Bedankingsbrief aan Noordelike Sinode gemeentes

Ds Piet Grobler
Koedoeskop
Limpopo
BESOEK AAN BULAWAYO GEMEENTE
DUTCH REFORMED CHURCH BULAWAYO
AFRIKAANSE SAMEWERKENDE KERKE
PO BO X 1210
PHO NE: 00263 9 240508 MO BILE: 00263 777008324
O FFICE 00263965590
E-MAIL: cam elhors@ gm ail.com
BULAW AYO ,
ZIMBABW E
7 Februarie 2013
Hiermee wil ek u bedank vir die besoek van 1-3 Februarie 2013 aan ons gemeente. Dit was
aangenaam om u en Koos Human hier te ontvang en te beleef hoe ou verhoudinge weer
versterk word. Die lidmate waardeer dit opreg. Ons is ook jammer dat dit die laaste sinodale
besoek is wat u gaan bring. Maar ons verstaan dit ook.
Ek erken ook hiermee ontvangs van die donasies wat u aan ons afgedra het.
Ons ontvang die volgende donasies met groot dank en waardering en nederige
dankbaarheid voor ‘n Almagtige Hemelse Vader. Ons weet dit kom uit dankbare harte en
ons bid dat elke donateur en hulle gesinne ook seën sal ontvang.
Ds Henry de la Guerre se Bybelstudies oor Romeine (40 dae ) Ons gaan dit verseker met
groot vreugde aanwend in die gemeente.
Ook die tien Harvest -Time dagstukke. Van dit is reeds aan lidmate uitgedeel.
GELDELIKE BYDRAES UIT DIE NOORDELIKE SINODALE GEBIED EN INDIWIDUE:
NGK Delareyville-Oos R 4 315
NGK Thabazimbi R 6 920
NGK Limpopo R 1 425
NHK Thabazimbi R 3 000
Anoniem Koedoeskop R 500
Koedoeskop Kunsmis R 1 500
Basie de Beer R 2 000
Loffie Grobler R 2 000
Adolf Grobler R 3 000
Gerhard en Henk Botha R 2 000
R 26 660
Die geld sal soos u versoek het, aangewend word vir die kerkskool wat na gebedsoorweging
verlede jaar die laaste week van November ‘n droom geword het en wat op 18 Februarie
2013 ‘n werklikheid gaan word. ‘n Kort oorsig oor die nodigheid van hierdie skooltjie word op
versoek opsommend aan u verskaf.
In Bulawayo gemeente het ses kinders verlede jaar geen onderwys ontvang nie. Die redes
was ‘n mengsel van oorvol skole, taalmedium (Ndebele) en befondsing. Daar was ook ander
1

edes soos gebrek aan vervoer ens. Na baie oorwegings en navorsing het die kerkraad aan
die einde van 2012 besluit, op aanbeveling van twee van die susters van ons samewerkende
gemeente (my vrou Adri en Lizette Muller) om ‘n “ACE Mission School” te begin.
ACE (Accelerated Christian Education ‘n Amerikaanse program) is bereid om met hulle
Mission skole dieselfde “sillabus” (paces) goedkoper beskikbaar te stel. Opleiding van
personeel is ook goedkoper. Hulle verwag dan dat die Kerk wat so ‘n skool bedryf personeel
sal verskaf wat sonder inkomste werk. Die kinders (ouers) mag ook geen skoolfonds betaal
nie. Dit is dus afgestem op uiters behoeftige ouers. Hierdie ouers val in hierdie spesifieke
kategorie. Alle inkomste moet van die betrokke Kerk of deur donasies van buite bekom
word.
Ons is binne vier weke aan die einde van November en begin van Desember deur die
proses om in Harare te registreer. Die skool is geregistreer as “Little flock of Jesus”.
Diagnostiese toetsing van die voornemende leerders is gedurende die Desembervakansie
afgehandel en personeel is ge’identifiseer.
Ons gaan twee klaskamers op die kerkperseel gebruik. Dit was baie jare gelede al as skool
gebruik en later doodgeloop. Ons het tans 12 kinders waarmee ons die skool gaan begin.
Ons het kinders van behoeftige lidmate wat deur die gemeente en die Noordelike Sinode
(SDO) gehelp is met befondsing ontrek en by Little flock ingeskryf sodat ons alle beskikbare
onderwys fondse in die skool kan steek. Daar is vier personeellede wat 10-15 Februarie
moet gaan vir opleiding in Harare. Die infrastruktuur (“Offices” soos cubicles) vir ACE
onderrig (eenmalig) gaan heelwat kos. Ek sal persoonlik by die skool betrokke wees as
prinsipaal/pastor. My vrou Adri is een van die vrywillige onderwyseresse.
Ons aanvangskoste gaan baie beloop. Die twee klaskamers moet nuwe plafonne kry en die
lesmateriaal en skryfbehoeftes moet bekom word. Hierdie milde bydrae soos uiteengesit is
die verhoring van gebede. Ons moes reeds R 12 000 se lesmateriaal aankoop op rekening.
Dit word van die RSA bestel en moet gereed wees vir die 18e Februarie se opening. Die
donasies maak vir ons ‘n blymoedige deur oop. Dit sterk ook die personeel en ouers se
vertroue dat ons die ondersteuning ervaar van ‘n breëer geloofsgemeenskap en ook die
seën van die Heer van die Kerk.
Ons wil ook graag elke donateur persoonlik bedank en hoop om dit so spoedig moontlik te
doen. Sonder dit is die poging futiel. Ek heg hierby ‘n eenvoudige begroting aan vir die
eerste termyn van 2013. Baie van die uitgawes is eenmalig om die infrastruktuur en
opleiding van personeel in plek te kry. Ons maak staat op voorbidding en noue bande ook in
die toekoms.
Warm broederlike-groete uit Zimbabwe,
U dienswillige broeder in Christus,
____________________
Ds Theuns Botha
2