WSKT 212 PAC

Bestudeer ook die volgende bespreking wat illustreer hoe ons te
werk gaan om ‘n lineêre wiskundige model vir ‘n
werklikheidsgetroue situasie te ontwikkel
Om die druk onder die oppervlakte van ‘n reservoir (diep watertenk) as funksie van
diepte onder die oppervlak te bepaal
Beskou ‘n diep tenk, 20 meter diep en ‘n drukmeter wat onder die oppervlak van die water
laat sak word sodat elke 4 meter ‘n druklesing geneem word:
Let daarop dat die druklesing afhang van hoe diep onder die oppervlak van die water die
lesing geneem word. Die druk verander namate die diepte verander. Uit hierdie
waarneming kan ons sê dat die druk op elke diepte ‘n sekere waarde het en dat die druk dus
afhang van die diepte waarop dit gemeet word. Daar is dus twee veranderlikes betrokke,
naamlik druk en diepte. Die druk P word die afhanklike veranderlike genoem en die diepte
d word die onafhanklike veranderlike genoem.
Ons kan nou probeer om die verband (dit is die manier waarop P van d afhanklik is)
tussen die twee veranderlikes wiskundig uit te druk.
42