ONDERWYSKOMMUNIKASIE Ek weet jy glo jy verstaan wat jy dink ...

Elemente van kommunikasie
Alle kommunikasiemodelle het gemeenskaplike elemente:
Mense: Mense kan senders (die boodskap inisieer) of ontvangers (absorbeer die
boodskap) wees. Die sender enkodeer (sit die idee of gedagte in ‘n kode) die
boodskap en die ontvanger dekodeer (heg betekenis aan ‘n idee of gedagte) die
inkomende boodskap.
Boodskap: Die boodskap is die verbale en nie-verbale vorm van die idee, gedagte
of gevoel wat een persoon (sender) aan ‘n ander persoon, of groep mense
(ontvanger/s), wil kommunikeer. Dit is die inhoud van die interaksie.
Kanaal: Die boodskap word via ‘n kanaal gestuur, wat uit ‘n verskeidenheid
elemente kan bestaan (bv. akoestiese kommunikasie – gehoor; geskrewe
kommunikasie – sig, behalwe Braille).
Terugvoer: Terugvoer is die ontvanger se reaksie op die sender se boodskap.
Kode: Ons gebruik kodes om ons idees met andere te deel. ‘n Kode is enige
sistematiese rangskikking of omvattende versameling simbole, letters of woorde, wat
arbitrêre betekenisse het en gebruik word vir kommunikasie. Verbale kodes bestaan
uit woorde en hul grammatikale rangskikking. Nie-verbale kodes bestaan uit alle
simbole behalwe woorde, insluitend liggaamsbeweging, die gebruik van tyd en
ruimte, kleding en ander tooisels en geluide.
Geraas: Geraas is enige faktor wat die ontvangs of betekenisse van boodskappe
verhinder of verdraai.
Kommunikasiemodelle
In die verlede is kommunikasie beskou as die stuur van ‘n boodskap deur een
persoon en die ontvangs daarvan deur ‘n ander (aksie):
Sender Ontvanger
‘n Tweede uitgangspunt is dat kommunikasie interaktief is:
Sender Ontvanger
Kommunikasie beskou as ‘n transaksie beteken ons glo dat kommunikeerders
tegelykertyd boodskappe stuur en ontvang:
= Sender en ontvanger
Mense stuur en ontvang voortdurend boodskappe. Hulle kan kommunikasie nie
vermy nie.
Onderrwysinnovasie en –Konsultasie. Januarie 2002. 2