Kaapse Skiereilandse Universiteit van Tegnologie

dan geskryf. Die woord word op die manier tot die leerder se sigwoordeskat toegevoeg. Die
onderwyser vertel die storie. Die sinne waaruit die storie bestaan,verskyn op sinstroke. Sinstroke word
gebruik om die sin te lees. Die leerders gebruik die sinstroke om die storie weer op te bou. Die woorde
word los geknip, weer bymekaar gepas en die sin word dan weer op verskillende maniere opgebou.
Die leerders gebruik die woorde in sinne van hulle eie. Nou eers lees die leerder die leesles.
Die voordele van hierdie metode is: Daar word op ʼn betekenisvolle geheel eerder as op dele
konsentreer. Die leerder word vinniger toegelaat om te lees as met die klankmetode. Daar word selde
woord-vir-woord gelees. Die nadele van die metode is: Daar word gesteun op die leerder se geheue en
papegaaiwerk word sodoende aangemoedig. Letters en klanke word afgeskeep wat lei tot swakker
spelling. Dikwels behels dit raai. Dit kan leerders deurmekaar laat raak, iets wat die leeservaring
negatief sal beïnvloed omdat die leerders se selfvertroue daardeur geknou kan word. Woordeskat word
beperk tot dit wat in die gekontroleerde situasie aandag kry. Leerders word nie uitgenooi en
aanmoedig om op hulle eie werklike boeke te lees nie (Joubert et al., 2006: 94-95).
2.12.2.4 Die elektiese metode
Volgens Joubert et al. (2006: 95) kombineer hierdie metode die klank- en die kyk-en-sê-metode. Dit
word ook die gekombineerde metode genoem. Dit neem die sin en die woord as vertrekpunt, wat
beteken dat die betekenisvolle gehele gebruik word. Die leerders word egter gelei tot die begrip dat
woorde uit letters wat klanke verteenwoordig, bestaan. Deur woorde te klank kan die leerders dus
onbekende woorde ontsluit en lees. Die voordele van hierdie metode is: Strategieë vir
woordontsluiting word aan die leerder bekendgestel. Hy leer dat dit gebruik kan word indien hy dit
nodig het, sonder om dit as die vertrekpunt van lees te gebruik. Die leerder moet rekening hou met
verskillende leer- en leesstyle en ʼn groter reikwydte van style akkomodeer.
2.12.2.5 Die taalbelewenis-metode
Flanagan sê:
“The language –experience approach to the teaching of reading is based on the
understanding that language and culture are intertwined - we learn to use language
according to the way people in our immediate community (our parents, family, and
neighbours, church) use language” (Flanagan, 1995: 33).
Hierdie aanhaling beklemtoon die belangrikheid van die rol van die omgewing waarin die jong leerder
hom of haar bevind (Joubert et al., 2006: 95).
By hierdie metode van lees word die leerder se eie ondervinding van taal gebruik om lees en skryf te
bevorder. Die leerder vertel sy eie nuus, van sy eie ondervindings, wat hy gehoor of gesien het, of hy
45