INLIGTINGSBRIEF & TARIEFKENNISGEWING

KLERKSDORP
INLIGTINGSBRIEF & TARIEFKENNISGEWING
INLIGTINGSBRIEF AAN KLANTE EN BEDRYFSPUNTPERSONEEL
2010/2011 BERGING- EN HANTERINGSTARIEWE VIR SOMERGRAAN
UITGESLUIT SONNEBLOM
1. Opbergingsopsies en tarief.
1.1 Algemene opberging.
1.2 Periode-opberging.
1.3 Volume-opberging.
1.4 Jaaropberging.
1.5 Safex-silosertifikate.
1.6 Senwes silosertifikate
2. Oordragvoorraad
3. Uitgestelde opberging
4. Ontvangstes
5. Graankosterekening (Rekening 400 )
6. Somergraan droog- en skoonmaaktariewe
7. Diverse tariewe
8. Versporing / uitlaai van graan
9. Verwydering van skadelike sade en sifsels
10. Werkswyse by die aansoek van ‘n verhandelbare / oordraagbare opbergingsbewys
11. Voedselveiligheid: Voedselhigiëne
12. Vermenging van graan
13. Graanleweringsopdrag

KENNISGEWING
Senwes gee hiermee kennis van die opbergingsopsies en tariewe soos wat dit vir die 2010/2011
seisoen toegepas sal word.
Hierdie inligtingsbrief en kennisgewing gelees met Senwes se standaard opbergingsvoorwaardes
(wat by die silo’s beskikbaar is) vorm die geheel ooreenkoms waarkragtens u van die
opbergingsfasiliteit gebruik maak. Indien enige terme en voorwaardes wat hierin vervat is, die
standaard terme van toepassing op die opberging van produkte weerspreek, sal die bepalings van
hierdie kennisgewing deurslaggewend wees.
1. OPBERGINGSOPSIES EN -TARIEWE
1.1. Algemene opberging:
Hierdie is die standaard opbergingstariewe wat toegepas gaan word indien u nie een
van die ander bergingsopsies kies nie.
1.1.1. Hanteringstarief per ton vir ontvangste en uithantering (BTW uitgesluit) is as
volg:
Produk Datum Rand / Ton / jaar
Mielies 1 Mei 2010 33.00
Sorghum 1 Mei 2010 33.00
Sojabone 1 Mei 2010 33.00
1.1.2 Dagopbergingstarief: tarief per ton per dag (BTW uitgesluit) is as volg:
a. Mielies en Sorghum
Periode Sent / Ton / dag
1 Mei tot 31 Julie 0.42
1 Augustus tot 31 Oktober 0.44
1 November tot 30 April 0.46
b. Sojabone
1.2. Periode-opberging
Periode Sent / Ton / dag
1 Feb tot 30 April 0.42
1 Mei tot 31 Julie 0.44
1 Augustus tot 31 Januarie 0.46
Die volgende voorwaardes sal van toepassing wees op die periode-opberging:
1.2.1 Die kliënt wat graan wil lewer of aangekoop het moet sy keuse tydens
eerste lewering of by aankoop uitoefen om sy graan in terme van hierdie
opbergingsopsie op te berg.
Page 2

1.2.2 Die kliënt wat graan by Senwes lewer en hierdie opsie gekies het, betaal ‘n
eenmalige bedrag van R47 per ton wat hantering- en opbergingskostes vir
90 dae, vanaf datum van lewering tot datum van fisiese uitlaai, dek.
1.2.3 Die kliënt wat graan aankoop, wat reeds in Senwes se silo’s gelewer is
(m.a.w. graan waarop reeds hanteringskostes betaal is), betaal ‘n bedrag
van R25 per ton wat opbergingskoste vir 90 dae dek.
1.2.4 Die koste vir hierdie tarief-opsie word gefaktureer by lewering of oorplasing
van die graan na hierdie opsie en is binne 30 dae na maandstaat betaalbaar
waarna rente teen Absa Bank se prima uitleenkoers gehef word vanaf die
datum waarop die bedrag betaalbaar was tot datum van betaling.
1.2.5 Die kliënt kontrakteer om die graan binne 90 dae nadat dit gelewer of
oorgeplaas is, uit te laai.
1.2.6 Die kliënt moet Senwes ten minste 10 werksdae kennis gee van sy
voorneme om graan te onttrek. Indien Senwes nie binne die normale
kennisgewingsperiode kan uitlaai nie, word die kliënt se rekening met die
dagtarief van toepassing op die algemene opberging gedebiteer vanaf dag
91 tot die dag waarop die graan finaal uitgelaai is.
1.2.7 Indien die kliënt nie binne die voorgeskrewe tyd kennis van sy voorneme om
uit te laai gegee het nie en Senwes gevolglik nie binne die ooreengekome
90 dae periode kan uitlaai nie, word dit geag as nie-nakoming van die
tariefvoorwaardes en word die algemene hanterings- en dagtarief toegepas
vanaf die datum waarop die graan by Grainlink gelewer is (of vanaf die
datum waarop eienaarskap oorgegaan het). In die geval sal betalings wat
ingevolge die periode opberging ontvang is as ‘n krediet op die kliënt se
rekening erken word.
1.2.8 Indien die kliënt nie die ooreenkoms nakom nie, en die graan na 90 dae
nog in die silo geberg word, word ‘n administrasiekoste van R8 per ton
gehef en teen die kliënt se opbergingsrekening gedebiteer. Die algemene
hanterings- en dagtarief word toegepas vanaf die datum waarop die graan
by Grainlink gelewer is (of vanaf die datum waarop eienaarskap oorgegaan
het). In die geval sal betalings wat ingevolge die periode opberging ontvang
is as ‘n krediet op die kliënt se rekening erken word.
1.2.9 Geen krediet sal verleen word indien die graan voor 90 dae uitgelaai word
nie. Die tarief vir hierdie opsie is reeds ‘n noemenswaardige korting en word
die tarief nie per dag bereken nie, maar eerder as ‘n eenmalige nie
verdeelbare totaal.
1.2.10 Die ooreenkoms is nie oordraagbaar nie. Indien eiendomsreg oorgedra
word tydens die 90 dae sal die standaard opbergings- en hanteringstarief
toepas word op die graan vir die hele periode van opberging en sal die
reeds betaalde bedrag as ‘n krediet erken word.
1.2.11 Hierdie tariefopsie sal by geselekteerde silo’s van toepassing wees. Die
relevante silo’s wat op hierdie stadium geïdentifiseer is, is as volg:
Jan Kempdorp Hennenman
Hartswater Kroonstad
Bainsvlei Koffiefontein
Page 3

1.3. Volume-opberging.
1.4. Jaaropberging.
1.2.12 Senwes behou homself die reg voor om ter enige tyd van die silo’s wat
hierin aangedui is, van die opsie te onttrek, welke besluit geneem sal word
uit besigheidsoorwegings wat Senwes in sy eie diskresie in ag kan neem.
Senwes sal volgens sy keuse en besigheidsbehoeftes sekere silo’s nomineer waar
silo-gebruikers kan kies om graan op die volgende voorwaardes op te berg:
1.3.1. Die kliënt wat graan wil lewer of aangekoop het moet sy keuse tydens
eerste lewering of by aankoop uitoefen om sy graan in terme van hierdie
opbergingsopsie op te berg.
1.3.2. Die spesiale tariewe van toepassing op hierdie volume-opbergingsopsie sal
slegs beskikbaar wees vir lewerings van ‘n minimum van 9 000 metrieke
ton. Die opsie geld vir die graanseisoen waarbinne die graan gelewer is en
indien die graan as oordragvoorraad oorgedra word na die volgende
seisoen sal die kliënt ‘n nuwe keuse moet uitoefen.
1.3.3. Die silo’s wat op hierdie stadium genomineer is as silo’s waar hierdie opsie
uitgeoefen kan word is as volg:
• Dewetsdorp
• Hoogte
• Mooigeleë
1.3.4. Die opbergingskoste wat kragtens die hierbovermelde tariewe bereken
word, is betaalbaar binne 7 (sewe) dae nadat die laaste lewering
plaasgevind het. Die tarief beloop R55.00 per ton, ongeag die periode, wat
hantering en opberging insluit.( Let op die beperking in die leweringsperiode
volgens die bepalings van Par. 1.3.6.)
1.3.5. Enige laat betalings sal onderhewig wees aan rente soos in Senwes se
algemene terme en voorwaardes met betrekking tot opbergkoste wat
agterstallig is, toegepas word.
1.3.6. Indien die volle tonnemaat van ten minste 9 000 metrieke ton nie gelewer
word binne ‘n periode van 20 (twintig) werksdae nie, sal hierdie opsie wat
uitgeoefen is deur die silogebruiker, verval en sal die normale algemene
tariewe soos in paragraaf 1.1 hierbo vermeld van toepassing wees op alle
graan wat gelewer is vanaf die dag wat die graan gelewer of oorgeplaas, is.
1.3.7. Die algemene tariewe soos in paragraaf 1.1 hierbo vermeld, sal van
toepassing wees ten opsigte van enige graan wat by die genomineerde
silo’s gelewer word en wat nie voldoen aan die tonnemaat en/of periode van
opberging wat ‘n voorvereiste is nie.
Die kliënt wat van hierdie opsie gebruik maak sal verplig wees om ‘n enkel bedrag
vooruit te betaal vir alle opbergingskoste met betrekking tot ‘n sekere tonnemaat
wat die totale koste vir hantering en berging verteenwoordig vir die periode 1 Mei
Page 4

1.5. Safex tarief
2010 tot 30 April 2011. Hierdie jaartarief opsie is onderhewig aan die volgende
bykomende voorwaardes:
1.4.1 Die kliënt moet uitdruklik sy keuse skriftelik by die silo of by Senwes se
hoofkantoor uitoefen ten einde van hierdie opsie gebruik te maak en
betaling van die enkel bedrag maak voor of op 30 dae na maandstaat.
1.4.2 Die tarief vir die 2010/2011 seisoen inbegrepe die hanteringskoste
( R 33.00) beloop ‘n bedrag van R 98,00 per ton.
1.4.3 Fakturering sal plaasvind binne 7 (sewe) dae nadat die keuse uitgeoefen
word en gemelde faktuur sal betaalbaar wees binne 30 (dertig) dae na die
datum van die maandstaat, onderhewig daaraan dat rente gehef word
volgens Senwes se algemene opbergingsvoorwaardes op enige
opbergingskoste wat nie betyds betaal word nie.
1.4.4 Indien die kliënt hierdie opsie gekies het, is hierdie opsie nie oordraagbaar
aan enigiemand anders nie.
1.4.5 Indien die kliënt enige gedeelte of die volle hoeveelheid van die graan wat
kragtens hierdie opsie opgeberg word, sou vervreem of uitlaai voordat die
periode verstryk het, sal geen krediet vir die onverstreke periode aan die
kliënt toegestaan word nie.
1.4.6 Hierdie opsie geld slegs vir graan wat op ‘n voorraadrekening gehou word.
Indien die kliënt wat graan kragtens ‘n silo-sertifikaat (Safex of Senwes)
hou, van die opsie gebruik wil maak, moet die silo-sertifikaat gekanselleer
word en die tonnemaat graan op ‘n voorraadrekening geplaas word. Die
administratiewe koste vir die oorplasing sal ‘n bedrag van R 1.75 (BTW
uitgesluit) per ton beloop, onderhewig aan ‘n minimum bedrag van R 35
(BTW uitgesluit) per transaksie, vir hoeveelhede van 20 ton of minder.
1.4.7 Die jaartarief-opsie sal nie by die volgende silo’s beskikbaar wees nie:
• Hartswater
• Jan Kempdorp
• Koffiefontein
• Bainsvlei
1.4.8 Senwes behou homself die reg voor om ter enige tyd die silo’s waar die
opsie van toepassing is, te verander, welke besluit geneem sal word uit
besigheidsoorwegings wat Senwes in sy eie diskresie in ag kan neem.
Die tarief met betrekking tot hierdie opsie sal van toepassing wees op alle graan
wat gehou word kragtens ‘n Safex silo-sertifikaat onderhewig aan die volgende
bykomende terme en voorwaardes:
1.5.1. Die Safex tarief soos gepubliseer deur Safex word outomaties deur die
stelsel gehef vanaf die datum waarop die silo-sertifikaat uitgereik word tot
op die datum waarop die sertifikaat by Senwes aangebied word.
Page 5

1.5.2. Graan word nie uitgelaai voordat alle uitstaande opgelope koste betaal is
nie.
1.5.3. Wanneer ‘n Safex silo-sertifikaat uitgereik word, moet die opgelope silokoste
ooreenkomstig die silokoste-opsie wat gegeld het tot op die datum,
onmiddellik betaal word, voordat die sertifikaat uitgereik sal word.
1.5.4 Die kliënt is geregtig om ter enige tyd in oorleg met die graansilo-eienaar die
Safex silo-sertifikaat wat aangebied word om te skakel na kliënte-opberging
en sy keuse uit te oefen met betrekking tot ander tarief opsies wat wel van
toepassing is. Die administratiewe koste vir die omskakeling sal ‘n bedrag
van R 1.75 (BTW uitgesluit) per ton beloop, onderhewig aan ‘n minimum
bedrag van R 35 (BTW uitgesluit) per transaksie, vir hoeveelhede van 20
ton of minder.
1.6 Senwes silo-sertifikate
1.6.1 Die Senwes algemene opbergingstariewe soos omskryf in paragraaf 1.1
word outomaties deur die stelsel gehef vanaf die datum waarop die silosertifikaat
uitgereik word tot op die datum waarop die sertifikaat by Senwes
aangebied word.
1.6.2 Wanneer ‘n Senwes silo-sertifikaat uitgereik word, moet die opgelope
silokoste, ooreenkomstig die silo-koste-opsie wat gegeld het tot op die
datum, onmiddellik betaal word, voordat die sertifikaat uitgereik sal word.
1.6.3 Die kliënt is geregtig om ter enige tyd in oorleg met die graansilo-eienaar die
sertifikaat wat aangebied word om te skakel na kliënte-opberging en sy
keuse uit te oefen met betrekking tot ander tarief opsies wat wel van
toepassing is. Die administratiewe koste vir die omskakeling sal ‘n bedrag
van R 1.75 (BTW uitgesluit) per ton beloop, onderhewig aan ‘n minimum
bedrag van R 35 (BTW uitgesluit) per transaksie, vir hoeveelhede van 20
ton of minder.
1.6.4 Graan word nie uitgelaai voordat alle uitstaande opgelope koste betaal is
nie.
2. OORDRAGVOORRAAD
2.1 Die tarief van toepassing vir opberging op alle graanvoorraad, wat oorgedra
word vanaf die seisoen waarin dit gelewer is en op die ondergenoemde datum van
oordrag in opberging in Senwes se silo’s geberg word, is die dagopbergingstarief
soos omskryf in paragraaf 1.1 hierbo, tensy die kliënt ‘n ander opsie voor of op 25
Mei 2010 gekies het.
Produk Datum van oordrag
Mielies 1 Mei 2010
Sorghum 1 Mei 2010
Sojabone 1 Mei 2010
Page 6

2.2 Indien die kliënt die jaaropbergingsopsie sou kies beloop die tarief R50.00
per ton en is die bepalings ten opsigte van die opsie van toepassing.
3. UITGESTELDE OPBERGING.
3.1. Kliënte het tot die 15de Augustus tyd om ‘n opbergingsopsie te kies. Gedurende die
periode tot 15 Augustus word die debitering van hantering en berging uitgestel
tensy die bepalings van ‘n spesifieke opsie anders bepaal.
3.2. Verkope voor of op 15 Augustus 2010:
Indien graan wat op die uitgestelde opberging gelewer is, verkoop word voor of op
15 Augustus 2010, word die hantering en opgeloopte opberging soos op datum van
die transaksie deur Senwes verreken en is dit betaalbaar voordat die graan
uitgelaai word of ’n silo-sertifikaat soos deur die kliënt versoek, uitgereik en gelewer
word.
3.3. Verkope na 15 Augustus 2010:
3.3.1. Indien die graan wat op die uitgestelde opberging gelewer is, verkoop word
na 15 Augustus 2010 en nadat die fakturering plaasgevind het, moet die
kostes wat gedebiteer is, soos op datum van die transaksie deur die kliënt
betaal word, voordat die graan uitgelaai of ’n silo-sertifikaat op versoek van
die kliënt uitgereik en gelewer word.
3.4 Indien die kliënt versuim om ’n opbergingsopsie van sy keuse voor 15 Augustus
2010 te kies, sal die tariewe vir algemene opberging soos omskryf in paragraaf 1.1
outomaties gehef word vanaf datum van lewering.
4. ONTVANGSTES
4.1. Fisiese verliese
Die graanmassa wat kliënte lewer, is onderhewig aan fisiese verliese en
breekskade tydens opberging en word by ontvangs met die volgende persentasies
verminder:
Mielies 1,0 %
Sojabone Slegs die werklike % vreemde materiaal word afgetrek.
Sorghum 2,28 %
Page 7

4.2. Oortollige vog
Die gelewerde graanmassa word by lewering, met die gebruik van die vogformule,
verminder na onderstaande vogpersentasies.
Produk Voginhoud
droog
Mielies 12.5
Sorghum 12.5
Sojabone 12.0
5. GRAANKOSTEREKENINGS (REKENING 400)
5.1 Alle hanterings- en opbergingskoste asook silosertifikaatkoste sal op Rekening 400
gedebiteer word. Rekening 400 word outomaties geskep wanneer die kliënt
aansoek doen om van Senwes se graanbergingsfasiliteite gebruik te maak en die
aansoek deur Senwes goedgekeur is. Die kostes is betaalbaar 30 dae na
maandstaatdatum of indien anders ooreengekom op 30 dae na faktuurdatum.
Indien die kliënt versuim om die betaling betyds te maak, word rente, daagliks
bereken en maandeliks saamgestel, op die uitstaande bedrae gehef, teen ‘n koers
gelykstaande aan die geldende prima-uitleenkoers van Absa Bank.
5.2 Onttrekking en oorplasing van graan vanuit kliënte-opberging sal slegs toegelaat
word en silo- en Safex-sertifikate sal slegs uitgereik word, indien Rekening 400 ten
volle betaal is. Senwes mag egter in sy eie diskresie sodanige onttrekking of
uitreiking toelaat, indien daar op daardie stadium voldoende graanwaarde, in
retensie op voorraad oorbly om as sekuriteit vir Senwes se uitstaande rekening
400, te dien.
5.3 Diverse kostes soos heffings, droogoond- en skoonmaakkoste en dies meer sal ook
teen Rekening 400 gedebiteer word.
6. SOMERGRAAN DROOG- EN SKOONMAAKTARIEWE
6.1 Vogpersentasies van graan word met behulp van ‘n bedryfsaanvaarbare standaard
vogmeter bepaal wat volgens die vervaardiger se voorskrifte en prosedures
gekalibreer is.
6.2 Graan wat nie kunsmatig gedroog gaan word nie, word ingeneem indien dit nie
meer as die volgende persentasies vog bevat nie:
PRODUK MAKSIMUM
GEAG AS
ONTVANG DROË GRAAN
Mielies 14,0% 12,5%
Sorghum 14,0% 12,5%
Sojabone 13.0% 12,0%
6.3. Senwes is van tyd tot tyd, volgens sy diskresie, bereid om by silo’s waar
drogingsfasiliteite beskikbaar is, graan van ‘n hoër voggehalte te aanvaar. Die
graan kan dan op die koste van die kliënt gedroog word, onderhewig aan die
Page 8

toepaslike massa-aanpassing vir surplus vog. Volledige inligting met betrekking tot
die beskikbaarheid en vereistes ten opsigte van die drogingsfasiliteit is by die silo
beskikbaar.
6.4. Die droogtariewe van toepassing is as volg:
7. DIVERSE TARIEWE
Mielies en sorghum (Ingang 1 Mei 2010):
TARIEF / RAND PER TON
PERSENTASIE VOG SONDER BTW MET BTW
14,1 - 14.5 23.21 26.46
14,6 - 15,0 26.42 30.12
15,1 - 16,0 32.32 36.84
16,1 - 17,0 46.02 52.46
17,1 - 18,0 65.88 75.10
Diverse dienste word geag as ondersteunend tot Senwes se graandienste en word
aangebied waar die toerusting beskikbaar is en nie beset is nie. Die tariewe wat geld vir
die gebruik van diverse Grainlink fasiliteite is vanaf 1 Mei 2010 soos volg:
7.1. Massametings (BTW uitgesluit)
7.1.1. Alle kliënte wat die massa van ‘n vrag wat nie afgelaai word nie, wil bepaal,
betaal R2.00 per ton op die totale massa van die vrag, vir die gebruik van
die massameter met ‘n minimum koste van R50.00 per vrag.
7.1.2. Kliënte en privaatinstansies wat nie oor kliëntenommers beskik nie, moet
kontant vir die diens betaal wanneer dit gelewer word.
7.1.3 Senwes aanvaar geen regsaanspreeklikheid vir die korrektheid van die
massa van sodanige goedere wat geweeg word nie.
7.1.4. Senwes gradeer nie ‘n vrag met graan wat geweeg en nie afgelaai word nie.
7.1.5. Die tarief vir enige ander massabepalings wat nie graanverwant is nie, word
op ‘n ad hoc basis bepaal
7.2 Versakkingskoste
Koste vir versakking van graan beloop R60-00 (BTW uitgesluit) per ton en kliënte
verskaf hul eie sakke.
7.3. Vervoerbandkoste
Die koste vir lewering van graan deur middel van ‘n Senwes vervoerband beloop
R16.00 per ton (BTW uitgesluit).
Page 9

8. VERSPORING/UITLAAI VAN GRAAN
8.1 Graan Uitlaai
Enige kliënt wat graan wil uitlaai moet Senwes ten minste 10 werksdae kennis
gee van sy voorneme om graan te onttrek. Geen graan mag uitgelaai word sonder
hoofkantoor se toestemming nie.
8.2 Graan Oorplasing
Graanoorplasing mag tussen kliënte gedoen word. Die nodige reëlings kan met die
graanverkyger, silo-bestuurder of hoofkantoor graanopbergingsafdeling getref word.
Die tarief (BTW uitgesluit) vir die oorplasing van graan van een kliënt na ‘n ander
kliënt beloop R2.50 per ton, onderhewig aan ‘n minimum van R50 per transaksie
vir hoeveelhede minder as 20 ton en kan slegs na vereffening van die silokosterekening
plaasvind.
9. VERWYDERING VAN SKADELIKE SADE
9.1 Ten einde die klant behulpsaam te wees om vragte skoon te maak, lewer Senwes
‘n diens teen ‘n tarief, waar sodanige fasiliteit beskikbaar is. Indien ‘n besending
meer as die toegelate skadelike sade bevat ten opsigte van die verskillende grane
en oliesade, moet die produk baie stadig gesif word om al die skadelike sade te
verwyder. Volledige besonderhede van die diens is by die silo-bestuurders
beskikbaar.
9.2 Die graanmassa van die vrag word met die persentasie van die massa van die
materiaal onder die toepaslike graderingsif (sifsels), aangepas.
9.3. Die sifkostetarief is soos volg:
Produk
Mielies/Sorghum
Sojabone
Aantal Sade
per 1 Kg
2-10
11-20
21-40
41-60
61-100
101-150
151-200
201-250
251-300
2-10
11-20
21-40
41-60
61-100
101-150
151-200
201-250
251-300
Tarief (Rand per Ton)
Sonder BTW Met BTW
6.63 7.56
10.19 11.62
28.62 32.63
64.43 73.45
108.98 124.24
157.22 179.23
210.83 240.35
273.35 311.62
362.69 413.47
6.63 7.56
10.19 11.62
28.62 32.63
64.43 73.45
94.77 108.04
136.71 155.85
183.33 209.00
237.69 270.97
315.38 259.53
Page 10

9.4 VERWYDERING VAN SIFSELS
Die kliënt kan by bedryfspunte waar dit uitvoerbaar is, die volgende keuses uitoefen:
9.4.1 Kliënt neem nie sifsels terug nie
Geen skoonmaak/sifkoste word gehef nie en ‘n massa-aanpassing word gemaak.
Alle materiaal onder die 6,35 rondegatsif word gebruik vir die berekening van die
persentasie vir massa-aanpassing.
9.4.2 Kliënt neem sifsels terug
Die keuse om sifsels terug te neem is onderhewig daaraan dat bedryfsaksies by die
silo dit toelaat en u bereid is om te wag vir die sifaksie. Geen massa-aanpassing
word gemaak nie en skoonmaakkoste word as volg gehef.
MIELIES EN SOJABONE
Tarief (Rand per Ton)
Persentasie Sifsels Sonder BTW Met BTW
0,1 - 1,0 6.50 7.41
1,1 - 2,0 8.97 10.23
2,1 - 3,0 12.15 13.85
3,1 - 4,0 19.17 21.85
10. WERKSWYSE BY DIE AANSOEK VIR ‘N VERHANDELBARE/OORDRAAGBARE
OPBERGINGSBEWYS
10.1 Senwes reik slegs elektroniese Safex / silosertifikate uit vir mielies, sonneblom,
sojabone en koring. Senwes silo-sertifikate word vir graansorghum uitgereik.
10.2 Die aansoek vir ‘n Silo- of Safex opbergingsbewys (Senwes A36/03) moet
volledig voltooi word en deur die klant en die silo-bestuurder onderteken word.
10.3 Indien die aansoek telefonies gedoen word, moet die telefoniese instruksie binne
7 (sewe) ure skriftelik, per faks bevestig word. Senwes vereis dat ‘n aanvaarbare
bewys van identiteit saam met die bevestiging gefaks moet word.
10.4 Kostes van R1.87 per ton (BTW uitgesluit), met ‘n minimum van R40.00 per
sertifikaat vir hoeveelhede kleiner as 22 ton, is betaalbaar vir die uitreiking van ‘n
silosertifikaat.
10.5 ‘n Eenmalige heffing word namens ESC (hierinlater verwys as “Electronic Silo
Certificates”) gehef vir die uitreiking van elektroniese silosertifikate teen ‘n koste
wat van tyd tot tyd deur ESC bepaal word.
10.6 Kliënte kan registreer by ESC . Die registrasie is gratis en werk op dieselfde
basis as internet bankdienste waar elke gebruiker ‘n unieke gebruikersnaam,
wagwoord en persoonlike identifikasie nommer kry. Vir kliënte wat nie internet
toegang het nie, is daar ‘n Teletrade diens.
Page 11

10.7 Teletrade Diens: Die proses geskied d.m.v. ‘n telefoniese oproep vanaf kliënte na
die ESC dienssentrum waartydens instruksies rakende die verhandeling van
elektroniese sertifikate aan die ESC konsultant gegee word.
(Teletrade 011-797 5597 / 91)
10.8 Senwes reik silosertifikate slegs uit aan kliënte wie die eienaar van die graan is en
daarvoor aansoek gedoen het. Geen oordragte van sertifikate word namens
kliënte aan derde partye gedoen nie.
10.9 Die koper of sy opvolger in titel ten opsigte van ‘n silo-sertifikaat wat by Senwes
aangebied is, is vanaf datum van aanbieding van die silosertifikaat verplig om die
algemene oppbergingstarief ten opsigte van die graan te betaal tot datum van
lewering of uitlaai van die graan.
11. VOEDSELVEILIGHEID: VOEDSELHIGIËNE
11.1. Vragmotors, trekkers en waens sal tydens lewerings geïnspekteer word om te
verseker dat glas, olie, diesel, verkoelerwater, stukke metaal, ensovoorts nie in
die graan kom nie. Seile wat gebruik word moet ook skoon en insekvry wees.
11.2 Die kliënt moet ook verseker en waarborg dat:
• graan geskik is vir menslike en dierlike gebruik;
• alle chemiese toedienings voldoen aan die Wet op Misstowwe, Veevoedsel,
Landboumiddels en Veemiddels, Wet 36 van 1947, en die Wet op
Landbouprodukstandaarde, Wet 119 van 1990 of enige toepaslike wetgewing,
dat volledige rekord gehou is van alle chemiese toedienings op die produk wat
gelewer word;
• die produk nie besmet is met enige skadelike toksines of enige gifstowwe wat
skadelik of gevaarlik is vir menslike en dierlike gebruik.
11.3. Kliënt se chemiese verklaring (Bylaag 1). Kliënte moet hulself vergewis van die
wetlike vereistes ten opsigte van chemiese middels en voldoen aan die
standaarde soos daarin neergelê. Kliënte sal verplig wees om voor lewerings ‘n
verklaring van nakoming by Senwes in te dien, waarin hul verklaar dat hul:
• die voorskrifte nagekom het
• nie onwettige middels en/of
• geen foutiewe dosisse of
• op verkeerde tye van die wettige middels toegedien het nie.
Hierdie verklaring word ook vervat in leweringstrokies met die bewoording:
“Hierdie besending graan/oliesade is geproduseer en hanteer volgens die
vereistes van Wet 36 van 1947, soos gewysig. Die graan/oliesade is dus slegs
met wettige chemiese middels, volgens die voorskrifte behandel en is dus geskik
vir menslike en dierlike gebruik.”
11.4. Senwes sal ter enige tyd volgens sy diskresie geregtig wees, om ondersoek in te
stel na die nakoming van hierdie vereistes en om monsters te neem vir ontleding.
Senwes behou die reg om vragte weg te wys indien daar enige vermoede
bestaan dat regulasies en/of wetgewing nie nagekom is nie.
Page 12

12. VERMENGING VAN GRAAN
Senwes stoor graan van dieselfde tipe en kwaliteit in losmaat, op sodanige wyse dat
vermenging van dieselfde tipe en kwaliteit plaasvind. Kliënt wat graan by Senwes stoor kan
slegs aandring op dieselfde tipe en kwaliteit graan soos omskryf in die toepaslike
graderingsregulasie en kan slegs graan van soortgelyke kwaliteit onttrek of bemark.
Senwes behou die reg voor om by teruglewering van die graan ‘n soortgelyke of beter
kwaliteit te lewer.
Kliënte wat graan gelewer het se vorderingsreg vir die teruglewering van graan is vir die
soort en gegradeerde graad van die graan soos omskryf in die toepaslike
graderingsregulasie, te wete gewone mielies soos byvoorbeeld die grade WM1, WM2,
YM1 en YM2.
13. GRAANLEWERINGSOPDRAG
13.1. Geen graanlewering sal ontvang word indien ‘n graanleweringsopdrag nie deur die
kliënt voltooi en geteken is nie.
13.2. Silopersoneel mag nie ‘n leweringsopdrag namens die kliënt onderteken nie.
13.3. Kliënte kan nie ‘n aanbod om graan te verkoop of versoeke in die verband op die
graanleweringsopdrag aandui nie en sal Senwes nie daarvan kennis neem nie.
Indien kliënte hul graan aan Senwes wil verkoop kan met Senwes se
graanverkrygers kontak gemaak word.
Indien u enige verdere inligting verlang, kan u met die Bestuurder: Graanhantering skakel te
(018) 464-7185.
_____________________________
ASSISTENT HOOFBESTUURDER:
GRAINLINK BEDRYF
Page 13

CHEMIESE VERKLARING Bylaag 1
Ek, die ondergetekende,
Voorletters en Van:
Naam van plaas:
Posadres:
Lidnommer:
Wat van voorneme is om graan te lewer by die volgende silo’s van Senwes.
Neem hiermee kennis van die gebruik van chemiese middels en beperkings daarop op graan soos
vervat in die Wet op Misstowwe, Veevoedsel, Landboumiddels en Veemiddels (Wet 36 van 1947)
en enige ander tersaaklike wetgewing.
Ek is bewus van die feit:
1. dat wetlike vereistes neergelê is met betrekking tot die gebruik van sekere onkruiddoders,
insekdoders en verskeie ander landboukundige chemikalieë en die residu-vlakke van die
relevante produkte wat in die produk teenwoordig mag wees en wat toegedien mag word.
2. dat ek my moet vergewis van die wetlike vereistes en dat ek moet voldoen aan die
standaarde soos daarin neergelê.
3. dat ek verplig sal wees om voor lewering hierdie verklaring van nakoming by Senwes in te
dien en ek verklaar dat ek die voorskrifte nagekom het en nie onwettige middels en/of teen
foutiewe dosisse of op verkeerde tye, van die wettige middels toegedien het nie.
4. dat Senwes ter enige tyd volgens sy diskresie geregtig sal wees om ondersoek te doen
met betrekking tot die nakoming van hierdie vereistes en om monsters te neem vir
ontleding.
5. dat graan wat nie aan die vereistes voldoen nie, nie vir lewering aanvaar word nie en force
majeure nie daarop van toepassing sal wees nie.
GETEKEN: : _________________________________
PLEK : _________________________________
DATUM : _________________________________
Page 14