
5

3.3 Hoe is daar in die Nuwe Testament gedoop?
Met onderdompeling in baie water. Mar 1:10 En dadelik toe Hy (Jesus) opklim uit die
water, sien Hy die hemele skeur en die Gees soos ‘n duif op Hom neerdaal. (Mat 3:16;
Joh 3:23; Hand 8:36-38).
Die waterdoop deel met jou verlede. Dit begrawe die verlede en maak jou skoon en
leeg. Skoon en leeg is egter ‘n baie gevaarlike geestes toestand om in te wees(Mat
12:44,45).. Dit is uiters noodsaaklik om die persoon dan so gou as moontlik te vul
met die Gees van God.
4. Stap 4: Die Ontvang van die Gees van God
Wie kry die doping met die Heilige Gees? Hand 2:38 Bekeer julle, en laat elkeen van
julle gedoop word in die Naam van Jesus Christus tot vergewing van sondes, en julle
sal die gawe van die Heilige Gees ontvang. The Scriptures vertaling sê: Act 2:38 And
Kĕpha (Petrus) said to them, “Repent, and let each one of you be immersed in the
Name of עשוהי Messiah for the forgiveness of sins. 1 And you shall receive the gift of
the Set-apart Spirit. (Footnote: 1 See verses 2:40, 3:19, 3:26.)
Die vereistes vir doping of ontvang van die Gees van God is: Net hulle wat hul
bekeer, in Hom glo, Sy Woord aanneem, dit doen en daarin wandel en hulle laat
doop word met die Gees van God gedoop. Daarna is die vereiste volharding in die
vrees van God.
Elke dissipel van Jesus Christus het twee dope nodig: die een in water en die een in
die Gees, om uit water en uit Gees gebore te kan wees (Joh 3:5). Kyk hoe duidelik
word die boodskap van die apostels in die Nuwe Testament gestel in - En Petrus sê
vir hulle: Bekeer julle, en laat elkeen van julle gedoop word in die Naam van Jesus
Christus tot vergewing van sondes, en julle sal die gawe van die Heilige Gees ontvang
(OAV). ‘Repent,’ glo, doop en die ontvang van die Gees van God was hoe dit meestal
op mekaar gevolg het. Geloof is die dryfveer van die stappe. Daar is vir die mense
kort nadat hul gedoop was, gebid en hande opgelê om die Heilige Gees (Ruwach
Qaduwsha) te ontvang. Daar is twee uitsonderings vir ons in die Nuwe Testament
aangeteken waar mense (nie-Jode) eers die doping met die Gees gekry het, voordat
hulle gedoop was (waarskynlik omdat Jode nooit nie-Jode sou gedoop het as hulle
nie gesien het dat God aan hulle die Heilige Gees gegee het net soos vir hulle, die
Jode-self nie) .
Ons kan sê dat die ontvang van die Gees van God die ‘suur’ toets is of jy in die
Koninkryk van God aanvaar gaan word of nie. (Lees in Mat 25:1-13 die gelykenis van
die 10 maagde waarvan net die 5 met ekstra olie (‘n simbool vir Heilige Gees) by die
‘bruilof’ toegelaat was.) Vader gee Sy Gees net aan Sy kinders. Die wêreld kan Sy
Gees nie ontvang nie (Joh 14:16,17, Jud 1:19). Rom 8:9 Maar as iemand die Gees van
Christus (Messias) nie het nie, dié behoort nie aan Hom nie.
Geloof in God Almagtig, is nie dieselfde as om gevul te wees/word met Heillige Gees
nie (Hand 19:2,5,6). In Handelinge 8:5-17 word vertel van Filipus wat in ‘n stad in
Samaria die Goeie Nuus van die Messias verkondig het, saam met bevrydings, tekens
en wonders en die hele skare het tot bekering gekom. Hulle het ‘repent,’ en geglo en
6

is in water gedoop en hulle was vol blydskap. (Vers 16) maar daar staan geskrywe
hulle het nog nie die Heilige Gees ontvang nie.
Hoe het Filipus en die ander dissipels geweet dat hierdie nuwe bekeerlinge van
Samaria nog nie vir Heilige Gees ontvang het nie, ten spyte van al die wonderwerke
en bevrydings wat plaasgevind het, sowel as dat hul, hul bekeer en geglo het en in
die Naam van Jesus gedoop is en vol vreugde was? Hulle sou dit slegs kon weet as
doping met die Gees gepaard gegaan het met ‘n ervaring waarvan daar ‘n uiterlike
bewys was. Invul of doping met die Gees is ‘n defnitiewe gebeurtenis, op ‘n dag met
‘n datum, waarvan jy net so bewus is, as die oomblik toe jy in water gedoop is. Jy
weet net so seker dat jy die doping met die Gees ontvang het, as toe jy onder die
doopwater in gegaan het.
Wat is die uiterlike bewys dat ‘n persoon die Heilige Gees ontvang het?
Die woord ‘gevul’ sê vir ons dat daar ’n oorvloei is. Waarmee jy ookal gevul is, sal dit
wees waarvan jy ’n oorvloei het. Y’shua het gesê in Mat 12:34 Want uit die oorvloed
van die hart praat die mond. Die ontvang van die Gees is nie net die stil binne wete
of bevestiging dat God jou Vader is nie, maar die Woord sê in: Gal 4:6 En omdat julle
kinders is, het God die Gees van sy Seun in julle harte uitgestuur, en Hy roep: Abba,
Vader! Daar is ‘n manifestasie van die Gees wat jou na buite laat uitroep dat jy aan
jou Vader behoort. Dit is ’n uitroep, nie bloot ’n inwaartse gedagte of gevoel nie, dit
is ’n versugting wat uitbars in klanke. Wanneer jy uitroep Abba Vader! getuig die
Gees saam met jou gees dat jy kind van God is (Rom 8:16).
Daar kan verskillende uiteringe wees. Die Nuwe Testament praat die meeste van
‘spreek in tale.’ Wanneer Hy jou vul kan jy jouself in ’n taal vind praat wat jy nooit
aangeleer het nie en ook nie verstaan nie. ‘Moet’ ek in ’n ander taal praat? Nee, dit is
nie ‘n moet nie. Die vraag is eerder ‘wil’ jy in ‘ander tale’ praat? Ja, jy kan. Dit is die
enigste Gawe van die Gees wat tot stigting is van jouself. Die ander Gawes van die
Gees is almal om ander te help of te bedien. Dit is een van die redes waarom Paulus
soveel ontbering en vervolging kon deurstaan. Hy het gesê dat hy meer in tale bid as
die ander. Hy het daarmee homself gestig en opgebou. Dit het hom versterk om slae,
marteling, skipbreuk, die tronk en steniging te kon deurstaan.
Die bevestiging daarvan dat iemand gedoop is in die Gees, is dat daar ’n oorvloei van
spontane geestelike woorde is, hetsy in jou eie bekende taal of in onbekende tale.
Dit kan ’n spontane uitbarsting van lofprysinge, dank en aanbidding wees, soos
byvoorbeeld ’n normaalweg baie skaam persoon wat jubelend ‘Halleluja’! (Prys God)
uitroep. Dit kan wees dat die persoon begin profeteer. Daar is gewoonlik ook ’n
defnitiewe emosionele of liggaamlike ervaring van oorstelp wees, trane wat vloei, ’n
fisiese gevoel van warmte wat jou oorspoel of lamheid en onwilligheid van jou lyf om
te bly staan. Daar kan ook ’n borrelende gevoel wees soos opgewondenheid of
vreugde. Die belewenisse is onbeperk en elkeen wat dit kry ervaar dit op ’n unieke
manier. Maar jy weet as jy dit ontvang het.
Die gevolg van die ontvang van die Gees is dat dit vrugte dra en die gevulde persoon
begin om in die Gawes van die Gees te funksioneer. Daar is dade van geloof: siekes
7

word gesond in die Naam van Jesus, profesië gaan uit, woorde van kennis en
wysheid word gegee, met ander woorde die persoon word toegerus met die ‘krag’
van God vir diens in die ‘liggaam’ (dissipels) van Messias. Ontvang van die Gees is
nooit vir selfverryking of bloot vir die ervaring daarvan nie maar om die ‘Liggaam’ te
dien.
Hoe het hulle in die Nuwe Testament die Gees van God (die Heilige Gees) ontvang?
Hulle het gesoek na die Gawe van die doping/vervulling met Heilige Gees. Hulle het
dit begeer. Hulle het daarvoor gevra en aangehou om daarvoor te vra. Hulle het
gebid. Bykans almal het dit gekry nadat hulle ‘repent’ en geglo het en meestal nadat
hulle in water gedoop is, deur gebed en of gebed en handoplegging. Bid en hou aan
met bid en jy sal ontvang (Luk 11:9.10). Luk 3:21,22 En toe die hele volk gedoop en
Jesus ook gedoop is, en Hy besig was om te bid, het die hemel oopgegaan; en die
Heilige Gees het in liggaamlike gedaante soos ‘n duif op Hom neergedaal. Hulle het
gebid en Heilige Gees ontvang Hand 1:14; 2:1-4; 8:15; en hande opgelê Hand 8:17;
19:6. Dit is ook hoe ons dit ontvang: deur in gebed te vra, en deurdat iemand wat
weergebore is en reeds met Heilige Gees vervul is, vir ons bid en hande oplê. ’n
Persoon wat reeds vervul is met Heilige Gees kan weer en weer gevul en versterk
word met die Gees (Hand 4:31). Onthou dit gaan nooit oor die persoon wat jou in
water doop of in die Gees doop nie, dit is God wat die geestelike aksie laat gebeur,
nie ’n mens nie.
Wat nou as jy vir iemand bid en hande oplê vir doping met die Gees en niks gebeur
nie?
Daar is ’n hele klompie moontlike redes hier voor:
1) Dit kan wees dat hulle nog nie ten volle ‘repent’ het nie, doen dit eers.
2) Hulle het dalk nog nooit in geloof in hulle Verlosser gehandel nie.
3) Hulle is dalk nog nie in water gedoop in die Naam van God, die Vader, Die Seun
en Die Gees nie.
4) Hulle weet dalk nie wat om te verwag nie, verduidelik dit aan hulle.
5) Mense weet dalk nie hoe om die gawe te ontvang nie. Dit is ‘n Geskenk wat
hulle in ontvangs moet neem, om dit te kan kry. Jy sal nooit die gawe van ‘n
nuwe taal hê as jy nie jou mond oopmaak en in geloof begin praat nie.
Sommige mense begin net om te brabbel, dit is nie die ‘taal’ nie, maar dit help
hulle om oor die inhibisie te kom van om snaakse klanke met jou mond voort te
bring en voor hulle weet, begin hulle om in ‘n taal te praat. Die persoon
verstaan nie die taal wat hy praat nie. Hy ontvang aktief wanneer hy dit begin
doen wat hy gevra het.
6) Party mense vrees om die verkeerde ding te kry. Jesus het gesê soos wat jou
aardse pa nie vir jou ‘n klip sal gee wanneer jy vir hom ‘n brood vra, en nie ‘n
skerpioen wanneer jy hom vir ‘n vis vra nie, soveel te meer sal jou Hemelse
Vader Sy Gees gee aan die wat hom vra (Luk 11:13). Jy hoef nooit bang te wees
dat Hy jou die verkeerde ding sal gee nie.
7) Die temperament van ons kultuur is ‘n probleem, ons hou nie daarvan om ons
emosies te wys of uit beheer te voel nie, veral die manne is bang dat dat hulle
beheer oor hul emosies sal verloor en begin huil. Dit kan verhinder dat die
Gawe van die Gees ontvang word omdat Hy deur hierdie vrees teëgestaan
8

word. Die Gees laat manne huil, moontlik vir die eerste keer vanaf klein
seuntjie tyd. Wat ‘n bevryding! Y’shua was ‘n man en Hy het gehuil!
8) Verkeerde lering kan ‘n probleem wees soos dat hierdie bo-natuurlike dinge nie
in pas by vandag nie maar dat dit aan die tyd van die Nuwe Testament behoort
en in die dae van die apostels en het dus uitgesterf. Daarom vra mense nie vir
die Gawe nie omdat hulle hierdie leuen glo, of hul kan selfs glo dat die bonatuurlike
demonies is.
9) Nog ‘n probleem is dat ons nie vir Heilige Gees ken nie, as gevolg van die
leerstellings van die kerke waar ons aanbid. Die fokus val dalk op net een of
twee Persone van die Drie-eenheid of selfs hoofsaaklik op die Woord.
10) Verkeerde lering waar die nuwe bekeerling nie geleer is dat al vier stappe,
‘repent,’ geloof, doop en doping met die Gees, nodig is om weer gebore te
word nie, kan maak dat hulle nie die nut van die waterdoop en doping met die
Gees insien nie. Dit is gewoonlik waar ‘n tipiese “Turn or Burn” evangelie
verkondig is met die agterna bid van ‘n sondaarsgebed en die persoon nie
daarna gedissipels is nie, maar daarvan verseker was dat hy nou sy kaartjie
hemel toe het.
‘n Voorbeeld van ‘n tipiese sondaarsgebed wat jare terug baie gebruik was,
is:
“Here Jesus, ek weet dat ek ‘n sondaar is. Ek glo dat U vir my gesterf het vir
my sondes en vergewe asseblief my sondes. Ek maak nou die deur van my
hart en lewe vir U oop. Ek neem U aan as my persoonlike Here en Verlosser.
Dankie dat U my nou gered het. Amen.”
Aan Wie bely hy watter sondes? Gaan hy daarvan wegdraai? Waar is geloof en
vertroue in en verhouding met sy Messias? Waar is Vader en Heilige Gees en
waarvan is hy nou gered?
5. Dit bring ons by die twee evangelies wat verkondig word.
Waarvan word bekeerlinge gered? Die algemeenste begrip is om van die hel gered te
word, maar dit is nie die Nuwe Testamentiese begrip nie. Dit kom vanaf sekere
herlewingsbewegings. Dit beteken dat mense primêr die evangelie hoor as ‘n
nooduitgang en ‘n versekeringspolis vir die volgende wêreld. Mense sou moontlik
iets hoor soos: “As jy vanaand sterf, sal jy in die hemel of die hel wees?” Dit is op
sigself nie verkeerd om dit te vra nie maar dit is nie hoe die apostels gepreek het nie.
Hulle was meer besorg oor lewe as oor dood, wanneer jy more lewe, sal jy in die
Koningkryk van die Hemel of in die koninkryk van duisternis lewe? Gered van die hel,
is slegs die bonus.
Dit bring ons weer terug na die ware name van God (YHWH) wat vir solank deur die
vyand van ons weggehou is. Yahuwshua beteken God red/God verlos. Dit was Jesus
se Naam toe Hy op aarde gewandel het. Hy is nie ‘n Redder van die hel nie. Hy is ‘n
Redder van sondes. Hy is die Lam van YHWH wat gekom het om die sondes van die
wêreld weg te neem. Hy het nie net gekom om net die prys vir die sonde te betaal
nie, maar ook om dit weg te neem. Dit beteken as Hy nie daardie sondes uit jou lewe
weggeneem het nie, sou jy nie verlos gewees het nie.
9

Indien dit net gegaan het om van die hel gered te wees, dan was dit glad nie
belangrik om van jou sondes verlos te word nie. Maar om verlos te wees van sonde,
is om oor die lewe besorg te wees. Dit lei na ‘n lewe van afgesonderheid en
heiligmaking en om in ‘n reinheid te lewe, gereed vir dienslewering. Dit is wat
verlossing is. Dit is nie net ‘n kaartjie hemel toe om van die hel te ontsnap nie. Dit is
om te verlos, herwin en herstel te word tot jou oorspronklike beeld (na die beeld van
jou Verlosser) sodat jy weer ten volle kan liefhê en dien. Dit is ’n proses.
Moet ek gedoop word om gered te word? Die vraag daarop is ‘gered’ van wat? Die
doop is nodig om gered te word van jou sondes, om in oorwinning daaroor te kan
lewe.
Dit bring ons terug na die twee tipes ‘evangelies’ wat verkondig word. Ter illustrasie
om dit makliker te verduidelik, gaan ons vir die oomblik gebruik maak van die twee
bekende benamings ‘Christen’ vir die ‘Turn or Burn’ – ‘gered van die hel’ - evangelie,
en die benaming ‘Dissipels’ wat ‘volgers’ van God/ ‘Jesus Christus,’ die Messias,
beteken soos wat die Nuwe Testament ons leer.
Die verskille tussen die twee evangelies wat meestal verkondig word, is:
1.
2.
3.
4.
5.
6.
7.
8.
‘Turn or Burn’ evangelie Nuwe Testament Evangelie
Wil hel vryspring
Klem op regverdigmaking
Jesus is Verlosser
Glo? en ‘repent in algemeen’
Minimum om gered te word
Bekeerling
Genade is alles, leef soos wil
Christen sonder ‘krag’
Wil verlos word van sondes
Regverdigmaking is Die Weg na
heiligmaking
Jesus Verlosser en Meester
‘Repent’ spesifiek aan Vader, Geloof in
Messias, Waterdoop en ontvang Heilige
Gees
Maksimum om gered en verlos te word
Dissipel word bruikbaar vir God
Genade en ‘n rein lewe
Volwasse dissipel toegerus met Krag
1. Gered van die hel/Gered van sondes
Enigiemand wat die geleentheid gebied word om gered te word van die hel, is ‘n
dwaas as hulle nie die offer wil aanvaar nie. Dit is ondenkbaar dat iemand nie hierdie
keuse sal wil maak nie. Maar die ander aanbod is: Wil jy verlos word van jou sondes?
Wil jy vry wees van jou slegte gewoontes? Wil jy graag reg lewe?
2. Regverdigmaking/ Regverdigmaking is Die Weg na Heiligmaking
Die verskil tussen die Goeie Nuus van God en ander godsdienste is dat dit die enigste
is wat sê dat regverdigmaking voor heiligmaking kom. Die ander sê kry eers jou lewe
reg dan sal god jou aanvaar. Maar Jesus die Messias se boodskap is dat jy net in Hom
geregverdig kan word, waarna Hy jou reinig en heilig maak. Jesus aanvaar ons eers,
dan maak Hy ons reg sodat ons heilig kan word. Dit is ‘n belangrik, Hy vergewe sodat
ons reg kan lewe. Onthou Sy optrede teenoor die vrou wat in owerspel betrap is. Joh
8:11 En sy antwoord: Niemand nie, Here. En Jesus sê vir haar: Ek veroordeel jou ook
10

nie. Gaan heen en sondig nie meer nie. Dus: Moenie aangaan met jou ou lewe nie. Ek
vergewe jou om reg te lewe. As daardie vrou aangehou het om reg te lewe sou sy
weer bruikbaar geword het vir God en Hom as haar Meester liefgehad het.
Watter evangelie verkondig ons? ‘n Versekeringspolis vir na die dood, of ‘n nuwe
lewe wat ons reguit na die hemel sal lei. Die meeste mense wil dit andersom doen:
hulle wil nou op aarde ‘gelukkig’ (wêrelds) wees en later ‘hierna’ heilig lewe. God sê:
Ek sal jou nou heiligheid gee en ewige vreugde.
Die evangelie om gered te word van die hel, maak dat die bekeerling nie weet waar
die waterdoop en ontvang van die Gees inpas nie. Hulle sal vir jou sê dat jy net nodig
het om te glo en dan gaan jy hemel toe. Maar ware verlossing is ’n proses wat begin
met regverdigmaking. Wanneer ons Hemelse Vader jou aanvaar en jou sondes
vergewe, is dit om jou te lei op die pad van heiligmaking. Hy maak jou heel. Dit word
voltooi wanneer Hy jou ‘n nuwe liggaam gee en alles weer herstel tot Sy
oorspronklike staat, dan is die proses eers ten volle voltooi.
3. ‘Jesus’ is net Verlosser / Jesus Verlosser en Meester
‘Vrees vir die hel,’ evangelie fokus op ‘Jesus’ as Redder, nie soseer Redder van
sondes nie, maar dat Hy die prys betaal het, sodat mense die hel kan vryspring. Die
Nuwe Testament fokus op ‘n verhouding met God Drie-enig deur Jesus (Yahuwshua -
Yah verlos/red) wat ons sondes wegneem en ons daarvan verlos. Ons belangrikste
verhouding op aarde is die met Heilige Gees want Hy is hier op aarde by ons. Ons kan
net deur Hom in Gees en waarheid, God die Vader en God die Seun aanbid, dien en
liefhê as ons Meester.
4. Glo? en ‘repent’ in algemeen / ‘Repent’ spesifiek, Geloof, Doop en ontvang
Heilige Gees
‘Red my van die hel,’ evangelie, fokus daarop om te glo dat ‘Jesus’ vir ons sondes
gesterf het en my vergewe het en dat as ek net probeer om dit nie weer te doen nie,
is dit voldoende. Die Nuwe Testament sê dat ons, ons sondes spesifiek moet bely
1 Joh 1:9; Jak 5:16. Ons moet persoonlike geloof hê in God die Seun Mat 17:20; Mar
5:34; Luk 18:42; Hand 15:9; Rom 1:17; 3:22; 5:1; Gal 2:16; 3:7; Hebr 11:1. Laat julle
doop en julle sondes afwas Hand 22:16; Sterf saam met Messias en staan op in ‘n
nuwe lewe in Hom 1 Pet 3:21. Jy word deur die ontvang van doping met die Gees
van God, toegerus tot diens Hand 1:8; 2:17,18; 4:31; 10:44; 19:6; 1Kor 12:1-11 en
14:1-25. Om weer gebore te wees, gaan dus alles oor ‘n verhouding met God.
5. Minimum om gered te word / Maksimum om gered en verlos te word
Die strewe na die minimum vereistes om gered te word van die hel, sluit dikwels die
gevaarlike leerstelling in van ‘een keer gered, altyd gered’. Die probleem is dat
mense wil so gou as moontlik gered voel en hou van oppervlakkige kitsoplossing.
Ons moet die waarskuwings van die skrywers van die Nuwe Testament as baie
ernstig beskou dat dit moontlik is om jou saligheid te verloor. Hebreërs 6:4-6
waarsku dat as ons eers ons Verlossing verloor het, dat ons dit nie weer kan terug
kry nie. Jesus het gesê dat as sout sy smaak verloor het, kan dit nie weer sout
gemaak word nie. Daar het ten minste 2 ½ miljoen mense met Israel se uittog uit
11

Egipte getrek net 2 van die oorspronklike volwassenes het in Kanaan ingegaan.
Hierdie voorbeeld uit die Ou Testament word deur vier skrywers van die Nuwe
Testament gebruik om dissipels te waarsku, dat om te begin, nie die waarborg is dat
jy daar gaan uitkom nie. Die waarskuwing is om aan te hou om te glo dat Hy aan wie
jy jouself toevertrou (‘commit’) het, jou kan bewaar. God Almagtig sê dat Hy jou
bewaar maar dit gaan saam met dat jy jouself moet bewaar. Bv. Jud 1:20,21 Maar
julle, geliefdes, moet julleself opbou in jul allerheiligste geloof en in die Heilige Gees
bid en julleself in die liefde van God bewaar. Hy kan jou daarvan bewaar om te val,
maar bewaar jouself in die liefde van God. Daar is twee kante van om jou te bewaar:
Ons moet Hom vertrou dat Hy sal aanhou om ons vas te hou, en wie volhard sal
gered word (Mat 10:22; 1Tim 4:16).
6. Bekeerling / Dissipel word bruikbaar vir God
Wanneer jy ‘n nuwe bekeerling deur hierdie vier stappe neem wanneer hy tot geloof
kom, het hy nog nie gearriveer nie, maar hy is nou op die regte platvorm. Dit is nodig
dat hy in ‘n geestelike familie geplaas moet word, net soos wat elke baba nodig het
om in ‘n gelukkige familie te bly, waarin hy kan opgroei en begelei word tot
volwassenheid. Maar babas is raserig en hulle is vuil en hulle het baie aandag nodig.
Hulle het gereeld melk nodig en moet bekendgestel word aan vaste kos op die regte
tyd. Geestelike babas is dieselfde. Hulle het nodig om op te groei en aan te hou om
te vertrou en moet geleer word, om alles te onderhou wat Jesus gegee het, om
volwasse dissipels te word Mat 28:19. Onthou die Nuwe Testament sê nêrens dat
ons mense net sover moet kry om Jesus te kies nie, maar om dissipels te maak. Wees
dus ‘n goeie vroedvrou!
7. Genade is alles, leef soos wil / Genade en ‘n rein lewe
Waar die genade van God oorbeklemtoon word, lei dit maklik tot verval in die
valslering dat omdat Jesus reeds vir alle sondes gesterf en betaal het, daarom kan
mense dus, so lank as wat hulle glo dat Hy hul sondes vergewe het, maar aanhou om
te sondig en te lewe soos hulle wil. Sommige glo selfs dat dit dalk eenkeer nodig is
om sondes in die algemeen te bely en dan is dit veraltyd afgehandel en hoef jy nooit
weer te bely of jammer te sê nie. Ons Hemelse Vader se genade is groot, sodat ons
‘n nuwe begin in ons Messias kan maak en op Sy Weg kan wandel om verander en
herstel te word na Sy beeld (lees Romeinse 6).
8. Christen / Dissipel
Is jy ‘n minimum ‘Christen’ sonder vrug of geloofsekerheid soos wat baie mense
dwarsoor die wêreld beweer dat hulle ‘Christene’ is. Soek meer en word ‘n
maksimum dissipels, wees eers tevrede wanneer Hy jou volkome herstel het na Sy
beeld.
6. Gered Uiteindelik
Dalk het Abba Vader jou gewys het dat jy nog nie al vier stappe het nie. Moenie dat
dit jou ontmoedig of onder kry nie. Jy is Sy dissipel. Jy is op Die Weg. Al wat belangrik
is, is dat jy nie net by dit sal bly vashaak wat jy reeds het nie, maar dat jy die ander
dinge wat jy nog nie het nie, sal soek en najaag. Soek daarvoor, en moenie ‘n
12

minimum ‘Christen’ bly en veronderstel dat jy alles het om gered te word nie, maar
sê: “Ek wil meer hê.” Daar is altyd meer, maak nie saak hoe lank jy op Die Weg is nie.
Maar laat hulle wat reeds weet dat hulle op Die Weg is, die babas versorg, Joh 21:15-
17. Kom ons wees goeie vroedvroue en kyk na die kleintjies in ‘n familie, totdat hulle
ten volle ontwikkel en groei het na die beeld van Jesus, sodat hulle gered en verlos
kan word en volhardend op Die Weg tot herstel na hul oorspronklike staat in God.
7. Gebed om Nuut Gebore te word
Indien jy dalk nog nooit ‘n oorgawe aan ons Hemelse Vader gemaak het nie en graag
‘n kind van God, die Skepper van die heelal(YHWH) wil word of seker wil maak dat jy
wel een is, kan jy die volgende gebed as ‘n riglyn gebruik. Bid in jou eie woorde, bely
jou sondes, verklaar jou geloof in Jesus jou Verlosser (Y’shua) en nooi Heilige Gees
om jou vol van Hom te maak. Laat jou so spoedig moontlik in water doop in die
Naam van God die Vader, die Seun en die Gees, sodat jy as ‘n wedergebore,
gedoopte en rein Geesvervulde kind van God in Sy krag kan lewe.
Vader in die Naam van U Seun, Jesus Christus, kom ek na U toe en bely met skaamte
en berou dat ek die volgende sondes gedoen het: _____ (bely elkeen wat jy kan
onthou al neem dit ‘ n tydjie). Vergewe my asseblief en was my skoon met die bloed
van U Seun, Jesus, om my te verlos van my sondes. Ek vra dat U ook die slegte saad
en slegte vrugte van my dade sal vernietig sodat ek en my gesin nie die slegte
gevolge daarvan verder sal oes nie. Dankie my Vader dat U my gereinig het van my
sondes want U Woord sê: As ons, ons sondes bely, Hy is getrou en regverdig om ons
die sondes te vergewe en ons van alle ongeregtigheid te reinig (1 Joh 1:9).
My Hemelse Vader, ek glo dat U Seun, Jesus (Y’shua), as mens aarde toe gekom het.
Hy het vir my sondes gesterf en daardeur my met U versoen. Hy gaan weer kom en
vir ewig oor alles heers. Jesus sal U asseblief altyd my Verlosser en die Koning van my
lewe wees. Ek wil altyd aan U gehoorsaam wees.
Kosbare Heilige Gees kom woon asseblief in my. Vul my met U Gawe en Krag. Rus my
toe vir elke werk wat U vir my het. Leer my hoe om God Drie-enig in Gees en
Waarheid te aanbid. Ek vra dat U asseblief vir my ‘n gebedstaal sal gee om my op te
bou en te stig. Verander my dat ek soos my Verlosser, Jesus kan wees.
Amen
13