LSB OB Ouers 2009-05-22 - bredasdorpprim.co.za

NUUS NUUS NUUS BRIEF BRIEF 113 113/2009 113
/2009 /2009
15 15 Mei Mei 2009
NUUSBRIEF UUSBRIEF UUSBRIEF 120/2009
120/2009
22 2 Mei 2009
BY ONS SKOOL IS U KIND ‘N WENNER!

Geagte Ouers,
LAERSKOOL BREDASDORP
120/2009
2009-05-22
1. SKOOLBEHEERLIGGAAM-VERKIESING:
Die datum vir die Skoolbeheerliggaam-verkiesing is vasgestel vir Donderdag 18 Junie 2009 om 18:30. Ouers/voogde word versoek om
asb. hierdie verkiesing by te woon aangesien dit ‘n hoogtepunt op ons skoolkalender vir die jaar is. Die ouers wat hierdie aand op die
Beheerliggaam verkies word, moet bewus wees daarvan dat daar ‘n Beheerliggaamvergadering sal plaasvind direk na die verkiesing. Die
portefeuljes vir die volgende 3 jaar sal aangewys word by hierdie vergadering.
2. VERJAARDAGWENSE:
Vir die maats hieronder, wil ons ‘n besonderse mooi dag toewens met jul verjaarsdae in die komende week.
Kobus Fourie 24 Mei Xaliah Merkeur 25 Mei
Zabeth Pratt 26 Mei Jiaan Lessing 27 Mei
Ieuan Weits 28 Mei Luther Oostendorp 28 Mei
Divenuto de Koker 29 Mei
3. KRANSLEGGING:
Twee van ons leerderleiers, André Steffens en Larissa Geldenhuys, het verlede Sondag ons skool verteenwoordig by ‘n kransleggingseremonie
te Overberg Lugmagbasis. Hulle het ‘n krans gelê ter nagedagtenis van almal wat die hoogste prys betaal het terwyl hul in
uniform was. Dit is belangrik vir die skool om op hierdie wyse ook die werksaamhede van die Lugmagbasis Overberg en TVOS te
ondersteun. Larissa en André is deur mev. Anne Barnard en mnr. Johann Burger, skoolhoof, ondersteun. Mnr. Burger en mev. Barnard
behoort albei aan die “Vriende van die Lugmag”.
4. TEGNOLOGIE KONFERENSIE BIRMINGHAME:
Laerskool Bredasdorp is bevoorreg dat een van ons opvoeders vir die tweede keer genooi is om ‘n referaat by die Internasionale
Tegnologie-Konferensie by die Universiteit van Birmingham, Engeland, te lewer. Mev. Anne Barnard hou Bredasdorp en die hele
Overberg se naam hoog. Sy sal bygestaan word deur mev. Marlene Fraser, hoof van die Skunkworks by Laerskool Bredasdorp. Die
konferensie word vanjaar deur ‘n Britse meelmaatskappy, Warbuton’s Bread, geborg. Die Overberg se hoof-uitvoerproduk is graan,
daarom kon die skool dit met vrug as tema gebruik. Van die graad 2- en 3-leerders het op kreatiewe wyse produkte gemaak. Die
betrokke leerders se name sal ook in die program verskyn. Ons wens mevv. Barnard en Fraser sterkte toe met hul voorbereidings.
5. KUNS EN KULTUUR:
Ons wil baie graag van die geleentheid gebruik maak om vir Larissa Geldenhuys geluk te sê dat sy gekies is om deel te neem in die
halfeindrondte van die ATKV Redenaarskompetisie. Sterkte vir vanaand se deelname by Hoërskool Monument Park in Brackenfell.
6. JEUG BEESSKOU:
Met trots wens ons vir Beatrix Swart en Kleinjan Marais baie geluk met hul opname in die WP-span. Beatrix het die span gehaal in die
Vleisbees-afdeling en Kleinjan vir Suiwelbeeste. Die WP-spanne gaan binnekort Magaliesberg toe om daar teen ander spanne mee te
ding. Ons wens julle alle sterkte toe!
7. KOS BESTELLINGS:
Een van ons ouers maak die vlg. disse. Indien u belangstel om van haar dienste gebruik te maak moet u asb die bestellings 3 dae voor
die tyd vir haar deurgee:
• Roti sonder vulsel R 7.50
• Roti met maalvleisvulsel R20.00
• Roti met hoendervulsel R25.00
• Roti met lamsvleisvulsel R30.00
• Chilli-happies Prys op aanvraag
• Hoender/lamskerrie/Breyani Prys op aanvraag
Vir dié met ‘n soettand sal daar ook binnekort te kies en keur wees. Plaas u bestellings by Charmaine Peregrino by 028 424 1105
of 076 910 5036.
2

8. VERLORE KLERE:
8.1 Enige verlore klere en ander items word in juffrou Nina Joubert se klas gestoor totdat dit opgeëis word. Daar is ‘n ongelooflike
hoeveelheid verlore klere wat op die skoolgronde opgetel word. Moedig asseblief u kind/ers aan om te kom kyk of hul klere wel
gevind is. Die R5 boetes wat per item gehef is, is afgestel. Daar is gevind dat die boetes nie regtig die kinders aanmoedig om
hul besittings goed op te pas nie.
8.2 Die klere wat gevind is vanaf Januarie – Junie 2009 sal op Vrydag, 26 Junie 2009, oorhandig word aan die OOV, ongeag of ‘n
kledingstuk, kosblik of enige ander item gemerk is of nie. Dit bly die leerder se verantwoordelikheid om hierdie items te gaan
opeis. Die leerders het toegang tot hierdie items tot en met die bogenoemde datum en is welkom om te kom kyk of hul verlore
items gevind is.
9. VOETOORGANG:
9.1 Die skool se voetoorgang by die Preprimêre afdeling is daar om ons leerders te beskerm teen die gevaar van jaende motors,
asook om die leerders bewus te maak van die padreëls en regulasies. Dit is onder ons aandag gebring dat die kleiner kinders,
veral Gr R, nie stilstaan by die voetoorgang nie en dat hulle oor die pad loop soos dit hulle pas. Ons wil hiermee graag ‘n
beroep op ons ouers doen om asb. die reëls van die voetoorgang met hul kleintjies te bespreek en sterk klem te lê dat hulle eers
mag loop wanneer die skolierpatrollie sê dis veilig.
9.2 Ons wil ook ‘n beroep op ons ouers doen wat van die voetoorgang gebruik maak, om asb. op die paadjie te loop waar die wit
lyne aangebring is en nie agterom die skolierpatrollie nie. Ons moet ‘n voorbeeld vir ons kinders stel, en hulle leer deur dit wat
hulle sien en hoor. Ons vertrou dat ons u samewerking in die verband sal hê.
10. EISTEDDFOD DEELNAME:
Die jaarlikse Eisteddfod is weer op hande. Ons heg hierby vir julle die rooster aan vir bevestiging van die kategorieë en datums:
19 Junie Gr 4 – 7 Afr. Spraak & Drama Laerskool Kleinmond
24 Julie Gr 1 – 3 Afr. Spraak & Drama Laerskool Okkie Smuts
7 Augustus Blokfluit Laerskool Kleinmond
12 Augustus Kore Laerskool Hermanus
21 Augustus Klavier Laerskool Hermanus
11 September Eng Speech & Drama Laerskool Bredasdorp
18 September Sang Laerskool Hermanus
11. GEBEDSGROEP:
Die skool bied om 07:15 elke Woensdagoggend vir 15 minute ‘n gebedsgeleentheid in Juf. Marlene Fraser se klas aan. Alle ouers /
voogde is welkom om die oggende met ons te deel.
12. ARBEIDSTERAPIE:
Ons arbeidsterapeut het reeds verlede week by die skool begin en ons het reeds ‘n hele paar belangstellendes. Indien u van die dienste
wil gebruik maak, kontak die kantoor om haar besonderhede te bekom. Die terapie-fooie sal direk aan die arbeidsterapeut betaalbaar
wees.
13. VANUIT DIE SPORTKANTOOR:
13.1 RUGBY EN NETBAL:
‘n Baie geslaagde Buurskole Rugby-, Hokkie- en Netbaldag het op Saterdag 16 Mei 2009 te Swellendam plaasgevind. Al ons
spanne het baie goed gevaar. Ongelukkig het die reën die laaste sê gehad, en kon wedstryde nie voltooi word nie.
13.2 RUGBY:
Jurie Fick en Frikkie Badenshorst is gekies vir die O/13 Boland Rugbyspan wat op 29 & 30 Mei aan ‘n driehoekige toernooi
tussen WP, Boland en SWD op Worcester gaan deelneem. By dié toernooi word die drie bonde se Cravenweek-spanne gekies.
Johan Neethling, Christiaan Neethling en Arend-Brink du Toit is vir die O/12 Boland-span gekies wat in September aan die Nike
week gaan deelneem. Baie geluk ons is trots op julle!
13.3 HOKKIE:
Baie geluk aan Henko Lourens wat ook die Hokkie Streekspan gehaal het wat van 8-10 Augustus in Oudtshoorn gaan
deelneem. Ongelukkig kan Frikkie Badenhorst en Arend-Brink du Toit nie meer die Streekspan verteenwoordig nie, as gevolg
van hulle verkiesing vir die Boland Rugbyspan.
3

Ons het op Woensdag 20 Mei 2009 teen Laerskool Overberg gespeel op Caledon en die volgende uitslae is behaal:
0/8A Seuns Verloor 0-6
0/9A Seuns Verloor 2-3 0/10A Dogters Verloor 0-5
0/9B Seuns Wen 2-1 0/10B Dogters Verloor 1-2 en Wen 3-0
0/10A Seuns Verloor 3-4 0/11A Dogters Wen 3-0
0/11A Seuns Verloor 2-4 0/13A Dogters Gelykop 0-0
0/13A Seuns Gelykop 2-2 0/13B Dogters Wen 2-0
0/13B Seuns Wen 5-1
14. BALDANS::
Sigrid Burger het gekwalifiseer om aan die Suid-Afrikaanse Baldanskampioenskappe deel te neem op 22 & 23 Mei te Buffelspoort. Ons
wens haar baie sterkte toe!
15. BELANGRIKE DATUMS OM TE ONTHOU:
• Saterdag 23 Mei Hokkie Sportdag by Laerskool Stellenbosch (weg)
• Dinsdag 26 Mei Rugby en Netbal vs Laerskool Gansbaai (tuis)
• Saterdag 30 Mei Rugby en Netbal Tjokkerdag te Hermanus
• Saterdag 6 Junie Tuimelkampioenskappe in die Paarl
Vriendelike groete
JOHANN BURGER
Gedagte vir die week
“Die beste en die mooiste dinge in die wêreld is nie sigbaar of tasbaar nie. Hulle moet in die hart ervaar word.”
4
(Helen Keller)