Slingervel Januarie 2012.indd - CJBF

Slingervel, Jaargang 53 

Nommer 929, Januarie 2012 

in hierdie uitgawe ... 

2 Die redakteur skryf ... 

3 Oom Nico se Possak 

4 Waar kom die Bybel 

vandaan? (1) 

5 Blokkiesraaisel 432 

6 Simson 

7 Jesus wys my dat Hy my 

liefhet 

8 Tina se straf (slot) 

10 Bybelleesrooster vir 

Februarie 

11 Katkisante samel geld in vir 

Bybelverspreiding 

12 Oordenkings vir 

laerskoolkinders 

14 Verjaardaghoekie 

15 Spreuke vir die tiener 

verklaar 

16 Die monster van 

Kalabasfontein (7) 

17 Afrikaanse woordverklaring - 

APIESDORINGBOOM 

18 Kan bakterieë praat? 

19 BERG in Afrikaanse idiome 

20 Oordenkings vir tieners 

22 Boekeblad 

24 Ons Pretblad 

Die redakteur skryf ... 

God is nie 'n selfoon nie 

Julle jongklomp kan julle seker nie indink hoe die lewe was voordat 

selfone bestaan het nie. Daar was ’n tyd, nie baie lank gelede nie, 

toe selfone nog nie uitgedink is nie. Vandag kan jy oral en altyd 

deur die selfoon gekry word, waar jy ook al is. As jy dringend met pa of 

ma moet praat, kan jy dit dadelik met jou selfoon doen. As jy skielik in 

die nood raak, is ’n selfoon jou uitkoms om hulp te vra. As jy skielik van 

jou skoolwerk vergeet het, kan jy in sekondes met jou maat in aanraking 

kom om uit te vind. Kom ons erken dit, ons lewe is in ’n groot mate 

afhanklik van ’n selfoon. Jy kan enigiemand, dag of nag, in die hande kry. 

Jou selfoon is altyd in jou broeksak of baadjiesak of boeksak. Hy is altyd 

byderhand, net maar ’n armlengte van jou af. 

Omdat jy so gewoond is aan jou selfoon, kan dit baie maklik gebeur 

dat jy dink dat jy met God ook so kan maak. Dit kan gebeur dat jy jou 

godsdiens ook sal wil beoefen soos jy met jou selfoon maak. Jou selfoon 

gebruik jy wanneer jý dit nodig het. As jy die selfoon nie nodig het nie, lê 

dit in jou sak of op jou tafel. Onthou, met God is dit anders. God is altyd 

by jou (Matt. 28:20). Deur die Heilige Gees woon die Here in jou hart (1 

Kor. 6:19). Die Here verwag ook van jou dat jy gedurig daarvan bewus 

moet wees dat die Here by jou is en ook ’n invloed op jou lewe het (Spr. 

4:23). 

Jou godsdiens bestaan uit ’n paar dinge: gebed, Bybellees, bywoon 

van die eredienste, die katkisasie, goeie werke doen. Hierdie dinge 

moet jy nie doen sodat God jou kan verlos nie. God het jou reeds verlos. 

Daarom is jy gedoop. As jy met die Here omgaan soos met jou selfoon, 

spreek dit van ondankbaarheid. Jou selfoon kan jy neem en ’n nommer 

bel volgens jou behoefte. Maar so kan jy nie met God maak nie. God is 

nie daar om te antwoord op jou behoeftes nie. Jy kan ook nie net tot 

God roep as jy in nood verkeer of as jy ’n antwoord soek op ’n probleem 

nie. Jou hele lewe is in God se hand en Hy verwag dat daar orde en 

dissipline sal wees in jou verhouding met God. Om jou Bybel te lees is 

om na God te luister. Dit is Hý wat deur die Bybel met jou praat. Daarom 

sal jy gereelde tye moet hê waarin jy Bybellees en daaroor nadink. Jy sal 

ook gereelde tye moet hê wanneer jy tot God bid en jou hart voor Hom 

oopmaak. God is nie soos ’n selfoon wat gereed lê om deur jou gebruik 

te word as jy dit nodig het nie. 

In jou verhouding met God gaan dit nie net om dinge wat jy nodig het 

nie, maar dit gaan ook om jou dankbaarheid vir die verlossing in Jesus 

Christus. Jou gebede mag nie net ’n klomp dinge wees wat jy van God vra 

nie, maar jy moet deur jou gebede die Here dank en Hom loof en prys 

vir al sy liefde. Dan sal jy bid en in die geloof lewe soos God dit van jou 

verwag en nie soos jy oor die saak dink en voel nie. SV 

lle jongklomp kan j lle seker nie indink hoe die le e as oordat 

2 slingervel januarie 2012

oom nico se 

Liewe Slingervelmaats 

possak 

Die allerbeste wense vir 2012 

Die nuwe jaar, 2012, is meteens by ons. Julle het nog gedink 

die lekker somervakansie is elke dag baie lekker, toe hoor 

julle hoe die nuwe jaar neerstryk. Vir al die Slingervelmaats 

wens ons ’n geseënde, suksesvolle en vrugbare jaar toe. Ons bede 

is dat die Here julle sal seën in julle persoonlike lewe en ook in 

julle huisgesinne, in die kerk, in die katkisasie, by die skool, op die 

sportveld, op kuns-kulturele vlak, ja, oral waar julle aktiwiteite het. 

Mag dit vir julle ’n goeie jaar wees met baie prestasies. 

Die Slingervel gaan die hele jaar by julle wees 

Die redaksie van die Slingervel beplan om elke maand ’n splinternuwe 

tydskrif vir julle saam te stel. Ons wil graag hê dat julle die 

Slingervel sal gebruik soos wat julle die tydskrif maandeliks kry. Dit 

het al gebruik geword dat ons aan die begin van die jaar ’n bietjie 

met julle gesels oor die inhoud van die tydskrif. Wat wag vir julle in 

elke uitgawe? 

 

 

 

 

Seker die belangrikste afdeling in die Slingervel is die oordenkings 

uit die Bybel vir laerskoolmaats en vir die tieners. Gebruik 

die oordenkings in jou eie tyd vir Bybellees en gebed. Dit sal 

jou help om die Skrifgedeeltes wat jy lees, te verstaan. ’n Ander 

rubriek wat ook van hulp is in jou Bybellees, is Spreuke vir die 

tiener verklaar. In die Spreukeboek is daar geweldig baie wat vir 

die gelowige tiener belangrik is. Lees maandeliks dié rubriek tot 

jou eie voordeel. 

’n Volgende rubriek in die Slingervel wat vir jou orde en sisteem 

in jou Bybellees sal gee, is die Bybelleesrooster. As jy die 

Bybelrooster gebruik, hoef jy nie elke keer as jy Bybellees, 

rond en bont te blaai op soek na ’n gedeelte om te lees nie. 

Die Bybelleesrooster het elke maand ’n sekere tema wat jou 

Bybellees van betekenis maak. 

Daar is ook baie ander artikels in die Slingervel wat oor besondere 

onderwerpe handel en jou kennis en insig kan verdiep en 

verbreed. 

Die blokkiesraaisels en die ander speletjies gaan aan jou 

geleent heid gee om met die tydskrif te ontspan terwyl jy daaraan 

deelneem. 

Lekker deelname aan die Slingervel 

Vir elke maat is daar maandeliks iets waaraan jy in die Slingervel 

kan deelneem. Jy kan die volgende doen: 

As jy die gawe het om gedigte of artikels te skrywe, stuur 

dit aan ons vir plasing. Ons het ’n groot behoefte aan sulke 

bydraes deur Slingervelmaats. 

Ons Pretblad is bedoel vir lekker lag en saamspeel. Stuur vir 

ons kinder- en tienergrappies dat almal daarin kan deel. En 

ken jy ’n speletjie wat ons almal saam kan doen, stuur dit ook 

in. 

Stuur vir ons julle antwoorde van die blokraaisels en die speletjies. 

Maak seker dat tannie Riana jou verjaardagdatum het vir 

plasing. 

Vra vir Penmaats en/of E-Maats met wie jy kan korrespondeer. 

Tannie Marina reël dit. 

As daar iets belangrik by julle skool of by julle jeugaksie van 

die kerk of in julle katkisasieklas gebeur wat interessant vir die 

Velliemaats sal wees, skryf daarvan vir ons en stuur sommer ’n 

foto saam. As julle gaan uitkamp of met ’n toer gaan, skryf vir 

ons daarvan en stuur ook foto’s. 

As jy weet van ’n Vellie wat baie mooi presteer het, laat weet 

ons daarvan sodat ons in die Slingervel daaraan aandag kan 

gee. 

Maats, die Redaksie wens só dat die Possak van die Slingervel 

elke maand propvol sal wees van bydraes en briefi es van 

Slingervelmaats. Kom nou, gryp die pen of die potlood of die 

rekenaar en skryf vir ons oor enigiets onder die son sodat ons 

julle briefi es kan plaas en al die Slingervelmaats daarin kan 

deel. 

slingervel januarie 2012 3 

 

 

 

 

 

 

 

 

Hartlike groete en die mooiste wense ook vir julle ouers. 

- Oom Nico

Waar kom die Bybel vandaan? (1) 

Daar is seker nie een Slingervelmaat wat nie 

’n eie Bybel het nie. Ons is baie bevoorreg in 

Suid-Afrika om die hele Bybel in ons eie taal, 

Afrikaans, te kan hê. Daar is baie volke in baie lande 

wat nog nie die voorreg het om die hele Bybel in hulle 

eie moedertaal te kan lees nie. As elkeen sy eie Bybel 

vashou, dan is dit ’n baie dik boek wat jy in jou hande 

het. Die meeste van ons Bybels is maar onlangs gedruk 

en is dalk nog splinternuut. 

Die Bybel wat God vir ons gegee het 

Ons moet onthou dat die Bybel oor duisende jare 

ontstaan het. Dit is ’n groot wonder wat God laat 

gebeur het. Hy het sy Heilige Gees gestuur om mense 

te inspireer om die boeke van die Bybel te skryf (2 Tim. 

3:16; 2 Pet. 1:21). Onder leiding van God se Gees het 

gewone mense soos ons die verskillende boeke van die 

Bybel geskryf: Moses, Dawid, Jesaja, Matteus, Paulus, 

Petrus en andere. 

Al is die Bybel wat jy in jou hand hou, net “een” boek, 

bestaan dit in werklikheid uit 66 boeke. Van Genesis 

tot Openbaring is daar 66 verskillende boeke in die 

Bybel. Hulle is verdeel in die Ou Testament en die Nuwe 

Testament. Die woord “Bybel” beteken “boeke”. Ons 

ouer maats sal verstaan as ons sê dat die woord “Bybel” 

afgelei is van ’n Griekse woord. Dit is die woord “biblos” 

wat “boek” beteken. Die meervoud van biblos is “biblia” 

en beteken dus “boeke”. Dink aan die woord biblioteek. 

Dit is die gebou waar ’n versameling boeke gehou word 

wat mense kan uitneem en lees (biblio van biblioteek, 

kom ook van biblia af). 

Die Bybel kom van God af 

Die Bybel is nie ’n gewone boek nie. Al was dit mense 

wat geskryf het, het hulle die inhoud van wat geskryf 

is, van God ontvang. Daarom sê ons dat die Bybel die 

Woord van God is. Elke sin en vers is gebore in God 

se gedagte. Elke hoofstuk is deur God bekend gemaak. 

Elke boek praat van God. Of liewer, God praat met jou 

in elke boek. 

Daar is drie redes hoekom God aan ons die Bybel 

Basjan 

Die Bybel se geboorte lank, lank terug 

gegee het. 1. God maak Homself aan die mens bekend in 

die Bybel. Die Bybel is God se openbaring (openbaring 

beteken bekendstelling). 2. God het ook die Bybel aan 

ons gegee om ons van sy wonderdade te vertel. Hy 

vertel ons wat Hy doen. 3. God het verder die Bybel vir 

ons gegee sodat ons kan weet wat God wil hê ons moet 

doen. Hierdie drie redes is baie belangrik om die Bybel 

te kan verstaan. 

God sê vir ons wie is Hy. 

God sê vir ons wat doen Hy. 

God sê vir ons wat wil Hy hê ons moet doen. 

Die Bybel ontstaan onder leiding van God 

Die Here leer aan ons in die Bybel dat Hy mense 

geïnspireer het om die Bybelboeke te skrywe (lees 2 

Tim. 3:16 en 2 Pet. 1:21). Die Heilige Gees het oor mense 

gekom en hulle gedagtes gevul met die inhoud wat God 

wou hê dat hulle sal neerskryf. Die wonder is dat elkeen 

van die skrywers hulle eie skryfstyl en taalgebruik behou 

het. Daarom is die taal en skryfwyse van Jeremia anders 

as dié van Sagaria en die woordgebruik van Paulus 

verskil van die woordgebruik van Petrus of Johannes of 

Lukas. 

Die geskiedenis agter elke Bybelboek 

Ons gaan elke maand hierdie jaar agter die gordyne 

koekeloer oor hoe die Bybelboeke ontstaan het. Ons 

gaan kyk na die ontstaan van die geskiedenisboeke van 

die Ou Testament (Genesis tot Ester). Daarna gaan ons 

’n bietjie snuffel om die ontstaan van die digterlike boeke 

van die Ou Testament na te gaan (Job tot Klaagliedere). 

Dit gaan ons bring by die profetiese boeke van die Ou 

Testament (Jesaja tot Sagaria). Daarna gaan ons dieselfde 

doen met die boeke van die Nuwe Testament. 

Dit is baie interessant om te hoor dat Moses die skrywer 

van die eerste vyf boeke van die Bybel is. Dat manne 

soos Dawid, Asaf, Salomo, Etan die Psalms geskryf het 

en dat profete soos Esegiël, Daniël, Amos en andere die 

profetiese boeke geskryf het. Ons gaan probeer vasstel 

wanneer is die boeke geskryf en wat het daarmee gebeur 

totdat dit uiteindelik in Afrikaans vertaal is en as 

die Bybel voor jou bed op die kassie lê. SV 


TERSIA 

blokkiesraaisel 432 

Pos julle antwoorde aan: 

Posbus 6433, 

Flamwood 2572 

DWARS 

1. Sallum se pa (2 Kon. 15:13). 

3. Hier begin 'n fontein (Jak. 3:11). 

5. Miga se tweede seun (1 Kron. 8:35). 

7. Die afkorting van “antwoord”. 

8. Moab se mense het tot hier gevlug (Jes. 15:5). 

10. Jefta het na die ........iete toe getrek (Rigt. 11:32). 

12. Moses het gesê hy is 'n jong leeu (Deut. 33:22). 

13. Ira se vader (2 Sam. 23:26). 

AF 

1. Die Bybelboek voor Psalms. 

2. Daar het tagtig mans uit Sigem, ........ en Samaria gekom (Jer. 41:5). 

4. Jafet se oudste seun (Gen. 10:2). 

5. Hier het die Israeliete kamp opgeslaan (Num. 33:28). 

6. “dit sal vir jou 'n sierlike ........ wees (Spr. 4:9). 

7. Filippus is later hier aangetref (Hand. 8:40). 

9. Hierdie koning het gedoen wat verkeerd was in die oë van God (1 

Kon. 16:25). 

11. Die dissipels het vir Christus 'n stuk hiervan gegee om te eet (Luk. 

24:42). 

Redakteur 

Dr Nico vd Merwe 

e-pos: slingervel@telkomsa.net 

Tipografi e en uitleg 

Joey Fourie 

e-pos: kerkblad@gksa.co.za 

MEDEWERKERS 

Dr. Nico van der Merwe 

Oordenkings vir tieners en laerskoolkinders 

Marina Kotze 

Junior Rubrieke en Penmaats 

Riana Jonker 

Verjaardaghoekie 

Susan Lourens 

Boekeblad 

Tersia van der Merwe en Rina Myburgh 

Blokkiesraaisels en Kopkrappers 

Attie Venter 

Wetenskap-Artikels 

Rika du Plessis en Sophia van der Walt 

Stories 

Artikelskrywers dié uitgawe 


Basjan 

Oom Carel 

Eienaars en uitgewers 

Deputate vir Kerklike Tydskrifte 

Gereformeerde Kerke in Suid-Afrika 

Posbus 20008, Noordbrug 2522 

Drukkers 

V & R Drukkery 

Tel. 012 328 7180 

Intekening 

Administratiewe Buro 

Afdeling Publikasies 

Posbus 20008, Noordbrug 2522 

Tel: 018 297 3986 

Intekengeld 

R168,00 per jaar 

(posgeld en BTW ingesluit) 

Advertensietarief 

Op aanvraag beskikbaar 

by Wymie du Plessis, tel. 018 297 3986 

Die Redakteur 

Posbus 6433, Flamwood 2572 

Bydraes en briewe 

Posbus 6433, 

Flamwood 2572 

Jaargang 53 

Nommer 929, Januarie 2012 

ISSN 0037 685 X 

slingervel januarie 2012 5

MARINA 

Simson 

Lees Rigters 13:1-25 

Die Here het aan Manoag en sy vrou 'n kindjie belowe. Hy moes 'n Nasireër wees, wat sy lewe aan die 

diens van die Here wy. Hy mag geen wyn of sterk drank drink nie en hy mag ook nie sy hare sny nie. 

Simson was 'n rigter. 

Vul die regte woorde in: 

1. Die Here het aan __________ en sy vrou 'n kindjie belowe. 

2. Die seuntjie se naam was __________. 

3. Hy moes 'n Nasireër wees en daarom nie __________ drink nie. 

4. Hy mag ook nie sy __________ sny nie. 

5. Simson was 'n __________. 

Kleur die 

prentjie in 


MARINA 

Jesus wys my dat Hy my liefhet deur my te help; ek 

wys dat ek vir Jesus lief is deur vir Hom dankie te sê. 

Kleur die 

prentjie in 


Lees die slot van ons 

vervolgverhaal vir tieners - 

deur Rika du Plessis 

Die eerste vyf dae van Tina se werk is verby en sy vind dit toe glad nie 

so erg soos sy haar verbeel het dat dit gaan wees nie. Inteendeel, 

sy sien vanoggend uit daarna om na die konyne toe te gaan. Oom 

Gys het vir haar gesê daardie mooi konyn wat sy eerste opgetel het, moet 

babatjies kry en dit sal nou enige dag wees. Sy is haastig om by die hokke 

te kom om te sien of hulle al daar is. Sy staan van die ontbyttafel af op ná 

sy vinnig net ’n bietjie geëet het. 

“En nou, Tina? Is jy nie honger vanoggend nie?” vra Gys. 

“Ek is haastig om te gaan kyk of Wolbol (soos sy die konyn gedoop het) 

nog nie haar kleintjies gekry het nie,” antwoord sy. 

“Nou toe, laat jy weg wees.” 

Gys kyk haar agterna en glimlag. Tina is nog nie ’n week hier nie en die 

wollerige diertjies het klaar ’n houvas op haar. Hy wil tog netnou vir Rita bel 

om dit te vertel. Hy weet Rita het Tina hierheen gestuur om haar te straf, 

maar intussen bekommer sy haar tog oor Tina, omdat sy baie ongelukkig 

was toe sy by haar ma weg is. 

By Wolbol se hok staan Tina in vervoering en kyk na die klein, kaal, 

pienk babatjies wat stoei om by hulle ma uit te kom om te drink. Ses, tel sy 

en steek haar hand versigtig in die hok in. Sy streel eers oor Wolbol se kop 

totdat sy kan voel dat die konyn rustig is en dan skulp sy haar hand sag 

om een van die pienk goedjies met die nog-toe ogies. Die kaal dingetjie 

wriemel in haar hand rond, die bekkie soek en soek en Tina streel liggies 

oor hom voordat sy hom by Wolbol terugsit. 

“Jy is klaar lief vir die konyne, nè?” vra Markus meteens hier agter haar. 

“Hulle is so liefdevol en mooi skoon. Hoe kan mens nie vir hulle lief 

word nie?” 

“Dit was nie jou opinie toe jy hier aangekom het nie.” Hy lag tergend 

in haar oë en Tina voel hoe haar hart ’n wilde skop in haar borskas gee. 

Flankeer hierdie aantreklike ou met haar? 

“Ag, ek was sommer omgekrap omdat ek nie regtig hierheen wou kom 

nie. Hierdie dierbare goedjies het my gou van opinie laat verander. Kyk dan 

nou net hierdie kriewelende, kaal goedjies. Om te dink hulle gaan ook sulke 

groot, wollerige konyne word.” 

Markus kom staan langs haar en neem haar hande in syne en draai hulle 

palms na bo en ruik aan hulle. Dan glimlag hy. 

Tina se straf 

“Ek weet jy kon die versoeking 

nie weerstaan om enetjie op te 

tel nie. Dikwels wanneer die ma ’n 

mensreuk aan een van haar kleintjies 

kry, vreet sy hom op of byt 

hom dood. Jy het gelukkig geen 

seepreuk of parfuumreuk aan jou 

hande nie en ek het gesien jy het 

eers oor die ma se kop en pels 

ge streel voordat jy hom opgetel 

het. Ook dink ek sy het jou nou al 

gewoond geraak en sy weet dat jy 

haar nie leed wil aandoen nie, so 

ons hoop maar sy maak hom nie 

dood nie.” Dan gee hy haar hande 

’n ligte drukkie en los hulle. 

“Hoekom het niemand vir my 

gesê dat ek hulle nie mag optel 

nie?” Tina is nou baie ontsteld en 

haar oë is groot en angstig op 

Mar kus gerig. 

“Ons moes en ek is jammer, maar 

kyk, Wolbol lyk heel rustig. Ek het 


nog altyd geglo dat dit net wilde 

konyne is wat so wreed optree. 

Wolbol is ’n baie mak konyn en daar 

word goed na haar gekyk. Toe, hou 

nou op om so bekommerd te lyk. 

Ek sal jou gou help om haar hok 

skoon te maak sodat sy vinnig met 

haar kleintjies terug in haar hok op 

die droë, skoon strooi kan kom. 

Laat ons handskoene aantrek.” 

Tina sug verlig. Vir ’n oomblik 

was sy baie benoud, maar sy glo 

Mar kus weet waarvan hy praat. Hy 

help haar gou en binne vyf minute 

is ma en kleintjies terug in hulle 

hok en word daar weer gretig deur 

die kleintjies na ’n drinkplekkie 

gesoek. 

“Dankie vir die hulp. Ek sal in 

die toekoms versigtiger wees. Ek is 

soggens so gou met my take hier 

klaar. Is daar nie iets anders wat ek 

ook kan doen nie? Ek raak verveeld 

om so rond te luier en niks te doen 

nie.” 

“Bedoel jy dit, Tina?” Markus 

kyk verwonderd na haar. Sy is toe 

tog nie die bedorwe meisie wat 

hy aanvanklik gedink het sy is nie. 

Boonop is sy baie, baie mooi. 

“Ja. Ek weet wat jy van my gedink 

het. Jy is verkeerd. Ek was 

som mer net onnodig omgekrap. 

Ek sal Mams netnou gaan bel en 

om verskoning vra. Sy het die regte 

ding gedoen om my hierheen te 

stuur sodat ek kon sien dat ek nie 

die enigste in my eie lewe is wat tel 

nie.” 

“Jy kan my in die kliniek kom 

help as jy wil,” bied Markus gretig 

aan. 

“Wat moet ek daar doen?” 

“Dikwels wanneer ek ’n diertjie 

moet inspuit of hom ondersoek, 

wriemel hulle so dat ek hulle nie 

kan vashou en my werk doen nie. 

Jy kan hulle vashou en streel sodat 

hulle rustig sit solank ek my werk 

doen. Daar is ook hokkies vir die 

pasiëntjies wat skoon gehou moet 

word en jy kan my daarmee ook 

help. My helper is vir ’n maand 

lank na sy huis toe en nou doen ek 

maar alles alleen. Hoe lyk dit, sien 

jy kans?” 

“Natuurlik. Hoeveel siek diere is 

daar en wat is dit?” 

“Daar is op die oomblik sewe 

wat bietjie olik is. Niks ernstigs nie, 

maar nogtans olik. Twee konyne, 

een groot hond en twee kleiner 

honde, ’n kapokhaantjie, ’n varkie 

en ’n kat. Dit is almal troeteldiere 

en goed gemanierd.” 

“Is dit een van daai kostelike 

klein varkies waarvan ek al in tydskrifte 

gelees het?” 

“Ja. Hy het die mooiste ou gevreetjie, 

sodat mens sommer vir 

hom lief raak. Die outjie het ’n seer 

oor. Gaan bel gou jou ma en dan 

kom jy kyk.” 

“Ek is sommer nou-nou daar,” 

antwoord Tina opgewonde. Sy 

gaan elke dag saam met hierdie 

aan gename ou werk en Ben is 

skie lik net ’n vae gedagte. Dinge 

tussen hulle was in elk geval in die 

laaste tyd maar krapperig. Sy weet 

hy neem ander meisies ook uit. 

************************ 

“Ag, Tina, Ma is so bly dat jy so 

hieroor voel. Dit wat jy my alles nou 

vertel het, laat my sommer beter 

voel dat ek jou daarheen gestuur 

het.” 

“Ek is bly, Mams,” en dan vertel 

sy haar ma van die oulike Markus. 

“Moenie jou hartjie daar in die 

boendoes verloor en dan hartseer 

wees wanneer jy moet terugkom 

uni versiteit toe nie, hoor.” Nou 

klink haar ma weer versigtig en bekommerd. 

“Ek is nog jonk, Mams. As hier 

iets van kom en dit is eg, sal afstand 

niks daaraan verander nie. Sien ... 

Mams nog vir oom Dirk?” 

“Ja, maar jy hoef nie bekommerd 

te wees dat ek sal instem om met 

hom te trou nie. Ek weet jy is nie 

ten gunste daarvan nie.” 

“Ai, Mams, nou voel ek darem 

baie skaam. Oom Dirk is eintlik ’n 

baie goeie man en ek was sommer 

net jaloers. As Mams voel dat hy 

Mams gelukkig kan maak, weet 

dan dat ek nie regtig iets teen hom 

het nie. Tatta, ek moet gaan werk.” 

Tina lag sorgvry en Rita weet dat 

haar meisiekind grootgeword het 

om die beter dinge in die lewe te 

waardeer. 

************************ 

Die derde dag dat Tina vir 

Markus in die kliniek klaar gehelp 

het, sit en speel sy met die koddige 

varkie wat nou mooi aan die herstel 

is. Markus kom staan by haar in die 

son. 

“Ek verstaan jy gaan universiteit 

toe ná hierdie vakansie. Mag ek vra 

na watter een toe jy gaan?” 

“Stellenbosch. Ma glo dit is 

die beste een omdat sy daar was,” 

ant woord Tina met ’n onnutsige 

laggie. 

“Nou toe nou. Ek gaan ook 

daarheen en ook omdat my pa glo 

dit is die beste een omdat hy daar 

was.” 

Hulle lag albei en in Tina se hart 

groei die opgewondenheid. Dit was 

so bestier dat sy hierheen moes 

kom. Sy glo dit nou vas, anders 

sou sy nooit hierdie aangename 

en boonop aantreklike jongman 

ontmoet het nie. Sy hou elke dag 

’n bietjie meer van hom. Sy kan ook 

in sy oë sien dat hy van haar hou. 

“Ek hou van jou, Tina en ek 

sal jou graag beter wil leer ken. 

Nou gaan die geleentheid vir ons 

daar wees wanneer ons saam by 

dieselfde universiteit gaan wees. Is 

jy oukei daarmee?” vra Markus sag 

en neem haar hand in syne nadat 

sy varkie weer in sy hokkie gesit 

het. 

“Ek sien uit daarna,” is al wat sy 

antwoord en toe haar vingers om 

syne krul, gee hy haar ’n drukkie en 

’n sagte soen op haar lippe voordat 

hulle hand aan hand saam huis toe 

stap. SV 


Bybelleesrooster vir Februarie 

Christentieners moet van praktiese 

hulp vir hulle naaste wees 

Woensdag 1 Februarie – Lees: 1 Tessalonisense 5:12-28 

Verloste mense lewe in vrede met mekaar. 

Donderdag 2 Februarie – Lees: Johannes 13:1-7 

Verloste mense deur Christus bewys liefde aan mekaar. 

Vrydag 3 Februarie – Lees: Romeine 1:8-15 

Gelowiges moet mekaar oor en weer ondersteun. 

Saterdag 4 Februarie – Lees: Romeine 13:6-14 

Christene in die kerk moet mekaar baie liefh ê. 

Sondag 5 Februarie – Lees: 1 Korinti ërs 6:1-11 

Gelowiges maak nie hofsake teen mekaar nie. 

Maandag 6 Februarie – Lees: Galasiërs 5:13 – 6:2 

Gelowiges moet mekaar dien en nie mekaar benadeel nie. 

Dinsdag 7 Februarie – Lees: Efesiërs 4:1-16 

Gelowiges staan in ’n gemeenskap met mekaar. 

Woensdag 8 Februarie – Lees: Kolossense 3:5-17 

Bekering bring mense in die regte verhouding met mekaar. 

Donderdag 9 Februarie – Lees: 1 Tessalonisense 5:11-29 

Gelowiges moet mekaar moed inpraat en mekaar versterk. 

Vrydag 10 Februarie – Lees: Jakobus 5:9-20 

Gelowiges mag mekaar nie verwyt nie maar moet vir mekaar 

bid. 

Saterdag 11 Februarie – Lees: 1 Petrus 4:7-11 

Lidmate in ’n gemeente moet mekaar liefh ê en mekaar 

bystaan. 

Sondag 12 Februarie – Lees: 1 Johannes 4:7-21 

Uit die krag van God se liefde moet gelowiges mekaar 

liefh ê. 

Maandag 13 Februarie – Lees: Markus 9:33-37 

Gelowiges mag nie met mekaar stry oor wie die belangrikste 

is nie. 

Dinsdag 14 Februarie – Lees: Johannes 13:1-17 

Gelowiges moet mekaar se voete was, vir mekaar iets 

beteken. 


Woensdag 15 Februarie – Lees: Johannes 15:1-17 

Kinders van God moet mekaar baie liefh ê. 

Donderdag 16 Februarie – Lees: Romeine 1:8-17 

Gelowiges moet deur mekaar se geloof bemoedig word. 

Vrydag 17 Februarie – Lees: Romeine 12:9-21 

Christene moet vir mekaar tot ’n voorbeeld wees. 

Saterdag 18 Februarie – Lees: Romeine 15:1-6 

Gelowiges moet eensgesind onder mekaar wees. 

Sondag 19 Februarie – Lees: Romeine 15:14-21 

Gelowiges moet mekaar op die regte weg help. 

Maandag 20 Februarie – Lees: 1 Korinti ërs 12:12-31 

Lidmate moet gelyke sorg vir mekaar dra. 

Dinsdag 21 Februarie – Lees: Galasiërs 5:13-18 

God se kinders moet mekaar in liefde dien. 

Woensdag 22 Februarie – Lees: Galasiërs 6:1-10 

Mense wat verlos is, moet mekaar se laste dra. 

Donderdag 23 Februarie – Lees: Efesiërs 4:1-7 

Christene verdra mekaar in liefde. 

Vrydag 24 Februarie – Lees: Efesiërs 4:25-31 

Gelowiges moet onder mekaar die waarheid praat. 

Saterdag 25 Februarie – Lees: Efesiërs 4:30 – 5:5 

Gelowiges moet goedgesind en hartlik teenoor mekaar wees 

en vergewe. 

Sondag 26 Februarie – Lees: Efesiërs 5:15-21 

Gelowiges moet uit eerbied vir Christus aan mekaar 

onderdanig wees. 

Maandag 27 Februarie – Lees: Kolossense 3:12-17 

Gelowiges leer en onderrig mekaar. 

Dinsdag 28 Februarie – Lees: 1 Tessalonisense 4:13-18 

God se kinders moet mekaar troos. 

Woensdag 29 Februarie – Lees: Matt eus 24:3-14 

Gelowiges moet mekaar liefh ê en nie haat nie. 


Krugersdorp se 

Graad 5-katkisante 

samel geld in vir 

Bybelverspreiding 

Les 19 van die katkisasieleerplan het die Gr 5’s aan 

die dink gehad. Hoe om geld in te samel vir 'n 

goeie doel? 

Die idees was volop! Maar die beste een was 'n 

muntlegging vir Bybelverspreiding. Die wiel is aan die 

rol gesit en al die katkisante is ingelig. Na baie hulp van 

Tannie Janette, in die kerkkantoor, is die hele gemeente 

– via sms’e – ook betrek. 

Groot was ons verbasing dat hierdie uitreik so 'n 

reuse sukses sou wees!! Jonk en oud het kom munte 

plaas op die pad tot Bybelverspreiding (die jongeres 

het dit wel meer prettig gevind om die munte te gooi as 

te pak) en selfs ds. Wim Vergeer het 'n bydrae gelewer. 

Ons het ‘n bedrag van R1 804.88 ingesamel. Baie 

dankie aan Tannie Elzabe Kruger wat help tel het aan 

die munte. Die ure se tel was die moeite werd toe die 

totale bedrag uiteindelik opgeweeg was. Baie dankie vir 

elkeen se bydrae – groot en klein. 

Gr 5 Katkisasie-klas 2011: 

Chrisli Verhoef, Michelle Joubert, 

Charone Moss, Beulah Grobler, Anmari 

vd Walt, Sagitta Mulder, Erik Koekemoer, 

Pieter Erasmus, Jonathan Clements, 

Sarel Joubert, Gideon Germishuys, 

Brittaney Lee, Waldo Christen, Christiaan 

Geldenhuys, Marilee Deysel. 

(Ingestuur deur tannie Zelda Weideman) 

Van links na regs agter: Erik Koekemoer, 

Sarel Joubert, Pieter Erasmus, Gideon 

Germishuys 

Van links na regs middel: Michelle Joubert, 

Charone Moss, Anmari vd Walt 

Van links na regs voor: Sagitta Mulder, 

Chrisli Verhoef, Beulah Grobler 

(Afwesig met neem van foto: 

Brittaney Lee, Waldo Christen, Christiaan 

Geldenhuys, Jonathan Clements en Marilee 

Deysel) 


dr. nico van der merwe 

1. Jesus weet wat goed is vir jou 

Lees in jou Bybel Lukas 18:18-30 

As kind weet jy nie altyd wat is reg en goed vir jou nie. 

Ek is seker dat jy nie saamstem nie. Jy sê seker dat jy 

die enigste een is wat weet wat goed is vir jou. Christus 

leer ons iets anders in die Bybel. Die ryk jongman wat 

by Jesus gekom het, het ook so gedink. Hy dink hy doen 

alles wat God in die wet van hom vra. Jesus sien in sy hart 

dat sy rykdom vir hom meer beteken as Jesus. Daarom sê 

Jesus dat hy alles moet verkoop wat hy het, die geld vir die 

armes gee en dan na Jesus toe terugkom en Hom volg. 

Omdat sy geld vir hom meer beteken het as Jesus, kon die 

jongman dit nie doen nie. 

Jesus ken jou hart. Hy weet wat daar in jou lewe is wat 

vir jou belangriker is as Hy. Maats. Sport. Jou fi ets. Jou CDspeler. 

Jy kán al hierdie dinge hê, maar die allerbelangrikste 

moet jou geloof in Jesus Christus wees. 

3. God maak jou in jou geloof sterk 

Lees in jou Bybel 1 Samuel 17:31-50 

Dawid was nog ’n jong seun toe hy teen die reus Goliat 

moes veg. Vir Dawid was daar nie ’n ander keuse nie. 

Goliat het God en God se volk beledig en gevloek. Hy het 

gemaak asof hy sterker is as God en sommer een-tweedrie 

met God se volk sal klaarspeel. Al die soldate van 

koning Saul was te bang om teen Goliat te veg. Dawid 

besluit hý sal dit doen. Hy is nie bang vir Goliat nie, omdat 

hy opreg in God glo. 

Deur sy geloof het Dawid vir Goliat verslaan. Wat vir al 

die soldate as die onmoontlike gelyk het, word vir Dawid 

waar omdat hy in God glo. 

Soms lyk dit asof Satan ook te sterk is vir die mens 

en God. Soms lyk dit asof die sonde nie gekeer kan word 

nie. As jy in Jesus glo en doen wat God in die Bybel vir jou 

leer, sal jy ook die onmoontlike regkry. Sonder God kan ’n 

mens nie teen die kwaad veg nie. 

5. Jesus raak aan die kindertjies 

Lees in jou Bybel Mark. 10:13-16 (vs 13) 

Op ’n dag het baie ouers hulle kindertjies na Jesus toe 

gebring sodat Hy aan hulle kan raak. Jesus het aan 

baie mense geraak: melaatses, blindes, stommes, dooies. 

Waar om sou Jesus dit gedoen het? Sê dit vir ons iets as 

Je sus aan mense raak? 

Jesus het aan mense wat ernstig siek was, geraak om 

vir hulle te sê dat Hy hulle verstaan. Jesus se aanraking 

vertel iets van die liefde. Hy raak aan hulle siek en gebroke 

liggame om vir hulle te sê dat Hy hulle graag wil help. Dit 

was ook die betekenis vir die kindertjies. “Hy het sy arms 

om die kindertjies gesit, hulle die hande opgelê en hulle 

geseën” (vs 16). Deur dit wat Jesus gedoen het, het Hy vir 

die kindertjies en hulle ouers gewys dat Hy hulle liefhet. 

Jesus het vir jou ook gewys dat Hy vir jou lief is. Dit was 

die dag toe jy gedoop is. Toe het Christus vir jou gesê dat 

Hy jou liefhet en jou seën. 

2. Doen in alles wat God vra 

Lees in jou Bybel 2 Kon. 22:1-7 (vs 1-2) 

Josia was net 8 jaar oud toe hy koning van Juda geword 

het. ’n Mens sou verwag dat Josia net verkeerde dinge 

sou doen, want sy oupa Manasse en sy pa Amon was goddelose 

konings wat in alles ongehoorsaam was aan die 

Here. Wat ’n verskriklike voorbeeld het Josia gekry van sy 

oupa en pa. 

Van Josia lees ons net die teenoorgestelde. Hy het gedoen 

wat reg was in die oë van die Here. Toe Josia oud 

ge noeg was om self as koning te regeer, was die volk 

heeltemal afvallig van God. Josia het besluit om die volk só 

te regeer dat hulle in alles die Here sal dien. 

Dit maak nie saak watter voorbeeld jy van jou ouers, 

maats en vriende kry nie. Die Here verwag dit van jou om 

self te besluit om te lewe soos God in sy Woord beveel. 

As kind wat gedoop is, moet jy lewe soos ’n kind van 

God. 

4. Belangrike besluite om te neem 

Lees in jou Bybel Mark. 1:14-20 (vs 19-20) 

Soms moet ’n mens baie skielik ’n geloofsbesluit neem 

en kan jy nie dae en weke wag nie. Die Here verwag van 

jou om dadelik ’n besluit te neem. Dit gebeur met Jakobus 

en Johannes. Die twee broers het hulle pa gehelp in sy 

visbesigheid. Hulle het vis gevang op die Galilea See en dit 

dan verkoop. Dit was hulle werk. Op ’n dag kom Jesus by 

hulle verby. Hy is besig om 12 manne te roep om saam met 

Hom te gaan. Dit is sy dissipels. 

Jesus sê vir Jakobus en Johannes om die visbedryf net 

so te los en Hom te volg as sy dissipels. Christus kon nie 

wag vir ’n antwoord nie. Die broers het net daar en dan 

besluit om Jesus te volg. 

As jou maats jou wil verlei om God se wet te oortree, 

kan jy nie wag om te besluit nie. Jy sal dadelik moet besluit 

om te doen wat God van jou verwag en nie te doen wat jou 

maats beplan nie. 

6. Die belangrikste dinge in die lewe 

Lees in jou Bybel Matteus 6:25-34 (vs 31) 

As ons na diere kyk, dan lyk dit asof hulle heeldag net 

besig is om kos te soek en kos te eet. Partykeer lyk 

dit asof die mense dieselfde doen. Heeldag word gewerk 

sodat hulle kos kan koop om te kan eet. Elke dag is dit die 

patroon. Werk en eet. 

Die lewe is egter meer as net werk en eet of skoolgaan 

en eet. Die mens is ook op die aarde om die Naam van die 

Here groot te maak. Deur jou lewe moet jy die Here eer. 

Elke dag se werk en eet is nie die allerbelangrikste nie, want 

vir die mens wag daar ’n nuwe lewe aan die einde. Daarom 

sê Jesus dat gelowiges hulle nie moet bekommer nie. By al 

die werk wat jy moet doen, moet jy daaraan dink dat die 

Here jou versorg en beskerm. 

Die gelowiges moet dus eers aandag skenk aan die 

din ge wat vir God belangrik is; Hy sal jou lewe dan seën 

so dat jy genoeg het om van te lewe. 


7. Maak die beste gebruik van jou tyd 

Lees in jou Bybel Efesiërs 5:15-20 (vs 16) 

Jy is maar net op laerskool en tog het jy al verskriklik baie 

dinge om te doen. As jy na jou ouers en die onderwysers 

kyk, dan sien jy hoe hulle moet jaag om alles klaar te 

kry wat hulle moet doen. 

Die tyd waarin ons lewe, is ’n haastige en ongeduldige 

tyd. Dus gebruik mense kitskos, kitsbanke, kitskontbyt. Mikro 

golfoonde maak kos in ’n kits gaar en ander masjiene 

was jou klere en maak dit droog in ’n kits. 

In hulle godsdiens wil mense dieselfde doen. Vinnig 

By bellees en ’n kitsgebedjie. Gou-gou na die erediens toe 

en haastig terug. Gaan dit met jou ook so? God sê in vers 

16 dat jy die beste gebruik moet maak van jou lewenstyd, 

veral as dit kom by jou diens aan die Here. Daar mag jy nie 

afskeep nie en ook nie kits maak nie. Onthou, Jesus het 

nie afgeskeep toe Hy vir jou sondes aan die kruis betaal 

het nie. 

9. Wie is ek tog eintlik? 

Lees in jou Bybel Eksodus 3:1-12 (vs 11) 

Ek wonder of die gemeente waar jy ’n dooplidmaat is 

al vir jou gevra het om iets te doen? Dalk was dit net 

om papiere op die kerkerf op te tel of om ’n paar stoele 

aan te dra of enige ander werkie. Of Mamma vra jou om n 

bietjie groente vir die arm mense naby julle te vat. Doen jy 

dit met vreugde? God het vir Moses ’n opdrag gegee om 

die Israeliete in die Naam van God uit Egipte te lei. Maar 

Moses was onwillig. Hy vra: “Wie is ék ...?” Moses wil dit 

nie vir die Here doen nie en nou maak hy asof hy nie die 

regte persoon is nie. 

’n Mens kan dit nie vir God sê nie. Wie jy ook al is, as 

God vir jou ’n opdrag het, moet jy gehoorsaam wees, want 

die Here help jou uiteindelik om dit suksesvol af te handel. 

Jy moet weet dat God vir jou as kind ook ’n opdrag het 

en dit is om tussen jou maats aan Hom gehoorsaam te 

wees! 

11. Ware godsdiens dra geloofsvrugte 

Lees in jou Bybel Galasiërs 5:16-24 (vs 22) 

As dit by die lewe van ’n gelowige kom, gebruik die 

Here ’n voorbeeld in die Bybel om dit vir die mens 

ver staan baar te maak. Die Here sê dat ’n gelowige soos 

’n vrugteboom is. As jy waarlik glo, is dit wat jy doen die 

vrugte van jou geloof. 

In Galasiërs 5:22 noem die Here watter vrugte in die 

lewe van die gelowige moet wees: liefde, vreugde, vrede, 

geduld, vriendelikheid, goedhartigheid, getrouheid, nederig 

heid en selfbeheersing. 

Dit mag nou vir jou na baie groot woorde klink waarvan 

jy nie presies weet wat elkeen beteken nie. Dit is egter vir 

jou nodig om te weet dat hierdie dinge deur die Here beskou 

word as geloofsvrugte. 

As die Here hierdie vrugte in jou lewe sien, dan weet Hy 

dat daar ’n opregte geloof in jou hart is en dat jy gehoorsaam 

is aan God se Woord. 

8. Antwoord op die hoekom-vraag 

Lees in jou Bybel Joh. 9:1-12 (vs 1-2) 

Jy vra seker ook baie: Hoekom is my maat se pa of ma 

so ernstig siek? Hoekom is daar kinders wat so baie 

swaarkry? Hoekom word kinders soms met ’n gebrek 

gebore? Hoekom is ’n kind vermink in ’n ongeluk? Hoekom 

is daar kinders wat nie hulle volle verstand het nie? Die 

dissipels vra dit ook vir Christus: Hoekom is die man wat 

blind gebore is, so? Is dit oor sonde van homself of van sy 

ouers? 

Hulle het gedink die man word gestraf vir sy sonde of sy 

ouers word gestraf vanweë hulle sonde. Jesus sê nee! Dit is 

nie die rede nie. Hy is blind “sodat die werke wat God doen, 

in hom gesien kan word” (vs 3). 

God bewys genade aan mense wat swaarkry. In hulle 

kan ander mense God se dade sien. God is in volle beheer 

en net soos God jou lewe gebruik in sy diens, doen die Hy 

dit met mense wat swaarkry. 

10. Godsdiens met voorwaardes 

Lees in jou Bybel Matt. 19:16-22 (vs 22) 

As jy iets moet doen vir iemand, stel jy ook soms voorwaardes. 

Jy sal vir Ma winkel toe gaan as sy vir jou ’n 

roomys koop. Jy sal vir Pa die motor was as hy vir jou ’n 

CD koop. Jy sal vir jou boetie of sussie iets doen as hulle 

jou beloon met lekkergoed of ’n koeldrank. Dit kom daarop 

neer dat jy nie iets vir iemand anders sal doen as jy nie 

“betaal” word nie. 

Jy moet oppas dat jy nie met die Here ook so maak nie. 

Die ryk jongman was bereid om die Here te dien solank hy 

net al sy rykdom kon hou – dit was sy voorwaarde. Jy kan so 

maklik sê dat jy gereeld sal Bybellees as die Here sorg dat jy 

die eksamen goed deurkom. Jy is bereid om gereeld te bid 

as die Here toesien dat jy ’n fi ets kry. 

Onthou, God het jou die verlossing in Christus gegee 

son der enige voorwaardes. Daarom moet jy God opreg 

dien met blydskap sonder voorwaardes. 

12. Die liefde van Christus motiveer 

jou 

Lees in jou Bybel 2 Kor. 5:11-15 (vs 14) 

P aulus skryf in vers 14 wat die motief is waarom hy doen 

wat hy doen. Hy sê vir ons wat is die dryfveer agter 

sy dade. Eenvoudig gesê, Paulus vertel hoekom hy die 

din ge doen wat hy doen. Hy wys na die krag wat sy lewe 

beheer. Hy sê dat die liefde van Christus hom dryf om te 

doen wat hy doen. Omdat Christus hom liefhet, wil hy uit 

dankbaarheid só optree in sy lewe dat dit volgens God se 

wil is. As hy ’n keuse in sy lewe moet doen, vra hy altyd eers 

hoe God wil dat hy die keuse maak. Dit is ’n manier van 

optree wat tuishoort by elkeen wat sê dat hy in God glo. 

God vertel in die Bybel presies hoe ’n kind van Hom 

moet lewe. God gee in die Bybel die nodige riglyne vir die 

lewe van elke dag. Die liefde van Christus moet nou die 

dryfkrag wees agter jou optrede in elke faset van jou lewe. 


Anelda Pretorius (Heilbron), Bianca Joubert (Krugersdorp), 

1 Jacobus Erasmus (Bloemfontein-Noord), Kelvin Gravett 

(Krugersdorp), Marli Claasen (Reitz). 

Albert-Hendrik van der Linde (Kathu), Charl van Jaarsveld 

2 (Kuruman), Eben Coetzee (Wapadrant), Emma-Gene Nel 

(Waterkloofrand), Enrico Emmerson (Benoni), Katelynn Duncan 

(Wapadrant), Liam Viljoen (Wilropark). 

Dylan Buchanan (Alberton-Wes), Elizma Erasmus (Kathu), 

3 Moné Duvenhage (Benoni). 

Anri de Villiers (Benoni), Christi de Villiers (Benoni), 

4 Chérie van Wyk (Kathu), Jan-Louis Pretorius (Kuruman), 

Vera-Marie Pretorius (Kuruman). 

Annamarie Kruger (Kuruman), Anzél de Beer (Wapadrant), 

5 JB Coetzee (Kathu), Mathys van Wyk (Benoni). 

Aminaty Viljoen (Vaalpark), Zander Boshoff (Buffel- 

6 doorns). 

Milan Kruger (Wapadrant), Roshelle Tromp (Alberton- 

7 Wes), Wynand Robinson (Bethal). 

Frans de Villiers (Wolmaransstad), Heinrich Fourie (Kuru- 

8 man), Tayla du Plessis (Lydenburg), Vian van Niekerk 

(Wol maransstad), Wolter Bennink (Heilbron). 

Clari Buys (Reitz), Cuan Hattingh (Wilropark), Jandré 

9 Meyer (Lydenburg), Roelf Coetzee (Postmasburg). 

Christiaan van Zyl (Wapadrant), Erik Koekemoer (Kru- 

10 gersdorp), Janko van Vuuren (Kathu), JB (Jnr) Willers 

(Ly denburg). 

Chelandre Hebler (Vaalpark), Coret Hoogendoorn (Ver- 

11 eeniging-Oos), Marco Roos (Benoni), Nicola van der 

Walt (Wapadrant), Stean Strauss (Wilropark), Wikus Bylsma 

(Ku ruman). 

Alexander Prinsloo (Alberton-Wes), Tiali de Beer (Vaal- 

12 park). 

Cobus du Plessis (Alberton-Wes), Danielle Smith (Al- 

13 ber ton-Wes), Elbie Venter (Vanderbijlpark Trinitas), 

Jua nita van Baalen (Lydenburg), Melanie Badenhorst (Kathu). 

Duan van Aswegen (Wilropark), Franco van Tonder 

14 (Wa padrant), Francois Crafford (Vereeniging-Oos), 

Ke vin Mulder (Lydenburg), Reinhardt Crafford (Vereeniging- 

Oos). 

Louise-Marie Muller (Buffeldoorns), Marinus Faling 

(Vaal park), Roelof Hoogendyk (Wilropark). 

15 

verjaar verjaardaghoekie daghoekie 

Dis alweer ’n nuwe jaar! Baie welkom aan al ons nuwe Velliemaats. Alles wat mooi is vir die 

maats wat in JANUARIE verjaar. Gebruik elke oomblik van die nuwe jaar om ’n voorbeeldige 

kind van die Here te wees. Hernu asseblief self julle verjaardae of vra een van julle kategete 

om dit aan my te stuur. My adres is: Tannie Riana Jonker, Posbus 614, Paardekraal 1752; of e-pos 

jonkerp@mweb.co.za Groete, Tannie Riana 

16 

Ansoné Vermeer (Alberton-Wes), Berdine Krause (Beno 

ni), Kian-Clyde Kruger (Vereeniging-Oos), Nico Peyper 

(Vereeniging-Oos), Peet Venter (Benoni), Sebastian Kruger 

(Vereeniging-Oos), Willem van Wyk (Krugersdorp). 

Lerize Liebenberg (Alberton-Wes), Venize Range 

17 (Mid rand). 

Bernadene Mitchell (Vaalpark), Ella van Jaarsveld 

18 (Bloem fontein-Noord), Izak Engelbrecht (Zeerust), 

Jan neke Kruger (Kuruman), Rinette Potgieter Vereeniging- 

Oos). 

Jolene Pretorius (Lindley), Marilie Schutte (Buffel- 

19 doorns). 

De Jager Jooste (Heilbron), Henning Venter (Wapad- 

20 rant), Stephan du Toit (Bloemfontein-Noord). 

Derick van Heerden (Lydenburg), Esmé van Vuuren 

21 (Lind ley), Megan Cussons (Buffeldoorns), Renier Barnard 

(Wilropark), WC Diedericks (Benoni). 

Janke Pretorius (Heilbron), Liezel Oberholzer (Wilro- 

22 park), Michelle Joubert (Krugersdorp), Zander Human 

(Wolmaransstad). 

Armand Olivier (Reitz), Clarissa Jacobs (Wilropark), 

23 De sire Jacobs (Wilropark), Dirkie van Reenen (Benoni), 

Peet Duvenhage (Benoni). 

Alicia Nieuwoudt (Wapadrant), Andries Bruyns (Wilro- 

24 park). 

Danie Schoeman (Wapadrant), Lize-Mari Coetzee (Ka- 

25 thu), Tiaan Prinsloo (Benoni). 

Cobus Viljoen (Wolmaransstad), Hanru Swanepoel 

26 (Wil ropark), Sunet le Roux (Wapadrant). 

Christan Jansen van Vuuren (Kuruman), Jo-ándri König 

27 (Vereeniging-Oos), Lizahn Venter (Wilropark). 

Anzel Claassens (Krugersdorp), Dewan Potgieter 

28 (Benoni), Helenke Venter (Bloemfontein-Noord), Marco 

van Staden (Alberton-Wes), Marianka Fourie (Kuruman). 

Henri Venter (Kuruman), Venter van Wyk (Water kloof- 

29 rand). 

Benna Chambers (Vaalpark), Danielle Boshoff (Beno- 

30 ni), Jan Hendrik Deetlefs (Kuruman), Leandra du Preez 

(Lydenburg), Marco Coetzer (Wapadrant), Willem Fiedler (Kathu). 

Mariché Viljoen (Krugersdorp). 

31 



Waardevoller as goud, 

selfs fyn goud 

Dit gaan in Spreuke 8 om die 

wysheid van God wat betroubaar 

en eerlik is. Vier 

dele kan in hierdie hoofstuk onderskei 

word: 

1. Wysheid word as persoon voorgestel 

(vs. 1-11) 

2. Dan hoor ons wat die wysheid 

alles kan aanbied (vs. 12-21). 

3. Dan volg amper ’n skeppinglied 

(vs. 22-31). 

4. Dan volg die afsluiting van die 

hoofstuk (vs. 32-36). 

Die teksvers vir ons bespreking 

val nou in die tweede deel, vers 

12-21, waarin dit gaan om wat 

die wysheid alles vir die mens kan 

beteken. Wat kan die wysheid vir jou 

bied? Wat is die diep godsdienstige 

inhoud van die wysheid? Hierin 

is die fundamentele orde van die 

skepping van God gegewe. Wysheid 

beteken dat die mens hierdie orde 

leer ken en in ooreenstemming 

daarmee lewe. Dit is die inskakeling 

by God se orde. 

Vir die Israeliete was wysheid nie 

bloot dieselfde as wat “intelligensie” 

vandag vir ons beteken nie. Dit 

gaan nie hier om ’n baie hoë IK nie. 

Hier is sprake van menslike verstand 

en insig. Maar daar is meer op die 

spel: die erkenning dat God die 

Skepper van die orde in die wêreld 

is. Wysheid is soos ’n skatmeester 

(Spr. 8:19) 

wat skatte bymekaar maak en dit 

dan deel met elkeen wat deur die 

geloof een is met God. 

Wat God in sy wysheid gee, 

“is beter as goud, selfs fyn goud”, 

dit is meer werd as die suiwerste 

silwer. Is dit wat God gee beter as 

geld? Immers, geld kan vir jou baie 

probleme oplos (Pred. 7:12; 10:19). 

Met baie geld en weelde kan jy 

in die lewe baie bereik wat vir jou 

gerief en waarborge gee. Geen 

geld, hoe groot die bedrag ook 

al mag wees, kan vir jou wysheid 

koop nie (Job 28:15-19). Wat God 

jou lewer, wat Hy vir jou gee, “is 

beter as goud, selfs fyn goud; is 

meer werd as die suiwerste silwer 

(vs. 19). 

In die arbeidsmark is daar gedurig 

wisseling en kompetisie. Elkeen 

strewe daarna om meer en meer 

geld te kry. ’n Gemiddelde werker 

werk 40 uur per week. As jy die tyd 

wat hy neem om by die werk te 

kom, inreken, duur die werkweek 

vir hom dalk 50 uur. As ekstra tyd 

bereken word en ook dalk die tyd 

wat hy tuis aan sy beroep spandeer, 

kan ’n mens se “arbeidstyd” dalk 60 

of dalk 80 uur in beslag neem. Maar 

wat het die mens daaruit geput? 

Dalk ’n paar rand meer in die bank. 

Maar beslis het die persoon nie 

meer en ’n groter kennis van God, 

Spreuke vir die tiener verklaar 

lewenswysheid nie! Die vraag is: 

Hoe kan die mens meer op soek 

wees na wysheid en insig in plaas 

daarvan om hom vir geld en weelde 

en gemak te beywer? Nie alleen 

sal die mens dan dieper insig en 

begrip van die lewe hê soos God 

dit beskik en vir die doel waarom 

Hy dit gegee het. Op hierdie wyse, 

toewyding aan God se Woord, leer 

jy insig in die dinge van die lewe 

en kan jy die waarde in jou lewe 

afmeet teen die groot gewig van 

geld en goed. Baie minder mense 

soek na goddelike wysheid as 

hulle wat soek na geld en goud en 

silwer. 

Spreuke se boodskap is kort 

en kragtig: wysheid en insig in die 

lewe is veel meer werd as enige 

rykdom (Spr. 3:13-15; 8:10-11; 

16:16; Job 28:15-19; Pred. 7:12). 

Onthou: “Kennis begin met die 

dien van die Here, dit is net dwase 

wat wysheid en opvoeding gering 

ag” (Spr. 1:7). “Om die Here te dien, 

is om te haat wat verkeerd is” (Spr. 

8:13; Pred. 12:13-14). 

As Christentiener moet jy noukeu 

rig let op hoeveel tyd jy spandeer 

vir algemene aardse dinge, 

die dinge waarmee jy jou daagliks 

mee besig hou en hoeveel tyd jy 

ge bruik om jouself in kennis en 

insig te skool. SV 


Die MONSTER van 

Kalabasfontein (7) 

“Daar’s hy! Die monster! Daar is 

hy, ek sien hom!” skree Johan 

se ma en sy gryp tannie Corrie 

se arm vas. 

Tannie Corrie krul soos sy lag. 

“Dis nie die monster nie, dis Oubaas, 

ons patryshond. Dis hy wat daar 

by die bos wattelbome uitgekom 

het en weer terug gehardloop het. 

Hy soek daar rond en is nou weer 

terug na Koot-hulle toe.” 

“Is jy seker?” vra hulle ma met 

’n rooi gesig. 

“Natuurlik, het jy dan nie sy 

lang ore raakgesien nie?” Tannie 

Cor rie probeer om haar gesig ernstig 

te hou, maar dan proes sy weer 

van die lag. 

“Ek het net die rooi-bruin gedierte 

daar uit die bos sien kom en 

dadelik gedink dis die monster.” 

Ver leë lag sy nou maar saam met 

tannie Corrie oor haar groot fl ater, 

omdat sy die patryshond aangesien 

het vir die monster. 

Later moes oom Koot maar 

weer sy geweer in sy motor laat 

sonder dat daar ’n skoot geskiet 

is. Hulle het nie die monster gekry 

nie. Toe almal weer rustig by die 

huis sit en vars koffi e en beskuit 

geniet, begin tannie Corrie weer 

lag. “Weet julle dat julle ma vandag 

die monster met haar eie oë gesien 

het?” vra sy vir die kinders. 

“Regtig? Hoe het hy gelyk? 

Wat het gebeur?” wil al die kinders 

sommer gelyk weet en laggend 

vertel sy wat gebeur het. 

“Ag, almal is so op hol oor die 

monster. ’n Mens sal hom begin 

sien om elke draai,” verdedig hulle 

ma haarself. Dan plooi haar mond 

in ’n glimlag en uiteindelik lag sy 

net so lekker so die ander wat vir 

haar lag. 

Omdat oom Koot daardie 

dag nie die luiperd gekry het, het 

almal gerus geword en geglo hy is 

nie daar nie. Heel gou het Johan, 

Hanlie en Neelsie maar weer elke 

middag ná skool op die plaas alleen 

rondgedwaal. Net partymaal 

het hulle vir Ricka saam met hulle 

laat speel. 

********************* 

Een Saterdag vroeg het die 

pro fessor, die eienaar van die plaas 

en sy twee seuns van Johannesburg 

af na die plaas toe gekom. Hulle 

het eers na die huis toe gekom om 

almal te ontmoet. Nadat die vriendelike 

professor ’n rukkie gesels 

het, sê hy: “Julle sal my nou moet 

ver skoon, ek het nog heelwat om 

te doen voordat ek weer teruggaan 

Johannesburg toe.” 

“Kom, stap saam met ons,” 

nooi die oudste van die twee boeties 

vir Johan. 

“Mag ek maar saamgaan, 

Ma?” Johan hou sy asem op en 

wag vir ’n antwoord. 

“Seker, my seun, gaan gerus 

saam met hulle.” 

“Dankie, Mammie!” Johan is so 

bly. Hy waai vir almal en is ’n bietjie 

hartseer omdat Neelsie nie ook 

saam genooi is nie, want hy is so 

ge woond dat hy altyd saamloop. 

Die twee boeties, wat ouer is 

as Johan, begin om te gesels. Johan 

luister gretig en gou vergeet hy die 

ander wat by die huis agtergebly 

het. Die seuns ken die plaas goed 

en beweeg oral rond. Later het hulle 

eers na die beeste gaan kyk en toe 

na die perde toe geloop. Hulle het 

van die perde opgesaal en Johan 

het saam met hulle gery. Dit was 

die eerste keer dat hy perd gery 

het en hy het dit vreeslik geniet. 

Dit was al taamlik laat in die 

ag ter middag toe hulle weer by die 

huis kom. Johan het opgewonde in 

die huis ingehardloop. 

“Kom kyk die mooi perde!” 

het hy hard geroep. 

Dadelik het almal, behalwe sy 

pa wat by die werk was, uitgekom 

om na die perde te kyk. Dis twee 

mooi perde. 

Vriendelik gesels hulle ma met 

die twee seuns wat op hulle perde 

bly sit het en toe vra sy skielik: 

'n Ware verhaal vir laerskoolkinders deur Sophia van der Walt 


“Mag ek ook asseblief op ’n perd ry?” 

“Seker, Tannie,” sê die oudste van die twee boeties 

en hy klim dadelik van sy perd af en gee die teuels vir 

haar. 

Sy vat die teuels, sit dit terug oor die perd se kop, 

sit haar voet in die stiebeuel en swaai haarself in die 

saal. Net toe sy sit, laat die merrie haar kop tot naby die 

grond sak. Hulle ma buig ook vorentoe en die volgende 

oomblik skrik almal hulle bleek, want dit lyk asof sy ’n 

lappop is. Haar voete kom los uit die stiebeuels en sy 

val agteroor dat sy hik, plat op haar rug. Haar lyf is weg 

van die perd af en sy kyk op in die groot neusgate van 

die perd wat baie naby aan haar gesig is. 

Nuuskierig kyk die perd na die ruiter wat sommer 

afval voordat daar nog gery is. Dit is doodstil. Almal 

hou hulle asems op. Toe sy voel dat sy nie seergekry 

het nie, kom sy vinnig op haar voete. 

“Sjoe, nou het ek my darem skuins geskrik,” sê sy 

en begin die grond van haar klere afskud. Die perd kyk 

na haar met groot, bruin oë. Huiwerig steek sy haar 

hand uit en begin om die perd se neus tussen die oë 

saggies te streel. Die perd staan doodstil. 

“Het Ma seergekry?” “Het Mammie nie iets 

gebreek nie?” “Is alles reg, Tannie?” klink dit nou van 

alle kante af. 

“Nee, ek het nie seergekry nie. Dit is net 

skreeusnaaks dat die perd my afgooi nog voordat ek 

gery het,” sê sy en begin lag. Verlig begin almal nou 

saam lag. 

“Wil Tannie weer opklim?” vra die een seun. 

“Nee, nooit as te nimmer klim ek weer op ’n perd 

nie. Ek het te groot geskrik.” Sy skud haar kop heftig 

heen en weer. 

Die seun wat vir haar sy perd gegee het om te ry, 

klim nou weer op die perd. “Nou ja, ons sal moet spore 

maak. Johan, jy kan enige tyd maar op die perde gaan 

ry. Vra net dat hulle die perd vir jou moet opsaal,” sê hy. 

Hulle groet en begin om op ’n drafstappie weg te ry. 

Johan spring sommer in die lug op van vreugde. Hy 

sal beslis weer gaan perdry, want dit is baie, baie lekker. 

Hy is so bly hy het die twee seuns leer ken, want hulle 

is sommer gawe maats. Hulle het gesê hy sal hulle nou 

baie Saterdae sien wanneer hulle van Johannesburg af 

na die plaas toe kom. 

“Weet Ma, vertel Johan opgewonde vir sy ma 

later, toe hulle om die etenstafel sit, “ek het vandag 

die bul gesien wat die professor gekoop het. Sjoe, dis 

’n vreeslike groot bul. Die seuns sê hulle pa het baie 

duisende rande vir die bul betaal, want hy wil nou met 

dié soort beeste boer.” 

“Dis goed. Sal ons ook die bul kan sien?” vra sy ma 

belangstellend. 

“Nee, Ma, hy loop daar ver in die veld saam met 

die ander beeste,” antwoord Johan. 

********************* 

Die Maandagmiddag net voor die skoolklok lui, 

praat die hoof met al die kinders in die skool. Eers 

gesels hy net oor skoolwerk en toe sê hy: “Ek het ’n 

verrassing vir julle. Môre sal ek vir julle vertel wat ons 

Vrydag gaan doen.” Nadat die skoolklok gelui het, 

kwetter die kinders soos vinke. Elkeen wonder ... wat 

Word vervolg 

sou die verrassing wees? 

Apiesdoringboom 

Oom Carel 

Die Apiesdoringboom is 'n gewilde inheemse boom in Suid-Afrika. Dit is 'n doringboom van die geslag 

Acacia. Nou waar sou die boom die naam Apiesdoringboom vandaan gekry het. Die naam het drie dele: 

apies + doring + boom. Die apies + doring is so genoem omdat die soort wat onder andere in die Pretoriaomgewing 

groei, skuiling aan baie blou-apies gebied het (dink ook aan die Apiesrivier wat deur Pretoria 

vloei). Vroeër is die boom ook 'n Aapjesdoornboom genoem. Wie van julle het al die blou-apies in die 

doringbome gesien? 

(Bronne: Idiome-Woordeboek, 1988. Groot Tesourus van Afrikaans, 1994. Etimologiewoordeboek van Afrikaans, 2003. Verklarende 

Handwoordeboek van die Afrikaanse taal, 2003) 

slingervel l l januarie 2012 

17

oom attie venter 

kan bakterieë 

praat? 

Sondagaande hier teen halfnege skakel ek graag 

oor na Radio Pretoria om na die slim professore 

te luister. Nee, ek is nie sarkasties nie – dié ooms 

weet waarvan hulle praat, veral waar dit om wetenskaplike 

aangeleenthede gaan, soos die keer toe een 

van hulle oor die sosiale lewe van bakterieë gesels het. 

Bid jou dit aan: bakterieë se sosiale lewe! 

’n Wetenskapsprogram op ’n Sondagaand en dit so 

kort nadat ek uit die erediens gekom het?! Wel, op dié 

manier hoor jy dinge wat in die natuur gebeur wat jy nie 

sommer in handboeke sal teëkom nie. Party verskynsels 

is só fantasties dat jy nie anders kan as om die hand van 

die Skepper daaragter te sien nie. Lees gerus Romeine 

1:20, Psalm 8, 19 en nog ander gedeeltes in die Bybel 

wat oor die skepping en onderhouding van die natuur 

handel. Ek gee maar so ’n ietsie weer van wat ek van die 

vertelling onthou, met so hier en daar ’n weglaatsel, ’n 

byvoegsel van wat ek reeds weet of ’n wysiginkie om 

dit skryfwaardig te maak. 

Hordes 

Die eerste bewering wat my verstand laat steier, is 

die ontsaglike hoeveelheid van die wesentjies. Daar 

is byvoorbeeld tien maal meer bakterieë in en om 

jou as die selle waaruit jy bestaan. Wat DNA betref, is 

daar 100 maal meer in daardie bakterieë as in jou eie 

liggaamselle. 

Kommunikasie 

Ons het altyd gedink dat bakterieë ’n soort kluisenaarsbestaan 

voer – eensellige organismes wat verdeel 

en groei, verdeel en groei tot in lengte van dae (onder 

ideale omstandighede kan ’n bakterie binne 20 minute 

verdeel), maar wat op die ou end alleen is en ’n eensame 

lewe voer. 

Wat navorsers nou agtergekom het, is dat dit glad nie 

die geval is nie, maar dat die organisme in werklikheid 

deel is van ’n sosiale sisteem. Die manier waarop ons 

dit agtergekom het, was om te kyk na bakterieë wat 

’n spesiale “sigbaarheidseffek” het. Die gevalle wat besonderlik 

bestudeer is, het die merkwaardige vermoë 

om, soos ’n vuurvliegie, lig te produseer deurdat ’n 

chemiese proses plaasvind. 

Binne die bakterie is daar ’n sekere proteïen wat, 

as dit geöksideer word, ’n hoë energietoestand verkry. 

Wanneer dit in ’n lae energietoestand verval, stuur 

dit fotone uit as sigbare lig. Dié proses word deur die 

ensiem luciferase gekataliseer. 

Lig of nie lig nie 

Nou gebeur iets wonderliks. Aanvanklik is die hoeveelheid 

bakterieë min en “skakel” die lig nie aan nie. As 

die bevolking toeneem en die digtheid (konsentrasie) 

bereik ’n sekere kritiese punt, skakel almal gelyktydig 

aan! Die vraag is nou: Hoe weet die bakterieë dat daar 

’n “kworum”, soos in ’n vergadering, is? 

Daar is vasgestel dat die bakterie ’n molekuul uitskei, 

terwyl daar ook op die oppervlakte ’n proteïen 

(’n reseptor as’t ware) voortgebring word wat hierdie 

molekuul kan herken. Wat gebeur, is dat, as daar min 

bakterieë teenwoordig is, daar natuurlik ook min van 

die molekuul is. Soos die bakterieë vermeerder, vermeerder 

hierdie molekuul ook. Die reseptor word nou 

ge-“trigger” as die konsentrasie van die molekuul ’n 

se kere waarde bereik. Al die bakterieë “sien” hierdie 

konsentrasie gelyktydig en dan word hulle reseptore 

ge lyktydig aangeskakel. Wanneer ander bakterieë ook 

teenwoordig is, kan ’n sekere spesie net met sy eie 

soort “praat” (sien egter verderaan in die artikel). 

Voorbeeld 

Hierdie verskynsel kom nie net voor ten opsigte van 

lig nie, maar ook ten opsigte van toksisiteit (vergiftiging). 

As jy byvoorbeeld patogene (siekte-)bakterieë inkry, is 

die konsentrasie aan die begin heeltemal te laag om 

’n effek te hê. Hulle kan dan hoegenaamd niks aan jou 


doen nie, totdat daar soveel van hulle is om saam ’n effek te hê. Dan skakel 

hulle gelyktydig aan sodat die betrokke molekuul jou selle kan aanval. 

’n Interessante ding wat wetenskaplikes uitgevind het, is dat daar ’n 

ander molekuul met sy reseptor ook deur alle bakterieë geproduseer word. 

Dit kan deur alle bakterieë waargeneem word. Dit is werklik iets nuuts wat 

deur navorsers ontdek is, wat ons hele begrip van mikroörganismes verander 

het. 

Kat-en-muis 

Die besondere liggewende bakterie hierbo genoem, lewe in simbiose 

met ’n stompstert-pylinkvissie wat in die omgewing van Hawaii voorkom. 

Hy swem in vlak water. Aan die onderkant van die vis kom twee lobbe voor 

waarin hierdie bakterieë groei. Die vis verskaf aminosure en suikers aan die 

bakterieë, terwyl laasgenoemde die lig uitstraal waarmee die vis homself 

kamoefl eer. Daar is twee fl appe waardeur die lobbe kan beweeg, sodat die 

vis die lig wat na die bodem uitgestraal word, kan beheer. 

Die vis is ’n nokturne-organisme en jag dus saans. As hy in vlak water 

swem, kom daar natuurlik lig van bo af (as dit ’n maanligaand is), sodat die 

vis ’n skaduwee op die bodem gooi. Organismes waarop die visjag maak, 

kan deur hierdie skaduwee afgeskrik word. Wat die inkvis dus nou doen, is 

om te meet (daar is sensors aan die bokant van die vis) wat die sterkte van 

die invallende lig van bo af is. Deur die fl appe in en uit te beweeg, reguleer 

die vis die hoeveelheid lig wat na onder toe skyn. Sodoende werp die vis 

nie ’n skaduwee op die bodem nie en is dit makliker vir hom om sy prooi 

in die hande te kry. Aan die ander kant beskerm dit hom op dieselfde wyse 

teen predatore. 

Oggend- en aandpraatjies 

Nou het die pylinkvis ’n probleem. Die bakterieë groei rustig in die beskermende 

omgewing van die lobbe. In die oggend, wanneer dit lig raak, 

begrawe hy homself in die sand en pomp die meeste van die bakterieë 

BERG in Afrikaanse idiome 

Afrikaans is ryk aan spreekwoorde waarin berg as vergelyking gebruik word. So 

vinnig getel blyk dit dat daar 12 “berg-idiome” bestaan. Kom ons kyk net na 'n paar: 

• 

• 

• 

• 

• 

• 

'n Berg van 'n molshoop maak = Baie oordryf. 'n Bohaai oor iets maak. 

Die berg het 'n muis gebaar = Groot dinge is verwag, maar iets kleins het gebeur. 

Die verste berge is altyd die blouste = Onbereikbare, verbode dinge lyk altyd 

aantrekliker as die beskikbare. 

Iemand goue berge beloof = Oordrewe beloftes maak. 

'n Berg van iets maak = Oordrewe beswaar teen iets maak. 

Berge versit = Baie uitrig. 

in die water uit. Dan is daar min 

bakterieë en maak hulle dus nie lig 

nie (nie ’n “kworum” nie). Die vis 

het dit ook nie nodig nie, omdat hy 

besig is om in die sand te slaap. 

Terwyl hy slaap, groei die bak terieë 

totdat dit aand is, sodat ’n groot 

hoeveelheid van die organismes 

geproduseer word. Die lig word 

weer aangeskakel en daar gaan 

hy weer op sy nagtelike jagtog uit 

en het hy genoeg lig om vir sy eie 

skaduwee te kompenseer. Dit is dus 

’n pragtige voorbeeld van ... 

die verskynsel van kommunikasie 

tussen bakterieë, 

simbiose (eintlik mutualisme 

 

– kan julle sê in watter opsig?) 

en 

hoe die Skepper sorg dat selfs 

die kleinste organismetjies ’n 

plek in die natuur het en wonderlik 

toegerus is om te oorleef 

en ook ander te laat oorleef. SV 

Oom Carel 

Bron: Idiome-woordeboek. 1988. Anton F. Prinsloo: Spreekwoorde en waar hulle vandaan kom. 2004. 


dr. nico van der merwe 

1. Wegspring vir die nuwe jaar 

Lees: 2 Kronieke 15:1-19 Teks: 2 Kronieke 15:2 

Ons staan weer aan die begin van die splinternuwe jaar, 2012. 

Daar gebeur só baie dinge wat gelowiges in die lewe bedreig 

dat ’n mens voel jy sien nie kans vir die nuwe jaar nie. Kom ons 

soek bemoediging en troos in God se Woord. God stuur die profeet 

Asarja na koning Asa om aan hom ’n boodskap te bring. Dit is 

nie so dat God voorspoed, geluk en veiligheid aan elkeen uitdeel 

nie. God se boodskap aan Asa is: “As julle by die Here is, sal Hy by 

julle wees ...” (vs 2). God is by diegene wat hulle toevlug tot Hom 

neem. God is by die mense wat ten volle in Hom glo en Hom 

vertrou. Die Here deel sy beskerming nie uit aan mense wat Hom 

in hulle lewe vergeet en verstoot nie. God het vir jou verlossing in 

Jesus Christus gegee. Uit dankbaarheid moet jy die Here daagliks 

dien en gehoorsaam wees aan Hom. Dan is jy veilig! 

3. Jou opdrag in ’n stukkende wêreld 

Lees: Genesis 3:1-24 Teks: Genesis 3:7, 8, 16, 17 

God se skepping was volmaak (Gen. 1:31). Maar so het dit nie 

gebly nie. God se groot vyand, Satan, het vir Adam en Eva verlei 

om aan God ongehoorsaam te wees. Dit was die begin van die 

sonde. Adam en Eva se sonde het hartseer gevolge gehad. Genesis 

3 vertel hoe alles verander het ná die sonde van Adam en Eva. Nou 

was die skepping nie meer mooi en volmaak nie. Dit was stukkend 

en die mens sou ’n opdraende stryd voer. Dit is waar die swaarkry 

van die lewe vandaan kom. Dit wortel in die sonde van die mens. 

Teen die stukkende karakter van die skepping sal jy vanjaar ook 

moet stry. Maar moet nie moed opgee nie. God gee in Christus en 

deur sy Heilige Gees gawes aan jou om sukses te kan behaal. Sit 

skouer aan die wiel en werk toegewyd aan jou opdragte. God se 

seën sal dan nie uitbly nie. 

5. Bly kalm en vertrou op God 

Lees: Eksodus 14:1-14 Teks: Eksodus 14:14 

Nadat God die Egiptenare met die 10 plae getref het, het die 

farao ingestem dat die Israeliete uit Egipte kan wegtrek. God 

wil hulle na Kanaän bring, die land wat Hy aan Israel belowe het. 

Skaars het die Israeliete begin trek of die leër van Egipte sit hulle 

agterna en druk hulle teen die Rooi See vas. Die mense was baie 

bang en het Moses verwyt dat hy hulle laat trek het. Moses troos 

hulle: “Bly julle maar kalm. Die Here sal vir julle veg.” God het dit 

gedoen met die wonder van die Rooi See wat oopgegaan het sodat 

hulle kon deurtrek. 

Elke gelowige, oud en jonk, het hierdie troos. As dit vir jou lyk 

asof die lewe en jou lewensomstandighede te gevaarlik is vir jou 

om te hanteer, weet dat God dit vir jou doen. As Hy jou in Christus 

van jou sondes verlos het, bewaar Hy jou telkens as dit nodig is. 

7. Die noodlottige skeidsmuur 

Lees: Jesaja 59:1-8 Teks: Jesaja 59:2 

God se volk kry baie swaar en daar is baie dinge teen hulle. 

Hulle is ’n korrupte volk wat nie na reg en geregtigheid strewe 

nie. Omdat dit met hulle sleg gaan, beskuldig hulle God dat 

Hy nie almagtig is nie en hulle nie in hulle nood bystaan en help 

nie. Vir hulle haglike omstandighede verkwalik die volk vir God. 

Deur die mond van die profeet Jesaja sê God vir hulle dat dit hulle 

sonde is wat soos ’n skeidsmuur tussen Hom en hulle staan. Die 

verandering in hulle lewe moet by hulleself begin waar hulle hul 

son de en onbekeerlikheid moet raaksien en dit voor God bely. 

Deur die bloed van Christus word die skeidsmuur vir God se 

kin ders afgebreek en deur die geloof ontvang hulle die verlossing. 

Maar dan moet jy die middele wat God daarvoor gee, gebruik: die 

Bybel, die eredienste, die katkisasie. 

2. Jou opdrag vir 2012 

Lees: Genesis 1:26-31 Teks: Genesis 1:28 

Mense dink dat Adam en Eva ’n luilekker-lewe in die paradys 

gehad het. Daar is nog nie sonde nie en die skepping is vars 

en nuut en daar is niks wat dit vir die mens swaar maak nie. Dit is 

allesbehalwe so. God het ná Adam en Eva se skepping aan hulle ’n 

werksopdrag gegee. Vers 28 het vyf werkwoorde: 1. Wees vrugbaar. 

2. 3. 4. 5. Word baie. Bewoon. Bewerk. Heers. Die mens is geskep 

met ’n opdrag. Die mens moet in die skepping werk, elkeen op 

sy eie, besondere plek. Vir jou as tiener is jou “werksterrein” jou 

verpligtinge by die huis, die skool en die kerk. In 2012 gaan jy op 

hierdie terreine verpligtinge hê. Jy moet dit as ’n opdrag van die 

Here sien en alles doen na die beste van jou vermoë. So berei die 

Here jou voor om eendag as volwasse mens jou plek vol te staan in 

lewe van elke dag. Sterkte met jou werk vanjaar! 

4. Niks is vir God onmoontlik nie 

Lees: Genesis 18:1-15 Teks: Genesis 18:14 

Uit die Bybel bely ons dat God almagtig is. Dit beteken dat God 

magtiger is as enigiets anders of dat niemand so magtig is 

soos God nie. Jeremia 32:17 lees: “Niks is vir U onmoontlik nie.” Dit 

staan in Genesis 18:14: “Is iets te buitengewoon vir die Here?” God sê 

dit vir Abraham omdat hy en Sara nie kan dink dat God aan hulle ’n 

kind kan gee as Abraham 100 jaar en Sara 90 jaar oud is nie. 

Ons as mense is beperk wat ons krag betref. Sommer gou-gou 

is ’n ding vir die mens onmoontlik. Daarom moet jy deur die geloof 

vashou aan die Here, die Almagtige. Hy is ook sterker as Satan wat 

jou wil verlei. God het vir jou die onmoontlike bewerk toe Hy Jesus 

Christus, sy Seun, gegee het om jou sondes weg te neem en aan 

jou die ewige lewe te gee. 

Jy moet op niks anders vertrou nie as net op God die Here. 

6. Alles wat vir jou nodig is 

Lees: Deuteronomium 8:1-20 Teks: Deut. 8:3 

Die Here het Israel gedurende die 40 jaar wat hulle deur die 

woes tyn getrek het op ‘n wonderbaarlike manier kos gegee. 

Hulle het manna as brood gekry. Die kwartels was hulle vleis en vars 

water het God uit rotse vir hulle laat vloei. ’n Mens sou dink – wat 

het hulle meer as dit nodig. Vir ’n volk in die woestyn is dit elke dag 

’n feesmaal. 

Tog sê die Here dat dit nie genoeg is nie. Die mens moet ook 

le we van die woorde van die Here. Christus het dit ook vir Satan 

gesê toe hy Christus wou verlei (Matt. 4:4). Dit bring ons onder die 

besef dat dit nie net nodig is om drie maal per dag aan die tafel te 

gaan aansit om te eet nie, maar dat jy ook daagliks die Bybel moet 

lees in opdrag van die Here. Sonder die Woord van God is dit vir die 

mens nie moontlik om koers te hou in ’n deurmekaar wêreld nie. 

8. Jy kan nie jouself verander nie 

Lees: Jeremia 13:12-27 Teks: Jeremia 13:23 

God spreek sy oordeel oor Juda uit (Jer. 13:12-27). In beeldtaal 

verduidelik God aan hulle wat met hulle gaan gebeur. Jeremia 

huil oor die volk se hoogmoed (vs 17). God het aan die volk lank 

genade bewys om tot bekering te kom, maar hulle het nie. Daarom 

is die vyand alreeds rondom Jerusalem om dit in te neem (vs 20- 

21). Die Jode het só gewoond geword aan sonde dat hulle nie meer 

kan verander nie. Net soos ’n Kussiet (’n swart mens) nie sy velkleur 

en ’n luiperd sy kolle kan (of wil) verander nie, so kan Juda nie uit 

eie krag hulle tot God bekeer nie. 

Vandag kan ’n mens dit ook nie doen nie. God moet ’n wonder 

bewerk om die mens te verander. God het die wonder ook in jou 

lewe bewerk deur Christus. Hy het jou van jou sonde bevry, nou 

moet jy lewe soos God dit van jou vra. 


9. Die geraamtes in die laagte lewe 

Lees: Esegiël 37:1-14 Teks: Esegiël 37:4 & 10 

In beeldtaal (vs 11) verduidelik God hoe dit geestelik met sy volk 

gaan. Israel lyk soos ’n deurmekaar hoop geraamtes in ’n laagte. 

’n Laagte vol doodsbeendere waar jy nie kan sien waar die een in 

die ander pas nie. God beveel Esegiël om vir hierdie doodsbeendere 

te preek. Toe begin die dor bene na mekaar beweeg, elkeen na sy 

regte plek, totdat daar volledige geraamtes lê. Daarna word spiere, 

senings, vleis oor die geraamtes getrek en ’n klomp volledige lyke 

lê daar totdat God daarin lewe gee en dit ’n skare mense word wat 

God dien. God skep lewe waar daar net dood is! Nie net in die Ou 

Testament nie, maar ook in ons tyd. 

Vanweë jou sonde is jy soos die geraamtes in die laagte. Maar 

deur Christus se bloed en die Heilige Gees se werk maak God jou 

lewendig uit die dood om vir Hom te lewe. 

11. Bekering en nuwe lewensdade 

Lees: Hosea 14:2-20 Teks: Hosea 14:5-6 

In Hosea 14:2-20 kom twee hoofgedagtes na vore: 1. Israel moet 

hom tot God bekeer deur sondebelydenis (vs 2-4). 2. Daar moet 

dan omkering in hulle lewe kom dat God vir hulle alles sal wees en 

hulle gehoorsaam aan God sal lewe. As die volk van hulle sondige 

lewe tot God terugkeer, dan sal God hulle sondes uitwis (Hand. 

3:19). 

Wanneer jy dit doen, sal jy ervaar dat God jou sondes vergewe 

(1 Joh. 1:9). Jy sal dan ook ervaar dat God jou nie verwerp nie, maar 

jou vergewe (genees) sodat die ontrou (2:1) verander in toewyding. 

Jy moet nie jou sondes geringskat nie. Sondes verdien die straf van 

God. Jy kan weet dat Christus die sondestraf vir jou gedra het en 

dat jy daarop moet antwoord met ’n lewe van dankbaarheid. Dit 

be teken dat alles wat jy doen volgens God se wil moet wees. 

13. God roep jou om reg te lewe 

Lees: Amos 5:10-17 Teks: Amos 5:14 

In die tyd van Amos het dit polities en ekonomies goed met Israel 

ge gaan. Op godsdienstige terrein was die volk egter sedelik korrup. 

Deur Amos spreek God sy oordeel oor Israel uit (3:1-15). In 

Amos 5:10-13 wys God hulle op hulle korrupte lewe. In Amos 5:14- 

15 word hulle opgeroep om reg te lewe. Die Here weet dat alle 

mense in sonde lewe. 

In ons tyd is dit nie anders nie. Dink maar aan baie rolprente en 

video’s waarin die gruwelike sonde van die mens uitgebeeld word. 

God vra van jou om nie opsetlik die verkeerde dinge te doen nie. Jy 

moet probeer goed doen – dít is die ware lewensoptrede wat die 

Here van jou verwag. Om te weet wat volgens God reg is, sal jy gereeld 

daagliks die Bybel moet lees, getrou wees in die kategese en 

ook gereeld die eredienste bywoon. 

15. Die lig van die geloof 

Lees: Jona 1:17-2:10 Teks: Jona 2:4 

Jona voel dat hy in die vis uit God se gesig verdwyn het (vs 4). Dis 

donker om hom. Hy voel God het hom verwerp en verlaat vanweë 

sy eie skuld. In Jona hoor ons Christus, toe Hy met ons sonde 

belaai aan die kruis die Godsverlatenheid deurleef het. Net soos 

Jona, is Jesus nie eensaam gelaat nie en word God se kinders nie 

oorgelewer om weg te kwyn nie. Op sy tyd dryf God die donkerheid 

uit die hart weg en bring die lig van begrip en verstaan. 

God laat nie toe dat een van sy kinders die verderf sien nie. 

Daar om kom daar ommekeer. Die lig van die geloof breek deur. Die 

wending lê in die woordjies “maar tog” (vs 4b). Dit kon vertaal word 

met “nogtans” of “desondanks” of “nietemin”. Dit dui op ’n hele 

nuwe inhoud in die gedagtes van die profeet en elke kind van God 

wat in benoudheid tot Hom roep. 

10. God se boodskap op die partytjie 

Lees: Daniël 5:1-30 Teks: Daniël 5:5, 25-30 

Belsasar se wilde drink- en fuifpartytjie is in ’n oomblik se tyd 

ge smoor toe hulle in hulle dronkenskap ’n hand sien wat iets 

teen die muur skrywe. Dit was nie ’n towenaar of ’n goëlaar se 

won derlike kunsies nie. Dit was God se hand wat vir Belsasar ’n 

verdoemende boodskap skrywe. God sê vir die goddelose Belsasar: 

Jy is getel, geweeg en verdeel (vs 25). Belsasar het gedink hy is die 

onaantasbare koning van die magtige Babel, maar God het nou 

gesê hy is getel, geweeg en verdeel – God het oor sy lewenslot 

besluit. God besluit oor die lewe en lewenseinde van elke mens. In 

jouself beteken jy voor God niks nie. Gelukkig kan jy as kind van 

God hoor dat Hy jou deur die bloed van Christus gekoop het en 

dat jy nou in Christus ewige betekenis het. 

Daarvoor moet jy in jou dade vir God dankie sê. 

12. God vra van jou ’n hartsverandering 

Lees: Joël 2:12-17 Teks: Joël 2:13 

Joël 2 het twee boodskappe van God: 1. Vers 2-11: God se volk 

word opgeroep tot bekering van hulle sondige lewe. 2. Vers 12- 

17: Die bekering moet nie oppervlakkig wees nie, maar hartgrondig, 

opreg. Die Jode het ’n gebruik gehad dat wanneer hulle hartseer 

was, hulle hul klere geskeur en hardop gehuil het. Op dié wyse 

kon almal sien en hoor dat dit met hulle sleg gaan. God vra nie ’n 

ui terlike demonstrasie van sondebelydenis nie, want dit kan oneg 

wees. Jy kan vir die skyn van sondedroefheid jou klere skeur en 

voor gee dat jy oor jou sonde treur. Daarom sê die Here: “Skeur julle 

harte, nie julle klere nie.” Sonde moet ’n mens ontsteld en hartseer 

maak, want jou sonde is sonde teen God (Gen. 39:9). Let goed 

daar op dat jou sondebesef eg en opreg is en bekeer jou van die 

sonde in jou lewe. 

14. Die sonde van leedvermaak 

Lees: Obadja vs 1-14 Teks: Obadja vs 12 

Edom is die nageslag van Esau en Juda die nageslag van Jakob. 

Edom en Juda is broervolke. Edom het in leedvermaak teen 

Israel opgetree. Dit was in die jaar 586 voor Christus. Jerusalem 

is deur Babel ingeval en geplunder. Die mense van Jerusalem het 

in doodsangs gevlug. Toe het Edom hulle verlustig in die nood 

van die Jode. Daarom oordeel God hulle. Hulle optrede is in skrille 

kontras met wat Jesus geleer het: ’n lewensgesindheid van liefde 

en verdraagsaamheid. Die Edomiete se onreg gaan voort. Herodes 

(’n Edomiet) maak Joodse seuntjies dood op soek na Jesus (Matt. 

2:16-18). Herodes Antipas (ook ’n Edomiet) laat onthoof Johannes 

die Doper (Matt. 14). God kondig sy oordeel aan oor elkeen wat 

hom in ’n medemens se ellende verlekker en wat in leedvermaak ’n 

medemens dieper laat ly. 

16. God se saak teen die volk 

Lees: Miga 6:1-8 Teks: Miga 6:8 

S elfs gelowiges bevraagteken soms God se optrede Dit is 

asof die mens met God twis. Die mens bevraagteken God se 

optrede. Miga 6 leer die teenoorgestelde. Dit is God wat die mens 

tot verantwoording roep vir sy dade. Dit is God wat sy volk aankla 

omdat hulle Hom wil teregwys. As kinders van die Here, verlos 

uit genade sonder enige verdienste, is ons verantwoording 

aan die Here verskuldig vir ons lewenswoorde en -dade. Vir ons 

lewensoptrede moet ons nie teenoor mense verantwoording doen 

nie. Ons is nie aan mense verduideliking verskuldig nie. Gelukkig 

dat God ons nie oordeel volgens wat die mense van ons sê nie. Hy 

ken jou van buite en van binne. Daar is niks wat jy vir die Here kan 

wegsteek nie. As jy jou sonde in opregtheid voor God bely, is Hy 

getrou en gee aan jou die verlossing in Christus. 


tannie susan 

Wat kan ek lees? 

Robertson, M.P. 2011. Tobie 

Welgemoed en sy ongewone 

troetelgoed. Vertaal deur 

Shané Kleyn. Pretoria: Protea 

Boekhuis. Prys: R100,00. ISBN: 

978-1-86919-475-8. 

Tobie Welgemoed het ongewone 

troeteldiere soos ’n slymerige 

see koeislak, ’n lawaaierige kweelvoël, 

’n vreesaanjaende ystervadder, 

’n kwaai hus-met-langore, ’n stink 

moerasvark en ’n vreemde watsedinges. 

Niks is egter so erg soos 

sy kleinboet nie – tog is dit vir Tobie 

die heel lekkerste om saam met sy 

kleinboet te speel! 

Die teks en kleurillustrasies 

is humoristies en sal kinders van 

vier tot agt jaar laat skaterlag. Die 

byvoeglike naamwoorde wat telkens 

gebruik word, stimuleer taalontwikkeling 

terwyl die tone omkrul 

van pret. Trappe van vergelyking 

word speel-speel aangeleer asook 

allerlei beskrywende woorde. 

Die boek is ideaal vir voorlees 

terwyl die illustrasies bekyk word, 

maar dit bied ook ’n heerlike en 

pret tige selfl eeservaring. 

Kruczek, Tomasz. 2011. Die tuin 

van Eden: aktiwiteitsboekie en 

Noag se ark: aktiwiteitsboekie. 

Illustrasies deur Magda Bloch. 

Vereeniging: Christelike 

Uitgewersmaatskappy. Prys: 

R89,95 elk. ISBN: 978-1-4316- 

0052-6 en 978-1-4326-0083-3 

onderskeidelik. 

Hierdie twee aktiwiteitsboekies 

is geskik vir kleuters en jong 

kinders van drie tot ses jaar. Alhoewel 

elkeen ’n Bybeltema as titel 

het, is dit glad nie Bybelboekies 

nie. In elkeen is die spesifi eke Bybel 

temas (die ark en die skepping) 

die agtergrond van die 

aktiwiteite. Voor in elke boekie is 

wel ’n kriptiese verwysing na die 

Bybeltema. Die boekies bestaan 

uit dik sponsbladsye waarop mooi 

volkleur prente is en wat kleuters 

maklik kan omblaai. Die formaat 

is ook maklik hanteerbaar vir klein 

handjies. 

In die bladsye is sponslegkaartstukke 

wat ’n prentjie bedek 

waar oor ’n vraag gevra word. Die 

ontwikkeling van klein lesertjies se 

oog-handkoördinasie word ontwik 

kel wanneer die onderskeie legkaartstukke 

uitgehaal en dan weer 

passend in die vormpie teruggeplaas 

moet word. Die rympies wat die 

teks van die boekies uitmaak, vra 

vra gies waarop die lesertjie kan 

rea geer en wat die nuuskierigheid 

kan prikkel. 

In Die tuin van Eden is die syfers 

van 1 tot 10 agter die onderskeie 

leg kaartstukkies weggesteek en 

bo-op die uitligstukkies is die 

pas sende getal voëltjies, vissies, 

sterretjies en nog ander voorwerpe. 

Die lesertjie kan dus die voorwerpe 

daarop tel en dan die syfer vir die 

getal daaronder sien. In Noag se ark 

word teenoor gesteldes onder die 

passtukkies versteek. Die sebra met 

strepe is byvoorbeeld bo-oor die 

koei met kolle en die groot olifant 

oor die klein muis, ensovoorts. Hierdie 

twee sponsboekies sal vir baie 

pret en heerlike aksie sorg terwyl 

dit spelenderwys met woorde skatuitbreiding 

help. 

Korsten, Linda. 2011. Carike, 

Ghoempie en Ghoeghoe kuier 

in Kinderland. Geïllustreer 

deur Annette van Zyl. CD 

met stories en liedjies deur 

Carike Keuzenkamp ingesluit. 

Durbanville: Christelike Media 

Publikasies. 31 p. Prys: R99,95. 

ISBN: 9781920460259. 

CMP is die drukkersnaam van 

Christelike Media Publikasies in 

Durbanville. In hierdie boekie met 

sy ingeslote CD is vyf verskillende 

stories van Ghoempie en Ghoeghoe 

van Ghoempieland. Hulle kuier ook 

by hulle mensmaatjies Liana en 

Frikkie in Kinderland. 

In Kinderland leer Ghoeghoe 

om nie vir die donker bang te 

wees nie en hulle help Frikkie om 

sy partytjie te red toe Spikkels, die 

hond, al die eetgoed opgeëet het. 

Ghoeghoe ontwikkel ’n vreeslike 

tandpyn en leer by die vriendelike 

tandarts die regte manier om jou 

tande te versorg. Toe Ghoempie 

en Ghoeghoe by die huis stry kry 

oor ’n storieboek en die blaaie 

skeur, leer ouma Ghoemp hulle 

dat boeke kosbaar is en mooi opgepas 

moet word en dat hulle ook 

mededeelsaam moet wees. 

Daar is pretbladsye in die boekie 

tussen elkeen van die verskillende 

stories. Op hierdie bladsye word 

die lesertjies gevra om sekere 

din ge te soek of daarna op te let. 

Die ingeslote CD bevat heerlike 

saam singliedjies wat deur Carike 

Keuzenkamp gesing word en sy 

lees ook die stories van die boekie 

voor. 

Jong kinders (vier tot ses jaar 

oud – maar selfs jonger en ouer) 

sal gou baie lief word vir hierdie 

karaktertjies en die boekie dikwels 

wil deurblaai en na die illustrasies 

kyk of dit lees en ook na die stories 

en liedjies op die CD luister. Dit 

sal gou ’n gunsteling by kinders 

word. Dit is ook ’n baie handige 

hulpmiddel om na die CD te kan 

luister wanneer daar byvoorbeeld 

in die motor gery word. SV 


slingervel januarie j 

2012 23

Dirk rk se pa kom praat met die Wiskunde-ond 

Wiskunde-onderwyser oor 

Dirk se wiskunde. “Meneer,” sê die onderwyser, “dit is ’n 

hopelose taak met Dirk. Kyk net na hierdie berekening 

wat hy in die eksamen gedoen het: 7 x 5 = 33.” 

“Aag, kom nou meneer,” sê Dirk se pa, “gee hom ’n kans 

… hy is net met 1 uit.” 

Die posmeester: “Jammer mnr. Buys, ek kan nie die 

tjek vir jou wissel sonder identifi kasie nie. Het jy enige 

vriende in die skool wat kan help?” 

Mnr. Buys: “Moenie snaaks wees nie, ek is die 

skoolhoof.” 

Tydens die skoolkamp kla die kinders geweldig oor die 

brood wat hulle kry. Die onderwyser vererg hom vir 

die kinders en sê vir hulle: “As Jan van Riebeeck hierdie 

brood gehad het, sou hy smaaklik daaraan gesmul 

het.” “Ja, meneer,” sê die kinders, “maar toe was dit nog 

vars!” 

Ma Liezl stuur vir haar seun in die hoërskoolkoshuis ’n 

Bybel deur die pos. Die poskantoorklerk vra vir haar: “Is 

daar enigiets in die pakkie wat kan breek?” “Ja,” sê ma 

Liezl, “die Tien Gebooie!” 

Dit is verskriklik warm en Coenie se pa sien dat hy vier 

waaiers in die huis aan het. “Aa-nee-aa, weet jy hoeveel 

elektrisiteit gebruik hierdie vier waaiers? Skakel dadelik 

drie af!” Coenie: “Toe maar Pa, drie van die waaiers het 

ek by die bure geleen.” 

Karel: “Dit gaan baie sleg met my ma se klerewinkel. 

Eergister het sy net 1 rok verkoop en gister het dit nóg 

slegter gegaan!” 

Rina: “Maar hoe is dit moontlik?” 

Karel: “Die vrou van eergister het gister die rok 

teruggebring!” 

Soek die hond 

Trientjie: “Soek jy nog na jou hond wat weggeraak 

het?” 

Jan: “Ja!” 

Trientjie: “Hoekom plaas jy nie ’n advertensie in die 

koerant nie.” 

Jan: “Want my hond kan nie lees nie!” 

Geskiedenistaak 

Onderwyser: “Gert, jy het ’n groot klomp van die 

ons pretblad 

geskiedenis verloor toe jy siek was. Hoe lank was jy 

afwesig?” 

Gert: “Sedert die Franse Rewolusie, meneer.” 

Droomverlore 

Onderwyseres: “Rikus, hoekom is jy so laat by die 

skool?” 

Rikus: “Meneer, ek het gedroom ek was by ’n wedstryd 

van ons eerste span wat gelykop geëindig het. Toe het 

die skeidsregter ekstra tyd toegelaat en ek het gebly om 

te sien wie uiteindelik gewen het.” 

Verwarring 

Skoolhoof tydens inspeksie: “Michael, kan jy vir my sê 

waar Harrismith is?” 

Michael: “Nee, meneer, ek sal nie weet nie, hy is mos nie 

in ons skool nie!” 

Voëls 

Onderwyser: “Kan julle vir my 

sê watter soorte voëls word in 

gevangenskap aangehou?” 

Pieter: “Tronkvoëls, meneer!” 

Onderwyser: Hoe is Rome 

gebou? 

Jan: Dit is gedurende die nag gebou, meneer. 

Onderwyser: In die nag? Hoe kom jy by die antwoord 

uit? 

Jan: Wel, almal weet dat Rome nie in een dag gebou is 

nie. 

Ma: Rita, waarom huil jy so? 

Rita: Mamma, my skoene druk my so seer dat ek nie kan 

loop nie. 

Ma: Maar, my kind, jy het dan die skoene aan die 

verkeerde voete. 

Rita: Maar Mamma, dis al voete wat ek het! 

Padlangs 

Ockie het nie aandagtig geluister toe die Aardrykskundeonderwyser 

die klas van die verskillende bergpasse 

geleer het nie. 

“Ockie, hoe kom ’n mens van die Paarl tot by 

Worcester?” 

“Met ’n motor, meneer.” 

“Ja, maar waarlangs ry jy?” 

“Padlangs, meneer!”

Slingervel Januarie 2012.indd - CJBF

You also want an ePaper? Increase the reach of your titles

Delete template?

Save as template?