Kaapse Skiereilandse Universiteit van Tegnologie

Les 9
Datum: 30 April 2009
Letter - klankkorrespondering van die letters [ɛ] en [e:].
Leerders sit op mat.
Stap 1: Leerders luister na rympie:
Ek eet elke ertjie
Ek eet elke ertjie een vir een,
Een vir een is die ertjies heen
Elsie die eendjie eet ertjies soos ek,
Ek eet ook eendjies in ertjies se plek.
Eend eet pere
Eend eet pere,
Eend eet vere,
Vere is warm,
Pere smaak darem!
Leerders identifiseer die klanke wat hulle die meeste hoor. Ja, dit is die [ɛ] en die [e:].
Opvoeder wys aan leerders die [ɛ] en wys hoe dit geskryf word. Die hoofletter [Ɛ] word ook aan die
leerder bekendgestel. Leerder voel aan die letters wat van rubber gemaak is. Leerder kry geleentheid
om die letter met pypskoonmakers te vorm. Leerders moet ook aandui wie se naam met die klankie
begin. Opvoeder stel ook [e:] bekend soos in die woorde een en twee (getalkaart). Opvoeder
verduidelik dat dit soos ʼn tweeling is, want hulle staan altyd langs mekaar en dan sê ons dit lank bv.
[e:]. Woorde wat met [e: ]geskryf word soos een, eet of see, nee, gee (wat die leerders die maklikste
begryp). Opvoeder skryf die woorde neer en leerders lees dit.
Stap 2: Opvoeder vra aan leerders watter klank hulle eerste hoor – een, eet, eers, eerste, eenders. Maak
die volgende woord klaar deur elke keer ʼn [e: ] by te voeg. Opvoeder sê [s], die leerders sê [e:] om die
woord, see, te vorm. Herhaal dit en wys wat julle by die see doen (mimiek om te wys hulle wee twat
die woord se betekenis is). Doen so met vee, tee, nee, gee. Teken die [ɛ], asook die [e: ] in die lug.
Opdrag: Leerders omkring alle [ɛ]-letters op, werkvel 9 (Bylaag E).
80