WSKT 212 PAC

In hierdie module beteken groepwerk dus nie iets wat u saam met ‘n ander persoon
inhandig om dan ‘n gesamentlike punt te kry nie – Nee, in hierdie module beteken
groepwerk dat u op minstens een ander persoon se medewerking aangewese is ten einde
die uitkomste self te bereik. Die dosent sal selde indien ooit ‘n gesamentlike punt vir
groepwerk toeken – die uitkomste vir hierdie module word individueel geassesseer.
Niemand gaan vir ‘n ander persoon se werk punte kry nie.
Eksamentoelating
Die Algemene Reëls van die Universiteit bepaal in hierdie verband die volgende:
Geen student word toegelaat om eksamen af te lê nie, tensy die student op grond van
'n deelnamebewys tot die bevrediging van die dosent, vakgroep en skooldirekteur kan
aantoon dat hy aan die minimum vereistes voldoen aangaande die bemeestering van
sekere kennis, vaardighede en gesindhede soos deur die module-uitkomste bepaal.
As deelnamebewys vir hierdie module word vereis:
‘n Deelnamepunt van ten minste 40%
Die volgende aktiwiteite tel vir u deelnamepunt:
1. ‘n Aantal oefeninge wat as opgawes vir nasiendoeleindes ingeneem mag word.
2. ‘n Aantal vorderingstoetse wat tydens kontaksessies geskryf sal word.
U deelnamepunt sal ongeveer volgens die volgende gewigte bereken word:
1. Werkkaarte en Oefeninge (Opgawes): 30%
2. Vorderingstoetse en Prakties: 70%
Eksamen
Een twee-uur eksamenvraestel word aan die einde van die Semester geskryf. Hierdie
Eksamenvraestel handel oor die hele Semester se werk. ‘n Subminimum van 40% moet in
die eksamen behaal word om hierdie module te slaag, ongeag hoe hoog u deelnamepunt
is.
12