WSKT 212 PAC

Sodra ons die skaal van die asse bepaal het, is ons gereed om die inligting in die tabel as
punte op die plat vlak wat deur die asse gevorm word, voor te stel. Ons noem hierdie
tweedimensionele plat vlak wat deur die asse van ‘n grafiek gedefinieer word, die
Cartesiese vlak.
(sien onderstaande skets)
Om die punte op die Cartesiese vlak te stip (in Engels: “plotting the points”), beskou ons
elke stel waardes in die tabel as ‘n stel koördinate. Ons hanteer elke waarde van die
onafhanklike veranderlike as ‘n vertikale stippellyn wat die horisontale as loodreg sny;
net so hanteer ons die bybehorende waarde van die afhanklike veranderlike as ‘n
horisontale stippellyn wat die vertikale as loodreg sny. Waar die twee stippellyne mekaar
sny, stip ons ‘n punt.
Byvoorbeeld: Die tweede punt wat ons uit die tabel hierbo verkry, is dus die punt ( 4; 140, 5)
.
45