Kaapse Skiereilandse Universiteit van Tegnologie

Les 3
Datum: 12 April 2009
Aanleer van letter - klankkorrespondering [s] en [n]
Stap 1: Opvoeder lees rympie wat die klanke bevat, wat aangeleer word.
Rympie: Sewe slange sluk ses slakke
Sewe slange sluk ses slakke,
Sewe slange sluk so swaar
Solank soos slange slakke sluk,
Maak slym’rige slakke slange dik.
Nee nee, nee my Nolla nee
Nee, nee, nee my Nolla nee,
Nee my Nolla nee, nee my Nolla nee,
Nee, nee, nee my Nolla nee,
Daar’s niemand soos my langnek Nolla nie.
Opvoeder vra leerders om te luister na watter klank hulle die meeste hoor. Ja, die [s] en die [n].
Stap 2:
Opvoeder wys die kaart met die woord “son” aan die leerders. Hulle lees dit.
Opvoeder sê: “In hierdie woord is daar drie letters.” Elke letter het ʼn werkie om te doen. Elkeen het ʼn
klank en die klankies saam sê die woord “son”. Luister nou mooi as ek die woord sê, dan sê julle vir
my wat die eerste klankie is. Opvoeder lê klem op die [s]
Wat het julle nou eerste gehoor? (Wanneer die leerders dit nou reg antwoord, word die klank [s] op die
skryfbord geskryf).
“Ja, dis die [s] (nie [sǝ] nie). Sê almal dit nou saam.”
Wat moet nou kom? (Die opvoeder sê die hele woord weer, maar lê nadruk op die [ᴐ] – klank. Die
leerders luister en sê watter klank dit is. Die opvoeder skryf dit op die skryfbord).
“Nou ken ons al twee van die klankies. Kom ons sê die klankies weer. (Die twee klanke word herhaal.
Die [n] aan die einde van die woord word op dieselfde wyse behandel).
Stap 3: Die drie flitskaarte met die enkel letters word uitgestal. “Wie kan met hierdie drie kaartjies die
woord “son” bou? Die leerders neem beurte om met die oorspronklike flitskaart as leidraad die drie
letters te kom rangskik. Nou herhaal almal die klanke en sê die woord [s]-[ᴐ]-[n], “son”.
Afsluiting: Leerders kry die geleentheid om die klanke [s], [ᴐ] en [n] te voel met rubbervorms.
ʼn Klankkaart met prente van woorde wat met die drie klanke begin word aan leerders gewys. Leerders
identifiseer die prente en assossieer dit met die klank wat hulle geleer het. Werkvel 2 (Bylaag E).
74