WSKT 212 PAC

Daarom bied die Noordwes-Universiteit drie modules Tegniese Wiskunde vir u aan. Die
doel daarvan is om u as tegniese vakonderwyser te bemagtig sodat u die Wiskunde
waarmee u in u vakgebied te doene gaan kry, met selfvertroue sal kan hanteer.
0.2 Kontakpersoon
Mnr. Rudi van de Venter
Kantoor G 07
Educamus-gebou (B10, die gebou reg langs die hek in Presidentstraat)
018 2991859
10086013@nwu.ac.za
0.3 Waarom bestudeer ons Tegniese Wiskunde?
Daar is baie verskillende idees oor wat presies Wiskunde is. Indien 'n mens 'n paar persone
vra wat hulle dink Wiskunde is, kom veral twee verskillende gedagtes gewoonlik na vore:
• Sommige mense meen (soos die Griekse wysgeer Plato geglo het) dat Wiskunde iets
bonatuurlik is wat deur die gode gegee is – dit is reeds "daar buite", versteek in die natuur.
Buitengewoon slim, begaafde mense wat spesiaal geseën is, kan dit dan "ontdek" en op so 'n
wyse formuleer dat gewone mense dit kan gebruik sonder dat dit nodig is om dit te verstaan.
Hierdie mense meen dat Wiskunde moeilik en ontoeganklik is en dat dit normaal is dat min
mense dit verstaan. Hulle glo ook dat 'n mens 'n spesiale aanleg nodig het om Wiskunde te
doen, aangesien dit altyd met moeilike en abstrakte begrippe te doen het, en ver van die
alledaagse lewe verwyder is en nie veel vir die alledaagse bestaan beteken nie.
• Ander mense meen (soos die Griekse wysgeer Aristoteles geglo het) dat Wiskunde iets is wat
die mens self maak, of "uitvind". Hulle meen dat Wiskunde 'n poging van die mens is om dit
wat hy beleef en waarneem, te beskryf en te verstaan. Dit is 'n stelsel van kennis, idees, reëls
en vaardighede wat gedurig aan die groei en verander is, soos wat die mens in die alledaagse
lewe met wiskundige idees soos getalle, metings, sketse, vergelyking en verwantskappe werk.
4