WSKT 212 PAC

• grondige vaardighede te demonstreer ten opsigte van die beperkte modellering van
werklikheidsgetroue situasies, die toepassing van basiese analitiese meetkunde, die
teken van poolkrommes deur middel van geskikte rekenaarprogrammatuur, Cartesiese
krommes van ‘n verskeidenheid van funksies, grafiese oplossing van stelsels
vergelykings, die oplos van probleme waar trigonometrie betrokke is asook die gebruik
van basiese beskrywende statistiek;
• bevoeg te wees ten opsigte van die praktiese toepassing van bogenoemde
vaardighede en om werklikheidsgetroue situasies vanuit die tegniese en
natuurwetenskaplike studievelde te modelleer en verwante probleme op te los; asook
om elementêre beskrywende statistiek deur die gebruik van geskikte
rekenaartegnologie toe te pas ten einde data te administreer en te interpreteer;
• in staat wees om die betekenis, geldigheid en akkuraatheid van wiskundige modelle en
berekenings soos toegepas op werklikheidsgetroue situasies uit die tegniese en
natuurwetenskaplike studievelde te evalueer.
0.13 Belangrike Afsprake
Om onnodige onsmaaklikheid en wedersydse bittere gevoelens tussen dosent en student te
voorkom, maak die dosent die volgende afsprake met die student:
1. Kommunikasie met die dosent geskied per e-pos, per landlyn-telefoongesprek
(gedurende kantoorure!) of per persoonlike gesprek tydens die dosent se spesifieke
spreekure – so nie, per afspraak via die skoolsekretaresse.
2. Spesiale reëlings of verskonings i.v.m. toetse, werkopdragte en lesings word per epos
aan die dosent gekommunikeer, en wel binne ‘n redelike tyd vanaf, of waar
moontlik, voor die noodgeval.
3. Sport-, Sosiale- en Kultuuraktiwiteite word nie as noodgevalle geklassifiseer nie –
indien sodanige aktiwiteite ernstig met ‘n student se akademiese verpligtinge inmeng,
is dit gewoon vir daardie student nodig om weer oor sy of haar prioriteite te besin.
4. Die dosent verkeer onder geen morele of ander verpligting om ‘n student tegemoet te
kom d.m.v. ‘n spesiale reëling nie – indien die dosent ‘n student wel tegemoet kom, is
dit ‘n gebaar van welwillendheid vanaf die kant van die dosent.
17