Kersfees en Verhoudings - Nuwelied Bediening

Nota:
Omrede hierdie artikel meesal aan mense gestuur word wat nog vasgevang is in die
kersfeestradisie, gebruik ek die “Name” (titels) van God waarmee die meerderheid Christene
bekend is, naamlik: God, die Here en Jesus Christus. Ek wil die leser egter daarop wys dat hierdie
nie die ware Name van God is nie. Die Naam van God die Almagtige word in Hebreeus geskryf as
en getranslitereer as YHVH (Yahuah). Die Messias se ware naam is Yeshua
Hierdie skrywe se doel is nie om mense te oordeel nie, maar „n poging om die waarheid bekend te
maak. Ek respekteer die siening van elkeen wat besluit om steeds Kersfees te vier. Hierdie is „n
saak waaroor elkeen self moet besluit.
KERSFEES EN VERHOUDINGS
Vir baie gelowiges, en die getalle is steeds besig om te groei, is hierdie ‘n tyd
van die jaar waar jy nie werklik weet hoe om te reageer teenoor jou geliefdes
en vriende wat steeds Kersfees vier nie. Dit is sekerlik ewe waar dat hulle
ook nie weet wat om vir jou te sê, of hoe om teenoor jou, wat nie meer
Kersfees vier nie, te reageer.
Jy het waarskynlik reeds by herhaling met hulle die waarheid aangaande
Kersfees gedeel, maar hulle verkies om voort te gaan soos deur al die jare
hulle gebruik was. Die hartseer vir baie ouers wat nie meer Kersfees vier nie,
is dat dit juis jy as ouer was wat jou kinders van Kersfees geleer het. Dit is jy
wat sedert kleintyd hulle vertel het van Jesus se geboorte, die wyse manne,
die gee van geskenke, die Kersboom, die briefie aan Vader Kersfees, ens,
ens. Hoe kan jy aan jou volwasse kinders met ‘n Christengetuienis en ‘n
suksesvolle lewe van hulle eie verduidelik dat jy as ouers verkeerd was en
hulle verkeerd geleer het? Hoe verduidelik jy dat goeie bedoelings nie ‘n
plaasvervanger vir gehoorsaamheid is nie? Ons kan hoe opreg wees, maar
steeds opreg verkeerd wees!
Ja, dit is ‘n gerieflike verskoning om aan hulle te verduidelik dat dit hulle
oupas en oumas, en dié se ouers voor hulle, is wat die skuld behoort te kry.
Dan is dit natuurlik ook die Kerk se skuld. Die verplasing van die skuld op
iemand anders veroorsaak egter nie dat jou kinders, familie en vriende
noodwendig die waarheid aangaande die misleiding van Kersfees aanvaar
nie. Jy kan teenoor jou kinders bely dat jy hulle verkeerd geleer het en jy
kan die waarheid oor Kersfees aan hulle in liefde voorhou. Jy kan teenoor
familie en vriende getuig dat die viering van Kersfees geen Bybelse grondslag

het nie, maar wel afgodery as basis het. Ja, jy kan bid en vertrou dat die
waarheid die leuen uiteindelik sal oorwin. Ja, jy kan in liefde en sonder
oordeel bly bou aan die verhouding wat jy sedert geboorte of oor vele jare
aan gebou het.
Die feit is egter dat Kersfees nou ‘n ongemaklikheid in goeie verhoudings
veroorsaak. Dit dwing elkeen tot ‘n keuse: Jy is of pro-Kersfees of anti-
Kersfees. Dit dwing jou om ‘n aksie te neem. Elkeen moet nou vir hom self
besluit. Hierdie besluit kan verhoudings met jou geliefdes en vriende egter
negatief beïnvloed. Die risiko is dat dit selfs totale verwydering en
verwerping kan veroorsaak.
Die vraag bly egter: Hoe reageer jy as ouer of gelowige wat nie meer
Kersfees vier nie teenoor jou kinders, familie en vriende wat dit wel vier. Jy
wil allermins deur jou geloofsoortuiging verwydering of versteuring van goeie
verhoudings veroorsaak. Maar jy is ook nie bereid om enige toegewings te
maak ten opsigte van dit waarvan jy oortuig is nie. Dit kan ‘n sielestryd
word, veral waar geliefdes en goeie vriende betrokke is!!
Wat doen jy die 25 Desember van elke jaar? Dit wat ‘n vreugdevolle
samekoms van geliefdes en vriende was – een van geskenke gee en
feesmaal hou, het nou ‘n ongemaklikheid en selfs ‘n twispunt geword vir
beide die pro- en anti-Kersgesindes.
Onwillekeurig kom die Skrif in Matt. 10:34 tot 37 duidelik in jou gedagtes op:
Moenie dink dat Ek gekom het om vrede op die aarde te bring nie. Ek het nie
gekom om vrede te bring nie, maar die swaard. Want Ek het gekom om
tweedrag te verwek tussen ‘n man en sy vader, en tussen ‘n dogter en haar
moeder, en ‘n skoondogter en haar skoonmoeder. En ‘n mens se huisgenote
sal sy vyande wees. Wie vader of moeder bo My liefhet, is My nie waardig
nie; en wie seun of dogter bo My liefhet, is My nie waardig nie.
Dan skree jou hele wese: Abba, Vader nie dit nie, asseblief nie!!! Maar diep
in jou binneste hoor jy Jesus se vraag aan Petrus:
Hy vra hom die derde maal: Simon, seun van Jona, het jy My lief?
Petrus het bedroef geword, omdat Hy hom die derde maal vra: Het jy
My lief? En hy antwoord Hom: Here, U weet alles, U weet dat ek U
liefhet. Jahushua sê vir hom: Laat my skape wei.( Joh. 21:17).
Jy weet dat jou antwoord nie anders as die van Petrus kan wees nie. Soos
met Petrus bevat dit egter ook ‘n maat van hartseer. Jy maak vrywillig
hierdie keuse, maar die moontlike hartseer wat dit inhou is ‘n werklikheid. Jy
besef ook dat jy nie Petrus is nie, want jy het Jesus nie net drie keer nie,
maar by herhaling al verloën. Dan verstaan jy Vader se genade ook beter,
want Hy was vir die grootste gedeelte van jou lewe jou genadig toe jy in
onkunde, maar met die beste bedoelings, Kersfees jaarliks gevier het. Jy
2

weet, en glo, dat Hy ook dieselfde genade aan jou geliefdes en vriende
betoon. Jy weet Hy sal met hulle ook geduldig wees soos wat Hy met jou
was.
Bowe al besef jy dat jy slegs geroep is om as getuie op te tree. Jy word slegs
gevra om te getuig in die saak sonder om uitspraak te lewer. Jy besef en
verstaan dat jy nie die regter is nie. Jou enigste reg is om te vra vir
genadebetoning aan jou geliefdes en vriende. Dieselfde genade wat aan jou
betoon is. Jy vra en vertrou dat die waarheid wel sal seevier.
Jy besef ook dat jy self in die beskuldigingsbank gestaan het toe daar ander
was wat oor die saak teen jou getuig het. Die getuienis is aan die hemelse
hof voorgelê en jy is gevra hoe jy pleit. Skuldig was jou antwoord, want jy
het besef dat onkunde nie ‘n verweer was nie en goeie bedoelings kon nie as
plaasvervanger vir gehoorsaamheid aangebied word nie.
Ja, daar was ‘n dag en oomblik toe jy ook oor hierdie saak moes kies. Dit
was nie maklik nie. Jy onthou ook die woorde van die Een wat jy oor baie
jare na die beste van jou kennis en insig en in liefde gedien het:
Daarom, gaan onder hulle uit en sonder julle af, spreek die Here; en raak nie
aan wat onrein is nie, en Ek sal julle aanneem; en Ek sal vir julle ‘n Vader
wees, en julle sal vir My seuns en dogters wees, spreek die Here, die
Almagtige (2 Kor. 6:17 en 18).
Jy het besluit om jou ten opsigte van Kersfees af te sonder en dit te vermy
wat nie Vader se wil is nie. Met dankbaarheid onthou jy dat jy vrygespreek
was nadat jy jou skuld bely het. Die waarheid het jou vrygemaak!
Jy besef dat jou geliefdes en vriende ook hierdie voorreg het. Dit is egter
hulle wat moet kies. Jy kan nie vir hulle kies nie, maar jy kan voortgaan om
hulle lief te hê met dieselfde liefde wat Vader aan jou betoon. Dan
onderneem jy om elkeen wat steeds Kersfees vier, lief te hê en hulle nie te
oordeel nie. Jy doen dit met die hoop dat jou geliefdes ook jou eie siening sal
resepekteer, maar dat hulle veral self die misleiding van Kersfees sal
ondersoek en alleen op grond daarvan besluit.
NOTA: Die oorsprong van Kersfees word meer volledig bespreek in ons
skrywe wat beskikbaar is deur op die volgende skakel te kliek:
http://nuwelied.info/wp-content/uploads/2012/02/KersfeesMisleiding.pdf
Ontvang YHVH (Die Here) se Woord met welwillendheid, maar
ondersoek self die Skrifte of hierdie dinge die waarheid is (Hand.
17:11).
Shalom
3

Johan Kriel
E-pos: kontak@nuwelied.info
Webwerf: http://www.nuwelied.info
Kopieë mag gemaak en gratis versprei word, maar mag nie verkoop word
nie. Geen veranderinge mag aan die oorspronklike teks aangebring word en
dit dan onder die naam van Nuwe Lied Bediening versprei nie.
4