Onderwysinnovasie en –konsultasie Januarie 2002 ...

Bespreking van laboratoria
Rekenaargesteunde toetsing 2002
• Alle laboratoriumbesprekings word gedoen by Elmar Bothma by Inligtingtegnologie (IT)
by x4013, *15 475, 082 493 5692 of ebothma@it.up.ac.za. Dit is belangrik om te
onthou dat IT slegs die besprekings hanteer – die toetse word opgestel deur die
personeel van Telematiese Leer en Onderwysinnovasie (TLO) (Lisl en El-Marie), wat
ook die lokale gereedmaak.
• Die nuwe toetslaboratorium (CBT) met 120 rekenaars is in Januarie in gebruik
geneem. Dit kan ook in twee kleiner lokale verdeel word indien die behoefte bestaan.
• Dosente moet in gedagte hou dat daar by die Departement voorsiening gemaak moet
word vir die bespreking van plekke per sessie. Dit word gewoonlik gedoen deur ‘n lys
met die aantal plekke wat per sessie beskikbaar is op te plak. Dit is dan die studente se
verantwoordelikheid om hul name in te vul.
Opstel van toetse
• Telematiese Leer en Onderwysinnovasie (TLO) – Lisl Campher (x4302 of
rgt@postino.up.ac.za) en/of El-Marie Mostert (x3396 of emostert@postino.up.ac.za) –
moet in kennis gestel word van die bespreking van labotoria en toetsreëlings moet
getref word.
• Toetse moet minstens 10 werksdae voor die eerste datum waarop die toets afgeneem
word, aan TLO voorsien word. Dié reëling geld ook wanneer gebruik gemaak gaan
word van toetse wat reeds bestaan.
• Die dosent moet toetse (met inbegrip van bestaande toetse) by TLO op die rekenaar
nagaan. Nadat hulle dit as korrek afgeteken het, sal geen wysigings aan toetse
toegelaat word tydens die afneem daarvan nie.
Onderwysinnovasie en –konsultasie Januarie 2002

Formaat waarin toetse gelewer word
Toetse kan in enige van die volgende formate aan TLO voorsien word:
o ‘n Teksdokument met spesifieke kodes wat aandui watter gedeelte die stam en
die afleiers is, en wat die regte antwoord(e) is. (Dié inligting is op aanvraag
beskikbaar van TLO).
o ‘n Question Designer-toets. Dosente moet opgelei word om dié program, wat op
hul rekenaars geïnstalleer sal word, te gebruik. Ten einde dosente in staat te
stel om die program te gebruik, is ‘n “dongle” nodig, wat ook dien as sekuriteit
deurdat dit studente verhinder om toegang tot toetse te kry. Aangesien daar net
‘n beperkte getal “dongles” is, sal dosente dit moet uitneem om die toetse te
kan opstel. Skakel El-Marie Mostert indien u opleiding in die gebruik van
Question Designer verlang.
Verwerking van toetspunte en -statistiek
• Verwerking van toetspunte sal so gou moontlik na afloop van die toets gedoen word.
Toetspunte kan in ‘n kombinasie van die verskillende formate na dosente gestuur word:
o uitgedruk op papier;
o elektronies in ‘n teksdokument;
o elektronies in ‘n sigblad;
o afgelaai in die hoofraam-dosentepuntestelsel.
• Die volgende syfers aangaande die toets word ook aan dosente verskaf, met die doel
om toetse te verbeter:
o gemiddeld van die studente;
o die gemiddelde tyd wat die studente bestee het om die toets af te lê;
o moeilikheidsgraad van elke vraag;
o diskriminasiewaarde van elke vraag; en
o frekwensie van antwoorde per afleier gekies deur die studente.
Belangrike inligting
• Dit is noodsaaklik dat dosente weer kennis neem van die volgende belangrike sake.
Onderwysinnovasie en –konsultasie Januarie 2002

o Toesighouer(s) van die betrokke vak/departement moet teenwoordig wees
tydens elke toets wat afgeneem word en tydens elke toetssessie. IT kan die
aanvang van die toets uitstel totdat die toesighouer opdaag. In die groter
laboratorium is twee toesighouers dalk nodig.
o Dit is die departementele toesighouer se plig om toe te sien dat elke student ‘n
studentekaart het voordat hy/sy toegelaat word om ‘n toets af te lê.
o Die toesighouer moet seker maak dat elke student ‘n toetsstrokie ontvang en
dit weer inhandig wanneer hy/sy die lokaal verlaat. Dit is baie belangrik
aangesien die toetsstrokies as dubbele kontrole dien dat die student wel die
toets afgeneem het. Indien tegniese probleme ontstaan met die berging van
punte, dien die strokie as rugsteun.
o Die strokies moet deur die departementele toesighouer saamgeneem word.
Geen verantwoordelikheid kan geneem word vir strokies wat in die laboratorium
rondlê nie.
o Die toesighouer is verantwoordelik vir die ordelike verloop van die toetse en dat
alle toetsregulasies soos deur die Universiteit bepaal, nagekom word.
o Die teenwoordigheid van ‘n personeellid van IT in die laboratorium is ‘n
voorvereiste vir ‘n toets om plaas te vind. Die persoon is verantwoordelik vir die
oplos van alle tegniese probleme wat kan ontstaan sowel as vir die registrasie
van studente wie se name nie op die hoofraamnaamlys verskyn nie.
o Moontlike tegniese probleme ten opsigte van rekenaars, netwerke, ens is ‘n
realiteit in enige omgewing waar daar sterk op tegnologie gesteun word. Daar
word gepoog om die probleme heeltemal uit te skakel of tot die minimum te
beperk.
• Baie dankie aan almal se samewerking tot dusver. Ek vertrou dat 2002 ‘n
voorspoedige en suksesvolle toetsjaar sal wees!
Onderwysinnovasie en –konsultasie Januarie 2002