Kaapse Skiereilandse Universiteit van Tegnologie

Volgens die HAT (2005: 242) word foneme beskryf as die kleinste lineêre kenmerk van ʼn woord, ook
in ander woorde erken; onderskeidende segment van woorde. Die bry-r en die gewone r is variante van
dieselfde foneem. Foneme is die kleinste elemente van ʼn taal, wat deur mense wat die taal praat, as nie
verder deelbaar gevoel word nie. ʼn Foneem kan ook gesien word as ʼn bundel onderskeidendende
kenmerke
Joubert et al. (2006: 243) verwys daarna dat foneme letters of lettergroepe verteenwoordig.
Grafeme
Die 26 simboliese letters van die alfabet (Rigby, 1997: 6).
ʼn Grafeem word ook beskryf as ʼn klas letters wat ʼn klankeenheid voorstel (HAT, 2005: 330).
Klanke
Die verskillende maniere om leerders die verband tussen spel- en klankpatrone te onderrig. Die
komplekse verband tussen klanke of taal en die sisteem van spelling in woorde (Rigby, 1997: 6).
Literatuur verwys na klanke as die klank van woorde of woordaanval -vaardighede tesame met die
bemeestering van die vaardigheid en slag van ʼn toets (Rigby, 1997: 7).
Die HAT (2005: 564) beskryf ʼn klank as ʼn geluid wat die gehoor tref. Dit word ook as ʼn
geartikuleerde spraakgeluid gedefinieer: ʼn Woord is ʼn opeenvolging van klanke. Die klank [a] en die
klank [n] word deur verskillende stande van die spraakorgane voortgebring.
Ortografie
Die sisteem van spelling en leestekens (Rigby, 1997: 6).
Alfabetiese beginsel
Volgens Joubert et al. (2006: 243) word daar na die alfabetiese beginsel verwys as die leerder se
vermoë om klanke met geskrewe letters te verbind. Daar is sistematiese verwantskap tussen letters en
klank.
Beginrym
Die aanvanklike konsonant of konsonant -samevloeiing soos in die klank [bᴐ] in die woord bok
(Rigby, 1997: 6). Die beginrym kan verwys na enige klank voor die eerste vokaal in ʼn woord. Die
HAT (2005: 75) definieer beginrym as rym van beginklanke van woorde in ʼn versreël; alliterasie.
lii