WSKT 212 PAC

4. Parabole
169
Let op dat die snyvlak ‘n hoek α met die
simmetrie-as maak wat gelyk is aan die
tophoek θ van die kegel. Dit beteken
dieselfde as om te sê dat die snyvlak parallel
is aan die sykant van die kegel.
Soos u kan sien, kan 'n parabool ook as 'n tipe kegelsnede beskou word.
‘n Parabool is die lokus van ‘n punt P wat so beweeg dat dit ewe ver vanaf ‘n vaste
punt (die brandpunt genoem) en ‘n vaste lyn (die riglyn genoem) bly (sien fig. 21.40 op
p.575 van die boek van Washington).
Ons werk egter meestal nie op hierdie manier met parabole in die Tegniese Vakrigtigting
nie; ons hanteer hulle eerder as die krommes van kwadratiese funksies van die vorm
2
y = ax + bx + c . Dit is reeds bespreek en ons volstaan daarby.
U mag dit egter interessant vind om op p. 574 tot 579 in die boek van Washington te gaan
kyk hoe ons ’n parabool se vergelyking aflei deur die kromme te beskou as die lokus van ’n
punt wat op ’n sekere manier (onder sekere voorwaardes) beweeg. Hierdie afleiding sal
egter nie geassesseer word nie en is vir blote interessantheid.