WSKT 212 PAC

0.6 Hoe om die studiegids te gebruik
Hierdie studiegids is 'n voorbeeld van 'n gids wat interaktief geskryf is, met ander woorde dit
is ontwerp om saam met u te werk en u deur die module te begelei, amper soos wat 'n
lewende persoon sou doen. Die studiegids speel die rol van die dosent wanneer u op u eie
werk.
Die rede waarom die studiegids so ontwerp is, kan as volg verduidelik word:
Hierdie module is 'n 8 krediet-module, wat beteken dat dit ongeveer 80 studie-ure sal neem
om die module te voltooi. Hierdie 80 ure sluit in:
• Voorbereiding vir deelname aan kontaksessies (wat besprekings, groepwerk, die
skryf van vorderingstoetse en tutoriaalaktiwiteite insluit)
• Bywoon van kontaksessies waartydens die dosent as fasiliteerder van onderrig-leer
optree
• Onafhanklike deurwerk van voorbeelde en probleme, onder meer met die oog op
inhandiging
• Voorbereiding vir toetse en die eksamen
• Die aflê van toetse en eksamens
Let egter daarop dat die totale kontaktyd (lesings of ook kontaksessies genoem) slegs
ongeveer 33 uur uitmaak van die 80 uur wat hierdie module vereis. Dit beteken dat die
ander 47 uur opgemaak moet word deur dít wat u in u eie tyd doen. Die hoofdoel van
die studiegids is om u hiermee te help.
Vir u gerief bevat hierdie studiegids 'n gedetailleerde tydskedule en student-werkprogram.
Ons beveel sterk aan dat u streng volgens hierdie skedule werk.
U moet die groen handboek van Washington as primêre bron van leermateriaal benut.
Die gids bevat verwysings na die paragrawe in die handboek waaroor elke leereenheid of
leergedeelte handel. U moet hierdie verwysings gebruik om voor te berei vir lesings. U moet
hierdie verwysings ook gebruik indien u oefeninge of opgawes doen en vir toetse of
eksamens studeer. Die studiegids bevat ook sekere aanvullende besprekings en voorbeelde
om u met u vordering te help.
8