Kaapse Skiereilandse Universiteit van Tegnologie

word om hul gereedheidsvlak te bepaal. Uitvalle by leerders behoort vroeg geïdentifiseer te word en ʼn
intervensieprogram soos wat in die studie gebruik is, behoort gevolg te word.
Die ouers van graad 1-leerders behoort aangemoedig te word om geletterdheidsaktiwiteite tuis met die
kind te doen. Die opvoeder kan die ouer ondersteun en lei in terme van bogenoemde aktiwiteite wat
tuis informeel, tydens die voorlees van boeke, ingeoefen word. Die navorser beveel aan dat die ouer ’n
waarnemingstabel opstel om die kind aan te moedig om ’n foneembewussyn te ontwikkel en in te
oefen. Die ouer sal verder ’n beeld kry van die vordering in terme van die vaardigheid.
6.5 Aanbevelings ten opsigte van die kurrikulum
Die kurrikulum behoort aangepas te word om die nodige vaslegging en inskerping van letter –
klankkorrespondering te bemeester. Daar behoort meer tyd aan die kurrikulum vir geletterdheid gewy
te word en die rooster vir geletterdheid behoort aangepas te word om voorsiening te maak vir die
onderrig van fonemiese, fonologiese en letterklank-korrespondering wat as basis vir suksesvolle lees
dien. Die gebruik van die beskikbare rekenaarsagtewareprogramme, byvoorbeeld CAMI lees en
CAMI diagnosties behoort in die kurrikulum ingewerk te word om leessukses te bevorder. Duidelike
riglyne moet in die kurrikulum uitgespel word sodat vaardighede makliker bereik kan word.
Leerprogramme soos die “Grondslag vir Leer” wat deur die Nasionale Departement van Onderwys
aan skole bekendgestel is, moet deeglik onderrig word.
6.6 Leemtes in die studie
Wanneer die aanbieding en resultate van die voortoets, intervensieprogram en die natoets oor die rol
van fonologiese en fonemiese bewustheid bestudeer word, moet daar in gedagte gehou word dat
hierdie bestaande, aangepaste program slegs vir ʼn tydperk van vier maande gevolg is – begin
Februarie 2009 tot einde Mei 2009, drie dae ʼn week met periodes van twintig minute per dag. Ten
spyte van die beperkte beskikbare tyd vir die intervensieprogram, is die gewenste resultate behaal.
Daar kan dus nie aanvaar word dat die resultate vir alle groeperinge en ʼn taalrykomgewing geldig sou
wees nie, wat as ʼn leemte beskou kan word. Die resultate behaal in die ondersoek, sou dan meer
verteenwoordigend wees.
6.7 Aspekte wat verdere navorsing regverdig
Die leerders in hierdie program was met die aanvang van die studie baie jonk. Toetse
behoort uitgevoer te word op groepe leerders ouer as vyf en ʼn half jaar. Die doel sou wees
om vas te stel of die vlakke van fonologiese en fonemiese bewustheid beter sou wees met
kinders wat reeds ses jaar en ouer is
108