Kaapse Skiereilandse Universiteit van Tegnologie

Die resultate ten opsigte van die werkvelle wat leerders voltooi het as toepassing om vas te stel of
hulle in staat is om die opdrag wat hulle hoor, skriftelik toe te pas, was redelik suksesvol. Die eerste
opdrag waar leerders ʼn prent moes kies wat rym met die beklemtoonde woord, kon deur sekere
leerders in ʼn meerdere mate voltooi word. ʼn Aantal van die leerders kon nie die beklemtoonde woord
met ʼn prent assossieer nie. Die werkvel wat handel oor ouditiewe woordgeheue is deur leerders
voltooi. ʼn Aantal van die leerders kon die opdrag voltooi. Net minder as die helfte van die groep het
dit moeilik gevind om die taak te voltooi. Die werkvel wat handel oor ouditiewe sintese is redelik
goed deur leerders voltooi.
Die aflê van die voortoets reflekteer talle uitvalle. Hierdie uitvalle kan toegeskryf word aan die taalarm
omgewing en minder stimulerende milieu waaraan leerders blootgestel is in die
vroeëkindontwikkelingsfase van hul lewens.
4.2.3 Natoets vir fonologiese bewustheid
Aan die einde van die ses weke is die natoets (sien Bylaag B) wat dieselfde as die voortoets is aan die
proefgroep gegee om vas te stel of die intervensieprogram verandering te weeg gebring het (sien
3.4.3).
4.3 Fase twee: fonemiese bewustheid
4.3.1 Voortoets vir fonemiese bewustheid
Die voortoets sluit aspekte van fonemiese persepsie in soos bespreek in die literatuur (sien 2.8.3). Die
Yopp-Singertoets (sien Bylaag C) van foneemsegmentasie is gebruik.
4.3.2 Intervensie om fonemiese bewustheid met letter-klankkorrespondering te
ontwikkel
Die volgende lesse word onderrig om letter- klankkorrespondering vas te lê (sien 3.5.2) en (sien 2.8.3).
71