http://pubs.ext.vt.edu/400/400-795/400-795.html

Opskrif: Dragtigheids- en bulondersoeke in beeste
Vraag: Ek boer in die Kosterdistrik met Brahman x Charolais beeste. Ek het 24 verse in 2009
teruggehou en in Julie 2010 ‘n Angusbul by hulle gesit. Ek het tot dusver geen tekens van dragtigheid
gesien nie. Moet ek dragtigheidsondersoeke doen of hulle nog ‘n kans gee? Wessel Verwey.
Antwoord:
Koeie en verse wat elke jaar kalf is die sleutel tot ekonomiese suksesvolle beesboerdery.
Om dit te bereik is die volgende belangrik:
Verse en koeie moet in ‘n kondisietelling tussen 3,25 en 3,5 op ‘n 5 punt skaal en tussen 5
en 6 op ‘n 9 punt skaal tydens paring wees om goeie konsepsie te verkry. Om dit te bereik,
moet die koei alreeds in ‘n goeie kondisie tydens haar vorige kalwing wees.
'n Baie volledige artikel met foto’s kan afgelaai word by :
http://pubs.ext.vt.edu/400/400-795/400-795.html
Artikel : Body condition scoring beef cows. Outeurs :Eversole,Browne, Hall & Dietz
Meaker, J 1991
Bulle moet voor paring deur u veearts vir vrugbaarheid en deksiektes (trigomoniase, vibriose
en brusellose) getoets word
Maak seker dat die bul goeie deklus het en dekbehendig is.
Ideale bul tot koei verhouding is: 1 tot 25
Die bulle moet ook gereeld dopgehou word om te kyk of hulle die koeie en verse dek.
Die ideale tydperk wat bulle by koeie loop, is nie langer as 3 maande nie. Dit vergemaklik die
bestuur van jou kalweroes.
Twee tot drie maande nadat die bulle by die koeie uitgehaal word, word die vroulike diere
deur die veearts ondersoek: Dragtige diere word geїdentifiseer
Diere wat nie in kalf is nie word uitgeskot om sodoende die
vrugbaarheidstatus van die kudde te verhoog en probleme vorentoe uit
te skakel.

Na die ondersoeke word nagegaan of daar ‘n probleem in die kudde is, die bestuursprogram
word nagegaam en indien nodig word regstellings gemaak.
In bogenoemde geval lê die fout heelwaarskynlik by die bul en word aanbeveel dat die bul
asook die vroulike diere so gou moontlik deur ‘n veearts ondersoek word.
Geskryf deur: dr. Faffa Malan met insette deur drs. Neil Fourie en Hannes Dreyer
22 Junie 2011
Lees ook:
Kry bultoets voor kooptransaksie
Gevaarligte vir bulle en bulkopers
Berei teelbulle en –ramme voor vir paarseisoen
Hoe lank bly ‘n bul by koeie?
Teelouderdom vir bulle
Onvermoё van bul om koeie te bevrug
Vasgestelde dek en kalfseisoene
Trigomoniase in beeste
Vibriose in beeste