WSKT 212 PAC

0.8 Assessering
Assessering sal soos volg gedoen word:
Self- Assessering
U moet elke dag die oefeninge wat gegee word, voltooi en dit self merk aan die hand
van die antwoorde wat voorsien word, selfs al word nie alle werk formeel ingeneem en
deur die dosent of assistente nagesien nie.
Formatiewe assessering
Sekere oefeninge moet voltooi en op die tyd wat die dosent met u sal afspreek, ingehandig
word vir assessering. Hierdie opgawes word meestal aan die einde van 'n leergedeelte in
hierdie gids aangegee. Net na inhandiging word die memorandums beskikbaar gestel.
Ook sal vorderingstoetse gereeld gebruik word om u vordering te monitor. Raadpleeg die
Tydskedule en Student-werkprogram vir meer inligting hieroor.
Summatiewe assessering
Aan die einde van die semester word 'n eksamenvraestel geskryf wat oor al die werk in die
module handel.
Groepwerk
Die hoeveelheid werk in hierdie module is gewoon te veel vir een persoon om deur te werk.
Daarom beveel ons aan dat u en minstens een ander persoon saam deur die oefeninge
werk. Dit sal kosbare tyd spaar.
U word individueel geassesseer – veral in die vorderingstoetse, maar ook in die eksamen
– so dit maak geen sin om iemand anders se werk klakkeloos af te skryf nie. Die kere wat
die dosent oefeninge of dele van oefeninge as opgawes gaan inneem om formeel na te sien,
sal dit maar ‘n klein persentasie van u deelnamepunt tel. Die daaropvolgende
vorderingstoets sal altyd egter heelwat uitmaak van u deelnamepunt.
11