Kaapse Skiereilandse Universiteit van Tegnologie

vervanging van klanke: Die proefpersone kry ʼn woord vis, waar die [ǝ] vervang word
met [a] en ʼn nuwe woord “vas” gemaak word. Uit die dertien proefpersone was twee
proefpersone in staat om die woord weer te gee. Elf van die proefpersone kon nie die
woord weergee nie. Daar word ʼn geringe verskil tussen die voortoets en natoets
waargeneem.
6. Ouditiewe sintese:
voeg woorddele saam: Die proefpersone kry twee woorddele soos byvoorbeeld hand +
sak = handsak om ʼn nuwe woord te vorm. Uit die dertien proefpersone kon ag
proefpersone die woorddele saamvoeg om ʼn nuwe woord te vorm en vyf was nie in staat
om die woorde saam te voeg nie. ʼn Groot verskil is waarneembaar tussen die voortoets en
natoets.
voeg lettergrepe saam: Die proefpersone kry twee lettergrepe gor + dyn om saam te voeg
om ʼn nuwe woord “gordyn” te vorm. ʼn Groot verskil is waarneembaar tussen die
voortoets en natoets.
saamvoeg van klanke om ʼn nuwe woord te vorm: Die proefpersone het ʼn twee-letter-
of drie-letterwoord gekry om ʼn woord te vorm byvoorbeeld, [ǝi]-[s] is “ys” of [s]-[ᴐn] is
“son”. Al die proefpersone kon die antwoord korrek weergee. Daar word ʼn merkwaardige
verskil tussen die voortoets en natoets waargeneem.
byvoeging van klanke: Die proefpersone kry ʼn kort woord soos is. Hulle moes ʼn klank
byvoeg om ʼn nuwe woord te vorm soos [k] wat “kis” vorm. Nege uit die dertien
proefpersone kon die antwoorde weergee. ʼn Groot verskil is waarneembaar tussen die
voortoets en natoets.
invoeging van klanke om ʼn nuwe woord te vorm: Die proefpersoon kry ʼn woord soos
‘kas’ en die woord word verander deur ʼn [l] na die [k]-klank in te voeg sodat die nuwe
woord, “klas” gevorm word. Tien van die dertien proefpersone kon die toets voltooi en
drie was nog nie in staat om die toets te doen nie. Dit is duidelik dat daar baie verbetering
getoon word tussen die voortoets en die natoets.
94