WSKT 212 PAC

Daarvoor gebruik ons ‘n formule of vergelyking. Om hierdie vergelyking of formule in die
hande te kry, verg gewoonlik ‘n bietjie wetenskaplike of wiskundige insig – maar met ons
bestaande kennis van grafieke (reguit lyne, parabole, hiperbole, derdegraadse krommes,
ensovoorts) kan ons tog deur middel van ‘n heuristiek (‘n logiese, buigbare metode of
strategie) by die formule wat ‘n wiskundige verband beskryf, uitkom.
‘n Goeie manier om die verband tussen die afhanklike en die onafhanklike veranderlike te
ondersoek, is om ‘n tabel van metings op te stel:
Diepte d
(meter)
Druk P
(kPa)
0 4 8 12 16 20
101,3 140,5 179,7 218,9 258,1 297,3
Die inligting vorm ses stelle waardes, waar elke stel waardes uit ‘n diepte en ‘n bybehorende
druk bestaan. Die volgende stap is om die inligting grafies te gaan voorstel.
Om dit te doen, moet ons besluit waar ons die definisieversameling (Engels: “domain”)
en waardeversameling (Engels: “range”) gaan plaas (hoe ons die asse gaan kies).
• Ons spreek af om die definisieversameling (dit is die waardes wat die
onafhanklike veranderlike aanneem) altyd op die horisontale as te plaas. Dus sal
ons in hierdie geval die diepte d op die horisontale as voorstel.
• Net so spreek ons af om die waardeversameling (dit is die waardes wat die
afhanklike veranderlike aanneem) altyd op die vertikale as voor te stel. Dus sal
ons in hierdie geval die druk P op die vertikale as voorstel.
Indien ons die grafiek met die hand op papier gaan teken, moet ons vervolgens aan die
skaal van die asse aandag gee.
43