Kaapse Skiereilandse Universiteit van Tegnologie

Daar is slegs een verskil: Die assesseringstandaard, Lees vir inligting en genot, word in graad 1
bygevoeg.
Leeruitkoms ses wat die komponent van TAALSTRUKTUUR en TAALGEBRUIK insluit, omvat die
volgende assesseringstandaarde in graad R en 1:
Bring klanke in verband met letters en woorde
Werk met woorde
Werk met sinne
Werk met tekste en
Gebruik taal vir interaksie.
In graad R en 1 word dieselfde assesseringstandaarde beklemtoon met slegs een verskil in graad 1,
naamlik die byvoeging en ontwikkelling van kritiese taalbewustheid. Dit is belangrik om die verskille
en ooreenkomste in die twee grade aan te dui omdat daar ʼn noue verband tussen die twee grade
bestaan en dit duidelik is dat die voorskoolse kind ten opsigte van taalgebruik gestimuleer behoort te
word voor skooltoetrede.
Klankbewustheid maak ʼn integrale deel uit van die kurrikulum vir die ontwikkeling van geletterdheid.
Dit is dus noodsaaklik dat daar in beide graad R en 1 die nodige tyd bestee word aan die ontwikkeling
van fonologiese en fonemiese bewustheid.
2.3 Teorieë ten opsigte van taalontwikkeling
Volgens De Witt (2009: 105) word die volgende teorieë in taalontwikkeling beskryf:
Volgens die behavioristiese siening word taal aangeleer deur middel van kondisionering en
nabootsing. Deur nabootsing leer die kind goeie sinsbou aan. Nie-behavioriste bevraagteken
hierdie verklaring, omdat ouers eerder konsentreer op die betekenis van die sin as op sinsbou.
Chomsky verskil drasties van die siening dat taal sistematies uit die omgewing, en versterk
deur belonings, aangeleer word. Hy voer aan dat babas met ʼn ingebore
taalverwerwingsmeganisme gebore word. Hierdie meganisme stel die taalgebruiker in staat
om die reëls van die taal te ontdek deur by die eenvoudige reëls te begin en te vorder na die
wat komplekser is. Daar word dus veronderstel dat die mens ʼn inherente vermoë het om ʼn taal
aan te leer.
Die Nativistiese perspektief maak aanspraak op die feit dat, sodra kinders oor genoegsame
woordeskat beskik, hulle grammatikaal en verstaanbaar in enige taal kan praat.
Interaktiewe teorieë beklemtoon dat daar ʼn sterk behoefte aan interaksie by mense is en dat
die mens oor ingebore bevoegdhede daarvoor beskik. Dit fokus dus op die feit dat ʼn ryk taal-
11