Kaapse Skiereilandse Universiteit van Tegnologie

moet die afdelings ʼn integrale deel vorm van die lesbeplanning vir die geletterdheidsleerarea in die
grondslagfase.
6.2.3.2 Bespreking
Die blootstelling van die proefpersone aan fonemiese bewustheidsaktiwiteite het die ontwikkeling
gestimuleer. Die proefpersone was in staat om die verbetering te weeg te bring weens die blootstelling
aan die intervensieprogram tydens die empiriese ondersoek. Proefpersone is reeds ʼn langer periode in
ʼn klaskamersituasie en het alreeds geleer om te luister. Die waarneembare verskil in hierdie toets kan
toegeskryf word aan die grondslag van die fonologiese ontwikkeling in fase een tydens die empiriese
ondersoek. Die proefpersone kan gedissiplineerd luister en is in staat om self die woord op te breek en
dan te kan sê uit hoeveel dele ʼn woord bestaan. Die grondslag van die fonologiese bewustheid het
bygedra tot die verbetering in die voortoets. Op hierdie stadium is die jong proefpersone reeds ses
weke in die skool en vaardighede soos luister en doen is in ʼn proses van ontwikkelling. Die
proefpersone is in die proses om die sensitiwiteit vir en kontrole oor die foneme te bemeester. Die
samevoeging van klanke vorm woorde wat aan proefpersone bekend is en begrip word getoon deurdat
proefpersone die woorde verstaan wat gevorm word. Die proefpersone is in staat om te identifiseer
watter klank eerste, laaste en in die middel gehoor word.
Die hoeveelheid woorde in die eerste aktiwiteit was te veel inhoud vir die proefpersoon om te onthou
en te interpreteer. Die onthouvermoë is nie by alle proefpersone op dieselfde vlak nie. As gevolg van
proefpersone se jong ouderdom en hul onstimulerende omgewing is dit moeilik om begrippe te
verstaan wat nie aan hulle bekend is nie.
Die tydperk van onderrig in die empiriese ondersoek dra by tot die verbetering van die afdelings.
Genoegsame blootstelling aan ouditiewe analise het die proefpersoon die geleentheid gebied om die
nodige onderskeidingsvermoë te ontwikkel wat ʼn belangrike komponent van hierdie konsep is. Dit is
belangrik dat daar gelet word op die opbreking, vervanging, weglating en identifisering van begin-,
middel- en eindklank. By hierdie afdelings is dit belangrik dat daar gelet word op die saamvoeg van
woorddele, lettergrepe en klanke om nuwe woorde te vorm, (byvoeging en invoeging van klanke). Dit
is duidelik dat hierdie begrippe onderrig en aangeleer moet word sodat proefpersone dit makliker kan
verstaan en toepas.
6.2.4 Bevindinge ten opsigte van die letterklank-korrespondering
Die letterklank-korrespondering het waarneembare bereiking van uitkomste in die empiriese
ondersoek getoon. Dit is duidelik dat die rol van fonologiese bewustheid ʼn positiewe invloed op
fonemiese bewustheid het. Die proefpersoon is nou in staat om die klanke in ʼn woord wat deur
proefpersoon self gehoor word, op te breek, byvoorbeeld die woord boom bestaan uit drie dele,
naamlik [b]- [o:]- [m]. Die proefpersoon is nou in staat om te sê wat gehoor word, byvoorbeeld: Wat
104