Kaapse Skiereilandse Universiteit van Tegnologie

Hoofstuk 5
Resultate
5.1 Inleiding
“The true test of a competent qualitative researcher comes in the analyses of the data, a
process that requires analytical craftsmanship and the ability to capture understanding, of the
data in writing. In “showing the workings of the data” (Henning, 2007: 101).
In hoofstuk 4 is die metode van ondersoek volledig bespreek. In hoofstukke 5 en 6 word die resultate
en bevindinge van die intervensieprogram, asook die evaluering van die fonologiese en fonemiese
bewustheid in aanvangslees, weergegee.
Die verkryging van die data het uit twee fases bestaan. In die eerste fase van die verkryging van data is
die fonologiese bewustheidsvoortoets, intervensieprogram en natoets gebruik. Die teikengroep vir
albei fases was dieselfde groep. Die bevindinge van elke komponent word na elke beskrywing
weergegee. In fase twee word die fonemiese bewustheidsprogram gebruik vir die verkryging van data.
In hierdie fase is ook ʼn voortoets, intervensieprogram en ʼn natoets gebruik om data te verkry. Die
toetsuitslae van die intervensieprogram word ondersteun deur die bevindinge van die navorser tydens
waarneming (sien refleksie by elke les in hoofstuk 4).
5.2 Fase Een: fonologiese bewustheid
5.2.1 Voortoets vir fonologiese bewustheid
ʼn Voortoets (sien Bylaag B) is deur dertien proefpersone afgelê. Die voortoets bestaan onder meer uit
ouditiewe syfergeheue, ouditiewe woordgeheue, rym, ouditiewe analise en sintese en ouditiewe
diskriminasie. Elke afdelings van die voortoets word vervolgens bespreek en die bevindinge in
grafieke weergegee. Die volgende afdelingse is getoets:
1. Ouditiewe syfergeheue: Die getalgroepe wissel van driesyfergetalle tot vyfsyfergetalle. Die
driesyfergetalle is deur elf proefpersone korrek weergee en twee kon dit nie bemeester nie. Die
viersyfergetalle is deur twaalf proefpersone korrek weergee met slegs een uitval. Uit die
vyfsyfergetalle kon slegs drie uit die dertien proefpersone die korrekte antwoorde weergee en tien het
uitvalle getoon. Dit het voorgekom asof die syfergeheue van die proefpersone nie sulke groot uitvalle
82