Hierdie is 'n produk deur Kanaän Bedieninge - Kanaan Ministries

1
Hierdie is ‘n produk deur Kanaän Bedieninge, ‘n niewinsgewende
bediening onder die dekking van:
• El Shaddai Christelike Kerk, Durbanville, SA
Pastoor Ken Turner
• Hatfield Gemeente, Vaaldriehoek, SA
Pastoor Eddie Gibbens
• Intercessors International, Australië
Noël Bell
Daar is geen kopiereg op hierdie materiaal nie.
Geen gedeelte van hierdie materiaal mag egter
gereproduseer en/of aangebied word vir
persoonlike gewin nie. Alle regte van hierdie
materiaal word voorbehou om die Koninkryk van
die Here Jesus Christus alleenlik te bevorder.
Gepubliseer deur Kanaän Bedieninge
Posbus 15253
Panorama 7506
Kaapstad, Suid-Afrika
Mei 2002
Vir verdere inligting of die plaas van ‘n bestelling,
kontak ons asb. by:
Posbus 15253 John Vorsterrylaan 27
Panorama 7506 Plattekloof 1, Parow 7500
Kaapstad, Suid-Afrika Kaapstad, Suid-Afrika
Tel: (+27) (021) 930 7577
Faks: (+27) (021) 930 7070
E-pos: kanaan@iafrica.com
Kantoorure: Maandag tot Vrydag, 9 vm. – 3 nm.
2

INHOUDSOPGAWE
1. Inleiding 4
2. Indrukke en endorfiene 6
Hoe doen ons emosionele
wonde op?
3. Is ek gewond? 11
Identifiseer emosionele wonde
4. Die gewonde soldaat … 20
Hoe affekteer hierdie wonde
my lewe, veral as intersessor?
5. Help, ek het genesing nodig! 24
Hoe verkry ons genesing en
oorwinning van hierdie wonde?
6. Petisie vir herinneringe om 29
na vore te kom
Bladsy
3
1. INLEIDING
‘n Sekere dr. Arthur Janov sê:
“Pyn is die kern van verstandelike en fisiese siekte,
d.i. pyn wat vanuit trauma en onbeantwoorde
behoeftes kom.”
Hy was nie eers bewus van die groot invloed wat
hierdie soort pyn ook op die gees van die individu
kon hê nie.
Ons sien die effek van onopgeloste pyn in ons
lewens oor ons hele wese, bv. die liggaam, siel en
gees. ‘n Fantastiese ontdekking was dat die brein
nie kan onderskei tussen emosionele en fisiese pyn
nie; alles gaan die brein binne as ‘n bondel
elektrochemiese impulse!
Ons gaan later in meer detail hierna kyk, maar ons
moet besef dat ons funksioneer as ‘n heel persoon;
wanneer ons seerkry op ‘n fisiese vlak, is dit nie net
ons liggame wat pyn ervaar nie, maar ook ons
emosies. Pyn, verbind met emosies, kan sekerlik
ook ons liggame beïnvloed. Stresverwante siektes
is ‘n goeie voorbeeld van so ‘n uitwerking. Daarom
moet ons na ons liggame luister wat ons bewus
kan maak van onopgeloste sake wat dringend
aandag moet geniet. Net so kan ons worsteling om
geestelik te groei ‘n aanduiding wees dat ons na
onopgeloste sake in ons lewens moet kyk. Later
egter meer hieroor.
4

Emosionele wonde is wonde op die emosionele en
geestelike vlakke wat ons negatief en afbrekend
beïnvloed. Indien daar nie mee gehandel word op
Goddelike wyse nie sal dit ons stadig doodmaak en
isoleer van God se doel en seëninge vir ons.
FISIES EMOSIONEEL
Bondels elektrochemiese impulse
5
2. INDRUKKE EN ENDORFIENE
Ons is geskape met spesifieke behoeftes soos om
bv:
• Aanvaar te word.
• Vertroetel te word.
• Liefgehê te word.
• Erkenning te kry.
• Respek te ontvang.
• Gekoester te word.
• Beskerm te word.
Ons behoefte aan liefde is die mees basiese
behoefte wat ons he: Al ons ander behoeftes word
vervul wanneer ons liefde ontvang. Wanneer
hierdie basiese behoefte onbevredig gelaat word,
vorm dit ‘n sterk fondasie vir ander wonde en
trauma m.a.w., traumatiese gebeure in ons lewens
sal ons erger affekteer indien ons onvervulde
behoeftes het. Ons vermoë om tred te hou
met spanningsvolle situasies is dan beskadig
en verdraai.
Trauma kan in een van twee kategorieë val:
1. Dit gebeur in situasies van ontneming of in
‘n onveilige omgewing, bv. verwerping
wanneer weggestap word vanaf ‘n persoon
as ‘n vorm van straf of om opgesluit te word
in ‘n klein plekkie.
2. Dit gebeur wanneer slegte dinge plaasvind
buite die persoon se beheer, bv. fisiese
6

mishandeling of ‘n pak slae as ‘n vorm van
straf.
Kom ons kyk na ‘n voorbeeld:
Tom is nege jaar oud en het ‘n baie lae selfbeeld.
Hy glo dat hy waardeloos en lomp is, en ‘n gebore
verloorder. Elke geringe of groot gebeurtenis in
Tom se lewe word vertolk as ‘n blote bevestiging
van sy oortuiging van wie hy dink hy is. Dit is
omdat Tom deur sekere ervaringe gegaan het toe
hy jonger was.
Hy was ‘n enigste kind en nie baie welkom nie. Sy
moeder het swanger geraak by ‘n partytjie en was
nie gewillig om haar alkoholmisbruik te staak nie –
selfs nadat sy gehoor het dat sy swanger was.
Tom was ongeliefd vanaf die oomblik van sy
bevrugting en het gedurig boodskappe ontvang dat
hy ‘n las was. Hy het ook fisies gely, veroorsaak
deur fetale alkohol sindroom, wat die rede was vir
sy gedurige lompheid.
7
Tom het sekere opvattings aangaande sy identiteit
en die lewe in die algemeen. Hy het emosionele
pyn en dit het ‘n geweldige effek op sy hele wese.
Sy algemene oortuigings is: “Ek beteken niks.
Niemand is lief vir my nie.”
Hierdie oortuigings het diep groewe in sy brein
gevorm wat veroorsaak het dat hy alles in die lig
van hierdie denkpatrone vertolk het.
Die interessante ding i.v.m. Tom se reaksies en
vertolkings is dat, sou iemand hom vra wat in sy
lewe gebeur het wat veroorsaak het dat hy so
optree, sy antwoord waarskynlik sou wees dat hy
geen benul het nie.
Die meeste van ons gaan deur die lewe, en dra die
duidelike vrug van emosionele pyn in ons lewens,
maar met geen bewustelike herinnering van die
trauma waar ons deur is nie. Dit kan baie
verwarrend wees. Ons het ‘n stryd om deurbrake
te kry, en dra ‘n klomp woede saam, maar het
nodig om onsself af te vra, hoekom?
Gedurende intensiewe navorsing is onlangse
ontdekkings gemaak aangaande hoe ons verstand
met traumatiese ervarings deel. Ten einde te
oorleef, word die inligting (dit gaan die brein binne
soos ‘n groot bondel elektrochemiese impulse)
opgedeel in die blote informasie aan die een kant,
(d.i. die feite van die gebeure) en die gevoelens of
emosies daaraan verbonde, aan die ander kant.
8

Die inligting word diep binne die onbewuste vlak
van ons verstand geplaas totdat ons meer volwasse
en gereed is om dit te hanteer en om genesing te
verkry.
Dit is gedurende hierdie tye van trauma en skok
dat ons nodig het om die inligting weg te hou van
ons bewustelike verstande, ten einde te oorleef.
Maar, hoe bly die inligting verborge?
Weereens het navorsing bewys dat ons verstande
gebruik maak van ‘n chemikalie genaamd
endorfien, om ons te help in die proses van
hantering deur die onderdrukking van die pynlike
inligting.
Vir iemand soos Tom, het die pyn van ongeliefd
wees, verborge gebly, terwyl hy probeer het om te
oorleef deur gebruik te maak van verskillende
meganismes i.p.v. liewer die waarheid in die gesig
te staar. Wat gebeur met die pynlike inligting:
1. Dit word eers verdeel,
2. later in die onderbewuste deel van ons
verstand versteek
3. en daar gebêre deur die volgehoue
vrystelling van endorfiene na die
onbewuste vlak, wat dien as ‘n
sogenaamde poort.
Ons sien dat wanneer ons te jonk is om met die
pyn te deel en nog steeds by ons volle verstand
9
bly, die werking van endorfiene as ‘n seëning
gesien kan word en ons waarlik kan help om te
oorleef. Dit word egter ‘n probleem wanneer ons
ouer word en nog steeds nie met die pyn en seer
handel nie. Verbasend genoeg, het navorsing
getoon dat deur die endorfienvlak in ons sisteme te
meet, ons ‘n redelik betroubare aanduiding kan kry
van die aantal stres (veroorsaak deur onderdrukte
pynlike herinneringe) wat ons steeds in ons
liggame dra! Ons liggame benodig voortdurende
voorrade endorfiene, maar hoe ouer ons word, hoe
minder gesond is dit vir ons om ‘n teenwoordigheid
van ‘n groot hoeveelheid endorfiene in die liggaam
te hê! Groot hoeveelhede endorfiene breek die
immuniteit af en veroorsaak kanker en ander
siektes. Navorsing het bewys dat die
teenwoordigheid van groot hoeveelhede van
hierdie chemikalieë baie skadelik vir die liggaam
kan wees; dit stomp ook die immuun-stelsel af.
Dus, dit wat ons voorheen gehelp het, kan nou ons
vyand word!
Hoe meer onderdrukte of “versteekte” pyn ons
binne ons ronddra, hoe meer onwerklik sal ons
identiteit en lewenservarings wees. Onopgeloste
sake is in ‘n groot mate deel van wie ons is.
Deur nie hul bestaan te erken nie, veroorsaak
ons verdraaide opvattings in onsself en hou
ons onsself weg van die genieting van die
volle voordeel van God se planne en doel vir
ons!!!
10

Dit is nie slegs die verborge pyn en seer wat
indrukke vorm en verdraaide identiteite veroorsaak
nie, maar ook daardie seer waarvan ons deeglik
bewus is, maar weier om dit in die gesig te staar en
daardeur te werk op ‘n Goddelike manier!
Tom en elkeen wat kan assosieër met sy
lewensverhaal, moet dringend die waarheid in die
oë kyk oor hul pyn van die verlede en moet deel
met die gevoelens daaraan verbind. Die indrukke
wat ons denkpatrone lei, moet verander word
volgens die waarheid, d.i. die Woord van God.
(Rom 12:2; 1Kor 10:5-7). Dit is nie ‘n maklike
proses nie, maar prys God, dit is presies hiervoor
wat Jesus vir ons gesterf het!!
3. IS EK GEWOND?
Indrukke bestuur ons gedagtes. Hulle vorm
vestings in ons lewens en motiveer ons dade en
oortuigings. Die volgende is tipiese voorbeelde van
presies sulke indrukke en behoort deeglik
ondersoek en deurgebid te word. Deur sommige
indrukke te identifiseer, verklaar ons alreeds oorlog
teen die vader van alle leuens en beweeg ons voort
na die waarheid in ons lewens. Jesus, die Weg, die
Waarheid en die Lewe, het vir ons ‘n weg gebaan
om die waarheid oor ons verlede te hanteer en om
die Lewe te proe wat Hy vir ons gegee het!
11
3.1 Ongoddelike oortuigings oor
onsself
3.1.1 Verwerping, ‘n gevoel van ‘jy behoort
nie’
1. Ek behoort nie. Ek sal altyd buite
staan (uitgelaat word).
2. My gevoelens tel nie. Niemand gee
om oor hoe ek voel nie.
3. Niemand wil vir my lief wees of vir
my omgee net vir myself nie.
4. Ek sal altyd eensaam wees. Die
spesiale man (vrou) in my lewe sal
nooit daar wees vir my nie.
5. Ek sal myself so isoleer dat ek nie
langer kwesbaar is vir seerkry,
verwerping, ens. nie.
6. _____________________________
_____________________________
3.1.2 Onwaardigheid, skuld en vernedering
1. Ek is nie waardig om enigiets van
God te ontvang nie.
2. Ek is die probleem. Wanneer iets
verkeerd is, is dit my fout.
3. Ek is sleg. As jy die ware ek geken
het, sou jy my ook verwerp het.
4. Ek moet ‘n masker dra sodat mense
nie uitvind hoe aaklig ek is en my
dan weer verwerp nie.
12

5. Ek het so vreeslik opgemors dat ek
God se beste vir my gemis het.
6. _____________________________
_____________________________
3.1.3 Doen dinge om selfwaarde, waarde en
erkenning te kry
1. Ek sal nooit erkenning kry vir wat ek
doen nie.
2. My waarde is in wat ek doen. Ek is
kosbaar omdat ek goed doen aan
ander, omdat ek “suksesvol” is.
3. Selfs wanneer ek my beste
doen/gee, is dit nie goed genoeg
nie. Ek kan nooit die standaard
bereik nie.
4. Ek sal kies om passief te wees ten
einde konflik te vermy sodat ek nie
ander se ontevredenheid op die hals
moet haal nie.
5. God gee nie om as ek ‘n “geheime
lewe” het nie, solank ek net goed
lyk.
6. _____________________________
_____________________________
3.1.4 Beheer (om seerkry te vermy)
1. Ek moet elke dag van my lewe
beplan. Ek moet voortdurend
13
3.1.5 Fisies
beplan en strategies wees. Ek kan
nie ontspan nie.
2. Die perfekte lewe is een waarin daar
geen konflik toegelaat word nie
sodat daar vrede kan wees.
3. _____________________________
_____________________________
1. Ek is onaantreklik. God het my
afgeskeep.
2. Ek is gedoem om sekere fisiese
gebreke te hê. Dit is maar net deel
van wat ek geërf het.
3. Dit is moontlik om gewig te verloor
(of op te tel). Ek kan net nie.
4. Ek is nie bevoeg/voldoende as ‘n
man/vrou nie.
5. _____________________________
_____________________________
3.1.6 Persoonlikheidskenmerke
1. Ek sal altyd ____________________
(kwaad/skaam/jaloers/onseker/vrees
agtig/ens.) wees.
2. _____________________________
_____________________________
14

3.1.7 Identiteit
1. Ek moes liewer ‘n seun/meisie
gewees het. Dan sou my ouers my
meer waardeer/liefgehad het, ens.
2. Mans/vroue het ‘n beter kans.
3. Ek sal nooit bekend word of
waardeer word vir die ware self nie.
4. Ek sal nooit werklik verander om te
wees soos God my wil hê nie.
5. _____________________________
_____________________________
3.1.8 Allerlei
1. Ek het baie tyd en energie vermors,
sommige van my beste jare.
2. Chaos is normaal vir my.
3. Ek sal altyd finansiële probleme hê.
4. _____________________________
_____________________________
3.2 Sommige ongoddelike oortuigings
oor ander
3.2.1 Veiligheid / beskerming
1. Ek moet altyd oppas wat ek sê
omdat alles wat ek sê teen my
gebruik kan word.
15
2. Ek moet my emosies en gevoelens
bewaak en versteek. Ek kan nie
enigiemand die genoegdoening gee
om te weet dat hulle my gewond of
seergemaak het nie. Ek sal nie
kwesbaar, verneder of beskaam
word nie.
3. _____________________________
_____________________________
3.2.2 Vergelding
1. Die regte manier om te reageer as
iemand my aanstoot gee, is om hulle
te straf deur te onttrek en/of hulle
uit te sny.
2. _____________________________
_____________________________
3.2.3 Slagoffer
1. Outoriteitsfigure sal my verneder en
my skend.
2. Hulle sal my net gebruik en
misbruik.
3. My waarde is totaal gebaseer op
ander se oordeel/voorskrif oor my.
4. Ek is heeltemal onder hul outoriteit.
Ek het geen wil of keuse van my eie
nie.
16

5. Ek sal nooit geken, verstaan,
liefgehê of waardeer word vir wie ek
is deur diegene na aan my nie.
6. _____________________________
_____________________________
3.2.4 Hopeloosheid / hulpeloosheid
1. Ek is alleen. As ek in die moeilikheid
kom of hulp benodig, is daar
niemand om my te red nie.
2. _____________________________
_____________________________
3.2.5 Defektief in verhoudings
1. Ek sal nooit in staat wees om ten
volle liefde te gee of te ontvang nie.
Ek weet nie waaarom nie.
2. Indien ek toelaat dat enige iemand
te naby my kom, kan my hart dalk
weer gebreek word. Ek kan dus nie
die risiko loop nie.
3. Indien ek nie daarin slaag om jou te
behaag nie, gaan ek nie jou vreugde
en aanvaarding vir my ervaar nie.
Daarom moet ek nog meer strewe
na perfeksionisme. Ek moet doen
wat ookal nodig is om jou te
behaag.
4. _____________________________
_____________________________
17
3.3 Ongoddelike oortuigings van God
1. God het ander mense liewer as myself.
2. God bepaal my waarde in dit wat ek
doen. My lewe is net ‘n doodloopstraat.
3. Dit maak nie saak hoe ek ookal probeer
nie, ek sal nooit genoeg kan doen of dit
goed genoeg kan doen om God te
plesier nie.
4. God veroordeel my wanneer ek ontspan.
Ek moet besig bly met Sy werk anders
sal Hy my verlaat.
5. God het my vantevore in die steek
gelaat. Hy kan dit weer doen. Ek kan
Hom nie vertrou of veilig by Hom voel
nie.
6. ________________________________
________________________________
3.4 Skrifte aangaande hierdie en ander
ongoddelike oortuigings.
2 Tess. 2:13
Maar ons moet God altyd oor julle dank, broeders
wat deur die Here bemin word, dat God julle van
die begin af verkies het tot saligheid in
heiligmaking van die Gees en geloof in die
waarheid.
Joh. 17:17
Heilig hulle in U waarheid; U Woord is die
waarheid.
18

Rom. 1:17
Want die geregtigheid van God word daarin
geopenbaar uit geloof tot geloof, soos geskrywe is:
Maar die regverdige sal uit die geloof lewe.
2 Kor. 3:18
En terwyl ons almal met onbedekte gesig soos in ‘n
spieël die heerlikheid van die Here aanskou, word
ons van gedaante verander na dieselfde beeld, van
heerlikheid tot heerlikheid, as deur die Here wat die
Gees is.
Jes. 26:3-4
U sal ‘n standvastige gesindheid in volle vrede
bewaar, want hulle vertrou op U. Vertrou op die
Here vir ewig, want in die Here Here is ‘n ewige
rots.
Kol. 3:1-2
As julle dan saam met Christus opgewek is, soek
die dinge daarbo waar Christus is en aan die
regterhand van God sit. Bedink die dinge wat
daarbo is, nie wat op die aarde is nie.
3.5 Ander tekens wat onopgeloste sake
aandui
• Woede uitbarstings
• Skeelhoofpyne (migraines)
• Depressie
• Haat teenoor sekere mense
• Skinder
19
• Hoë angsvlak
• Onvergewensgesindheid
• Alle vorms van verslawings
• Bitterheid, ens.
4. DIE GEWONDE SOLDAAT
Hoe affekteer hierdie ongeneesde wonde ons
lewens?
Is dit veilig om in oorlogvoering en intersessie
betrokke te raak met ongeneesde wonde?
Ons het alreeds ‘n goeie blik gehad op hoe ons
hierdie wonde opgedoen het. Ons weet nou dat
hulle ons geestelik, verstandelik en selfs fisies kan
vernietig! Wanneer ons fisies kreupel is kan dit ons
verhinder om in oorlogvoering en intersessie te
vloei, maar om aan die geestelike en emosionele
kant wonde te hê, kan vernietigend wees vir die
soldaat in die weermag van die HERE! HOEKOM?
‘n Gewonde soldaat kan nie oorlog verklaar
teenoor die vyand nie. Sy basuingeroep sal
die “vlieë” aanlok na al die oop, ongeneesde
wonde!
Die oomblik wanneer ons in die areas van
intersessie en oorlogvoering begin wandel, trek die
vyand ons lêers en bekyk ons lewens. Indien ons
verhoudings gebroke en verdraai is, sal ons
uitstaan soos ‘n oop teiken gedurende sessies van
20

oorlogvoering. Die area van swakheid sal die
presiese area wees waarop hy sal mik. Indien ons
bv. worstel met gevoelens van depressie en
minderwaardigheid, sal dit nog erger wees om na
‘n stryd van “oorlogskrete” en “veg met die vyand”,
positief te kan dink. Daar is geen sprake van
“neem die land in besit” wanneer die gees te swak
is om die swaard vas te hou nie.
Indien ons graag doeltreffende soldate in God se
weermag wil wees, moet ons begin deur eers ons
eie lewens skoon te kry voordat ons na die vyand
kan draai.
Beteken dit nou dat ons geen oorlogvoeringsgebed
kan bid voordat ons nie heeltemal gesond is nie?
Nee, maar ons moet duidelik verstaan dat daar
sekere sake in ons lewens is waardeur ons
definitief deur moet werk voordat ons probeer om
oorlogvoering vir skole, stede en nasies te doen.
Ons is besig met opleiding en daarom moet ons
stap vir stap vorentoe beweeg. Die beste
opleidingsgrond is ons eie lewens en die van ons
gesinne. Soos ons genesing oorwin, begin ons om
oorlogvoering te doen vir die verskillende aspekte
in ons eie lewens, ons huwelike en ons geliefdes,
ons besighede en finansies, ens. Ons area van
oorlogvoering gedurende dié tyd is ons eie
huishouding. Soos ons opgelei is in hierdie area sal
die Heilige Gees meer sake in ons lewens uitwys
wat Sy genesing nodig het. Soos ons getrou saam
21
met die Here beweeg en Hom vertrou om ons op te
lei, beweeg ons veilig na die volgende “vlak” in
gebedsoorlogvoering!
Daarom moet elkeen van ons ‘n petisie aan die
Here rig om alles na die oppervlak te bring wat op
ons lewens ‘n invloed gehad, en wat wonde
veroorsaak het, sowel as swak plekke in die gees.
(sien petisie). Die teenwoordigheid van emosionele
wonde, die indrukke wat ons verstand dwing om
sekere oortuigings te handhaaf asook sekere
denkpatrone en die isolasie van ‘n deel van ons
(die seer deel) van die res van onsself, werk alles
saam tot ‘n verdraaiing van ons vermoëns om
situasies en mense op te som. Dit vorm “filters”
waardeur alle inkomende inligting moet beweeg
voordat dit geinterpreteer kan word. Indien hierdie
“filter” veroorsaak is deur misleidings en leuens
aangaande wie ons is, sal ons heel dikwels inligting
vertolk om ons vooropgestelde idees oor ander en
onsself te staaf!
Dit sal dus net ons verdraaide sienings versterk en
ons verder van die waarheid af weglei.
Wanneer die vrugte van seer in ons lewens ryp
geword het, sal ons dikwels baie energie spandeer
om met hierdie vrugte te handel, en hard probeer
om daarvan ontslae te raak. Dikwels misluk hierdie
pogings omdat hulle slegs die uiterlike bewys is van
‘n dieper pyn. Moenie van spoor gelei word deur
22

hierdie vrugte nie, maar laat liewer vir God toe om
Sy soeklig op die wortel van die probleem te skyn.
Aanvalle sal altyd deel wees van ons lewens, solank
as wat ons in God se weermag is, maar
ons vermoë om dit te hanteer, sal
ontwikkel soos ons God se Gees
toelaat om Sy wil in ons te werk.
Dit sal ons nie langer platslaan
wanneer iemand ons kritiseer of
verwerp nie. Dit sal vir ons moontlik
wees om iemand lief te hê, selfs
wanneer hulle hul bes probeer om ons “goeie”
naam te vernietig. Ons sal ook nie weggetrek word
van God se roeping wanneer ‘n vals profeet ons ‘n
misleidende woord gee nie.
Maar hier is die goeie nuus! Ons is almal daarvan
bewus dat wanneer wonde genees, littekens vorm.
So ‘n litteken bied bewys van een of ander seer wat
suksesvol genees het. Op dieselfde wyse, bied die
geestelike littekens bewys van ‘n geestelike stryd
wat gestry en oorwin is. Dit word gesien as range
in die geestesrealm m.a.w. die vyand sien die
littekens en herken die range. Daarom kan wonde
ons eintlik ‘n geleentheid bied om in God se
weermag te groei! Dit is inderdaad goeie nuus en
motivering om genesing na te jaag!
Opsommend sien ons dan dat wanneer ons oorlog
toe gaan, ons voorbereid moet wees. Ons is in ‘n
geestelike oorlog betrokke en daarom moet ons
23
geestelik voorbereid wees. Om geestelik
voorbereid te wees, moet ons liggaam, siel en gees
heel wees. Wanneer ons steeds dus steeds aan
oop, ongeneesde wonde ly, sal die vyand ons
vinnig afmerk as oop teikens, maklike prooi om te
vernietig en te ontmoedig vir die roeping van
intersessie en oorlogvoering. Hierdie potensiële
gebedsstryders sal in die veld gelaat word, meer
gewond as tevore en totaal ontmoedig vir verdere
stryde. Wees dus gewaarsku. Moenie die veld
betree as daar nie met jou huis (jouself in totaliteit)
gedeel is en die wonde genees is nie.
5. HELP, EK HET GENESING NODIG!
Hoe verkry ons genesing van en oorwinning oor
hierdie wonde?
Matt. 11:28-29
Kom na My toe, almal wat vermoeid en belas is, en
Ek sal julle rus gee. Neem my juk op julle en leer
van My, want Ek is sagmoedig en nederig van hart,
en julle sal rus vind vir julle siele.
Jesus is die Balsem van Gilead (Jer. 46:11). Hy
bring genesing na elke gewonde hart, Hy genees
pynlike herinneringe en Hy herstel die verlange in
ons a.g.v. ons onbeantwoorde behoeftes.
Genesing kom deur tyd in die teenwoordigheid van
die Groot Geneesheer te spandeer en Hom toe te
laat om Sy genesingsbalsem op die oop wonde te
24

plaas (Jer 8:22). Ons het moet die Heilige Gees te
vra om Sy soeklig te laat skyn op daardie pynlike
herinneringe deur die petisie te gebruik. Dit sal ‘n
proses in werking stel waar die versteekte of
verborge inligting openbaar sal word sodat die
Here ons deur ons helingsproses kan lei.
Wat doen ons met inligting wat opkom en uitroep
vir dringende aandag?
Ons sal gelei word deur God se Gees om met elke
stukkie pyn te handel volgens Sy wysheid en deur
Sy waarheid toe te pas.
Laat ons nou verskeie aspekte van genesing
ondersoek.
5.1 Vergifnis en snellers
Dit gaan nie altyd maklik wees nie, maar om
diegene te vergewe wat ons seergemaak het, is ‘n
noodsaaklike deel van die helingsproses. Vergifnis
begin deur ‘n aktiewe keuse te maak om
gehoorsaam te wees en dan saam met God se
Heilige Gees te werk deur die verskeie stappe van
vergifnis. Twee aspekte behoort in aanmerking
geneem te word: Om die een te vergewe wat jou
seergemaak het en om vergifnis te vra vir enige
oordele in jou eie hart teenoor daardie persoon.
Om iemand in die algemeen te vergewe (d.i. vir
alles wat hy aan my gedoen het) sal nie altyd baie
25
effektief wees nie. Hou in gedagte dat ons spesiale
chemikalieë afskei om die inligting geheim te hou,
ons kan verstaan dat die inligting vol detail is
aangaande die spesifieke gebeurtenis, insluitende
geluide, reuke en gevoelens! Daar is sekere
assosiasies wat soos snellers werk sodat die
gevoelens ervaar kan word bv. ‘n sekere stemtoon
sal ons altyd minderwaardig laat voel, soos ‘n stout
kind. Terwyl gehandel word met vergifnis, moet
ons die Heilige Gees toelaat om genesing te bring,
selfs met hierdie assosiasies d.i. om die uitwerking
van daardie “snellers” te verwyder.
Soos die spesifieke gevoelens wat verbind is aan
daardie gebeurtenisse losgemaak word, kan
genesing inkom. So word die “gemors” wat ons
wesens vergiftig het, vrygestel, en God se salf kan
tot in die oop wond reik en genesing bring!
‘n Omvattende traumatiese gebeurtenis kan skade
aan ons verstand bring en die skok moet ook
gebreek word.
‘n Belangrike faktor om in gedagte te hou, is dat
verwonding nie altyd veroorsaak word deur wat
met ons gebeur nie, maar eerder veroorsaak word
deur ons reaksie op wat met ons gebeur het.
Dus, om diegene te blameer wat verantwoordelik
was vir ons pyn, sal geen bevryding bring nie.
Slegs deur verantwoordelikheid vir ons eie reaksies
te neem, sal ‘n deur oopgemaak word vir God se
Gees om in ons te werk.
26

Dikwels sal ons slegs areas ondersoek waar ander
ons seergemaak het en die belangrike feit vergeet
dat ons dikwels nodig het om onsself te vergewe,
en … ja … ook vir God. Dit is nie God wat ons
seergemaak het nie, maar eerder ons verdraaide
vertolking van God se karakter en daarom
veroorsaak dit dat ons nog meer kwade gevoelens
teenoor Hom koester.
5.2 Verhoudings
Dikwels sal God ons in verhoudings plaas wat ons
effektiewelik sal uitdaag om presies daardie areas
waar ons genesing benodig, in die gesig te staar en
daarmee deel. Sou ons bv. saam met iemand werk
wat intimiderend en oordonderend is en ons
worstel met gevoelens van minderwaardigheid, sal
ons uitgedaag word om by die wortel van hierdie
gevoelens uit te kom ten einde meer effektief te
kan wees in ons werk.
Alhoewel verhoudings dikwels vervulling kan bring
vir ons behoeftes om aanvaar en vertroetel te
word, moet ons eintlike bron van vervulling altyd
God wees, en Hy alleen.
Ons totale afhanklikheid van ander om ons
behoeftes te vervul, sal feitlik altyd eindig in
teleurstelling en nog meer pyn. Genesing kan slegs
in gesonde verhoudings kom waar daar
wedersydse respek en onvoorwaardelike liefde is.
27
Die verhouding met God as ons Pappa, sal diepe
genesing bring vir ons behoefte aan aanvaarding,
waardering en bewondering! Om God te ervaar as
El Shaddai, die Veelborstige Een, sal genesing bring
in ons soeke na ware vertroeteling (lees boek, El
Shaddai, the nurturing Father). God is meer as
genoeg, Hy het gekom om die gebrokenes van hart
te genees.
5.3 Herprogrammering
Elke ongoddelike indruk wat ons vroeër bespreek
het, moet vervang word deur ‘n Goddelike
waarheid (Rom. 12:2).
Begin om jou ongoddelike oortuigings te vernuwe
deur hulle eers neer te skryf, gevolg deur ‘n
Goddelike oortuiging. Dit neem ons verstand ten
minste 30 dae om suksesvol te wees in die
skepping van ‘n nuwe indruk, dus moet ons
geduldig wees en oorwinning najaag in ons
denkpatrone.
Voorbeeld
Ongoddelike oortuiging: Ek sal altyd eensaam
wees.
Goddelike oortuiging: Met God se hulp, sal ek
begin om uit te reik na ander, en ook begin om van
hulle te ontvang. Hy het my geskape om in te pas
in Sy Liggaam, die Kerk.
28

Die nuwe weë sal mettertyd die oues suksesvol
vervang, selfs daardie wat verbind is met dieselfde
snellers. So sal dieselfde intimiderende stemtoon
wat voorheen genoem is (d.i. die sneller) minder
effektief wees om gevoelens van
minderwaardigheid los te maak nadat daar deur
vergifnis gewerk is. Die denkpatroon wat dit
normaalweg veroorsaak het, is vervang deur ‘n
vars, nuwe indruk, gebaseer op die bevrydende
Waarheid van God se Woord en die vrugte van die
genesing sal geproe en geniet word deur onsself en
ander om ons!
6. PETISIE VIR HERINNERINGE OM
NA VORE TE KOM
Vader, ons petisie dat U, volgens U genade en
guns, sal begin om alles te openbaar wat in die
duisternis en agter geslote deure gedoen is aan
_____________. Volgens U Woord in Luk. 12:2-3:
En daar is niks bedek wat nie geopenbaar sal word
nie, en verborge wat nie bekend sal word nie.
Daarom, alles wat julle in die donker gesê het, sal
in die lig gehoor word; en wat julle in die oor
gepraat het in die binnekamers, sal op die dakke
verkondig word.
Vader, ons petisie ook dat hierdie inligting
openbaar gemaak sal word onder U beskerming en
slegs volgens U Woord in Eks. 23:29-30: Ek sal
hulle nie in een jaar voor jou uit verdrywe nie, dat
die land nie woes word en die ongediertes nie teen
29
jou te veel word nie. Ek sal hulle so
langsamerhand voor jou uit verdrywe, totdat jy
vrugbaar word en die land beërwe. Ons petisie dat
hierdie openbaar sal word as ___________ gereed
is en sterk genoeg om die inligting te hanteer op
die wyse wat U wil hê___________ dit moet
hanteer.
Vader, ons petisie vir ‘n tyd van wapenstilstand in
die gees oor _____________ se lewe, totdat
_____________ gereed is en die kennis en
geestelike krag het om terug te veg. Daarom,
Vader, petisie ons dat U ____________ sal
beskerm volgens U Woord in Ps 91 en ons verbied
enige terugslag a.g.v. die losmaking van inligting in
die Naam van Jesus Christus van Nasaret. Ek
petisie dat U goeie Hand op ____________ sal
wees in hierdie tyd, volgens Esra 7:9.
Dankie Vader, vir U getrouheid en toewyding aan
_____________. Ons gee U al die eer!! In die
Naam van Jesus Christus van Nasaret. AMEN.
30