30568 HTS John Vorster

DIE HOËR TEGNOLOGIESE SKOOL
JOHN VORSTER
TEGNOLOGIESE
ONDERWYS IS
TOEKOMSVRIENDELIK

DIE HOËR TEGNOLOGIESE SKOOL
JOHN VORSTER
SKOOL VIR EN VAN TEGNOLOGIE
TEGNOLOGIESE ONDERWYS IS
TOEKOMSVRIENDELIK
...omdat dit beroepsgerig is en benewens
onderrig, ook opleiding verskaf.
Die keuse van ‘n studierigting bepaal die keuse van die
regte hoërskool - nie andersom nie.
AS JY DEEL WIL WEES VAN HIERDIE
WENSPAN, KONTAK ONS BY:
Tel: 012 332 1760 Faks: 012 332 3700
E-pos: info@htsjv.co.za
Meyerstraat 1072 Rietfontein
Posbus 31714, Totiusdal, 0134
1

2
VISIE
Effektiewe, unieke,
gespesialiseerde akademiestegnologiese
onderwys
MISSIE
Uitmuntende standaarde
Deskundigheid
Verantwoordelikheid
Professionaliteit
Dissipline
SKOOL VIR EN VAN TEGNOLOGIE

GEREED VIR 2015 EN DAARNA?
JC Steinmann
Hoof
U kind skryf matriek DV in 2015. Die
vyf belangrikste jare in sy toekoms lê
voor - jare wat gaan bepaal of hy
effektief onderrig en opgelei gaan
word om te voldoen aan die eise wat
'n nuwe, veranderende Suid-Afrika
gaan stel.
Ouers, nie net gaan u kind oor vyf
jaar 'n ander mens wees nie, maar
gaan die beroepseise veel groter
wees as tans. Ongelukkig verstaan
u kind nie volkome wat die politieke,
ekonomiese en maatskaplike posisie
in die land is nie - hy dink eintlik net
aan volgende jaar. Dit is u plig om met 'n wyer visie en insig,
daadwerklik insette te maak met betrekking tot die keuse
van 'n studierigting en gevolglik die hoërskool wat u kind die
beste vanaf 2011 gaan voorberei vir die toekoms.
Verby is die dae dat 'n kind net na die naaste hoërskool
gaan, of na die skool waar u of al sy broers en susters was.
Hierdie inligtingsbrosjure het onder andere ten doel om
wanpersepsies oor die Tegnologiese Studierigting feitelik te
weerlê (byvoorbeeld die persepsie dat Tegniese Hoërskole
nie akademies van aard is nie) en te toon dat u kind aan die
einde van vyf jaar met akademiese onderrig en praktiese
opleiding in die ingenieurs-, vervaardigings- en
tegnologiestudievelde, net eenvoudig meer opsies en
keuses gaan hê as ander leerders daarsonder. MEER
OPSIES IN 2015 gaan dit vir u kind makliker maak om te
"oorleef" in 'n veranderde Suid-Afrika.
Moenie u kind se keuses beperk en dus sy/haar toekoms
belemmer nie.
Aangesien die Tegnies-tegnologiese Studierigting
gespesialiseerd is, beskik slegs 'n volwaardige Hoërskool
3

4
SKOOL VIR EN VAN TEGNOLOGIE
vir Tegnologie soos HTS John Vorster, oor die vakspesialiste
en gesofistikeerde toerusting wat 'n waarborg is vir
ononderbroke standaardonderrig en -opleiding. Wat uitkomsgebaseerde
onderwys betref soos vereis deur die
Kurrikulum, is tegniese hoërskole die beste toegerus en
gereed om die nuwe leerareas aan te bied. Só
byvoorbeeld kan die nuwe leerarea, Tegnologie, met die
toerusting en personeel by HTS John Vorster op die hoogste
vlak aangebied word en is uitkomsgebaseerde onderwys
vir ons niks vreemd nie, omdat dit lank reeds beoefen is en
net op 'n ander manier geëvalueer is.
Belangriker nog is dat u kind in Grade 8 en 9 meer onderrig
en opleiding gaan ontvang as wat die Kurrikulum
voorskryf. Deur 'n toelaatbare periode-aanpassing
ontvang u kind 70% meer onderrigtyd in die
Natuurwetenskappe (Wiskunde en Fisiese Wetenskappe)
en Tegnologie (verryk deur die aanbieding van Inleidende
Ingenieurstudie). Die gevolg van bogenoemde is dat u kind
meer gespesialiseerde en uitgebreide onderrig en
opleiding gegee word sodat die oorgang na die
gespesialiseerde ingenieurs-, vervaardigings- en
tegnologiestudievelde wat vanaf graad 10 geneem word,
grootliks oorbrug sal word en die aanbieding vergemaklik.
Vanaf graad 10, sal u kind voortgaan met Verdere Onderrig
en Opleiding of ook genoem VOO (in Engels bekend as
FET - Further Education and Training).
Twaalf leerareas is deur wetgewing geïdentifiseer.
Behalwe Tale, Wiskunde, Fisiese Wetenskappe,
Rekenaaronderrig en Ingenieursgrafika en Ontwerp, is
Tegnologie die belangrikste leerband vir ons studieveld en
behels dit Ingenieurstudie (Meganies, Siviel, Elektries,
Elektronies) en Vervaardiging (Pas- en Draaiwerk,
Boukonstruksie, Sweis en Metaalbewerking,
Elektrisiënswerk, Motorwerktuigkunde, Loodgieterswerk,
asook Steenmessel- en pleisterwerk).
Bogenoemde leerbande en vakke sal aangebied word in
INLEIDING

drie ingenieurs-/vervaardigingsleerareas, naamlik
Tegnologie Elektries, Tegnologie Meganies en Tegnologie
Siviel. Al bogenoemde vakke en rigtings word reeds met
sukses by HTS John Vorster aangebied en sal daar ook
teruggeval kan word op enige tradisionele vakke wat
aangebied moet word, indien vereis.
HTS John Vorster is ook geakkrediteer om die nuwe Verdere
Onderrig en Opleidingsertifikaat, bekend as die Nasionale
Senior Sertifikaat, aan te bied en u kind toegang te gee tot
tersiêre studie of die beroepswêreld. Wees verseker dat die
skoolbestuur en hoof intens betrokke is by die nuwe
verwikkeling sodat ons gereed is vir enige gebeurlikhede.
OUERS, u is dit aan u kind en uself verskuldig om 'n halfuur te
neem en hierdie brosjure deeglik te bestudeer. Maak
daarna seker dat u ons OPEDAG en INLIGTINGSVER-
GADERING op Woensdag, 5 Mei 2010 om 19:00 bywoon en
nader ons vir enige verdere inligting indien u nog onseker is.
U kan ook enige tyd vóór of ná die Opedag, die skool per
afspraak besoek. Ek glo u sal na dese besef dat
tegnologiese onderwys TOEKOMSVRIENDELIK is omdat die
potensiaal van alle leerders ontwikkel word om te voldoen
aan die eise van 'n veranderende wêreld.
Bepaal daarom eers die studierigting wat u kind gaan volg
en kies dán die hoërskool - nie andersom nie. As hoërskool
het HTS John Vorster homself bewys as een van die bestes op
alle terreine - 'n ware gebalanseerde gemeenskapskool
waarop nie net die omgewing nie, maar ook die stad trots is.
Die skool het só gegroei dat daar volgende jaar weer slegs 'n
beperkte inname van Graad 8's toegelaat sal kan word.
Doen daarom betyds aansoek.
Aansoekvorms is vanaf April 2010 by u kind se laerskool en
by HTS John Vorster se ontvangs beskikbaar.
5

AKADEMIE
- leerareas & vakprogramme
GRADE 8 en 9
1. Taalgeletterdheid en Kommunikasie :
AFRIKAANS EN ENGELS
2. Wiskundige geletterdheid en wiskundige
wetenskappe :
WISKUNDE
3. Natuurwetenskappe :
FISIESE WETENSKAPPE, BIOLOGIE EN GEOLOGIE
4. Tegnologie :
INLEIDENDE INGENIEURSTUDIE
(Leerders word opgelei en onderrig in die TEORIE en
PRAKTYK van die volgende dissiplines) :
• Tegnologie soos voorgeskryf deur die Kurrikulum
• Elektries
• Elektronies
• Digitale beginsels
• Meganies
• Siviel
• Metaalbewerking
• Sweiswerk
• Soldering
• Houtbewerking
• Plastiektegnologie
• Meterologie-presisiemeet
• Boukonstruksie
• Loodgieterswerk
• Steenmesselwerk
• Pas- en Draaiwerk
• Motorwerktuigkunde
• Toegepaste Wiskunde en Wetenskap
• Beroepsveiligheid en prosedures
INGENIEURSGRAFIKA EN ONTWERP
• Ortografiese projeksie
• Isometriese tekene
• Reproduksiemasjientekene
7

8
• Tekentegnieke
• Rekenaartekenprogramme
(CAD)
REKENAARGELETTERDHEID
• Bemeestering van :
- basiese vaardighede
- woordverwerking
5. Ekonomiese en Bestuurswetenskappe :
BESIGHEIDSTUDIES EN REKENINGKUNDE
6. Menslike en Sosiale wetenskappe :
GESKIEDENIS EN AARDRYKSKUNDE
7. Lewensoriëntering :
GODSDIENSONDERRIG, BEROEPSLEIDING,
PERSOONSONTWIKKELING EN MENSLIKE
BEWEGINGSKUNDE (Liggaamlike Opvoeding)
8. Kuns en Kultuur :
KUNS, ONTWERP, DRAMA EN MUSIEK.
Al bogenoemde leerareas en vakprogramme fokus daarop
dat die leerders die volgende kritiese uitkomste bemeester
binne die raamwerk van die tegnologieveld : kommunikasie,
probleemoplossing, samewerking, beplanning, organisasie,
kreatiewe denke, selfvertroue, navorsing, tegnologiese
vaardighede, naastediens en geestelike weerbaarheid.
Verder en uiters noodsaaklik, is die feit dat daar in drie
leerareas, te wete Wiskundige wetenskappe,
Natuurwetenskappe en Tegnologie, meer gespesialiseerde
en uitgebreide onderrig en opleiding gegee word.
Die rede daarvoor is om die oorbrugging na die
gespesialiseerde Tegnologiese Studierigting in Grade 10,11
en 12, glad te laat verloop soos vereis deur die nuwe VOOband.
AKADEMIE

Die grondslag vir die Tegnologierigtings word in Grade 8 en 9 gelê
met verkennende blootstelling aan al drie die rigtings in die
vakprogram, INLEIDENDE INGENIEURSTUDIE. Behalwe
teoretiese onderrig met toegepaste Wiskunde en Natuurwetenskap
as basis, word ook praktiese opleiding gegee met die klem op die
bemeestering van tegniese vaardighede.
Slegs HTS John Vorster bied hierdie noodsaaklike gespesialiseerde
blootstelling in grade 8 en 9.
GRADE 10, 11 en 12 - Verdere Onderrig en Opleiding (VOO)
Nota:
U kind sal slegs in 'n tegnologiese hoërskool die volle ingenieurs-,
vervaardigings- of tegniese/tegnologiese pakket kan neem.
VERPLIGTE VAKKE IN HTS JOHN VORSTER
1. Afrikaans - Huistaal
2. Engels - Eerste addisionele taal
3. Wiskunde of Wiskundige Geletterdheid
4. Lewensoriëntering
5. Fisiese Wetenskappe (Natuur- en Skeikunde) of
Rekenaartoepassingstegnologie (RTT/CAT)
6. Ingenieursgrafika en Ontwerp (verwant aan die vorige vak,
Tegniese Tekene)
KEUSEVAK IN HTS JOHN VORSTER
Ingenieurswese, Vervaardiging en Tegnologie
- uit hierdie leerveld móét een van die onderstaande
tegnologievakke gekies word:
9

10
Tegnologie Elektries/Elektronies
* Elektriese/Elektroniese Ingenieurstudie
* Elektronika
* Elektrisiënswerk
* Digitale stelsels
* Elektriese Tekene
Tegnologie Meganies
* Meganiese Ingenieurstudie
* Pas- en Draaiwerk
* Motorwerktuigkunde
* Sweis en Metaalbewerking
* Meganiese Tekene
Tegnologie Siviel
* Siviele Ingenieurstudie
* Boukonstruksie
* Boukosteberekening
* Houtbewerking
* Loodgieterswerk
* Steenmessel- en pleisterwerk
* Siviele Tekene

ADDISIONELE VAKKE BY HTS JOHN VORSTER
- Inligtingstegnologie (Rekenaarstudie) kan as agste vak
na-ure gekies word.
- Addisionele Wiskunde word na-ure gereël.
Afsluitende notas m.b.t. dié VOO-vakpakket:
• Elke leerder moet dus sewe vakke neem, waarvan ses by HTS
John Vorster verpligtend sal wees. Leerders sal daarom
gekeur word vir toelating tot Graad 8 omdat Wiskunde,
Fisiese Wetenskappe en Ingenieursgrafika en Ontwerp
verpligte vakke is.
• Rakende Tegnologie, sal een van die tegnologievakke
verpligtend wees by HTS John Vorster.
• Inligtingstegnologie (ou Rekenaarstudie) sal as agste vak
gekies kan word.
11

SPORT
SPORT
'n Goeie balans word gehandhaaf ten opsigte van
sportdeelname en die JV's is kompeterend in die volgende
sportsoorte:
! Rugby
! Atletiek
! Krieket
! Gholf
! Tennis
! Tafeltennis
! Jukskei
! Landloop
! Skaak
! Swem
! Netbal (dogters)
* HTS John Vorster beskik oor sy eie gymnasium. Sportdeelname
word sterk aangemoedig ook ter wille van die
opvoedkundige voordele.
13

14
KULTUUR
Kultuurontwikkeling is een van die baie
belangrike pilare waarop H T S John
Vorster se dak rus.
Dit is veral vir 'n seun baie belangrik
om by geestelike- en kultuuraktiwiteite
betrokke te raak sodat hy tot 'n
gebalanseerde volwassene kan
ontwikkel. 'n Wye verskeidenheid aktiwiteite word aangebied
sodat elke leerder geleentheid kry om in te skakel.
Aktiwiteite wat deurlopend aangebied word, is: ACSV, Drama,
Toneel en verskeidenheidskonserte, Redenaars, Kultuurweek en
Kultuuraande, Kultuuruitstappies, Kunswedstryde, Kunsuitstallings,
Revue, Vasvra, toer na Engeland.
VAKVERWANTE BUITEMUURSE
AKTIWITEITE
Daar word op gereelde basis aan die volgende aktiwiteite
deelgeneem:
Olimpiades, Taal- en Wetenskapekspo’s, Tweetaligheidstoetse,
Vasvrakompetisies, Brugbou, Sci-Tech, Ingenieurskompetisies,
Minquiz (Wetenskapvasvra), en Radio-amateurklub.
SPORT
KULTUUR VAKVERWANT

HET U GEWEET DAT...
FEITE EN GEGEWENS oor die Tegnologiese Studierigting en H T S John
Vorster waarvan die mense nie altyd bewus is nie. Moontlik beantwoord
onderstaande enkele van u vrae om 'n keuse te maak oor u kind se
studierigting en hoërskool vir volgende jaar.
HET U GEWEET DAT...
1. H T S John Vorster 'n volwaardige akademiese hoërskool is met 'n
gespesialiseerde tegniese/ingenieurstudierigting?.
2. 'n leerder wat aan 'n Tegnologiese Hoërskool matrikuleer met
universiteitstoelating ENIGE studierigting aan 'n universiteit
kan volg?
3. 'n leerder wat aan 'n Tegnologiese Hoërskool matrikuleer, ENIGE
tegniese of nietegniese rigting kan volg? Hy/sy het dus meer
opsies.
4. H T S John Vorster die enigste Afrikaanse Hoërskool in die stad is
met 'n volwaardige tegnologiese studierigting wat beteken dat
daar weinig beperkings is op die keuses van 'n tegnologiese
rigting wat na graad 9 gemaak moet word? In Grade 8 en 9
word gespesialiseerde, verkennende blootstelling aan elke
rigting gegee sodat 'n sinvolle keuse aan die einde van Graad 9
gemaak kan word.
HIERDIE NOODSAAKLIKE ONDERRIG EN OPLEIDING IN GRADE 8 EN 9
GESKIED ALLEENLIK BY 'N VOLWAARDIGE HOëRSKOOL VIR
TEGNOLOGIE .
5. vakke in die Tegnologiese studierigting interafhanklik van mekaar is
en dat die onderrig en opleiding oor vyf jaar strek - twee jaar
gespesialiseerde blootstelling in Grade 8 en 9, asook drie jaar
gespesialiseerde onderrig en opleiding in Grade 10, 11 en 12. Waak
teen wanvoorstellings wat losstaande tegniese vakke (soos Tegniese
Tekene en Tegnologie), as 'n tegnologiese studierigting bemark. Dit is
totaal misleidend en 'n verkeerde besluit kan u kind duur te staan
kom. Vergewis u eers van die ware feite. Die leerarea, Tegnologie, in
grade 8 en 9 het GEEN verband met die gespesialiseerde ingenieur-
en tegnologiese studierigting nie.
15

16
SKOOL VIR EN VAN TEGNOLOGIE
SLEGS VOLWAARDIGE TEGNOLOGIESE HOËRSKOLE IS IN STAAT
OM DIE TEGNOLOGIESE STUDIERIGTING GESPESIALISEERD AAN
TE BIED MET TOEPASLIK OPGELEIDE PERSONEEL EN DIE REGTE,
GESOFISTIKEERDE TOERUSTING EN FASILITEITE.
6. ±400 graad sewe leerders jaarliks aansoek doen? Die aantal
seuns wat jaarliks inskryf, is die meeste van alle skole in die
stad. Dit laat jou dink: die swaai na beroepsgerigte onderrig en
opleiding is 'n realiteit! Doen betyds aansoek om teleurstelling te
voorkom.
7. dogters welkom is? Daar is tans 45 dogters in die skool. Slegs
gekeurde dogters word aanvaar.
8. HTS John Vorster nie net een van die grootste skole vir tegnologie in
Gauteng is nie, maar ook in die RSA?
9. ‘n leerder moeilik van 'n gewone hoërskool kan oorskakel na 'n
Tegnologiese Hoërskool, maar maklik vanaf laasgenoemde na 'n
gewone hoërskool? As u dalk twyfel, skryf hom in by 'n Tegnologiese
Hoërskool en besluit dan finaal aan die einde van graad 9.
10. handvaardigheid 'n aanbeveling is, maar dat goeie vordering in
Wiskunde en Natuurwetenskap belangriker is? Die tegnologiese
studierigting is natuurwetenskaplik van aard. 'n Kombinasie van die
intellek en handvaardigheid is dus belangrik. Die fyn ooghandkoördinasie
wat 'n leerder bemeester by 'n tegniese skool, is
belangrik vir hoogsgespesialiseerde beroepe, soos bv. chirurgie.
11. Inligtingstegnologie as agtste vak na-uurs vir gekeurde leerders
gereël word?
12. 'n leerder in 'n skool vir tegnologie slegs 10% van sy tyd in die
werkswinkels deurbring en die res akademies en in vakteorie
onderrig word?
13. Basiese beginsels en vaardighede word aangeleer sodat leerders
beter toegerus is om ná skool opgelei te word by universiteite, VOOkolleges,
die openbare sektor, staatsdiens en die nywerhede.
HET U GEWEET DAT...

14. gratis ekstra klasse aangebied word in Wiskunde, Fisiese Wetenskappe
(Natuur- en Skeikunde), Afrikaans en Engels en daar is selfs ‘n leessentrum
vir remediëring beskikbaar ?
15. slegs ongeveer 8% matrikulante tans werk kry in die formele sektor? Al
HTS John Vorster se matrikulante gaan elke jaar studeer, óf word in die
nywerheid en staatsdiens opgelei óf kry dadelik werk óf
begin hul eie ondernemings deur entrepreneurskap as gevolg van
beroepsgerigte opleiding.
16. die nywerheidsektor jaarliks groot kontantaansporings en beurse
toeken aan die toppresteerders by HTS John Vorster? Leerders van HTS
John Vorster is gesog in die privaatsektor.
17. daar busvervoer vanaf feitlik elke voorstad en die distrikte van Pretoria
is?
18. HTS John Vorster tans 50 personeellede het waarvan 26 mans en 24
dames is? Die personeel is spesialiste op hul vakgebiede.
Ingenieursgrafika en Ontwerp en die ander Tegnologievakke kan slegs
effektief deur behoorlik opgeleide personeel en gekwalifiseerde tegnici
aangebied word.
HTS John Vorster is die enigste skool in die omgewing wat beskik oor sulke
personeel.
19. 'n Jeugleidingsinstituut het wat voltyds beman word om leerders by te
staan sonder addisionele koste?
20. leierspotensiaal deur leierontwikkeling intensief ontgin word?
21. die verpligte jaarlikse skoolgeld 'n volledige pakket is wat insluit:
handboeke, skrifte, aantekeninge, handleidings, alle tegniese
onderrigmateriaal, sportvervoer, sporttoere, deelname aan alle
buitemuurse aktiwiteite (baie skole vra deesdae addisionele fooie vir
deelname aan aktiwiteite), ens.
22. Skoolgeld beloop tans R6 600 per jaar waarby 'n R300 registrasiefooi
ingesluit is.
23. HTS John Vorster beskik oor uitstekende dissipline.
24. Christelike norme en waardes gehandhaaf word by HTS John Vorster.
17

18
• OPEDAG •
5 Mei 2010
Begeleide toere
vanaf 9:00
Inligtingsvergadering
om 19:00

VISIE
Effektiewe,
unieke,
gespesialiseerde
akademies-tegnologiese
onderwys
Tel: 012 332 1760
Faks: 012 332 3700
E-pos: info@htsjv.co.za
Meyerstraat 1072 Rietfontein
Posbus 31714 Totiusdal 0134
www.htsjv.co.za
MISSIE
Uitmuntende standaarde
Deskundigheid
Professionaliteit
Verantwoordelikheid
Dissipline