Aanpasbare beleggingsplanne - Discovery

Aanpasbare beleggingsplanne
’n Pasgemaakte finansiële oplossing wat
maklike toegang bied tot u belegging

Met ’n aanpasbare beleggingsplan kan u bedrae in die belegging betaal en
onttrek wanneer u wil. Verder kan u kies uit verskeie fondse, afhangend van
hoe u voel oor risiko.
Discovery Invest bied twee soorte aanpasbare beleggingsplanne, sodat u kan kies watter produk die beste pas by u behoeftes.
Die Aanpasbare beleggingsplan: Kernplan, bied die volle omvang van beleggingsopsies en onmiddellike toegang tot u belegging.
Die Aanpasbare beleggingsplan: Klassieke plan (net vir enkelbeleggings), bied dieselfde moontlikhede, maar sluit ook ’n unieke stel
kenmerke in om u belegging te verbeter en te beskerm.
Hoekom is een van Discovery Invest se aanpasbare beleggingsplanne ’n goeie keuse?
1. Omvangryke toegang tot verskeie beleggingsopsies.
2. Beleggings kan verbeter word met besparings van tot 75% op Vitality HealthyFood-produkte en deur dit te belê in u
Aanpasbare beleggingsplan.
3. Met die Aanpasbare beleggingsplan: Klassieke plan, het u ook die volgende kenmerke wat groter sekerheid,
doeltreffendheid en prestasie bied:
• Befondser van belasting op kapitaalwins, wat ontwerp is om optimale opbrengs na belasting te verseker.
• Beskerming teen onderprestasie met Discovery Invest se Kwartielprestasiebeskermer.
• Die Beskermer van tarief vir billike prestasie wat tot 100% van prestasietariewe van eksterne batebestuurders
terugbetaal, om te verseker dat u net betaal vir enige beter prestasie waarby u baat.
• Die Escalator-sterftewaarborg van 100% wat vir u afhanklikes 100% van die hoogste waarde wat die Escalator-fondse
ooit behaal, verseker. Dit beteken dat alle groei beskerm is as u sterf terwyl u ’n belegging in ’n Escalator-fonds het.
• Verbetering van tot 20% van u beleggingsfonds om u te vergoed vir enige beleggingsgroei wat verloor word as u
medies ongeskik verklaar word ’n belegging het in die Aanpasbare beleggingsplan: Klassieke plan.
Verbeter en beskerm u belegging
As u Discovery Invest se Aanpasbare beleggingsplan: Klassieke plan kies, het u toegang tot die vyf unieke kenmerke.
Beskerming sodat belasting nie die wins op u beleggingsplan verweer gedurende die beleggingstermyn nie
Die Befondser van belasting op kapitaalwins optimaliseer belastingdoeltreffendheid deur u belegging na afloop van vyf jaar te
verbeter, om voorsiening te maak vir die koste van belasting op kapitaalwins wat kon ontstaan. Ons verbeter alle gerealiseerde en
ongerealiseerde kapitaalwins op die belegging, as dit meer is as die uitsluiting ten opsigte van belasting op kapitaalwins, vir die tydperk
van vyf jaar. Dit word verbeter met 10% (die huidige uitsluiting is R17 500 en Discovery pas dit van tyd tot tyd aan). Die voordeel is net van
toepassing op die eerste 100% van kapitaalwinsgroei op die enkelbydrae in elke tydperk van vyf jaar. Indien die belegging onttrek word
voordat die tydperk van vyf jaar verstryk, word die voordeel proporsioneel verlaag.
Beskerming teen onderprestasie van die fonds
Die Kwartielprestasiebeskermer bied na afloop van vyf jaar ’n verbetering van tot 30% van die bydrae wat u in Discovery-fondse belê.
Dit help verseker dat die fondse wat u kies toppresteerders is binne die sektor, ongeag werklike prestasie. Indien die Discovery-fonds wat u
kies nie binne die topkwartiel van sy sektor val in elke tydperk van vyf jaar na die aanvangsdatum nie, ontvang u ’n verbetering volgens die
fonds se relatiewe prestasie binne sy sektor.
Discovery-fonds (die lys kan van
tyd tot tyd verbeter word)
Discovery Absolute Return Fund
Discovery Diversified Income Fund
Discovery Cautious Balanced Fund
Discovery Balanced Fund
Discovery Global Fund of Funds
Discovery Flexible Property Fund
Discovery Equity Fund
Discovery Global Equity Feeder Fund
Verbetering as prestasie
van Discovery-fonds in
die laagste 25% van die
sektor (4de kwartiel)
val oor ’n tydperk van
vyf jaar
Verbetering as prestasie
van Discovery-fonds in
die 3de 25% van die
sektor (3de kwartiel)
val oor ’n tydperk van
vyf jaar
Verbetering as prestasie
van Discovery-fonds in
die 2de 25% van die
sektor (2de kwartiel)
val oor ’n tydperk van
vyf jaar
15% 10% 5%
20% 15% 10%
Addisionele verbetering as u
’n LEWENSPLAN van Discovery
Life met ’n premie van meer as
R825 het en u Discovery-fonds
nie in die top-25% van die
sektor val oor ’n tydperk van
vyf jaar nie
Die verbeteringe hierbo word uitgedruk as persentasies van die bedrag in die toepaslike Discovery-fonds wanneer die tydperk van vyf jaar begin.
Die belegging in die toepaslike Discovery-fonds moet behou word vir die volle vyf jaar om die verbetering te ontvang. Indien die belegging
omgeskakel word na ’n Discovery-fonds na die aanvangsdatum, word die verbetering verlaag. Die LEWENSPLAN van Discovery Life moet
van krag bly en die premie moet meer as R825 wees vir die volle vyf jaar om die addisionele verbetering van 10% te ontvang. Discovery
pas die minimum van tyd tot tyd aan vir nuwe Aanpasbare beleggingsplanne. Hoogstens R5 miljoen kom in aanmerking vir die addisionele
verbetering. Discovery kan van tyd tot tyd die hoogste bedrag aanpas.
+10%

Ontvang tot 100% van prestasietariewe wat gehef is, terug van eksterne batebestuurders
Baie van die fondse word gestruktureer met tariewe wat gebaseer is op prestasie en batebestuurders hef ’n hoër bedrag as die fondse
beter presteer, maar ’n laer tarief as die fondse nie so goed presteer oor ’n bepaalde tydperk nie. Dit beteken dat die batebestuurder se
belange en die kliënt se belange ooreenstem. Daar is egter aansienlike tekorte binne dié benadering:
• Die tydperk vir die berekening van die prestasietarief kan verskil van die tydperk waarbinne die belegger werklik ’n belegging in die fonds gehad het.
• Die norm vir die tarief wat gebaseer is op prestasie kan onvanpas wees wanneer dit bereken word.
Ons Beskermer van tarief vir billike prestasie help om te verseker dat tariewe vir prestasie van fondse wat in aanmerking kom, maar
nie direk verband hou met die tydperk van u belegging nie, na afloop van elke vyf jaar terugbetaal word in u Aanpasbare beleggingsplan:
Klassieke plan. Die bedrag wat u toekom, hang af van die werklike prestasie en totale uitgaweverhouding van die onderliggende fonds
gedurende die vorige jaar. Hoogstens 50% van die totale belegging kom in aanmerking vir die voordeel. Discovery kan van tyd tot tyd die
hoogste bedrag aanpas.
Waarborg dat u begunstigdes die hoogste waarde wat die Escalator- of Geared Escalator-fondse ooit behaal, ontvang
Die Escalator-fondse bied vir beleggers ’n waarborg van 80% van die hoogste waarde wat die fonds ooit behaal. Die Escalatorsterftewaarborg
van 100% laat die waarborg toeneem tot 100% om te verseker dat alle groei beskerm word terwyl u beleggings in die
fondse het. Die voordeel word nie betaal as u afsterwe direk of indirek veroorsaak word deur ’n toestand, siektetoestand, ongeskiktheid of
verswakte gesondheid wat bestaan het voor die aanvang van u belegging in die Escalator-of Geared Escalator-fonds nie. Die voordeel word
ook nie betaal in geval van selfmoord nie.
Versekerde beleggingsgroei, selfs as u medies ongeskik verklaar word
Die Beskermer in geval van vroeë aftrede weens ongeskiktheid vergoed u vir toekomstige groei wat verloor word weens
ongeskiktheid. Dit behels ’n verbetering van tot 20% van die waarde van u fonds. Om in aanmerking te kom moet u ongeskiktheid voldoen
aan die kriteria van Kategorie A of B van Discovery Life se Kapitaalongeskiktheidsvoordeel. Die grootte van die verbeterde prestasie hang af
van die ongeskiktheidskategorie en hoeveel jaar oorbly voordat u 65 jaar oud word. Dit word in die tabel hieronder uiteengesit.
Jaar voor 65-jarige ouderdom Verbetering vir ongeskiktheidseis volgens Kategorie A Verbetering vir ongeskiktheidseis volgens Kategorie B
15 of meer (>=180 maande) 20% 10%
10 tot 15 (120 – 179 maande) 15% 7.5%
5 tot 10 (60 – 119 maande) 10% 5%
0 tot 5 (

Belangrike inligting waarvan u bewus moet wees
Hoeveel u moet belê
’n Eenmalige enkelbydrae word toegelaat (Aanpasbare beleggingsplan: Klassiek of Kern) of u kan herhalende maandelikse bydraes kies (Net
Aanpasbare beleggingsplan: Kernplan). As u besluit om ’n enkelbedrag te belê, moet u R40 000 of meer belê wanneer die belegging begin,
anders moet u R850 of meer per maand betaal.
Die tariewe wat u moet betaal
Enkelbydrae (Aanpasbare beleggingsplan: Klassieke en Kernplan) Herhalende bydraes (net Aanpasbare beleggingsplan: Kernplan)
Polisgeld: Geen Polisgeld: Geen
Aanvanklike tarief:
Aanvanklike tarief:
Standaardtoewysing
Die tarief hang af van grootte van bydrae:
Die bedrag is gebaseer op grootte van bydrae:
(2.32 – 0.008%* maandelikse premie) / 100 + BTW (minstens 0%)
Grootte van bydrae Aanvanklike tarief
Die finansiële adviseur se tarief word bo en behalwe die bedrag gevorder.
Eerste R100 000 1.75% + BTW
Volgende R250 000 1.20% + BTW
Volgende R250 000 0.60% + BTW
Indien die bydrae meer is as R600 000, word geen aanvanklike tarief gehef
nie. Die finansiële adviseur se tarief word bo en behalwe dié bedrag gevorder.
Toewysing van 100%
Die kliënt kan ’n toewysing van 100% kies, maar betaal dan maandeliks meer
vir die eerste vyf jaar van die polis. Die bedrag is gelyk aan 1.262 x die totale
bedrag van die aanvanklike tarief in rand, plus die finansiële adviseur se tarief.
Die bedrag word oor vyf jaar gevorder in gelyke maandelikse paaiemente. .
Administrasiegeld: Die bedrag is gebaseer op die grootte van die fonds:
Grootte van bydrae Aanvanklike tarief
Eerste R250 000 0.75% + BTW
Volgende R250 000 0.65% + BTW
Volgende R250 000 0.60% + BTW
Volgende R250 000 0.45% + BTW
Meer as R1 miljoen 0.30% + BTW
‘n Addisionele beskermerpremie van 1.2% per jaar is betaalbaar vir die
Aanpasbare beleggingsplan: Klassieke plan.
Let wel: dit is jaarlikse tariewe wat deur 12 gedeel en maandeliks gevorder word.
Die finansiële adviseur kan ook jaarlikse tariewe bo en behalwe dié bedrag hef.
Administrasiegeld: Die bedrag is gebaseer op die grootte van die fonds:
Grootte van bydrae Aanvanklike tarief
Eerste R250 000 0.75% + BTW
Volgende R250 000 0.65% + BTW
Volgende R250 000 0.60% + BTW
Volgende R250 000 0.45% + BTW
Meer as R1 miljoen 0.30% + BTW
Let wel: dit is jaarlikse tariewe wat deur 12 gedeel en maandeliks gevorder
word. Die finansiële adviseur kan ook jaarlikse tariewe bo en behalwe dié
bedrag hef.
Omskakelingsgeld:
Die eerste vier omskakelings per jaar is gratis. Daarna word 0.25% + BTW van die bedrag wat omgeskakel word gehef, tot hoogstens R500..
Bedrag vir vroeë kansellasie:
Standaardtoewysing
Geen bedrag word gehef vir vroeë kansellasie nie.
Toewysing van 100%
Indien die kliënt se belegging gekanselleer word voor na afloop van vyf jaar,
is enige uitstaande bedrag wat ontstaan weens die toewysing van 100%
betaalbaar.
Bedrag vir vroeë kansellasie:
Geen bedrag word gehef vir vroeë kansellasie nie.
Batebestuursgeld:
Tariewe wat betaalbaar is aan beleggingsbestuurders vir die doel van batebestuur verskil tussen die onderskeie beleggingsbestuurders en tussen individuele fondse.
Afhangend van die individuele bestuurder, word ’n aanvanklike tarief van 0% tot 0.57% en batebestuursgeld (binne die eenheidsprys) gehef.
Die belasting wat u moet betaal
Bydraes vir die Aanpasbare beleggingsplan kan nie van belasting afgetrek word nie. Ons reik jaarliks ’n belastingsertifikaat uit en u is
verantwoordelik daarvoor om die toepaslike belasting te betaal.
Wanneer u bedrae uit die belegging kan onttrek
Met die belegging het u onmiddellik en onbeperkte toegang tot die fondse.
Wat gebeur in geval van afsterwe
Met ’n versekerde: Ons betaal die waarde van die beleggingsfonds op die datum van afsterwe aan die eienaar se benoemde begunstigdes.
Sonder ’n versekerde: die belegging gaan voort en ons betaal dit in die eienaar se boedel of aan die begunstigdes na afloop van
die beleggingstermyn.

Wil u meer weet?
Daar is verskillende opsies beskikbaar met die planne. Ons
voel dus dat dit noodsaaklik is om finansiële advies in te
win voordat u die plan kies en terwyl die plan van krag is.
Discovery Invest kan net inligting oor die produk voorsien
en dienste lewer wat verband hou daarmee. Ons kan nie
beleggingsadvies verskaf volgens individuele omstandighede
en finansiële doelwitte nie. Die finansiële adviseur kan
beleggingsadvies voorsien.
Die brosjure is net ’n opsomming van die produk.
Volledige besonderhede is beskikbaar in die feitegids oor
die Aanpasbare beleggingsplanne. Beskrywings van elke
beleggingsfonds, insluitend toepaslike koste, is beskikbaar
in die feiteblad oor die fonds en die lys van fondse wat ons
beskikbaar stel. Alle bemarkingsmateriaal is beskikbaar op
Discovery Invest se webblad (www.discovery.co.za).
Wat gebeur volgende?
Sodra u die belegging of aftreeplan gekies het, moet u die
onderliggende fondse vir u belegging kies.Die finansiële
adviseur wat u kies sal die proses om ’n risiko-profiel saam
te stel en batetoewysing verduidelik. Die adviseur sal ook
enige onsekerheid oor die keuse van fondse verduidelik. Ons
wil die proses makliker maak vir u en het ’n Gids van fondse
saamgestel. Dit verduidelik op ’n eenvoudige manier wat u
moet weet om fondse te oorweeg en wat u met u finansiële
adviseur moet bespreek wanneer u fondse kies. Vra u
finansiële adviseur vir ’n afskrif van die gids, of kyk na die gids
wat beskikbaar is op ons webblad (www.discovery.co.za).
Nadat u die fondse gekies het met die hulp van u finansiële
adviseur, sal die adviseur u help om die nodige aansoekvorm
in te vul en by ons in te dien.
Ons stuur dan vir u en u finansiële adviseur ’n polisskedule nadat
u beleggingsbedrag belê is in die fondse wat u gekies het.
Hoe om met ons te praat
Onder gewone omstandighede is u finansiële adviseur die
eerste persoon met wie u moet praat. Verder kan u ons skakel
by 0860 67 5777. Ons kantore is oop van Maandag tot Vrydag,
van 08:00 tot 17:00

GM_10130DI_07/03/2011
Straatadres:
Weststraat 155
Sandton
Posadres:
Posbus 653574
Benmore
2010
Inbelsentrum:
0860 67 5777
Faksnommer:
011 539 5777
www.discovery.co.za
Die inhoud van die brosjure is uitsluitlik bedoel om beleggers te voorsien van inligting oor Discovery Invest en Discovery Life Limited, asook
die dienste en produkte wat aangebied word. Dit moet net gebruik word vir persoonlike en/of inligtingsdoeleindes. Die brosjure word in
goedertrou beskikbaar gestel en die inhoud is nie onderhewig aan enige uitdruklike of geïmpliseerde waarborge van enige aard nie.
Discovery gee hiermee toestemming dat die inhoud van die brosjure gebruik kan word vir bemarkingsdoeleindes indien die inhoud net
gebruik word om inligting te voorsien.
Enige ongemagtigde gebruik, wysiging, verspreiding, of reproduksie van die inhoud van die brosjure of enige deel daarvan, of verwysing
na die inhoud van die brosjure of enige deel daarvan buite konteks, word streng verbied.
Geen voorlegging, waarborg of voorstelle dat enige persoon kan baat by ’n polis of waarskynlik ’n wins, inkomste, verdienste of opbrengs
soortgelyk aan dit wat aangedui word as voorbeelde, word gemaak of kan afgelei word van die inhoud van die brosjure nie.
Elke belegger moet sy eie finansiële adviseur raadpleeg en die finansiële adviseur moet ’n gemagtigde verskaffer van finansiële dienste
wees om die belegger te adviseer oor die geskiktheid van die produkte en fondse vir die belegger se persoonlike beleggingsbehoeftes.
Discovery Life is ’n geregistreerde langtermynversekeraar en gemagtigde verskaffer van finansiële dienste.
Discovery Invest is ’n gemagtigde verskaffer van finansiële produkte.
Kopiereg – Discovery Invest – Alle regte voorbehou.
IFIBA 02/11