Kaapse Skiereilandse Universiteit van Tegnologie

observasie gebruik gemaak vir data- doeleindes. ʼn Video- opname is gemaak en veldnotas is
aangeteken.
3.5.3 Natoets
Aan die einde van die nege lesse is daar ʼn natoets wat dieselfde inhoud as die voortoets bevat, gegee
om vas te stel of die intervensieprogram verandering teweeg gebring het.
3.6 Toetsmateriaal en die nasien van toetse
Die toetsmateriaal bestaan uit ʼn kontrolelys met die nodige toets-items vir fonologiese en fonemiese
bewustheid. ʼn Toets is deur die navorser afgeneem in ʼn klaskamer waar proefpersone individueel
getoets is. Opmerkings is aangeteken om as hulp te dien vir die opstel van ʼn intervensieprogram.
Die voor- en natoets oor fonologiese bewustheid (sien Bylaag B en C) is mondelings op ʼn een-tot-een-
basis afgeneem. ’n Kontrolelys is gebruik om punte toe te ken. Punte is soos volg toegeken: Ouditiewe
Syfergeheue: vier punte; Ouditiewe Woordgeheue: vier punte; Ouditiewe Diskriminasie: een punt;
Rym: vier punte; Ouditiewe Analise: tien punte; Ouditiewe Sintese: vyf punte. ʼn Totaal uit sewe en
twintig punte kan deur die proefpersone behaal word.
Die voor- en natoets oor fonemiese bewustheid is op ʼn mondelinge wyse op ʼn een-tot-een-basis
afgeneem. Punte is aangeteken op ʼn kontrolelys van woorde wat getoets is. Die toets bestaan uit 22
vrae en is op die volgende wyse nagesien: ʼn Instruksie is duidelik gegee waarna die navorser ʼn
woordspeletjie gespeel het met die opdrag dat die woord wat gesê word, in aparte dele opgebreek
word. Die proefpersoon moet elke klank in die woord in die regte volgorde sê, byvoorbeeld, as die
woord kat gesê word, moet die proefpersoon [k]-[a]-[t] sê. Die navorser maak van ʼn voorbeeld aan die
proefgroep gebruik om die proefpersoon te lei. Die toetsitems wat korrek gesegmenteer word, word
omkring. Die navorser maak seker dat die klank en nie die letters nie in die woord gesê word.
Foutiewe terugvoering is langs die woord op die blanko-lyn opgeteken. Een punt vir elke korrekte
antwoord is toegeken. Om ʼn objekiewe meting te verseker, is die klasopvoeder van die
navorsingsgroep gebruik om die observasie ten opsigte van die vordering en verandering in die
proefgroep aan te teken. Die vordering en observasie van opvoeder is gebruik om dit met die resultaat
van die voor- en natoetse te vergelyk om vas te stel of daar ʼn verbetering in die prestasie van die
proefgroep waargeneem is.
59