Mylpaalgids vir die eerste 6 jaar - Osieteddies
Mylpaalgids vir die eerste 6 jaar - Osieteddies
Mylpaalgids vir die eerste 6 jaar - Osieteddies
Create successful ePaper yourself
Turn your PDF publications into a flip-book with our unique Google optimized e-Paper software.
<strong>Mylpaalgids</strong> <strong>vir</strong> <strong>die</strong> <strong>eerste</strong> 6 <strong>jaar</strong><br />
By Sandra Coetzee<br />
Wanneer blom jou kind net 'n bietjie later en wanneer het hy 'n ontwikkelingsprobleem?<br />
Other stories you may find interesting:<br />
Ontwikkel fynspiere<br />
As ons gelukkig genoeg is om <strong>die</strong> lewe te skenk aan gesonde en fisiek normaal ontwikkelde babas wil<br />
ons graag hê hulle moet probleemloos deur al <strong>die</strong> verdere ontwikkelingsfases gaan. Ons hou hulle<br />
ontwikkeling fyn dop en weet presies op watter ouderdom hulle sit, rol, kruip, loop ...<br />
Dikwels vergelyk ons hul vordering met boeties, sussies en maatjies en raak ons bekommerd as dit stadiger<br />
gebeur as wat <strong>die</strong> boeke sê. Onthou egter dat elke mens sy hele lewe lank aanhou ontwikkel, en dat <strong>die</strong><br />
verdeling in fases in ’n groot mate ’n praktiese maatreël is sodat kenners ontwikkeling<br />
makliker kan begryp, ondersoek en bestudeer.<br />
Babas, peuters en kleuters ontwikkel teen ’n verskillende pas. Elke fase impliseer dat nuwe, moeiliker<br />
en meer vermoëns nou nodig is as wat in <strong>die</strong> vorige fase bereik is. Omdat daar interaksie tussen <strong>die</strong><br />
verskillende fases is, kan gebreke of agterstande in een fase ’n invloed hê op <strong>die</strong> ontwikkeling van ander<br />
fases.<br />
Kinders verskil van mekaar en daarom sal almal se ontwikkeling nie ewe vinnig plaasvind nie. ’n Mens moet<br />
ontwikkelingsmylpale dus net as riglyne beskou en nie as onverbiddelike bakens nie. Jy hoef nie<br />
beangs te raak as jou kind ’n bepaalde mylpaal selfs ’n paar maande laat haal nie – solank sy ontwikkeling<br />
binne redelike perke geskied, skort daar nie noodwendig iets nie.<br />
Wanneer buitengewoon stadige ontwikkeling of eienaardige optredes egter begin inmeng met hoe jou kind in<br />
<strong>die</strong> wêreld klaarkom, moet jy professionele raad gaan soek. Daar kan dalk ’n onderliggende<br />
probleem wees.<br />
Die arbeidsterapeute van <strong>die</strong> Et alterapie-en-leersentrum in Somerset-Wes het <strong>vir</strong> ons riglyne gegee<br />
waarvolgens jy kan bepaal of jou kind se vordering op standaard is in al <strong>die</strong> belangrike ontwikkelingsfases:<br />
sensories, groot- en fyn motories en visueel-perseptueel.<br />
Sensoriese ontwikkeling<br />
Dit vorm <strong>die</strong> basis van <strong>die</strong> ontwikkelingsfases. Babas leer hoofsaaklik deur middel van hul sintuie en fisieke<br />
aktiwiteite. Sensoriese ontwikkeling is <strong>die</strong> vermoë om al vyf sintuie te gebruik, maar sluit ook terselfdertyd<br />
beweging en <strong>die</strong> ontwikkeling van <strong>die</strong> gewrig- en spierstelsel van <strong>die</strong> liggaam in.
’n Kleuter moet weet hoe dit “voel” om ’n potlood korrek vas te hou om ’n skryf- of teken aksie te kan uitvoer.<br />
Hy moet <strong>die</strong> potlood nie te hoog, laag, styf of lossies vashou nie sodat hy <strong>die</strong> korrekte beheer kan uitoefen en<br />
nie te hard of sag druk nie.<br />
Dié sensoriese ontwikkelingsaksie hang egter nou saam met sy fyn motoriese ontwikkeling: Om <strong>die</strong><br />
skryfaksie te kan uitvoer moet hy op sy sintuie kan reageer, maar ook uiteindelik in staat wees om ’n klein<br />
voorwerp korrek vas te hou en te manipuleer, wat ’n fyn motoriese tegniek is.<br />
Kinders kan onder meer oorsensitief wees <strong>vir</strong> klanke, reuke, smake, aanraking, bewegings of visuele en<br />
ouditiewe prikkels. Dié sensitiwiteit kan inmeng met hul emosionele en sosiale ontwikkeling asook hulle<br />
aandag- en konsentrasievermoë.<br />
Sulke kinders word letterlik oorlaai met te veel prikkels uit hul omgewing en raak oorversadig – in so ’n mate<br />
dat hul liggaam fisiek op <strong>die</strong> prikkels reageer en dat hulle nie behoorlik kan funksioneer nie. Hulle kan<br />
suksesvol behandel word deur arbeidsterapeute wat in sensoriese integrasie opgelei is.<br />
Een van <strong>die</strong> algemeenste reaksies op oorstimulasie is dat jou aandag en konsentrasie aangetas word en<br />
daarom lyk dit soms of kinders met sensoriese oorsensitiwiteite hiperaktief is of aan aandaggebrek ly.<br />
’n Terapeut sal dus eers vasstel of spesifieke gedrag ’n sensoriese oorsaak het voor sy behandeling <strong>vir</strong> ’n<br />
neurologiese toestand soos aandaggebreksindroom (ADD) of aandaggebrek-hiperaktiwiteitsindroom<br />
(ADHD) oorweeg.<br />
Kom ons kyk na ’n paar van <strong>die</strong> sensoriese probleme wat kinders kan hê.<br />
Oorsensitiewe tassintuig (tasdefensief)<br />
Dit is wanneer kinders se tassintuig oorgestimuleer word. Hulle sal tipies sekere soorte aanraking<br />
vermy of afwysend reageer as hulle daarmee in aanraking kom.<br />
Hulle vermy of hou nie van liggaamskontak (drukkies en soentjies) met ander mense nie.<br />
Hulle hou nie daarvan om in groepe met ander kinders te wees nie.<br />
Hulle is kieskeurige eters omdat hulle nie van sekere teksture kos hou nie.<br />
Hulle hou nie van sekere selfsorgaktiwiteite nie (hare was of borsel, tande borsel, gesig was,<br />
naels knip).<br />
Hulle hou nie van vingerverf nie en wil nie met of in modder, sand, klei of water speel nie.<br />
Etikette aan klere irriteer hulle en moet dikwels afgehaal word.<br />
Oorsensitief <strong>vir</strong> beweging<br />
Hulle vermy klimapparate, swaaie en enige bewegende apparate.<br />
Hulle hou nie van bollemakiesie slaan of wanneer hul voete nie grond raak nie.<br />
Hulle raak maklik motorsiek.<br />
Hulle hou nie van rowwe spel wat beweging insluit nie, soos wanneer Pappa speels <strong>vir</strong> baba<br />
rondswaai.<br />
Hulle toon min waagmoed tydens groot motoriese of buitespel.<br />
Motoriese ontwikkeling<br />
Een van <strong>die</strong> belangrikste dinge wat kleuters moet regkry is <strong>die</strong> bemeestering van motoriese vaardighede<br />
sodat hulle meer beheer oor hulle liggaam kan kry. Motoriek is <strong>die</strong> vermoë om jou liggaam te beweeg en word<br />
verdeel in groot (growwe) motoriese en fyn motoriese ontwikkeling.
Hoewel dié twee fases ook interaktief is, leer ’n kind eers om sy liggaam “groot” te beweeg voor hy <strong>die</strong> fyn<br />
bewegings begin bemeester. Onthou weer eens dat motoriese vaardighede stelselmatig van geboorte af<br />
aangeleer word en dat kinders <strong>die</strong> verskillende mylpale nie altyd op <strong>die</strong>selfde ouderdom bereik nie.<br />
Jou <strong>eerste</strong>ling het dalk op nege maande geloop en jou tweede kind eers ná ’n <strong>jaar</strong>. As kleinman teen 18<br />
maande nog nie loop nie is dit nie noodwendig rede tot kommer nie, maar moet jy liefs professionele<br />
raad inwin.<br />
’n Tweejarige se balans gaan beslis ook nie so gevorderd wees soos ’n sesjarige s’n nie, maar om op <strong>die</strong><br />
sesjarige se vlak te kom moet jou kind se balanstegnieke stelselmatig verbeter namate hy ouer word.<br />
Ten einde later ’n potlood korrek vas te hou en met genoeg beheer te kan teken en skryf, moet jou kind van<br />
peuterstadium af al stapsgewys begin om dié taak te bemeester.<br />
Groot motoriese ontwikkelingsareas<br />
Balans<br />
Koördinasie<br />
Postuur<br />
Om <strong>die</strong> twee kante van <strong>die</strong> liggaam gekoördineerd te gebruik<br />
Fyn motoriese ontwikkelingsareas<br />
Vingerbewegings<br />
Potloodgreep en potloodbeheer<br />
Skêrhantering<br />
Manipulasie van klein voorwerpe<br />
Om hande gekoördineerd saam te gebruik<br />
Arbeidsterapeute beklemtoon dat kinders moet beweeg en aktief moet wees. Beweging beïnvloed al <strong>die</strong><br />
ontwikkelingsfases regstreeks of onregstreeks. As hulle kruip, ontwikkel hulle groot motoriese vermoë en<br />
visuele persepsie.<br />
As hulle onder ’n tafel inkruip en probeer opstaan, kom hulle agter dat hul liggaam nou in ’n ruimte is wat hulle<br />
verhinder om regop te staan en leer hulle so waar hul liggaam in <strong>die</strong> ruimte om hulle inpas.<br />
Passiewe kinders wat lang rukke voor ’n televisiestel of rekenaar deurbring, se ontwikkeling word gestrem.<br />
Beweging bevorder onder meer spierontwikkeling, korrekte postuur en kinders ontdek <strong>die</strong> liggaamlike en<br />
ruimtelike verhouding wat deel vorm van <strong>die</strong> visueel-perseptuele ontwikkelingsfase.<br />
Visueel-perseptuele ontwikkeling<br />
Dis ’n meer gevorderde ontwikkelingsfase. ’n Kind moet <strong>die</strong> volgende basiese visueelperseptuele<br />
vermoëns hê:<br />
Hy moet voorwerpe kan uitken volgens kleure, vorms en getalle.<br />
Hy moet bewus word van <strong>die</strong> dele van sy liggaam.<br />
Hy moet ook bewus word van ruimte en tyd. Voor hy in staat is om tweedimensioneel te teken of skryf, moet<br />
hy verstaan hoe sy liggaam in <strong>die</strong> ruimte om hom inpas. Hy moet byvoorbeeld eers besef dat sy<br />
liggaam uit twee helftes bestaan voor hy <strong>die</strong> begrippe links en regs op homself en ander mense of voorwerpe<br />
kan toepas.
Wanneer het my kind terapie nodig?<br />
As jou kind nie ontwikkelingsmylpale haal soos van sy ouderdom verwag kan word nie of as hy liggaamlik<br />
gestrem is, kan ’n arbeidsterapeut agterstande of gebreke evalueer en behandel sodat hy<br />
sy volle potensiaal kan bereik. Terapie kan baie suksesvol wees, veral as <strong>die</strong> probleem vroeg genoeg<br />
raakgesien word.<br />
’n Mens hoef ook nie met alles goed te wees nie ...<br />
’n Vriend van ons is een van <strong>die</strong> briljantste rekenaarghoeroes wat ek ken. Toe hy ses was, kon hy steeds nie<br />
’n bal behoorlik vang of skop nie. Hy is vandag 38 en kan dit steeds nie doen nie.<br />
Hy het nie ’n greintjie ball sense nie, maar dit beteken nie hy is dommer as mense wat wel balvaardig is nie.<br />
Hy het genoeg common sense gehad om vroeg te kon besef daar is dinge waarmee hy beter is as ander en<br />
daarop te fokus.<br />
Sy onvermoë is nie <strong>vir</strong> hom ’n verleentheid nie – hy kan trouens daaroor lag, want hy weet min mense kan by<br />
hom kers vashou as <strong>die</strong> gesprek draai by goeie musiek, wonderlike plekke in <strong>die</strong> wêreld, goeie kos, sy<br />
geliefde, <strong>die</strong> sin van <strong>die</strong> lewe ... en rekenaars.<br />
Onthou altyd dat jou kind se ontwikkeling nie ’n wedstryd is nie en dat dit nie altyd ’n resep gaan volg nie. Ons<br />
het almal sekere vaardighede wat beter ontwikkel is as ander.<br />
Visueel-perseptuele ontwikkelingsmylpale<br />
1 <strong>jaar</strong><br />
Jou kind reageer op speelgoed en voorwerpe in sy visuele veld.<br />
Hy stel belang in speelgoed en mense in sy omgewing.<br />
Jy is aktief en reageer toepaslik op prikkels en mense.<br />
3 <strong>jaar</strong><br />
Hy heg reeds vier dele aan ’n tekening van menslike liggaam.<br />
Hy kan eenvoudige vorms pas.<br />
Hy begin <strong>die</strong> begrippe links en regs verstaan.<br />
Hy ken <strong>die</strong> basiese kleure.<br />
Hy kan tot vyf tel.<br />
Hy ken <strong>die</strong> begrippe klim oor of onder.<br />
Hy kan eenvoudige blokkonstruksies bou.<br />
6 <strong>jaar</strong><br />
Hy kan <strong>die</strong> begrippe links en regs op sy eie liggaam uitwys.<br />
Hy kan vorms korrek in ’n vormbord pas.<br />
Hy benoem en herken alle kleure.<br />
Hy kan tot 30 tel en voorwerpe aftel.<br />
Hy kan blokkonstruksies onthou en nabou sonder ’n model.<br />
Hy begryp opdragte soos vorentoe, agtertoe en skuins.<br />
Hy verstaan en gebruik begrippe soos gister, môre en vandag korrek.<br />
Hy teken <strong>die</strong> menslike liggaam met 12 dele.<br />
Hy kan klein ooreenkomste en verskille waarneem.<br />
Hy kan detail in volgorde onthou van wat gesien is.<br />
Hy kan ’n geheelprent vorm as slegs ’n gedeelte daarvan gesien word soos om ’n legkaart te<br />
bou sonder <strong>die</strong> probeerentrefmetode.
Hy kan voorgrond van agtergrond onderskei. Hy kan byvoorbeeld in opdrag <strong>die</strong> pienk hemp uit<br />
’n stapel hemde agter ’n ander stapel uithaal.<br />
Fyn motoriese ontwikkelingsmylpale<br />
1 <strong>jaar</strong><br />
Hy kan voorwerpe met albei hande vashou.<br />
Hy wissel voorwerpe van <strong>die</strong> een hand na <strong>die</strong> ander.<br />
3-4 <strong>jaar</strong><br />
Hy kan klein balletjies in ’n houer gooi.<br />
Hy knip met taamlike beheer op ’n reguit lyn met ’n skêr .<br />
Hy kan groterige krale inryg.<br />
Hy kan eenvoudige, losserige knope met tou maak en losknoop.<br />
Hy kan vetkryt met sy duim en <strong>eerste</strong> twee vingers vashou.<br />
Hy kan <strong>die</strong> meeste basiese liggaamsdele uitwys.<br />
6 <strong>jaar</strong><br />
Hy kan sy eie knope, ritssluiters en skoenveters vasmaak.<br />
Hy het goeie handoog-koördinasie.<br />
Hy kan ’n volwasse potloodgreep vorm.<br />
Hy het goeie potloodbeheer en druk nie te hard of sag nie.<br />
Hy kleur beheers en gekoördineerd in.<br />
Hy kan op reguit lyne en kurwes met ’n skêr knip.<br />
Hy kan klein voorwerpe met sy vingers manipuleer.<br />
Hy kan krale inryg.<br />
Sy tekenvaardighede is goed.<br />
Groot motoriese ontwikkelingsmylpale<br />
1 <strong>jaar</strong><br />
Sy kan van haar maag na haar rug rol en weer terug.<br />
Sy het goeie nekbeheer.<br />
Sy kan sit sonder om om te val.<br />
Sy kruip korrek en <strong>vir</strong> lank genoeg.<br />
Sy kan teen voorwerpe opstaan.<br />
3 <strong>jaar</strong><br />
Sy kan ’n kort rukkie op een been en op haar tone balanseer.<br />
Sy kan vorentoe, agtertoe en sywaarts loop.<br />
Sy hardloop glad en gekoördineerd.<br />
Sy kan op ’n breë balansbalk loop.<br />
Sy kan trappe met afwisselende voete klim terwyl sy ’n speelding in haar hand vashou.<br />
Sy kan ’n driewiel se pedale gebruik en kan om draaie ry.<br />
Sy kan spring sonder om oordrewe armbewegings te maak.<br />
Sy kan hardloop en ’n bal skop.<br />
Sy kan ’n bal met geboë elmboë teen haar lyfie vang.<br />
Sy kan ’n bal weg van haar middellyn af vang.<br />
6 <strong>jaar</strong><br />
Sy geniet binne- en buitespel.
Sy beskik oor goeie liggaamlike uithouvermoë en spiersterkte.<br />
Sy kan klim, klouter en hang.<br />
Haar staan- en sitpostuur is goed.<br />
Sy kan op een been balanseer.<br />
Sy kan op een been vorentoe spring.<br />
Sy kan touspring.<br />
Sy kan galop en huppel.<br />
Sy het goeie handoog-koördinasie.<br />
Sy kan balspeletjies rats speel en ’n bal met een of twee hande laat wip.<br />
Sy kan nuwe bewegings aanleer en beplan.<br />
Sy voer bewegings met beheer uit.<br />
Sy beskik oor goeie middellynkruising en albei kante van haar liggaam werk gekoördineerd<br />
saam.<br />
Sy kan kruiwaloop.