Create successful ePaper yourself
Turn your PDF publications into a flip-book with our unique Google optimized e-Paper software.
Omdat almal van ons in 'n wêreld woon waar lengte, breedte, hoogte, temperatuur, tyd, geld<br />
en al die maniere waarop hierdie en ander meetbare groothede met mekaar saamwerk ons<br />
lewens elke dag beïnvloed, reken hierdie mense dat geen spesiale aanleg nodig is om<br />
Wiskunde te doen nie – want elkeen van ons doen dit in elk geval reeds onbewustelik die hele<br />
dag lank.<br />
U moet maar besluit met watter een van bogenoemde beskouings u die beste saamstem.<br />
Wees egter gewaarsku: Hoe u oor Wiskunde dink, bepaal grootliks hoe u op die leer van<br />
Wiskunde ingestel sal wees. Met ander woorde: As u 'n negatiewe idee van Wiskunde het,<br />
sal dit u leer van Wiskunde nadelig beïnvloed. Die goeie nuus is egter dat enige houding<br />
op aarde verander kan word, solank 'n mens net doelbewustelik die keuse maak om<br />
daardie houding te verander.<br />
Ons vra u om baie goed oor bogenoemde, en oor die volgende gedagtes, te gaan nadink:<br />
Reeds toe u baie klein was, het u begin om u eie Wiskunde-kennis te ontwikkel. As 'n baba<br />
kon u al tussen verskillende hoeveelhede onderskei (honger, dors, warm, koud, plesier, pyn,<br />
baie, min) al kon u nog nie 'n waarde aan hierdie hoeveelhede toeken nie. U het op 'n plat<br />
vlak (die vloer) leer kruip, driedimensionele voorwerpe (speelgoed) leer hanteer, en in 'n<br />
ruimte leer loop. U het van getal en hoeveelheid bewus geword toe u geleer het om u hande<br />
en vingers te gebruik. U kon ook van jongs af die verbande tussen oorsaak en gevolg<br />
uitredeneer. Met die verbetering van u hand-oog-koördinasie het u deur deelname aan sport<br />
en speletjies geleer om prosesse te reguleer deur van meting (skatting) gebruik te maak.<br />
Die vrae waarmee ons u laat, is die volgende:<br />
• Is die abstraksies waarmee "gevorderde Wiskunde" te doene het, nie maar net<br />
uitbreidings van die idees waarmee elke gewone mens van jongs af te doene kry nie?<br />
• Indien elke mens wat doeltreffend in die alledaagse lewe kan funksioneer en 'n<br />
normale lewe lei dan wel oor "innerlike" basiese Wiskundige vaardighede beskik –<br />
behoort dit dan nie vir elkeen moontlik en maklik te wees om Wiskunde te doen nie?<br />
• Hoeveel van die idees dat Wiskunde moeilik is en net deur sekere, begaafde<br />
enkelinge verstaan kan word, is gewoon bygeloof?<br />
5
Change language