WSKT 212 PAC

Die resulterende grafiek bevat sewe datapunte en ons kan interpolasie toepas deur die punte
met ‘n gladde kromme te verbind; die vorm van hierdie kromme laat ons vermoed dat dit ‘n
reghoekige hiperbool is:
Om te bevestig of ‘n gegewe kromme wel ‘n reghoekige hiperbool is of nie, kan ons ‘n
eenvoudige toets toepas:
Stel vas of die produk van die afhanklike en onafhanklike koördinate van elke punt op die
kromme ‘n konstante waarde k lewer; indien wel, het ons sonder twyfel met ‘n reghoekige
hiperbool te doen.
Dit is duidelik dat die produk van I en R telkens vir al sewe die datapunte in die tabel
dieselfde waarde lewer, naamlik 6. Die kromme is dus wel ‘n reghoekige hiperbool met
konstante k = 6 .
Dit is verder uit die vorm van die kromme duidelik dat as die weerstand in ‘n sekere
verhouding toeneem, die stroom in dieselfde verhouding afneem. Indien, byvoorbeeld, die
weerstand vanaf 20 Ω tot 60 Ω toeneem (drie maal groter word), dan neem die stroom
van 0,3 A tot 0,1 A af (word drie maal kleiner). Hierdie tipe verband tussen afhanklike en
onafhanklike veranderlike word ‘n omgekeerde eweredigheid genoem.
108