Kaapse Skiereilandse Universiteit van Tegnologie

die opsê van rympies, storievertelling, prentteken en speletjies wat jong kinders geniet. Hierdie ouer -
kind- aktiwiteite bevorder leerders se geletterdheids- en taaluitkomste (Baker, Serpell & Sonnenchein,
1995). Snow, Burns en Griffin (1998) bevestig dat bogenoemde taalontwikkeling bevorder.
Die ouer se siening van lees het ’n invloed op hul kinders se taal- en geletterdheidsontwikkeling.
Debaryshe (1995) meet dit aan:
Hulle rol as opvoeders van skoolverwante vaardighede
Positiewe beïnvloeding wat met lees assosieer word
Die waarde wat geheg word aan leerders se aktiewe verbale deelname wanneer daar
hardop gelees word
Die geskiktheid van die direkte lees-instruksie
Leerders se verwerwing van boekkennis
Die probleem van beperkte bronne en
Die buigsaamheid van taalontwikkeling.
Ouers se siening van lees, blyk hoë voorspellers te wees van beide graad van ouerblootstelling aan
hulle leerders, asook saam lees en die kwaliteit van ouer-kind- interaksies terwyl daar boeke gelees
word. In die algemeen is die ouer se houding rakende geletterdheid en hoe om dit by kinders in te
boesem, ʼn positiewe stap om taal te ontwikkel (Sonnenschein, Baker, Serpell, & Schmidt, 2000). Die
argument wat hier geloods word, is van uiterste belang vir die kind in die milieugestremde omgewing.
So ‘n kind word ontneem van die basiese voorregte wat die huis en familie behoort te bied vir die
ontwikkeling van die kind in die vroeë stadium van sy grootword proses.
Shapiro et al. (1998: 78) verwys na Hess en Halloway (1984) wat faktore geïdentifiseer het wat die
gesin se geletterdheidsvlak kan beïnvloed, naamlik:
Die ouers se leesgewoontes
Die lees van kinderstories
Verbale stimulasie tussen ouer en kind
Doelwitte wat aan die kind gestel word met die oog op motivering en die verbetering van
skolastiese prestasies en
Die beskikbaarheid van leesstof by die huis.
Volgens Shapiro et al. (1998: 80) is die beskikbaarheid van leesstof en die ouers se ingesteldheid
teenoor lees, die grootste voorspellers van toekomstige leesversteurings of sukses. Die kind uit die
taalarm omgewing bly in gebreke ten opsigte van die beskikbaarheid van leesstof wat ’n groot invloed
op taalontwikkeling vir die graad 1-leerder het.
17