Kaapse Skiereilandse Universiteit van Tegnologie

Les 8
Datum: 23 April 2009
Letter - klankkorrespondering van die letters [a] en [a: ]
Leerders op mat
Stap 1: Leerders luister na rympie:
Aap gaan slaap
Aap gaan slaap,
Gaan maar gaap,
Slaap aap slaap,
Gaap aap gaap.
Leerders identifiseer die klank wat hulle die meeste hoor. Ja, dit is die [a:].
Plaas in konteks - wys appel en laat leerders sy eerste letter in die lug teken. Wys woordkaart van
vorige dag - laat woorde lees en aksies bysit (hap, kap, ensovoorts). Wanneer ons ʼn [a:] sien, sê dit net
lank soos in aap - wys alfabetprent. Maak ook die hoofletter [A] vir ʼn naam. Gee name wat met [A]
begin (Anwill, Anna, André). Leerders maak ʼn storie van Attie aap.
Leerders kry houer met klanke. Leerder soek die [a]- klank. Leerders gebruik bekende klanke om ʼn
woord soos kas, las, mas, ras te bou. Leerders kan ook woorde met [a:] bou soos kaas, laas, raas,
naam. Opvoeder neem waar of leerder kan luister na die klank en dit kan assossieer met die letter –
klankkorrespondering.
Opdrag: Leerders omkring alle [a]- letters en [a:]- klanke. Werkvel 6 en 9 (Bylaag E) word voltooi.
Waarneming/Refleksie Les 8
Leerders toon ʼn duidelike begrip ten opsigte van [a] en [a:]. Leerders toon goeie
onderskeidingsvermoë. Dit is duidelik waarneembaar dat letterklank-korrespondering in konteks van ʼn
storie, rympie of woord beter verstaanbaar is vir die leerders.
79