WSKT 212 PAC

Terwyl dit waar is dat die model hierbo slegs fisiese betekenis het vir positiewe en nulwaardes
van tyd, is die grafiek heel oortuigend: Daar kom geen draaipunte voor nie – en
ook geen spronge of onderbrekings nie – so hierdie is nie ‘n kwadratiese funksie nie en dit is
ook nie ‘n rasionale funksie nie.
Net so, is die meeste mense bewus van die feit dat die waarde van sekere bates,
byvoorbeeld motorvoertuie, hul waarde teen ‘n sekere tempo verloor soos hulle ouer word.
Baie interessant is die feit dat die voertuig baie vinnig waarde verloor wanneer dit nuut is,
maar hoe ouer dit is, hoe stadiger daal die waarde daarvan.
‘n Tipiese grafiek van die waardevermindering van ‘n motorvoertuig word getoon:
Let weer eens daarop dat die kromme skynbaar lyk soos ‘n gedeelte van ‘n parabool of
hiperbool; Nietemin is dit nòg ‘n parabool nòg ‘n hiperbool, aangesien:
• Hierdie spesifieke werklikheidsgetroue situasie te doen het met geleidelike afname
(verval) en nie met ‘n situasie waar draaipunte (ekstreemwaardes) betrokke is nie.
• Verder, indien ons die gedrag van die funksie vir alle reële waardes van tyd ontleed, let
ons op dat die kromme geen draaipunte vertoon nie; so ook vertoon die kromme geen
spronge of onderbrekings nie, wat beteken dat die funksie inderdaad kontinu is vir alle
reële waardes van die onafhanklike veranderlike.
121