Kennisgewing aan alle somergraankliënte vir die lewering van ...

KENNISGEWING AAN ALLE SOMERGRAANKLANTE VIR DIE LEWERING
VAN GRAAN VIR DIE BEMARKINGSEISOEN 2011/ 2012
Geagte Klant
Senwes gee hiermee kennis van die opbergingsopsies en tariewe soos wat dit vir die
2011/2012 (1 Mei 2011 tot 30 April 2012) seisoen toegepas sal word.
Hierdie inligtingsbrief en kennisgewing gelees met Senwes se standaard
opbergingsvoorwaardes (wat by die silo’s beskikbaar is) vorm die geheel ooreenkoms
waarkragtens u van die opbergingsfasiliteit gebruik maak. Indien enige terme en
voorwaardes wat hierin vervat is, die standaard terme van toepassing op die opberging van
produkte weerspreek, sal die bepalings van hierdie kennisgewing deurslaggewend wees.
ALLE TARIEWE SLUIT BTW UIT
1. HANTERINGSKOSTE
Hanteringskoste vir 2011/2012 is as volg:
Produk Seisoentydperk Rand per Ton
Mielies 1 Mei 2011 – 30 April 2012 35.00
Sorghum 1 Mei 2011 – 30 April 2012 35.00
Sojabone 1 Mei 2011 – 31 Jan 2012 35.00
2. OPBERGINGSKOSTE
2.1 Dagtarief
‘n Eenvormige dagtarief word vanjaar gebruik en die tarief is as volg:
Produk Seisoentydperk Sent / Ton / Dag
Mielies 1 Mei 2011 – 30 April 2012 49
Sorghum 1 Mei 2011 – 30 April 2012 49
Sojabone 1 Mei 2011 – 31 Jan 2012 49
Die opbergingstarief is maandeliks betaalbaar, tensy vooraf skriftelike
finansieringsreëlings getref is met Grainlink, in welke geval die graan as sekuriteit
aangewend sal word. Rente, soos deur Grainlink bepaal, sal van toepassing wees.

2.2 SEISOENTARIEF:
2.2.1 R65.00 BTW uitgesluit (Grainlink het na deeglike oorweging besluit om nie die
seisoentarief te verhoog nie, indien u u keuse onmiddelik uitoefen.)
R70.00 BTW uitgesluit (Indien die klant van die uitgestelde opbergingsopsie gebruik
maak en die keuse op ‘n latere stadium uitoefen - sien paragraaf 3).
Die volgende volume korting is van toepassing op die seisoentarief. (Slegs op
eerste lewering).
TONNE %
5 001 tot 7 000 7.5% van Bergingskoste
7 001 en hoër 10% van Bergingskoste
2.2.2 Die klant moet sy keuse skriftelik by die silo of by Senwes se hoofkantoor
uitoefen ten einde van hierdie opsie gebruik te maak.
Fakturering sal plaasvind binne 7 (sewe) dae nadat die keuse uitgeoefen is en
gemelde faktuur sal betaalbaar wees binne 30 (dertig) dae na die datum van die
maandstaat, onderhewig daaraan dat rente teen ABSA bank se heersende prima
uitleenkoers gehef word volgens Senwes se algemene opbergingsvoorwaardes op
enige opbergingskoste wat nie betyds betaal word nie.
Die toepaslike hanteringstarief per ton sal tesame met seisoenopberging gedebiteer
word en is betaalbaar voor of op 30 (dertig) dae na maandstaat.
2.2.3 Regte ingevolge die seisoensopbergingsopsie is nie oordraagbaar nie.
Klante word versoek om deeglike beplanning met betrekking tot opbergingskeuses te
doen aangesien geen krediet op die seisoentarief toegestaan sal word indien graan
verkoop of uitgelaai word voor die einde van die seisoen nie.
2.2.4 Hierdie opsie geld slegs vir graan wat op ‘n voorraadrekening gehou word. Indien die
klant wat graan kragtens ‘n silosertifikaat (Safex of Senwes) hou, van die opsie
gebruik wil maak, moet die silosertifikaat gekanselleer word en die tonnemaat graan
op ‘n voorraadrekening geplaas word. Die administratiewe koste vir die oorplasing
beloop R1.75 (BTW uitgesluit) per ton, onderhewig aan ‘n minimum bedrag van
R35.00 (BTW uitgesluit) per transaksie.
2.2.5 Senwes behou homself die reg voor om te eniger tyd die silo’s waar die opsie van
toepassing is, te verander, welke besluit geneem sal word gebaseer op
besigheidsoorwegings volgens Senwes se eie diskresie. Waar graan reeds gelewer
is, sal transaksie eerbiedig word.
3. UITGESTELDE OPBERGING (slegs met eerste lewering).
Klante het tot 31 Desember 2011 tyd om ‘n opbergingsopsie te kies. Gedurende die
periode tot 31 Desember 2011 word die debitering van hantering en berging uitgestel
tensy die bepalings van ‘n spesifieke opsie anders bepaal. Op 31 Desember sal
klante gefaktureer word.
Indien graan wat op die uitgestelde opberging gelewer is, verkoop word voor of op 31
Desember 2011, word die hantering en opgeloopte opberging soos op datum van die
2

transaksie deur Senwes verreken (sien paragraaf hier onder) en dit is betaalbaar
voordat die graan uitgelaai of ’n silosertifikaat soos deur die klant versoek, uitgereik en
gelewer word.
Indien die klant versuim om ’n opbergingsopsie van sy keuse voor 31 Desember
2011 te kies, sal ’n opbergingstarief van R70.00 (BTW uitgesluit) en die
Hanteringstarief, soos vermeld in paragraaf 1 en 2, outomaties gehef word. Dan
moet betaling binne 30 dae na staat plaasvind
4. PERIODE OPBERGING
Die volgende voorwaardes sal van toepassing wees op die periode opberging:
4.1 Die klant wat graan wil lewer of aangekoop het moet sy keuse tydens eerste lewering
of by aankoop uitoefen om sy graan in terme van hierdie opbergingsopsie te berg.
4.2 Die klant wat graan by Senwes lewer en hierdie opsie gekies het, betaal ‘n eenmalige
bedrag van R52 per ton wat hantering- en opbergingskostes vir 90 dae, vanaf datum
van lewering tot datum van fisiese uitlaai, dek.
4.3 Die klant wat graan aankoop, wat reeds in Senwes se silo’s gelewer is (m.a.w. graan
waarop reeds hanteringskostes betaal is), betaal ‘n bedrag van R25 per ton wat
opbergingskoste vir 90 dae dek.
4.4 Die koste vir hierdie tarief-opsie word gefaktureer by lewering of oorplasing van die
graan na hierdie opsie en is binne 30 dae na maandstaat betaalbaar waarna rente
teen Absa Bank se heersende prima uitleenkoers gehef word vanaf die datum waarop
die bedrag betaalbaar was tot datum van betaling.
4.5 Die klant kontrakteer om die graan binne 90 dae nadat dit gelewer of oorgeplaas is, uit
te laai.
4.6 Die klant moet Senwes ten minste 10 werksdae kennis gee van sy voorneme om
graan te onttrek. Indien Senwes nie binne die normale kennisgewingsperiode kan
uitlaai nie, word die klant se rekening met die dagtarief van toepassing op die
opberging gedebiteer vanaf dag 91 tot die dag waarop die graan finaal uitgelaai is.
4.7 Indien die klant nie binne die voorgeskrewe tyd kennis van sy voorneme om uit te laai
gegee het nie en Senwes gevolglik nie binne die ooreengekome 90 dae periode kan
uitlaai nie, word dit geag as nie-nakoming van die tariefvoorwaardes en word die
hanterings- en dagtarief toegepas vanaf die datum waarop die graan by
Grainlink gelewer is (of vanaf die datum waarop eienaarskap oorgegaan het). In die
geval sal betalings wat ingevolge die periode opberging ontvang is as ‘n krediet op die
klant se rekening erken word.
4.8 Indien die klant nie die ooreenkoms nakom nie, en die graan na 90 dae nog in die silo
geberg word, word ‘n administrasiekoste van R8 per ton gehef en teen die klant se
opbergingsrekening gedebiteer. Die algemene hanterings- en dagtarief word toegepas
vanaf die datum waarop die graan by Grainlink gelewer is (of vanaf die datum waarop
eienaarskap oorgegaan het). In die geval sal betalings wat ingevolge die periode
opberging ontvang is as ‘n krediet op die klant se rekening erken word.
3

4.9 Geen krediet sal verleen word indien die graan voor 90 dae uitgelaai word nie. Die
tarief vir hierdie opsie is reeds ‘n noemenswaardige korting en word die tarief nie per
dag bereken nie, maar eerder as ‘n eenmalige nie verdeelbare totaal.
4.10 Die ooreenkoms is nie oordraagbaar nie. Indien eiendomsreg oorgedra word tydens
die 90 dae sal die standaard opbergings- en hanteringstarief toegepas word op die
graan vir die hele periode van opberging en sal die reeds betaalde bedrag as ‘n
krediet erken word.
4.11 Hierdie tariefopsie sal by geselekteerde silo’s van toepassing wees. Die relevante
silo’s wat op hierdie stadium geïdentifiseer is, is as volg:
Hennenman
Kroonstad
4.12 Senwes behou homself die reg voor om ter enige tyd van die silo’s wat hierin
aangedui is, van die opsie te onttrek, welke besluit geneem sal word uit
besigheidsoorwegings wat Senwes in sy eie diskresie in ag kan neem. Waar graan
reeds gelewer is, sal transaksie eerbiedig word.
5. VOLUME-OPBERGING.
Senwes sal volgens sy keuse en besigheidsbehoeftes sekere silo’s nomineer waar
silo-gebruikers kan kies om graan op die volgende voorwaardes op te berg:
5.1 Die klant wat graan wil lewer of aangekoop het moet sy keuse tydens eerste lewering
of by aankoop uitoefen om sy graan in terme van hierdie opbergingsopsie op te berg.
5.2 Die spesiale tariewe van toepassing op hierdie volume-opbergingsopsie sal slegs
beskikbaar wees vir lewerings van ‘n minimum van 9 000 metrieke ton. Die opsie geld
vir die graanseisoen waarbinne die graan gelewer is en indien die graan as
oordragvoorraad oorgedra word na die volgende seisoen sal die klant ‘n nuwe keuse
moet uitoefen.
5.3 Die silo’s wat op hierdie stadium genomineer is as silo’s waar hierdie opsie uitgeoefen
kan word is as volg:
• Dewetsdorp
• Hoogte
• Mooigeleë
5.4 Die opbergingskoste wat kragtens die hierbovermelde tariewe bereken word, is
betaalbaar binne 7 (sewe) dae nadat die laaste lewering plaasgevind het. Die tarief
beloop R55.00 per ton, wat hantering en opberging insluit.
5.5 Indien die volle tonnemaat van ten minste 9 000 metrieke ton nie gelewer word binne
‘n periode van 30 (dertig) werksdae nie, sal hierdie opsie wat uitgeoefen is deur die
silogebruiker, verval en sal die normale tariewe van toepassing wees op alle graan
wat gelewer is vanaf die dag wat die graan gelewer of oorgeplaas is.
4

5.6 Enige laat betalings sal onderhewig wees aan rente soos in Senwes se algemene
terme en voorwaardes met betrekking tot opbergkoste wat agterstallig is, toegepas
word.
5.7 Die algemene tariewe soos in paragraaf 1 en 2 hierbo vermeld, sal van toepassing
wees ten opsigte van enige graan wat by die genomineerde silo’s gelewer word en
wat nie voldoen aan die tonnemaat en/of periode van opberging wat ‘n voorvereiste is
nie.
6. SAFEX TARIEF
Die tarief met betrekking tot hierdie opsie sal van toepassing wees op alle graan wat
gehou word kragtens ‘n Safex silosertifikaat onderhewig aan die volgende bykomende
terme en voorwaardes en klante moet hulself vergewis daarvan dat die Safex tarief
slegs van toepassing is by Safex geregistreerde silo’s.
6.1 Die Safex tarief soos gepubliseer deur Safex word outomaties deur die stelsel gehef
vanaf die datum waarop die silosertifikaat uitgereik word tot op die datum waarop die
sertifikaat by Senwes aangebied word.
6.2 Graan word nie uitgelaai voordat alle uitstaande opgelope koste betaal is nie.
6.3 Wanneer ‘n Safex silosertifikaat uitgereik word, moet die opgelope silokoste
ooreenkomstig die silokoste-opsie wat gegeld het tot op die datum van uitreiking,
onmiddellik betaal word, voordat die sertifikaat uitgereik sal word.
6.4 Die klant is geregtig om te eniger tyd in oorleg met die graansilo-eienaar die Safex
silosertifikaat wat aangebied word om te skakel na klante-opberging en sy keuse uit te
oefen met betrekking tot ander tariefopsies wat wel van toepassing is. Die
administratiewe koste vir die omskakeling sal ‘n bedrag van R1.75 (BTW uitgesluit)
per ton beloop, onderhewig aan ‘n minimum bedrag van R35.00 (BTW uitgesluit) per
transaksie.
7. OORDRAGVOORRAAD
Die tarief van toepassing vir opberging op alle graanvoorraad, wat oorgedra word
vanaf die seisoen waarin dit gelewer is en op die ondergenoemde datum van oordrag
in opberging in Senwes se silo’s geberg word, is die dagopbergingstarief soos omskryf
in paragraaf 2.1 hierbo, totdat die dagopberging gelykbreek met die seisoen tarief
(R65.00 BTW uitgesluit).
Die opbergingstarief is maandeliks betaalbaar, tensy vooraf skriftelike
finansieringsreëlings getref is met Grainlink, in welke geval die graan as sekuriteit
aangewend sal word.
5

Rente, soos deur Grainlink bepaal, sal van toepassing wees.
Produk Datum van oordrag
Mielies
Sorghum
Sojabone
6
1 Mei 2012
1 Mei 2012
1 Feb. 2012
Alle oordragvoorraad op silosertifikaat (SAFEX of Senwes) sal teen die toepaslike
dagtarief opgeberg word sonder ‘n plafonbedrag.
8. SENWES SILO-SERTIFIKATE
8.1 Die Senwes opbergingstariewe soos omskryf in paragraaf 2.1 word outomaties deur
die stelsel gehef vanaf die datum waarop die silosertifikaat uitgereik word tot op die
datum waarop die sertifikaat by Senwes aangebied word.
8.2 Wanneer ‘n Senwes silosertifikaat uitgereik word, moet die opgelope silokoste,
ooreenkomstig die silo-koste-opsie wat gegeld het tot op die datum van uitreiking,
onmiddellik betaal word, voordat die sertifikaat uitgereik sal word.
8.3 Die klant is geregtig om ter enige tyd in oorleg met die graansilo-eienaar die sertifikaat
wat aangebied word, om te skakel na klante-opberging en sy keuse uit te oefen met
betrekking tot ander tarief opsies wat wel van toepassing is. Die administratiewe
koste vir die omskakeling sal ‘n bedrag van R1.75 (BTW uitgesluit) per ton beloop,
onderhewig aan ‘n minimum bedrag van R35.00 (BTW uitgesluit) per transaksie.
Graan word nie uitgelaai voordat alle uitstaande opgelope koste betaal is nie.
9. ONTVANGSTES
9.1 Fisiese verliese
Die graanmassa wat klante lewer, is onderhewig aan fisiese verliese en breekskade
tydens opberging en word by ontvangs met die volgende persentasies verminder:
Mielies 1,0 %
Sojabone Slegs die werklike % vreemde materiaal word afgetrek.
Sorghum 2,28 %
9.2 Oortollige vog
Die gelewerde graanmassa word by lewering, met die gebruik van die vogformule,
verminder na onderstaande vogpersentasies.
PRODUK MAKSIMUM ONTVANG GEAG AS DROË GRAAN
Mielies 14,0% 12,5%
Sorghum 14,0% 12,5%
Sojabone 13.0% 12,0%

10. SOMERGRAAN DROOGTARIEWE
10.1 Vogpersentasies van graan word met behulp van ‘n bedryfsaanvaarbare standaard
vogmeter bepaal wat volgens die vervaardiger se voorskrifte en prosedures
gekalibreer is.
10.2 Senwes is van tyd tot tyd, volgens sy diskresie, bereid om by silo’s waar
drogingsfasiliteite beskikbaar is, graan van ‘n hoër voggehalte te aanvaar. Die graan
kan dan op die koste van die klant gedroog word, onderhewig aan die toepaslike
massa-aanpassing vir surplus vog. Volledige inligting met betrekking tot die
beskikbaarheid en vereistes ten opsigte van die drogingsfasiliteit is by die silo
beskikbaar. Grainlink behou hom die reg voor om die ontvangs van nat graan te stop
indien daar ‘n ooraanbod van nat graan is en droogoondkapasiteit nie voldoende is
nie.
10.3 Die droogtariewe van toepassing is as volg:
Senwes het na deeglike oorweging besluit om klante tegemoet te kom deur nie
drogingskoste te hef op mielies met ‘n voginhoud tussen 14,1% en 15% nie. Dit
geld vanaf 1 Mei 2011 tot 30 April 2012.
Mielies (1 Mei 2011 tot 30 April 2012):
TARIEF / RAND PER TON
PERSENTASIE VOG SONDER BTW MET BTW
14,1 - 15,0 0 0
15,1 - 16,0 34.58 39.42
16,1 - 17,0 49.24 56.13
17,1 - 18,0 70.49 80.36
11 VERWYDERING VAN SKADELIKE SADE
11.1 Ten einde die klant behulpsaam te wees om vragte skoon te maak, lewer Senwes ‘n
diens teen ‘n tarief, waar sodanige fasiliteit beskikbaar is. Indien ‘n besending meer as
die toegelate skadelike sade bevat ten opsigte van die verskillende grane, moet die
produk baie stadig gesif word om al die skadelike sade te verwyder. Volledige
besonderhede van die diens is by die silo-bestuurders beskikbaar.
Die klant kan by bedryfspunte waar dit uitvoerbaar is, die volgende keuses uitoefen:
11.1.1 Klant neem nie sifsels en skadelike sade terug nie
Geen skoonmaak/sifkoste word gehef nie en ‘n massa-aanpassing word
gemaak. Alle materiaal onder die 6,35 rondegatsif word gebruik vir die
berekening van die persentasie vir massa-aanpassing.
7

11.1.2 Klant neem sifsels en skadelike sade terug
Die keuse om sifsels terug te neem is onderhewig daaraan dat bedryfsaksies
by die silo dit toelaat en u bereid is om te wag vir die sifaksie. Geen massaaanpassing
word gemaak nie en verwydering van skadelike sade koste word
gehef.
11.3 Die verwydering van skadelike sade koste is soos volg:
Produk
Mielies
Sojabone
12. GRAANKOSTEREKENINGE
12.1 Alle silokostes is betaalbaar 30 dae na maandstaatdatum of soos met Senwes
skriftelik ooreengekom. Indien die klant versuim om die betaling betyds te maak, word
rente, daagliks bereken teen ABSA bank se heersende prima uitleenkoers en
maandeliks saamgestel, op die uitstaande bedrae gehef.
12.2 Onttrekking en oorplasing van graan vanuit klante-opberging sal slegs toegelaat word
en silo- en Safex-sertifikate sal slegs uitgereik word, indien rekening ten volle betaal
is. Senwes mag egter in sy eie diskresie sodanige onttrekking of uitreiking toelaat,
indien daar op daardie stadium voldoende graanwaarde, in retensie op voorraad
oorbly om as sekuriteit vir Senwes se uitstaande rekening te dien.
13. DIVERSE TARIEWE
Aantal Sade
per 1 Kg
2-10
11-20
21-40
41-60
61-100
101-150
151-200
201-250
251-300
2-10
11-20
21-40
41-60
61-100
101-150
151-200
201-250
251-300
Diverse dienste word geag as ondersteunend tot Senwes se graandienste en word
aangebied waar die toerusting beskikbaar is en nie beset is nie. Die tariewe wat geld
8
Tarief (Rand per Ton)
Sonder Met
BTW BTW
7.09 8.08
10.90 12.43
30.62 34.91
68.94 78.59
116.61 132.94
168.23 191.78
225.59 257.17
292.48 333.43
388.03 442.41
7.09 8.08
10.90 12.43
30.62 34.91
68.94 78.59
101.40 115.60
146.28 166.78
196.16 223.62
254.33 289.94
337.46 384.70

vir die gebruik van diverse Grainlinkfasiliteite is vanaf 1 Mei 2011 tot 30 April 2012
soos volg:
13.1 Massametings
13.1.1 Alle klante wat die massa van ‘n vrag wat nie afgelaai word nie, wil bepaal,
betaal R2.50 per ton, BTW uitgesluit op die totale massa van die vrag, vir die
gebruik van die massameter met ‘n minimum koste van R30.00 BTW uitgesluit.
13.1.2 Klante en privaatinstansies wat nie oor klantenommers beskik nie, moet
kontant vir die diens betaal wanneer dit gelewer word.
13.1.3 Senwes aanvaar geen regsaanspreeklikheid vir die korrektheid van die
massa van sodanige goedere wat geweeg word nie.
13.1.4 Senwes gradeer nie ‘n vrag met graan wat geweeg en nie afgelaai word nie.
13.2 Versakkingskoste
Koste vir versakking van graan beloop R65.00 per ton BTW uitgesluit en klante
verskaf hul eie sakke.
14. VERSPORING/UITLAAI VAN GRAAN
14.1 Graan Uitlaai
Enige klant wat graan wil uitlaai, moet Senwes ten minste 10 werksdae kennis gee
van sy voorneme om graan te onttrek. Geen graan mag uitgelaai word sonder
Hoofkantoor se toestemming nie.
14.2 Graanoorplasing
Graanoorplasing mag tussen klante gedoen word. Die nodige reëlings kan met die
graanverkryger, silobestuurder of hoofkantoor graanopbergingsafdeling getref word.
Die tarief vir die oorplasing van graan van een klant na ‘n ander klant beloop R2.75
per ton BTW uitgesluit, onderhewig aan ‘n minimum van R60.00 BTW uitgesluit met ‘n
maksimum van R500.00 BTW uitgesluit, per transaksie en kan slegs na vereffening
van die silo-kosterekening plaasvind.
15. WERKSWYSE BY DIE AANSOEK VIR ‘N VERHANDELBARE / OORDRAAGBARE
SILOSERTIFIKAAT
15.1 By die uitreiking van ‘n silosertifikaat is kostes van R1.87 per ton (BTW uitgesluit), met
‘n minimum van R40.00 (BTW uitgesluit) per sertifikaat vir hoeveelhede kleiner as 22
ton, betaalbaar.
15.2 ‘n Eenmalige heffing word namens Electronic Silo Certificates (ESC) gehef vir die
uitreiking van elektroniese silosertifikate teen ‘n koste wat van tyd tot tyd deur ESC
bepaal word.
9

15.3 Klante kan registreer by ESC. Die registrasie is gratis en werk op dieselfde basis as
internet bankdienste waar elke gebruiker ‘n unieke gebruikersnaam, wagwoord en
persoonlike identifikasienommer kry. Vir klante wat nie internettoegang het nie, is
daar ‘n Teletrade diens.
15.4 Teletrade Diens: Die proses geskied deur middel van ‘n telefoniese oproep vanaf
klante na die ESC dienssentrum waartydens instruksies rakende die verhandeling van
elektroniese sertifikate aan die ESC konsultant gegee word. Let daarop dat ESC ‘n
onafhanklike maatskappy is en dat Senwes nie verantwoordelikheid neem vir
ESC-dienste nie.
(Teletrade Kontaknommer: 011-797 5597 / 91)
15.5 Senwes reik silosertifikate slegs uit aan klante wat die eienaar van die graan is en
daarvoor aansoek gedoen het. Geen oordragte van sertifikate word namens klante
aan derde partye gedoen nie.
15.6 Die koper of sy opvolger in titel ten opsigte van ‘n silosertifikaat wat by Senwes
aangebied is, is vanaf datum van aanbieding van die silosertifikaat verplig om die
algemene opbergingstarief ten opsigte van die graan te betaal tot datum van lewering
of uitlaai van die graan.
16. VOEDSELVEILIGHEID: VOEDSELHIGIËNE
16.1. Vragmotors, trekkers en waens sal tydens lewerings geïnspekteer word om te
verseker dat glas, olie, diesel, verkoelerwater, stukke metaal, ensovoorts nie in die
graan kom nie. Die silopersoneel is by magte om klante toegang tot aflaaipunte te
weier indien voedselhigiënerisiko’s na sodanige personeel se oordeel ter sprake is.
Seile wat gebruik word moet ook skoon en insekvry wees.
16.2 Die klant, by lewering van enige graan, verseker en waarborg dat:
graan geskik is vir menslike en dierlike gebruik;
alle chemiese toedienings voldoen aan die Wet op Misstowwe, Veevoedsel,
Landboumiddels en Veemiddels, Wet 36 van 1947, en die Wet op
Landbouprodukstandaarde, Wet 119 van 1990 of enige toepaslike wetgewing,\
dat volledige rekord gehou is van alle chemiese toedienings op die produk wa
gelewer word;
die produk nie besmet is met enige skadelike toksiene of enige gifstowwe wat
skadelik of gevaarlik is vir menslike en dierlike gebruik
10

16.3. Klant se chemiese verklaring (Bylaag 1). Klante moet hulself vergewis van die
wetlike vereistes ten opsigte van chemiese middels en voldoen aan die standaarde
soos daarin neergelê. Klante sal verplig wees om voor lewerings ‘n verklaring van
nakoming by Senwes in te dien, waarin hul verklaar dat hul:
• die voorskrifte nagekom het
• nie onwettige middels en/of
• geen foutiewe dosisse of
• op verkeerde tye van die wettige middels toegedien het nie.
Hierdie verklaring word ook vervat in leweringstrokies met die bewoording:
“Hierdie besending graan/oliesade is geproduseer en hanteer volgens die vereistes
van Wet 36 van 1947, soos gewysig. Die graan/oliesade is dus slegs met wettige
chemiese middels, volgens die voorskrifte behandel en is dus geskik vir menslike en
dierlike gebruik.”
Sou die klant nalaat om die chemiese verklaring te voltooi, word aanvaar dat
die spesifieke besending voldoen aan die vereistes.
16.4. Senwes sal te eniger tyd volgens sy diskresie geregtig wees, om ondersoek in te stel
na die nakoming van hierdie vereistes en om monsters te neem vir ontleding. Senwes
behou die reg om vragte weg te wys indien daar enige vermoede bestaan dat
regulasies en / of wetgewing nie nagekom is nie.
17. VERMENGING VAN GRAAN
Senwes stoor graan van dieselfde tipe en kwaliteit in losmaat, op sodanige wyse dat
vermenging van dieselfde tipe en kwaliteit plaasvind. Klante wat graan by Senwes
stoor, kan slegs aandring op dieselfde tipe en kwaliteit graan soos omskryf in die
toepaslike graderingsregulasie en kan slegs graan van soortgelyke kwaliteit onttrek of
bemark. Senwes behou die reg voor om by teruglewering van die graan ‘n
soortgelyke of beter kwaliteit (gemeet volgens die standaard graderingsregulasies wat
van toepassing is in die RSA) te lewer.
18. GRAANLEWERINGSOPDRAG
18.1. Geen graanlewering sal ontvang word indien ‘n graanleweringsopdrag nie deur die
klant voltooi en geteken is nie.
18.2. Silopersoneel mag nie ‘n leweringsopdrag namens die klant onderteken nie.
HIERDIE GRAANLEWERINGSOPDRAGDOKUMENT MAG NIE GEBRUIK WORD DEUR
KLANTE OM ‘N AANBOD OM GRAAN TE VERKOOP OF VERSOEKE IN DIE VERBAND
AAN TE DUI NIE. SENWES SAL NIE DAARVAN KENNIS NEEM NIE. KLANTE WAT HUL
GRAAN AAN SENWES WIL VERKOOP, MOET MET SENWES SE GRAANVERKRYGERS
KONTAK MAAK.
11

Indien u enige verdere inligting verlang, kan u met die Bestuurder: Graanhantering, Mnr Faan
Schoeman, skakel by 018 464 7185 of 0833061366.
_____________________________
PIETER MALAN
ASSISTENT-HOOFBESTUURDER:
GRAINLINK BEDRYF
12

CHEMIESE VERKLARING Bylaag 1
Ek, die ondergetekende,
Voorletters en Van:
Naam van plaas:
Posadres:
Lidnommer:
Wat van voorneme is om graan te lewer by die volgende silo’s van Senwes.
Neem hiermee kennis van die gebruik van chemiese middels en beperkings daarop op graan soos
vervat in die Wet op Misstowwe, Veevoedsel, Landboumiddels en Veemiddels(Wet 36 van 1947) en
enige ander tersaaklike wetgewing.
Ek is bewus van die feit:
1. dat wetlike vereistes neergelê is met betrekking tot die gebruik van sekere onkruiddoders,
insekdoders en verskeie ander landboukundige chemikalieë en die residu-vlakke van die
relevante produkte wat in die produk teenwoordig mag wees en wat toegedien mag word.
2. dat ek my moet vergewis van die wetlike vereistes en dat ek moet voldoen aan die
standaarde soos daarin neergelê.
3. dat ek verplig sal wees om voor lewering hierdie verklaring van nakoming by Senwes in te
dien en ek verklaar dat ek die voorskrifte nagekom het en nie onwettige middels en/of teen
foutiewe dosisse of op verkeerde tye, van die wettige middels toegedien het nie.
4. dat Senwes ter enige tyd volgens sy diskresie geregtig sal wees om ondersoek te doen met
betrekking tot die nakoming van hierdie vereistes en om monsters te neem vir ontleding.
5. dat graan wat nie aan die vereistes voldoen nie, nie vir lewering aanvaar word nie en force
majeure nie daarop van toepassing sal wees nie.
GETEKEN: : _________________________________
PLEK : _________________________________
DATUM : _________________________________
13