WSKT 212 PAC

Die volgende stap is nou om die geordende datastel in ‘n gegroepeerde datastel te verander.
Let daarop dat die begrip “gegroepeerde data” daarop dui dat ons die data in groepe (klasse)
verdeel en dan die frekwensie van elke klas bepaal.
Ons wil ‘n statistiese prentjie kry van die persentasies wat die klas vir die toets behaal het.
Die vraag is dus nou: hoe groepeer ons die data?
In die eerste plek, let op dat ‘n persentasie ‘n getal is wat in die geslote interval [ 0; 100 ] lê.
Hiermee bedoel ons dat ‘n persentasie nul mag wees, maar nie kleiner as nul nie – dit mag
ook 100 wees, maar nie groter nie – en alle waardes tussen 0 en 100 is ook moontlike
persentasiewaardes. Dink nou aan die interval [ 0; 100 ] as ‘n horisontale getallelyn. Ons
kan hierdie getallelyn op baie maniere verdeel; een manier is om dit in vyf ewe breë dele te
verdeel:
Sodoende het ons vyf klasse van gelyke klaswydte (naamlik 20%) verkry. Om nou die
frekwensies te bepaal moet ons gewoon die persentasies wat behaal is in die klasse gaan
sorteer en tel getalle daar in elke klas beland:
Ons sal nou met die hand die volgende frekwensieverspreidingstabel kon konstrueer:
klas 1 2 3 4 5
klasinterval [0; 20) [20; 40) [40; 60) [60;80) [80; 100]
frekwensie 0 1 4 2 3
211