WSKT 212 PAC

5. Gebruik hierdie “beste lyn” of kromme om interpolasie en ekstrapolasie te doen deur
middel van aflesings.
6. Indien akkurate inter- en ekstrapolasie verlang word, verkry die vergelyking van die
“beste lyn” of kromme wat u in Stap 4 verkry het. Hierdie vergelyking is die funksie
(wiskundige model) wat die probleemsituasie wat u ondersoek, beskryf.
7. Sodra u die vergelyking van die regressie-lyn of regressie-kromme het, kan u dit gebruik
om inter- en ekstrapolasie te doen, deur middel van vervanging en berekening.
8. Die gedrag van die funksie kan nou vanaf die grafiek en vanaf die vergelyking (formule
vir die grafiek) beskryf word in terme van begrippe soos:
• Stygend/ dalend
• Konkaaf na bo/ konkaaf na onder (sien Fig. 24.31 (a) op p. 709 van die handboek)
• Maksimumwaarde/ minimumwaarde(s) soos uit draaipunte en randwaardes verkry
• Vertikale asimptote (ons bespreek dit later – dis waar die grafiek “spronge” maak
• Horisontale asimptote (dit is horisontale lyne waarna die grafiek streef, maar nooit
verbysteek nie)
• Definisieversameling
• Waardeversameling
Ons sal bogenoemde heuristiek gebruik om enige eksperiment of ondersoek of gepaste
probleemsituasie of fisiese proses uit die tegnologiese studieveld te ontleed. By elkeen van
die besprekings in Leergedeelte 2.1 tot 3.3 word hierdie heuristiek net so gebruik.
Soos uit Stap 8 gesien kan word, kan ons sodoende ‘n ongelooflike goeie begrip van die
situasie of proses kry – dit stel ons in staat om interpretasies en evaluasies omtrent die
situasie of proses te maak.
Byvoorbeeld:
1. Wat is die waarde van atmosferiese druk? (dit is die druk op die oppervlakte van die
water in die tenk)
2. Probeer uitvind wat die waarde van atmosferiese druk in werklikheid is (soek sommer op
Google “atmospheric pressure”). Wat lei u af?
58