BASTER BABALA (Pennisetum hibried) - Landbou.com

Opskrif: Eenjarige gewasse vir aangeplante weiding onder besproeiing
Vraag:
Dankie vir u antwoord op die net. Ek het ‘n vraag gevra oor aangeplante weiding vir bokke in
Noordoewer. Ek het op ‘n ander plek ook gelees van Baster babala nutrifeed , voersorghum pac
8288 vir die somermaande en primora raaigras saam met die lang swenk vir die wintermaande.
Wat is u mening, veral oor die somermaande ? Japie Mare
Antwoord:
Jammer vir net ‘n halwe antwoord, ek was onder die indruk dat jy hoofsaaklik in meerjarige
gewasse belang stel.
Baster Babala is ’n goeie, “opkomende“, eenjarige, somerweiding.
Dit is meer droogtebestand as Voersorghums. Dit het ‘n digte en uitgebreide wortelsisteem, wat
baie organiese materiaal vir die grond produseer en die teenwoordigheid van aalwurms in die
grond verminder. Daar is verskillende kultivars (almal goed) wat bemark word deur verskillende
saadmaatskappye. Hier onder volg ’n beskrywing:
BASTER BABALA (Pennisetum hibried)
Standaard kultivar: Hypearl millet
Kompeterende kultivars: Speedfeed, Milkstar, Nutrifeed
Reënvalbehoefte: 500 mm +
‘n Puik, vinnige weiding met hergroei vermoë, een van die beste groen weidings
as dit vroeg geplant word. Geen blousuur nie – ‘n ideale bees-, skaap-, bok- en
perdeweiding.
Plant na 15 Oktober tot Desember in koue areas en Januarie in warm areas.
Indien te laat geplant word, stoot dit gou blomstele. Ignoreer dit of sny af.
Hergroei is stadiger na Februarie, plant dus vroeg. Kan na 4 -5 weke begin wei
(30 – 50cm hoogte) en kan hergroei na 3 tot 4 weke weer wei.
Doen goed op sand tot kleigrond maar vermy versuipgronde.
Saaidigtheid: droë land 3-5 kg/ha
besproeiing 5-8 kg/ha
Hooi/hay: 3 – 12 t/ha
Weikapasiteit: 1.0 – 1,5 GVE/ha
Eenjarige raaigras is ’n goeie opsie vir die winter, mits jy GENOEG water het. In julle warm
wêreld sal ek Westerwolds raaigras (nie Italiaanse raaigras) aanbeveel. Hieronder volg ’n kort
beskrywing:
EENJARIGE RAAIGRAS: (Lolium multiflorum)
Raaigras word in 2 groepe verdeel: Italiaanse en Westerworld raaigras.
Eersgenoemde kan in die herfs en lente geplant word, terwyl laasgenoemde slegs in die
herfs geplant word.
Reënvalbehoefte: 800 mm + (Verkieslik besproeiing)
Eenjarige Raaigras
Italiaanse Raaigras Westerwolds Raaigras

Herfsaanplanting
Feb. – Apl.
Produseer vroeë winter,
maar neem af in koue
maande en produseer
saad. Produseer op sy
beste laat winter/lente.
Groei stop Nov/Des.
Diploїede kultivars:
NCD Enhancer, Exalta, Moata
Tetraploїde kultivars:
Jeanne
Lenteaanplanting
Aug. – Sept.
Blom & saadvorming
eers na 15 – 18 mnde.
Produksie hoog in lente,
herfs en die volgende
lente.
Slegs Herfsaanplanting
Feb. – Apl.
Lang daglengtes stimuleer blom &
saadvorming, dus in Nov/Des. Dan begin
groei afneem en die weiding minder smaaklik
raak. Bied weiding van Apl/Mei tot Nov/Des.
Beste in mid-winter
Diploїde kultivars:
Agri-Hilton
Tetraploїede kultivars:
Jivet, Energa, Captain.
Hoog produserende smaaklike weiding wat hoë veeladings kan dra.
Hoof plantseisoen Maart tot Mei, terwyl Italiaanse tipes ook in
September/Oktober geplant kan word.
Besproeiing en kunsmis is noodsaaklik vir hoё produksies, terwyl rotasie
beweiding (kampe) noodsaaklik is vir oorlewing (21 – 28 dae rus).
Verkies leemgronde (hutton) tot los goed gedreineerde klei gronde.
Plantdigtheid: 25 kg/ha
Hooi: 8 – 16 t/ha
Weikapasiteit: 5 – 6 GVE per ha/dag
Geskryf deur: prof. Chris Dannhauser, Weidingskundige (chriswei@vodamail.co.za)
28 Maart 2011