Slingervel Augustus 2012.indd - CJBF

Slingervel, Jaargang 54 

Nommer 936, Augustus 2012 

in hierdie uitgawe ... 

2 Die redakteur skryf ... 

3 Oom Nico se Possak 

4 Verjaardaghoekie 

6 Spreuke vir die tiener 

verklaar 

7 Bybelleesrooster vir 

September 

8 Oordenkings vir 

laerskoolkinders 

10 Stompstert 

11 Blokkiesraaisel 439 

12 Kalbas en Snoet se 

avonture (5) 

14 Die plek wat diere in die 

ruimteprogram van die 

mens ingeneem het 

15 Het jy geweet? 

16 Brief van die 

katkisasieklas van 

Elsiesrivier 

17 Ons eie Slingervel- 

Digtershoekie 

Waarom lyk stokinsekte 

soos takkies? 

18 Kan 'n boom dink? 

20 Boekeblad 

22 Oordenkings vir tieners 

24 Ons Pretblad 

Die redakteur skryf 

... 

Ek is te 

skaam om 

mense van God te vertel 

Die woord skaam beteken verleë, bedees, beskeie. 

Skaamwees kan ook beteken bang wees om uitgelag of gespot te 

word. 

Skaam kan verder beteken om huiwerig te wees om op te tree omdat 

jy nie seker is wat om te doen nie. 

Tieners is skaam om voor mense ’n standpunt in te neem. Maar 

dan is dit ’n baie geselekteerde skaamte. Dit raak net een aspek 

van jou lewe. Tieners het nie probleme om sterk standpunt in te 

neem as hulle eie saak benadeel word nie. Vir jou eie goeie naam en dié 

van jou ouers sal jy selfs in ’n leeukuil spring om dit te verdedig. Om jou 

huis en jou goed en jou veiligheid te beskerm, bestee mense baie maklik 

duisende rande en niks is inderwaarheid vir jou te veel nie. 

Dan kom die geweldige kontras! Jy beskerm en verdedig nie naastenby 

met dieselfde passie die Naam van God en die bestaan van God se 

koninkryk en sy kerk nie. As dit by die beskerming van jou geestelike 

goed kom, is jy maar baie traag. 

Hoeveel keer word God se Naam in jou teenwoordigheid gelaster of 

misbruik, sonder dat jy ’n oog daaroor knip? Luister net oor die radio 

en op TV! 

Wat word nie alles bedink om die koninkryk van God skade aan te 

doen nie, en jy swyg in duisend stiltes sonder om aksie te neem. 

Watter Christentiener span sy geloofspiere in om ’n stem te laat hoor 

teen lotery, dobbelary, pornografi e, Sondagontheiliging, miskenning 

van God se wet, vloektaal, swetstaal, ens., ens., ens. 

Wat is jou reaksie as van jou maats of skoolvriende grappies maak 

oor God of die kerk? 

Dit is alles dinge wat God se eer aantas en sy koninkryk skade 

aandoen, middele in die hande van Satan om God se koninkryk tot ’n val 

te probeer bring. En uit skaamte, onbeholpenheid, ongeërgdheid doen jy 

absoluut niks daaraan nie, want jy wil nie die publieke opinie uitdaag nie! 

Na Jesus se opstanding uit die dood het die dissipels in angs vir 

hulle veiligheid gaan wegkruip agter slot en grendel (Joh. 20:19). Toe 

die Heilige Gees egter in hulle harte uitgestort is, het hulle met vrymoedigheid 

die boodskap van Christus verkondig (Hand. 4:3). Skiet jy in 

alles dalk tekort aan gehoorsaamheid aan die Heilige Gees? Elke gelo 

wige moet opnuut sy lewensprioriteite vasstel in die lig van sy Christelike 

roeping! As die Here en die saak van die Here en sy Woord vir 

jou belangrik is, sal dit nie ’n probleem of ’n las wees om dié saak met 

al jou lewensenergie te verdedig nie. Die aanslag van Satan op die Koninkryk 

van God kan op geen manier afgeweer word nie as net die verantwoordelike 

optrede van God se kinders. SV 

2 slingervel augustus 2012

Liewe Maats, 

Augustusmaand is vir die Slingervel sy verjaardagmaand. 

’n Mens kan dit amper nie glo nie, maar die Slingervel is 

vanjaar 54 jaar oud. Dit laat ons terugdink aan Augustus 

1958 toe die Slingervel vir die heel eerste keer uitgekom het. In 

Augustus 1958 het nommer 1 verskyn en in Augustus 2012 is dit 

nommer 936. 

Die Slingervel het nie spontaan ontstaan soos julle die 

tydskrif vandag ken nie. Die Slingervel is eintlik uit ’n ander 

publikasie gebore. In die vyftigerjare het die katkisasiekinders 

nie handleidings gehad om hulle voor te lig soos julle vandag 

het nie. Elke kwartaal het daar ’n “tydskrif” verskyn met al die 

lesse en die verduideliking van die lesse. Die publikasie se 

naam was DIE GEREFORMEERDE KATKISANT. In 1958 is 

besluit dat daar vir die kinders handboeke gedruk gaan word 

en toe is die Gereformeerde Katkisant so verander dat dit ’n 

volwaardige tydskrif geword het met die naam Slingervel. Van 

Augustus 1958 tot Augustus 2011 het Slingervel sonder enige 

onderbreking 925 keer verskyn. Jy kan vir jouself indink hoeveel 

kinders die Slingervel in hierdie 53 jare ontvang en gelees 

het. Die wonderlike is dat die Slingervel ná 53 jaar steeds 

maandeliks verskyn. As ons deur die jare se Slingervelle blaai, 

merk ons op hoe die inhoud telkens verander het namate die 

jeug ’n nuwe leefwyse het. 

Die eerste redakteur van die Slingervel was dr. Klaas 

van Wyk de Vries, waarna dr. Sarel du Plessis die stoel van 

redakteur gevul het. Toe het prof. Pieter Buys redakteur geword 

en hy was redakteur vir 33 jaar tot in 1999. Vanaf 2000 tot 

vandag is dr. Nico van der Merwe (Oom Nico) die redakteur. 

 

 

Met ons verjaardagmaand is dit die gebruik dat ons dankie 

sê. Veral sê ons vir die Here dankie dat Hy deur die jare 

heen die nodige middels en gawes gegee het, mense met 

ywer en toewyding sodat die Slingervel gereeld elke maand 

kon verskyn. God gee gawes aan die mense wat vir die 

Slingervel skryf en dit gereed maak om gedruk te word. 

Die een persoon vir wie al die Vellies spesiaal moet dankie 

sê, is tannie Joey Fourie. Sy werk al vir baie jare by die 

Slingervel. Tannie Joey is die redaksielid wat 

maandeliks die verskillende artikels, berigte 

en speletjies moet inpas en ook besluit watter 

prentjies, tekeninge en foto’s gebruik moet word. 

Sy werk baie hard om die Slingervel vir julle so 

pragtig en kleurvol te maak. Aan haar ’n ekstra dankie vir die 

werk. Ek vra vir tannie Joey om ’n foto van haar hier te plaas 

Oom 

Nico se Possak 

dat al die maatjies kan sien hoe sy lyk. Baie, baie dankie, 

tannie Joey. 

Derdens pas dit ons om vir al die redaksielede van 

slingervel augustus 2012 3 

 

 

 

die Slingervel dankie te sê vir die groot werk wat hulle 

maandeliks doen om ’n aantreklike en betekenisvolle 

Slingervel vir julle te voorsien. Hulle is: Marina Kotze, 

Riana Jonker, Susan Lourens, Tersia van der Merwe, Rina 

Myburgh, Attie Venter, Rika du Plessis, Sophia van der 

Walt. Maats, julle het seker nie gedink dat so baie mense 

by die Slingervel werk nie. Namens julle sê ek dankie vir al 

die redaksielede. Elkeen van julle dra by tot die Slingervel 

wat maandeliks uit die pers kom. Sonder julle ywer en 

entoesiasme sou dit nie moontlik gewees het nie. Baie 

dankie. 

Ons wil ook vir al die mammas en pappas en al die kerkrade 

wat sorg dat julle op die Slingervel ingeskryf is en dit gereeld 

ontvang, dankie sê. 

Die laaste groep vir wie die redaksie wil dankie sê, is julle 

jongklomp, van die kleuters, deur die laerskolers tot by 

die tieners, wat die Slingervel lees en deelneem aan die 

speletjies wat geplaas word. Ons hele lewe by die Slingervel 

is een groot dankie aan die Here vir al sy liefde en genade. 

Maats, julle kan nou die Slingervel met ander oë bekyk en 

besef wat die tydskrif vir julle beteken. Julle kan gerus ’n bietjie 

moeite doen en vir ons skryf wat die Slingervel vir julle beteken 

en watter van die Slingervel se inhoud vir julle die lekkerste is. 

Ons sien daarna uit om van julle te hoor. 

Hartlike groete en die mooiste wense ook vir julle ouers. 

- Oom Nico 

Slingervel se adresse 

slingervel@telkomsa.net 

Posbus 6433, Flamwood 

2572 

 

Tel/faks 018 468 1782

verjaardag verjaardaghoekie hoekie 

Die volgende Vellies verjaar gedurende AUGUSTUS 2012 (saam met die Slingervel!) Baie geluk aan 

elkeen van julle. Mag julle 'n mooi jaar beleef! Skryf aan my, my adres is: Tannie Riana Jonker, Posbus 614, 

Paardekraal 1752; of e-pos jonkerp@mweb.co.za, as julle nog nie deelneem nie. Groete, Tannie Riana 

1 

Antoné Naude (Vereeniging-Oos), Cailynn Gaba 

nella (Boksburg), FC Buys (Alberton-Wes), 

Fran cois Brown (Randburg), Gertie van Jaarsveld 

(Laeveld), Ludolf du Plooy (Potch-Die Bult), Mita Qamane 

(Randburg), Ruvan Bovill (Laeveld). 

2 

Alwyn du Plessis (Magol), Andy Katz (Benoni), 

Ha rald Fiedler (Kathu), Ian Terblanche (Boksburg), 

Karien Botha (Bergbron), Liaan Bothma (Krugersdorp), 

Minka Olivier (De Aar). 

3 

Chantelle van den Berg (Vanderbijlpark-Trinitas), 

Dumont du Plessis (Randburg), Hendrik Badenhorst 

(Zeerust), Michael Smith (Vanderbijlpark-Trinitas), 

Morné Smith (Vanderbijlpark-Trinitas). 

4 

Adriaan van Staden (Middelburg Mpumalanga), 

Brynn-Leo van Vuuren (Kaapstad), Francois le 

Roux (Akasia), Ivette Dreyer (Randburg), Lana van 

der Vegt (Vereeniging-Oos), Lize Dreyer (Randburg), 

Marli Venter (Randburg). 

5 

Ivan Lombaard (Randburg), Josiphine Motswiri 

(Randburg), Marizaan Botes (Bethal), Marni 

Bak ker (Benoni), Thinus van Reenen (Vanderbijlpark- 

Trinitas). 

6 

Anika Grobler (Randburg), Armand Koekemoer 

(Waterkloofrand), Fanus Janeke (Vanderbijlpark- 

Trinitas), Jan-Harm Burger (Potchefstroom-Oos), 

Kathryn Louw (Waterkloofrand), Pieter Grobler (Laeveld), 

Vanessa van der Merwe (Boksburg), Wayne 

Ferreira (Vaalpark). 

7 

Aiden Gabanella (Boksburg), Carla Pelser (Secunda), 

Charlene Grove (Vaalpark), Lea ne 

Ter blanche (Boksburg), Liya Hiestermann (Rand- 

burg), Lize van der Schyff (Vanderbijlpark-Trinitas), 

Marjolette Grové (Vaalpark), Marlize le Roux (Potch- 

Die Bult), Michelle de Nysschen (Laeveld), Tiaan van 

der Westhuizen (Suidkus). 

4 slingervel augustus 2012 

8 

Dominique du Plessis (Brackenhof), Elrie van 

Heerden (Burgersdorp), Jacques Kruger (Nylstroom), 

Magdaleen Jooste (Heilbron), Petrus Claasen 

(Reitz), Thomas van Vuuren (Heilbron). 

9 

10 

Kathleen Payne (Duineveld), Ruan Erasmus 

(Berg bron), Ryan Grobler (Nylstroom). 

Noelene Fourie (Oudtshoorn), Shané Hattingh 

(Buffeldoorns), Sulize Kruger (Randburg), 

Va nessa van Rooyen (Potchefstroom-Oos). 

11 

Anneri van der Walt (Middelburg Kaap), Arno 

Farrel (Magol), Clauddine Booysen (Magol), 

Hendri van Vuuren (Kathu), Juhné van der Heever 

(Randburg), Martin Viljoen (Wolmaransstad), 

Rudi Hartzer (Randburg), Rudie van Aarde (Randburg), 

Tania Krüger (Benoni), Wynand Lubbe (Potchefstroom-Oos), 

Zandri van der Linde (Zeerust), 

Zel da Botes (Nylstroom). 

12 

Charles Moss (Krugersdorp), Dudley Thompson 

(Vanderbijlpark-Trinitas), Marissa Clements 

(Potchefstroom-Oos), Michael Hechter (Vaalpark), 

Mieke Venter (Randburg). 

13 

Corné Botha (Secunda), Gustav Prinsloo 

(Alberton-Wes), Jana Schutte (Potchefstroom- 

Oos), Keatlegile Mogwane (Randburg), Lambert van 

der Wath (Middelburg Mpumalanga), Ryno Erasmus 

(Bergbron), Van Zyl Erasmus (Kathu), Wessel Pieters 

(Vanderbijlpark-Trinitas).

14 

Drikus Buys (Naboomspruit), Jaco Olivier 

(Se cunda), Juan-dré de Vos (Kathu), Louwtjie 

J van Rensburg (Krugersdorp). 

15 

Allison Wilson (Kaapstad), Charle Kriel (Wolma 

ransstad), Corlia Nel (Waterkloofrand), 

Erica Marais (Kaapstad), Esmé Kruger (Randburg), 

Juan Human (Middelburg Mpumalanga), Zard Aucamp 

(Potchefstroom-Oos). 

16 

Daniel Buys (Naboomspruit), Dawie Coetzee 

(Bergbron), Elizna Reyneke (Kathu), 

Lian van Rooyen (Welkom-Noord), Roné Josling 

(Waterkloofrand), Stephanie van der Merwe (Vanderbijl 

park-Trinitas), Tehan Ehlers (Zeerust). 

17 

Ettienne van Heerden (Lydenburg), Ka giso 

Lefoka (Randburg), Kruger Price (Burgersdorp), 

Lené Schlebusch (Brackenhof), Lizka 

Bo sua (Barberton), Lullu de Bruyn (Vanderbijlpark- 

Tri nitas), Menique Steenekamp (Oudtshoorn). 

18 

Dihan Ferreira (Secunda), Duane Mynhardt 

(Bethal), Einar du Plessis (Nylstroom), Hannes 

du Plessis (Krugersdorp), Harm Marx (Burgersdorp), 

Herman van Heerden (Burgersdorp), 

Jan rich Schoeman (Kathu), Mariné Bosch (Kaapstad), 

Nico-Niel Raath (Barberton), Retha Janeke 

(Vanderbijlpark-Trinitas), Ryan Jansen (Elsiesrivier), 

Ryan Kemm (Buffeldoorns), Stefan Erwee (Messina). 

19 

Annelize Havenga (Brackenhof), Chris 

van der Walt (Stilbaai), Cimonéy Snyman 

(Sino ville), Jean-Pierre Labuschagne (Welkom- 

Noord), Reinhardt Jansen van Rensburg (Secunda), 

Rynhardt Blignaut (Brackenhof), Sakkie Coetzee 

(Brackenhof), Simon Smit (Vanderbijlpark-Trinitas), 

Sulette Viljoen (Zeerust). 

20 

21 

Daniel van den Berg (Randburg), Gary Marx 

(Burgersdorp). 

Benjamin Schraader (Randburg), Danelle 

Ver ster (Potch-Die Bult), Divan Hyman (Boksburg), 

Elné Jacobs (Middelburg Mpumalanga), Monray 

van der Walt (Vanderbijlpark-Trinitas), Pierre du 

Plessis (Bergbron), Rochelle Ehlers (Vander bijlpark- 

Trinitas), Suné van Rooyen (Vereeniging-Oos). 

22 

Hanru du Plessis (Magol), Hantie Kruger 

(Mid delburg Mpumalanga), Janine Vorster 

(Van de rbijlpark-Trinitas), Morné van Niekerk (Potch- 

Oos), Stefan van Emmenis (Magol), Umari Reitsma 

(Potchefstroom-Oos), Wynand Dreyer (Se cunda). 

23 

Chante Grobler (Randburg), Dionné Viviers 

(Ma gol), Johan Coetzee (Brackenhof), Keila 

Minnie (Boksburg-Suid). 

24 

Hanke Opperman (Hermanus), Philip Papa 

chrisoforou (Kuruman), Welme Booysen 

(Boks burg), Zandré van der Walt (Vanderbijlpark- 

Trinitas). 

25 

Jariska Ströh (Benoni), Jason Geere (Vanderbijlpark-Trinitas), 

Louise Gaertz (Randburg), 

Mariska Swanepoel (Wolmaransstad), Marne Janse 

van Vuure (Boksburg-Suid), Shaun Labuschagne 

(Klein mond), Xander van Wyk (Boksburg). 

26 

Alexander Venter (Randburg), Arina Rautenbach 

(Vaalpark), Christiaan du Plessis (Gobabis), 

Eben Pouwels (Krugersdorp), Imke Neethling 

(Secunda), Jaco de Bruyn (Vanderbijlpark-Trinitas), 

Lize-Marié Fick (Vereeniging-Oos), Masego Morake 

(Randburg), Megan Buys (Randburg). 

27 

Amy Kruger (Randburg), Celia Coetzee (jr.) 

(Wa terkloofrand), George Ferreira (Bellville- 

Oos), Hendrico van Rooyen (Potchefstroom-Oos), 

Nico Janse van Rensburg (Boksburg-Suid), Stefanie 

Heystek (Magol), Willem Ferreira (Bellville-Oos). 

28 

Anika van der Walt (Randburg), Anja van der 

Walt (Nylstroom), Annieka Billing (Benoni), 

Elzette Engelbrecht (Zeerust), Shane Prinsloo (Lyttelton), 

Tamlyn van den Berg (Benoni). 

29 

George Price (Burgersdorp), Marelize van 

Jaars veld (Brackenhof), Mathapelo Kobedi 

(Rand burg), Mia Erasmus (Magol), Neo Kobedi 

(Rand burg), Nicole Gertzen (Secunda), Pieter La buschagne 

(Vanderbijlpark-Trinitas), Theunis van Wyk 

(Middelburg Mpumalanga), Trudie Tromp (Veree niging-Oos). 

30 

Elma van der Schyff (Potchefstroom-Oos), 

Jay den Scholtemeyer (Benoni), Lourens 

Ven ter (Potchefstroom-Oos), Nadia Kruger (Kathu), 

Ve ronica Buchling (Secunda). 

31 

Andrio Visser (Randburg), Caleigh v H (Secunda), 

Gideon Fourie (Boksburg), Henro 

Verhoef (Vereeniging-Oos), Jo-Marie Coetsee 

(Bloemfontein-Suid), Leandra Beukes (Buffeldoorns), 

Nina Louw (Secunda), Pieter Cordier (Kuruman), Pieter 

Smith (Welkom-Noord), Roelof Buys (Naboomspruit). 

slingervel augustus 2012 5

Spreuke vir die tiener verklaar 

Dr. Nico van der Merwe 

Die boek Spreuke gaan oor 

Ons moet nou begin om te 

lees wat God in Spreuke 9 

vir die tiener sê. Ons gaan 

Spreuke 9 met julle jongklomp 

saam lees en die inhoud van 

Spreu ke in die lewe van elke 

Chris tentiener toepas. 

Spreuke moet egter op ’n beson 

dere en verantwoordelike wyse 

ge lees en oordink word. Met 

el ke gedeelte in die Bybel het die 

Here ’n sekere doel. Daar is nie 

gedeeltes in die Bybel wat sinloos 

of betekenisloos is nie. As jy die 

boodskap van die Bybel wil hoor, 

moet jy alles in werking stel om 

die doel van God in die gedeelte 

wat jy lees, raak te sien. 

Jy moet jou ook ten doel stel 

om die hele Bybel te lees en nie 

net ’n paar troetelhoofstukke nie. 

Die boodskap van God word nie 

net in ’n sekere klomp hoofstukke 

of boeke gevind nie, maar in al 

die hoofstukke van die Bybel. 

verskillende temas 

God het die Woord om drie redes gegee. 1. God vertel in die 

Bybel wie Hy as God is. Die Bybel is God se openbaring (openbaring 

beteken bekendstelling). 2. God het verder die Bybel aan die mens 

gegee om ons van sy wonderdade te vertel. Hy vertel ons wat Hy 

doen. 3. God het in die derde plek die Bybel vir ons gegee sodat ons 

kan weet wat God wil hê ons moet doen. Hierdie drie redes is baie 

belangrik om die Bybel te kan verstaan (daarom herhaal ons dit): 

God sê vir ons wie is Hy. 

God sê vir ons wat doen Hy. 

God sê vir ons wat wil Hy hê ons moet doen. 

As jy uit die boek Spreuke lees, moet jy in die eerste plek gaan 

soek na hierdie drie dinge in verband met God – dit moet eers 

vasgestel word. 

Spreuke is nie ’n boek met ’n klomp onsamehangende gesegdes 

en spreekwoorde nie. In Spreuke sit daar orde en indeling. Daar is 

vyf groot gedeeltes wat jy in gedagte moet hou by die verstaan van 

Spreuke. Die hoofi ndeling van Spreuke is: 

Spreuke 1:1 – 9:18: Dit gaan oor die voordele om wys en 

verstandig te lewe. 

Spreuke 10:1 – 22:16: ’n Klomp kernagtige spreekwoorde met 

waarheid vir die lewe. 

Spreuke 22:17 – 24:34: Die woorde van die wyse manne 

saamgevat. 

Spreuke 25:1 – 29:27: Los spreuke oor die politiek, natuur en 

landbou. 

Spreuke 30:1 – 31:31: Die mens is klein en God is groot. 

- In Spreuke 3 leer God die lesers wat die waarde en betekenis 

van sy wysheid is. 

- Spreuke 4 se tema is: Wat Salomo self as kind van sy vader 

Dawid geleer het. 

- In Spreuke 5 leer God die gelowige dat jy nie betyds kan 

voorsien wat met jou gaan gebeur nie. 

- In Spreuke 6 is vier vermanings van God uit die sondige lewe. 

- Spreuke 7 is God se fi nale waarskuwing teen ontug. 

- In Spreuke 8 gaan dit om wysheid en dwaasheid. 

- Spreuke 9 is die praktiese toepassing van wysheid en 

dwaasheid. SV 


Bybelleesrooster vir September Dr. Nico van der Merwe 

Loof en prys God op elke gebied 

van jou lewe 

Saterdag 1 September – Lees: Prediker 12:1-14 

Jy moet in alles God dien en sy gebooie gehoorsaam. 

Sondag 2 September – Lees: Miga 6:1-9 (vs. 8) 

Jy moet elke dag jou sonde in toom hou (vs. 23). 

Maandag 3 September – Lees: Kolossense 3:1-4 

Onthou God in die hemel in alles waaraan jy dink (vs. 2). 

Dinsdag 4 September – Lees: Kolossense 2:20-23 

’n Gelowige moet elke dag sy sonde vasvat en weggooi. 

Woensdag 5 September – Lees: Spreuke 6:6-11 

Miere se fl uksheid is vir jou ‘n goeie voorbeeld, sê God 

(vs. 6). 

Donderdag 6 September – Lees: 2 Tessalonisense 3:10 

Hoe oud of jonk jy ook al is, jy het elke dag pligte om te 

doen! 

Vrydag 7 September – Lees: 1 Tessalonisense 5:14 

Moenie ’n leeglêer wees nie, maar tree elke dag vlytig op. 

Saterdag 8 September – Lees: Handelinge 20:33-38 

God se doel met jou is onder andere om ander te help. 

Sondag 9 September – Lees: Handelinge 20:7-12 

God gee Eutiges se lewe terug om vir Hom te lewe. 

Maandag 10 September – Lees: Genesis 1:26-31 

Jou week moet ook ’n rusdag hê om jou krag nuut te 

maak. 

Dinsdag 11 September – Lees: Psalm 8 

Tussen werk en rus moet in jou lewe balans wees. 

Woensdag 12 September – Lees: Spreuke 8:22-31 

Jy het vreugde en geluk as deel van God se skepping. 

Donderdag 13 September – Lees: Psalm 46 

God is altyd daar vir jou, hoe dit ook al met jou gaan. 

Vrydag 14 September – Lees: Jesaja 58:11-14 

In alles wat jy nodig het, voorsien die Here (vs. 11). 

Saterdag 15 September – Lees: Jesaja 58:1-5 

Elke dag van die lewe het jy ’n opdrag om God te dien. 

Sondag 16 September – Lees: Jesaja 48:17-19 

God seën elkeen wat daagliks volgens sy gebooie lewe. 

Maandag 17 September – Lees: Jesaja 58:1-12 

Die Bybel gee geloofsinsig om God elke dag te dien. 

Dinsdag 18 September – Lees: Numeri 11:4-9 

Jou sondige drange en drifte laat jou ongehoorsaam wees. 

Woensdag 19 September – Lees: Deuteronomium 8:2-5 

In swaarkry leer jy eers werklik wat God vir jou beteken. 

Donderdag 20 September – Lees: Numeri 11:18-23, 31-35 

Jou dieet het alles met God te doen, Hy gee jou gesondheid. 

Vrydag 21 September – Lees: Spreuke 23:29-35 

Oordadigheid het baie slegte gevolge in jou lewe. 

Saterdag 22 September – Lees: Filippense 4:2-9 

Dit is hoe jy as Christen elke dag moet lewe. 

Sondag 23 September – Lees: Filippense 4:10-20 

Wat God vir jou gee, is meer as genoeg; besef dit! 

Maandag 24 September – Lees: Filippense 1:27-30 

Jy moet lewe soos God in die Bybel vir jou sê. 

Dinsdag 25 September – Lees: Spreuke 15:13-17 

In jou lewe moet jy goeie balans hê, leer God in vers 16. 

Woensdag 26 September – Lees: Matteus 6:25-27, 34 

Jy moet vir vandag en môre net op God vertrou. 

Donderdag 27 September – Lees: Lukas 12:22-31 

Keer dat aardse dinge jou nie verhoed om God voluit te 

dien nie. 

Vrydag 28 September – Lees: Galasiërs 5:16-24 

Jou lewensdoel is: Om die Here in alles te dien (vs. 24). 

Saterdag 29 September – Lees: Prediker 7:23-29 

Die kwaad in jou hart laat jou sonde doen. Stry daarteen! 

Sondag 30 September – Lees: Matteus 7:21-23 

Wat God in die Bybel vir jou sê, moet jy doen. 


dr. nico van der merwe 

85. Afskeid neem in God 

Lees in jou Bybel Handelinge 20:15-38 (vs. 32) 

Net soos ons gereeld van mense moet afskeid neem, is 

Paulus besig om afskeid te neem van die gemeentes 

in Klein-Asië. Hy weet dit is ’n afskeid vir goed, hy gaan 

hulle nie weer ’n keer sien nie. Maar die afskeid is nie ’n 

tra nerige gehuilery en snikke nie, want dit is ’n afskeid in 

God. Paulus vertrou die gelowiges toe aan God. Al sou hy, 

Paulus, verdwyn, sal God die koninkrykswerk in die gemeentes 

laat voortgaan. 

Ons lewe is vol momente van afskeid neem. Dikwels 

gaan dit gepaard met trane en emosionele gevoelens. ’n 

Ware gelowige neem op ’n ander wyse afskeid in God. Dan 

word die afskeid ’n oomblik van krag en sekerheid, want 

jy kan God vertrou wat al sy beloftes waar maak en in die 

toekoms dit steeds sal doen. Hy sal met jou en die mense 

wees van wie jy afskeid neem. 

87. Bekering en dankbaarheid 

Lees in jou Bybel Handelinge 16:19-40 (vs. 33) 

Bekering is om van die sonde weg te gaan en na God 

toe terug te keer. 

Egte bekering kan in ’n lewe van dankbaarheid gesien 

word. Lees mooi wat het met die tronkbewaarder van Filippi 

gebeur. Tot voor sy bekering was hy ’n hardvogtige en gevoel 

lose mens wat gevangenes in boeie geslaan en in houtblokke 

vasgeklem het. Sonder genade het hy opgetree. 

Maar toe hy tot geloof kom, word sy hardvogtigheid opregte 

ontferming – hy was Paulus en Silas se wonde. Sy selfsug 

word hartlike liefde – hy sit aan hulle ’n ete voor. Sy 

on geërgdheid word opregte belangstelling – hy wil meer 

oor die Woord hoor. 

Dit is die optrede van dankbaarheid vir bekering! Dit 

moe dig jou aan om jou in diens van die Here te verdiep en 

belangstelling te toon vir die Woord van God en sy eer. 

89. ’n Bybel in elke huis 

Lees in jou Bybel Matteus 19:1-12 (vs. 4-6) 

As kind is jy deel van ’n huisgesin. In jou huisgesin word 

na jou gekyk en voel jy veilig. Satan weet dat as hy 

die gesonde gesinslewe opbreek, kry hy ’n houvas op God 

se kinders. Daarom probeer hy huisgesinne wat Christelik 

leef, te vernietig. Satan se eerste plan is om mense te laat 

ophou Bybellees. Sodra mense nie meer in die Bybel lees 

nie, word hulle verhouding met die Here al hoe swakker. 

Toe die Fariseërs by Jesus kom en probeer om Hom met 

al lerhande strikvrae te verwar, sê Hy vir hulle: “Het julle nie 

gelees ...” (vs. 4). 

Daarmee sê Christus dat jou lewe as kind van God begin 

by Bybellees, erediensbywoning en katkisasie waar 

die inhoud van die Bybel verklaar en toegepas word. Julle 

moet as huisgesin gereeld Bybel lees, dan sal die Heilige 

Gees julle help om gehoorsaam te lewe. 

86. Afskeiding 

Lees in jou Bybel Handelinge 18:1-23 (vs. 6a) 

Daar is verskil tussen afskeid en afskeiding. Afskeid is 

’n groet om weg te gaan, om later weer bymekaar te 

kom. Afskeiding is die weggaan van mekaar sonder om 

weer by mekaar te kom. Toe die Jode hulle verset teen die 

prediking van Paulus, het hy nie van hulle afskeid geneem 

nie, hy het hom van hulle afgeskei. Hy het hulle permanent 

verlaat. 

Hoekom is jong gelowige kinders so huiwerig om hulle 

te onttrek van plekke en mense waar die Naam van God 

gevloek word en die koninkryk van God skade aan gedoen 

word? Jesus verwag van jou om soms die stof van jou 

voete af te skud en af te skei (Matt. 10:14). Ter wille van 

God se eer is dit nodig! Jy kan nie op ’n plek of in ’n kring 

van mense bly waar daar gruwelik gesondig word nie. Daar 

waar die sonde mense beheers, moet jy padgee! 

88. Bekering en gehoorsaamheid 


Dit is so dat bekering nie mensewerk is nie. Dit is God 

wat die verandering in jou hart en jou lewe bring. Maar 

jy as gelowige kind word nie eenkant geskuif nie. Kyk wat 

doen God. Gód beskik dit dat Lidia, op die moment toe 

Paulus in Filippi preek, teenwoordig is. Gód maak haar hart 

vir die Bybel oop en die Bybel vir haar hart. Van Lidia word 

verwag dat sy gehoorsaam sal wees aan God. God gee die 

bekering en verlossing vir Lidia deur haar gehoorsaamheid. 

So is dit vandag ook. ’n Mens kan hom nie vanself van die 

sonde verlos nie. Jesus Christus moet dit doen en Hy het 

dit ook gedoen. 

As jy voel dat jy ver weg van die Here af is, moet jy 

ge trou jou Bybel lees, gereeld na die eredienste en die katkisasie 

gaan en ook elke dag bid. Vra die Here om jou hart 

te verander sodat jy jou tot Hom kan bekeer. 

90. Die dag deur God bepaal 


God het nie alles wat in die toekoms gaan gebeur, bekend 

gemaak nie. Eén waarheid is bekend, die geskie 

denis sal uitloop op een dag waarop God se oordeel 

sal kom. Mense lewe asof die tyd op aarde net sal aanhou 

en aanhou … so asof daar nie ’n einde sal kom aan die 

aard se lewe nie. God het egter die dag van sy oordeel 

reeds vasgestel. God het reeds die dag bepaal waarop die 

wêreldgeskiedenis tot ’n einde sal kom. Dit sal ook die dag 

wees waarop al die mense wat in God glo, in Jesus Christus 

die ewige lewe kry. 

Vir die ongelowiges is die koms van die Here se oordeels 

dag verskriklik. Maar vir die gelowige sal dit ’n hoogtepunt 

wees, omdat hulle in Christus die ewige lewe kry. As 

kind van God hoef jy ook nie bang te wees vir God se straf 

nie, want Jesus het jou straf vir jou gedra. 


91. Wat moet ek doen? Glo! 

Lees in jou Bybel Johannes 6:22-29 (vs. 29) 

As ’n kind van God vra jy ook seker die vraag wat jy 

moet doen as dit by jou godsdiens kom. Dit was ook 

die dringende vraag van die skare mense rondom Jesus 

waarvan Johannes 6 skrywe. Jesus het hulle verwyt. Hulle 

volg Hom net uit nuuskierigheid oor die wonders wat Hy 

doen. Hulle stel nie werklik in Hom belang nie, maar wil net 

die wonders sien gebeur. 

Ons moet ook die vraag vra: “Wat moet ons doen om 

te doen wat God van ons vra?” Die antwoord is: Glo! Dit is 

wat jy moet doen. Glo in Jesus Christus. Ons is altyd bang 

dat ons nie genoeg vir die Here doen nie. Christus sê jy 

hoef niks meer te doen as net om te glo nie. As jy in Jesus 

Christus glo, sal jy lewe soos iemand wat aan die Here 

behoort. Jy hoef nie iets te doen om verlos te word nie. Jy 

moet net aan God dankie sê vir die verlossing in Christus. 

93. Met God se hulp 

Lees in jou Bybel 2 Samuel 22:18-34 (vs. 30) 

Wanneer ’n kind van God in Hom glo, is God met jou 

en jy met God! God wat almagtig is, is dan in jou 

lewe teenwoordig en by Hom is niks onmoontlik nie. God 

is sterker as die hel en die dood. Elkeen wat opreg in God 

glo, ontvang van Hom die nodige krag om ook sterker te 

wees as Satan en die sonde. As jy in God glo, sal jy sterk 

kan staan as daar swaar tye in jou lewe kom. 

Om met God te wees en te weet God is met jou, beteken 

om die sekerheid te hê dat God jou sal vashou as daar ’n 

krisis in jou lewe kom. Jy moet elke dag onthou dat God 

jou hemelse Vader is en dat Hy baie lief is vir jou. Daarom 

sal Hy, as iets sleg en pynlik oor jou kom, jou vashou soos 

’n pa en ma hulle kinders vashou in tye van swaarkry. Jy 

moet in jou gebede vir die Here vra om by jou te staan en 

jou te beskerm en sterk te maak. 

95. Dood in die familie 

Lees in jou Bybel Genesis 35:9-20 (vs. 18) 

Genesis 35 vertel van die tragiese dood van Ragel 

in die omgewing van Betlehem by die geboorte van 

haar tweede seun. Terwyl sy sterwe, noem sy die seuntjie 

Benoni. Benoni beteken kind van my smart. In die naam 

van haar kind druk Ragel haar smart uit. Dit is asof Benoni 

vir haar die eindpunt is van alles. Jakob noem die seuntjie 

egter Benjamin. Benjamin beteken kind van my regterhand, 

my gelukskind, seun van my hoop. Jakob se hoop was nie 

tevergeefs nie. 

Naby die sterfplek van Ragel is eeue daarna Jesus gebore. 

Hy het al die smart, hartseer en swaarkry van die gelowiges 

om Hom geneem. Hy wéét wat dit is om te ly. Maar 

deur sy soendood aan die kruis het Hy vir jou die ewige 

lewe verwerf. In Jesus is jy Benjamin, gelukskind! en nie 

Ben-oni, ongelukskind nie. 

92. Die voortreflikheid van God se Gees 

Lees in jou Bybel 2 Samuel 1:11-27 (vs. 24a) 

Saul het Dawid se lewe vir hom baie sleg gemaak. Jare 

lank het Saul vir Dawid soos ’n dier gejag om hom dood 

te maak. Toe Saul sterf en Dawid weer kan asemhaal, vier 

hy nie fees van blydskap nie. Dawid rou oor die dood van 

Saul! Dawid tree nie op soos ’n mens wat baie bly is dat die 

gevaar oor is nie. 

Hy tree op soos iemand wat in God glo en in wie die 

Hei lige Gees bly. Daarom soek hy nie wraak op Saul nie en 

is hy nie bly oor Saul se dood nie. 

As jy nie ’n wedergebore kind van God is nie, is dit nie 

moontlik om soos Dawid te maak nie. ’n Wedergebore kind 

is nie bly oor die dood van ’n vyand of ’n teenstander nie. 

Dan huil jy oor die verlorenheid van iemand wat nie in die 

liefde van God geleef het nie. Dit het die Here Jesus Christus 

ons aan die kruis geleer. 

94. God se plan met ons 

Lees in jou Bybel Jeremia 31:1-14 (vs. 10) 

God kan alles doen, omdat Hy alles weet en ook oral 

teenwoordig is. Wat ook al gebeur, gebeur omdat God 

so besluit het. God het met alles ’n doel. Daar sit plan in 

alles wat God laat gebeur. 

Deur die mond van die profeet Jeremia maak die Here 

bekend dat Hy ’n plan het met sy volk Israel. “Hy wat Israel 

verstrooi het, sal hom bymekaar maak” (Jer. 31:10). God se 

volk is nie in hulle eie land nie, maar is ballinge in Babilonië. 

Tog hoor hulle van hulle verlossing (Ps. 47:2; 68:33). Daar 

sit ’n plan in God se optrede. 

Elkeen wat die Bybel lees met oop oë, soekende hart 

en luisterende aandag, vind daarin God se plan vir sy eie 

lewe. Al voel jou lewensloop dikwels doelloos en leeg, God 

bepaal die mikpunt. Al lyk alles planloos en bleek, God het 

’n plan met alles. 

96. Drumpelspringers 

Lees in jou Bybel 1 Samuel 5:1-12 (vs. 5) 

G od se oordeel tref die afgodsbeeld van Dagon. God 

laat die afgod omval sodat hy plat op die grond lê, 

sonder kop en hande, want hulle het afgebreek met die val 

(1 Sam. 5:4). ’n God sonder kop en hande is magteloos. 

Van toe af was die drumpel van die Dagontempel God 

se preekstoel en die afgebreekte hande sy teks. Elke 

keer as die Dagonpriesters uit bygeloof oor die drumpel 

spring, herinner dit hulle daaraan dat hulle Dagondiens 

niks beteken nie. In plaas daarvan dat hulle deur God se 

preek tot insig kom, spring hulle telkens oor die drumpel 

van die Dagontempel. Hulle maak van hulle sonde ’n nuwe 

erediens. 

Wees versigtig in jou reaksie op God se prediking. God 

laat deur sy Woord jou afgode stukkend val. Moet hulle nie 

bly koester nie, kniel op die drumpel van Gods Woord. 


Tannie Rika du Plessis 

Stompstert 

Stompstert is ’n baie ou eekhoring wat 

in die hol boomstam reg onderkant die 

posbus in die tuin woon. Toe hy jonk 

was, het ’n hond sy stert afgebyt en nou sit 

daar net ’n klossie wol waar die stert moes 

wees. Hy word gesien as die oupa-eekhoring 

in die tuin, maar hy hou nie van kinders nie, 

want kinders spot hom oor sy stomp stert. Hy 

kan mos nie help dat hy ’n stomp stert het nie, 

so vir wat moet hulle hom so spot daaroor? 

Oupa Eekhoring staan steunend op toe daar aan sy huis se deur geklop 

word. Hy wonder wie dit kan wees, want niemand kom eintlik vir hom 

kuier nie. As dit weer kinders is wat hom gaan spot, gaan hy hulle sowaar 

natgooi, besluit hy en tel ’n waterkan op toe hy die deur gaan oopmaak. 

Verbaas kyk hy na die twee muise met hulle twee kinders wat voor hom 

staan. 

“Dag, oupa Eekhoring. Ons is jammer om te kom pla, maar ons het groot 

probleme. Oupa weet mos ons het in daai droë miershoop daar agter die 

rotstuin gewoon. Wel, die tuinman het die miershoop nou platgeslaan en 

nou het ons nie ’n woonplek nie,” vertel Pa Muis. 

“Nou hoekom kom vertel jy dit vir my, Muis?” vra Stompstert en sit die 

waterkan neer. 

“Ons het gewonder of ons twee kindertjies ’n rukkie by Oupa kan woon 

solank ons vir ons ’n nuwe huis soek. Hulle is nog klein en kan nie so 

baie en so ver en vinnig loop soos ons nie,” las Ma Muis ook nou by. 

“Julle weet ek hou niks van kinders nie. Kinders is naar met my en spot 

my gedurig. Hoekom sal ek nou toelaat dat hulle by my woon?” vra 

Stompstert nors. 

“Ogie en Voetjie het jou nog nooit gespot of geterg nie, Oupa, en hulle 

sal ook nie, want net soos jy, is hulle lyfi es ook nie meer heel nie. Ogie 

is met net een ogie gebore, en Voetjie se een voetjie is net ’n ronde 

bolletjie vleis,” vertel Pa Muis en beduie na die twee klein muisies wat 

nou styf teen hulle ma staan. 

Stompstert kyk na die twee kinders. Skielik is hy jammer vir hulle, maar 

dit laat hom nog steeds nie van kinders hou nie. “Nou dan kan hulle maar 

inkom, maar ek voel nie lekker nie, en ek gaan nou lê, so hulle moenie 

kom kwaad doen nie,” brom Oupa, draai om en stap in. 

“Toe, julle moet ingaan en baie soet wees. Moenie vir Oupa pla nie en 

moenie kwaad doen nie,” sê Ma Muis, druk die kleingoed by die deur in 

en maak weer die deur toe. 

“Ogie, ek sien Oupa het al gaan lê. Hy voel seker regtig nie lekker nie,” 

sê Voetjie toe hulle op ’n bankie gaan sit. 

“Hoor die snaakse geluide wat hy maak. Kom ons gaan kyk,” sê Voetjie 

en hulle stap nader na waar Oupa op sy bed lê. 

“Kyk, Voetjie, hy slaap, maar hy bewe. Ek dink hy kry koud omdat hy siek 

is. Kom ons gooi hom met die kombers toe,” sê Ogie. 

“Ja, en dan gaan lê ons styf teenaan hom om hom te help warm maak,” 

sê Voetjie. Hulle maak so en na ’n rukkie hou Oupa op om geluide te 

maak en om te bewe, en die tweetjies raak langs hom aan die slaap. 

Eindelik word die twee muisies 

weer wakker, en sien hulle lê alleen 

onder die kombers. Hulle 

ruik kos en spring altwee op. Daar 

staan Oupa en hy het stukkies 

kaas en brood en grondbone op 

die tafel. Hy sit en eet te lekker. Hy 

sien hulle. 

“Wil julle kom saam eet?” vra Oupa 

nou vriendeliker. 

“O ja, Oupa, ons is baie honger,” 

sê albei gelyk. “Maar Oupa hou 

nie van kinders nie, so hoekom 

gee Oupa nou vir ons kos?” 

“Julle het my warm gemaak toe ek 

koud gekry en siek gevoel het. Ek 

kan sien julle is goeie kinders. Julle 

mag maar saam met my eet.” 

Die twee muisies hardloop nader 

en sommer gou sit en smul elkeen 

aan iets van alles op die tafel totdat 

hulle pensies propvol is. Net toe 

klop iemand weer aan die deur, en 

Oupa maak oop. 

“Baie dankie dat Ogie en Voetjie 

by jou kon gebly het, Oupa. Ons 

het nou ’n nuwe woonplek gekry 

in die hoek van die tuinhuisie waar 

al die tuingereedskap gehou word. 

In die hoek staan ’n kas met laaie 

waarin die tuinskêre, sade en allerhande 

goed gehou word, en onder 

die kas lê ’n opgefrommelde sak. 

Dis lekker warm daar en die kas 

word nooit geskuif nie. Ons het net 

ons kindertjies kom haal, en kom 

dankie sê,” sê Pa Muis. 

“Kom eet eers saam met ons. Ek 

en die kinders het klaar geëet en 

daar is nog genoeg vir julle ook 

oor,” nooi Stompstert nou vriendelik. 

So het dit gekom dat Stompstert 

en die vier muise goeie vriende 

ge word het, en vir lank saamsaam 

kos gesoek en sommer net 

rondgestap het. Oupa het ook 

dikwels na die twee klein muisies 

gekyk wanneer hulle ouers iets 

anders gehad het om te doen. 

Ogie en Voetjie het vir Oupa gesê 

hulle dink sy klossie-stertjie is vir 

hulle tog alte mooi en dit het Oupa 

sommer nog meer van hulle laat 

hou. SV 


TERSIA 

Pos julle antwoorde aan: Slingervel Blokkiesraaisel, 

Posbus 6433, Flamwood 2572 

DWARS 

1. Debora het Barak uit hierdie plek laat roep (Rigt. 4:6). 

3. Sem se vierde seun (Gen. 10:22). 

5. Geen mens kan dit tem nie (meerv.) (Jak 3:8). 

7. Die naam van 'n groot man onder die Enakiete (Jos. 14:15). 

8. Die paradys word ook die Tuin van .......... genoem (Gen. 2:8). 

10. Die mense van hierdie plek wou die ark van God nie by hulle hê nie (1 Sam. 

5:7). 

12. Julle .......... en verskeur mekaar (Gal. 5:15). 

13. Hy was die agent vir saalkleedjies (Eseg. 27:20). 

AF 

1. Die Arameërs sal hierheen weggevoer word (Amos 1:5). 

2. Doen dit tot eer van die Here (Jer. 20:13). 

4. Us en Aran se pa (Gen. 36:28). 

5. Naam van die tweede laaste Leviet (sonder die “j”) (2 Kron. 17:8). 

6. Een van die twee profete in die laer van die Israeliete (Num. 11:27). 

7. Peka het hierdie man doodgemaak (2 Kon. 15:25). 

9. Asarja se pa (2 Kron. 15:1). 

11. Een van die twee stede van Hadad-Eser (1 Kron. 18:8). 

REDAKTEUR 

Dr Nico vd Merwe 

e-pos: slingervel@telkomsa.net 

Tipografi e en uitleg 

Joey Fourie 

e-pos: kerkblad@gksa.co.za 

MEDEWERKERS 


Oordenkings vir tieners en laerskoolkinders 

Marina Kotze 

Junior Rubrieke en Penmaats 

Riana Jonker 

Verjaardaghoekie 

Susan Lourens 

Boekeblad 

Tersia van der Merwe en Rina Myburgh 

Blokkiesraaisels en Kopkrappers 

Attie Venter 

Wetenskap-Artikels 

Rika du Plessis en Sophia van der Walt 

Stories 

Artikelskrywers dié uitgawe 


Basjan 

Tellie Skoop 

Eienaars en uitgewers 

Deputate vir Kerklike Tydskrifte 

Gereformeerde Kerke in Suid-Afrika 

Posbus 20008, Noordbrug 2522 

Drukkers 

V & R Drukkery 

Tel. 012 333 2462 

Intekening 

Administratiewe Buro 

Afdeling Publikasies 

Posbus 20008, Noordbrug 2522 

Tel: 018 297 3986 

Intekengeld 

R177,00 per jaar 

(posgeld en BTW ingesluit) 

Advertensietarief 

Op aanvraag beskikbaar 

by Wymie du Plessis, tel. 018 297 3986 

Die Redakteur 

Posbus 6433, Flamwood 2572 

Bydraes en briewe 

Posbus 6433, 

Flamwood 2572 

Jaargang 54 

Nommer 936, Augustus 2012 

ISSN 0037 685 X 


Tannie Rika du Plessis 

Kalbas en Snoet 

se avonture (5) 

Kalbas en Snoet het besluit 

dat dit tyd geword het vir 

hulle om ’n plek te kry waar 

hulle vir altyd kan woon. Hulle is 

moeg daarvan om elke aand op 

’n ander plek te gaan slaap. Hulle 

voel nie snags veilig nie, omdat 

hulle nie die plek waar hulle slaap, 

ken nie. 

“Snoet, hier waar ons nou loop, 

is baie vrugtebome. Ek dink ons is 

iewers op ’n boer se plaas.” 

“Ja, Kalbas. Kyk, daar is appelbome, 

peerbome, lemoen bome 

en piesangbome. O, hoe lus kry 

ek nou vir ’n piesang.” Snoet lek 

sy lippe af so lus is hy nou vir ’n 

pie sang. 

“Dink net, ons sal altyd elke 

dag kos hê as ons hier naby vir 

ons ’n woonplek kan kry.” Kalbas 

is nou skoon opgewonde. 

“En wat gaan gebeur as die 

boer ons vang wanneer ons vir 

ons gaan vrugte pluk?” vra Snoet 

nou tog effens huiwerig. 

“Ons moet net nie die boer se 

vrugtebome verniel en die vrugte 

mors nie. Ons moet net elke dag 

vir genoeg pluk om vir daardie 

dag te eet. Ons pluk nie elke dag 

op dieselfde plek nie.” 

“Jy laat dit alles baie mooi 

klink, Kalbas, maar eintlik is dit 

steel. Ons steel die boer se vrugte.” 

Snoet klink nou nie meer so 

seker of hy van die vrugte wil 

gaan pluk nie. 

“Ja, jy is reg. Kom ons stap net 

nader om te gaan kyk hoe dit 

op die plaas lyk. Ons moet net 

versigtig wees dat niemand ons 

sien nie,” sê Kalbas. 

Hulle stap tussen die klomp 

vrug tebome deur en skielik hoor 

hulle die geluide van ’n paar 

beeste. Hulle stap nader aan 

die geluide. Op die rand van die 

vrugteboord steek hulle vas en 

klouter in die naaste appelbome. 

Daar voor hulle in ’n draadkamp 

staan twee koeie, en teen die 

draad staan ’n man en vrou en 

gesels. 

“Karel, die vrugte met die 

slegte plekkies aan wat ons pluk 

en vir die koeie gee, is te veel vir 

hulle. Hulle kry dit nie meer elke 

dag opgevreet nie. Nou begin die 

goggas in die vrot stukke op die 

grond hulle eiers lê, en een van 

die dae gaan dit baie hier stink,” 

hoor hulle die vrou sê. 

“Jy is reg, Martie. Ons sal minder 

vrugte vir hulle moet gee. 

Miskien kan ons die ander vrugte 

wat nie goed genoeg is om te 

verkoop nie, vir die diere in die 

veld, ver van die huis af, gooi.” 

“Dit is nou ’n slim plan. Dan 

sal die bobbejane en ape nie ons 

vrugtebome so verniel wanneer 

hulle self kom pluk nie. Ons gaan 

gooi dit op daai plat rots naby die 

berg.” 

“Ek gaan sommer nou vir Janhulle 

sê om elke tweede dag deur 

die boorde te stap en die vrugte 

met slegte plekke aan te pluk en 

daar te gaan gooi.” 

“Het jy gehoor, Kalbas? Ons 

hoef nie te steel nie. Hulle gaan 

dit vir ons gee. Nou moet ons net 

vir ons ’n woonplek gaan soek 

iewers naby die berg waar hulle 

die vrugte gaan gooi.” Snoet klink 

nou sommer weer opgewonde. 

Die twee hardloop vinnig terug 

deur die bome na die bosse toe. 

Hulle kry die plat rots waarvan die 

boer gepraat het en soek al in die 

rondte na ’n goeie skuilplek waar 

hulle kan woon. 

“Daar lê ’n ou stuk kar wat iemand 

weggegooi het. Dalk kan 

ons in hom woon,” sê Kalbas. 

Hulle stap nader, maar toe 

hulle by die ou stuk kar kom, 

praat ’n diep stem vanuit die kar 

met hulle. 

“Skoert, julle kan nie hier kom 

bly nie. Dit is my huis. As julle hier 

inklim, vreet ek julle op.” 

Snoet-hulle staan terug en 

hulle ogies rek toe hulle die groot 

luislang sien wat by die stukkende 

venster uitkyk. Die slang blaas 

kwaai en die twee bobbejaantjies 

hardloop so vinnig hulle kan 

weg. 

“Daar is ’n groot opening in die 

berg. Dit is seker ’n grot. Kom ons 

gaan kyk of ons daar kan woon,” 

sê Snoet. 

Hulle het net ’n klein entjie in 


die grot ingeloop, toe kom daar twee yslike groot 

tiere uit die dieper deel van die grot. 

“Wat soek julle hier? Dis ons woonplek en niemand 

anders mag hier woon nie,” sê die een tier kwaai. 

“Ons is maar net twee klein bobbejaantjies wat 

blyplek soek. Ons het nie meer ouers nie, en is baie 

alleen,” vertel Kalbas. Hy hoop die twee groot tiere 

sal toelaat dat hulle ook daar woon. Die grot is tog 

baie groot. 

“Is julle nie bang ons vreet julle op nie?” vra die 

ander tier nou sagter. 

“Gaan julle ons opvreet?” vra Snoet nou effens 

benoud. 

“Nee, ons twee is nie juis lief vir bobbejaanvleis 

nie, maar ons laat niemand toe om by ons te woon 

nie. Hierdie is net ons twee se huis. Stap uit en loop 

na regs. So ’n ent aan sal julle ’n groot bos sien wat 

teen ’n krans afhang. As julle agter die bos inkruip, 

sal julle sien dit is ’n klein grotjie. Dit sal net groot 

genoeg vir julle twee wees. Gaan woon daar,” sê die 

een tier met die sagter stem weer. 

“Baie dankie dat julle vir ons daarvan vertel het. Ons 

loop nou,” sê Kalbas vinnig en die twee hardloop uit. 

Netnou kry die tiere dalk tog lus vir bobbejaanvleis, 

veral vir sulke jong bobbejaantjies soos hulle. 

Hulle kry sommer gou die klein grotjie. 

“Haai, Snoet, dit is so lekker weggesteek dat 

iemand ons nie van buite af kansien nie. Ons sal 

lekker hier kan woon. Ons kan nie natreën hier nie en 

in die winter sal dit ook nie so koud wees nie, want 

die bos keer die koue.” 

“Uiteindelik het ons woonplek gekry en ons gaan 

boonop elke dag weet waar om vir ons kos te gaan 

haal ook.” Snoet gaan lê teen die een muur van die 

grot en sug lekker. 

“Nee, ons kan nie nou rus nie. Kom ons gaan pluk 

vir ons van die sagte toppe van die bossies hier buite 

en maak vir ons ’n sagte slaapplek hierbinne. Dan 

moet ons ook nog gaan soek waar gaan ons elke dag 

water kry,” sê Kalbas. 

“Ek het netnou daar by die plat rots gesien daar 

loop ’n stroom water uit die rotskrake uit in die rigting 

van daardie rivier doer ver onder. Ons kan daar water 

drink,” sê Snoet terwyl hulle vir hulle sagte bossies 

pluk. 

Daardie nag slaap Snoet en Kalbas heerlik en rustig 

in hulle eie woonplekkie. Elke dag het hulle gaan 

vrugte haal op die plat rots, water gedrink en tussen 

die bosse rond gespeel. Hulle het maats gemaak 

met ’n paar meerkatte, jakkalse, eekhorinkies en selfs 

skilpaaie. Hulle het daar gewoon totdat hulle groot 

was en elkeen vir hulle ’n wyfi ebobbejaan gaan soek 

het. Hulle het die grond teen die kante van die grot 

net effens weggegrawe sodat daar vir al vier van hulle 

plek was en het lekker saam gewoon. SV 


Tellie Skoop 

Die plek wat diere in die ruimteprogram 

van die mens ingeneem het 

Met die moderne ruimteskepe van die 

Amerikaners en Russe hoor ons kort-kort 

van mense wat in ’n wentelbaan om die 

aarde geplaas word, waar hulle ’n aantal dae in die 

ruimtelaboratorium wat om die aarde sirkel, gaan 

werk. In tydskrifte en koerante en oor die TV word 

gewys hoe die mense in hulle ruimtepakke aan 

byvoorbeeld die ruimteteleskoop werk. Andersins 

hoor ons ook van ruimtetuie wat gestuur word 

om ondersoeke te doen van die planete van ons 

sterrestelsel, onder andere Mars, Saturnus en 

Venus. Dit het egter ’n lang tyd van navorsing 

geneem om tot op hierdie punt van ruimteontdekking 

te kom. 

Wat belangrik is om te weet, is dat die heel eerste 

ruimtereisigers diere was. Van hierdie diere wil ek 

julle hierdie keer iets vertel. 

1950 tot 1960 

Dis al 61 jaar sedert ’n apie, Yorick, en 11 muise, 

op 20 September 1951 72 km in ’n vuurpyl in die 

lug op gelanseer is. ’n Paar maande later, op 22 

Mei 1952, is twee muise, Mildred en Albert, saam 

met twee apies, Patricia en Mike, in die ruimte 

opgeskiet. Hierdie diere is veilig teruggebring 

aarde toe en die mens kon vasstel hoe ’n lewende 

organisme in die ruimte reageer. 

Rusland het op 4 Oktober 1957 ’n satelliet, 

Sputnik, in ’n wentelbaan om die aarde geplaas en ’n 

maand later, op 3 November 1957, is Sput nik II ook 

in ’n wentelbaan 1 671 km bokant die aarde geplaas, 

met die eerste ruimtereisiger binne, naam lik Laika, ’n 

husky-hond. Laika kon ongelukkig nie teruggebring 

word aarde toe nie en is in die ruimtekapsule dood. 

Op 13 Desember 1958 het die Amerikaners 

’n apie, Gordo, in ’n wentelbaan om die aarde 

gelanseer. Die apie het die lansering en die reis 

baie goed deurstaan, maar is dood toe die terugtog 

na die aarde misluk het. 

Omtrent ses maande daarna stuur die Amerikaners 

twee apies, Able en Baker, met ’n Jupitervuurpyl 

480 km hoog in die lug in. Able en Baker het 

allerlei instrumente aan hulle lyfi es gehad en kon 

die wetenskaplikes veel meer leer oor hulle reaksie 

tydens die ruimtereis. Hulle is veilig teruggebring 

aarde toe. 

In afsonderlike ritte in Desember 1959 en 

Januarie 1960 is die apies, Sam en Miss Sam, in 

die ruimte gelanseer vir proefneminge en weer 

veilig teruggebring. 

Op 28 Julie 1960 poog Rusland om twee honde, 

Bars en Lisichka, met ’n Vostok-ruimtevuurpyl 

te lanseer, maar die ruimtetuig het tydens die 

lansering ont plof. 

Op 19 Augustus 1960 lanseer Rusland twee 

hon de, Belka en Strelka, saam met 40 muise, twee 

rotte en 15 houers met vrugtevlieë in Sputnik 5 in ’n 

wentelbaan en hulle word veilig teruggebring aarde toe. 


1960 en daarna 

Amerika het vier sjimpansees 

voorberei vir ruimtereise. Hulle 

is geleer om sekere hefbome te 

trek en skakelaars aan en af te 

skakel. Die sjimpansee, Sam, is 

gelanseer en ten spyte van baie 

probleme tydens die rit, is hy 

veilig teruggebring aarde toe. Die 

sukses met Sam se vlug het die 

Amerikaners daartoe gebring om 

die eerste mens met ’n vuurpyl 

die ruimte in te skiet. Dit was op 

5 Mei 1961 toe Alan Shepard 

’n ruimtereis onderneem het 

en weer veilig na die aarde 

teruggebring is. 

In Rusland is die hond, 

Cher nuska, op 9 Maart 1961 in 

Sputnik 9 gelanseer en op 25 

Maart 1961 was dit die hond, 

Zvesdocha, se beurt. Hulle het 

die pad voorberei vir die eerste 

mens wat in ’n wentelbaan om 

die aarde geplaas is. Dit was 

die Rus Yuri Gagarin. Hy is op 

12 April 1961 in Vostok I in ’n 

wentelbaan geplaas en het na 

108 minute veilig geland. 

Amerika plaas op 29 

November 1961 die sjimpansee 

Enos in ’n wentelbaan om die 

aarde. Enos het al sy opdragte 

suk ses vol uitgevoer en is na 

twee omwentelinge om die aarde 

Het jy geweet ... 

veilig teruggebring. Dié sukses 

het Amerika die moed gegee 

om John Glenn op 20 Februarie 

1962 in ’n wentelbaan om die 

aarde te plaas. 

Van toe af is gereeld mense 

in ruimtetuie gelanseer en is 

daar nie meer van diere gebruik 

gemaak nie. Ons moet egter in 

dankbaarheid dink aan al die 

diere wat die ruimteweg vir die 

mens voorberei het. Hulle het 

bewys dat ruimtereise vir die 

mens moontlik is en het so ’n 

onmisbare plek ingeneem in die 

ruimtevaartgeskiedenis. SV 

Vanjaar gaan daar ’n groot klomp sportspanne van Suid-Afrika in ander 

dele van die wêreld deelneem. Daar is ons Olimpiese span wat aan die Olimpiese Spele in 

Londen gaan deelneem. Verder toer die rugbyspan na Engeland vir ’n paar toetswedstryde. Die 

sokkerspan gaan iewers in Afrika deelneem en ons gholfspelers neem in Amerika deel. 

Dit is deur jare die gebruik om vir mense byname te gee. As een bietjie oorgewig is, word hy Spekkies 

genoem en as hy baie kort is, noem die kinders hom Shorty. ’n Meisie wat baie praat, word gou-gou 

Kaaitjie Kekkelbek genoem, en as ’n meisie rooi hare het, noem almal haar Vlam. 

Het jy geweet ... dat van ons nasionale sportspanne ook byname het??? 

Die nasionale rugbyspan word Springbokke genoem. 

Die nasionale Wêreldbekerspan staan bekend as AmaBokoboko. 

Die nasionale mans-sokkerspan word Bafana Bafana genoem. 

Die nasionale vroue-sokkerspan staan bekend as die Banyana Banyana. 

Die nasionale onder 23-sokkerspan is AmaGlug-Glug. 

Die nasionale onder 20-sokkerspan is genaamd die Amajitas. 

Die nasionale onder 19-vrouesokkerspan het die naam Basetsane gekry. 

Die nasionale onder 17-sokkerspan staan bekend as die Tornado’s. 

Die nasionale krieketspan en die nasionale netbalspan word die Proteas genoem. 

Die nasionale paralimpiese span staan bekend as die AmaKrokokroko. 

Die nasionale vroue-hokkiespan se bynaam is die Easi Ntombi’s. 

Maats, die provinsiale rugbyspanne het ook byname: Vrystaat/Cheetahs, Transvaal/Leeus, Natal/ 

Sharks, ensovoorts. Laat weet asseblief of daar sportspanne in julle skool is wat ook byname het. Kom 

ons kyk wie se skool het die snaakste byname vir hulle sportspanne!! 


Baie dankie, Jo-Deé 

en die katkisasieklas 

van Elsiesrivier! 

- Oom Nico 


ONS EIE SLINGERVEL-DIGTERSHOEKIE 

Die SLINGERVEL-DIGTERSHOEKIE is 'n rubriek waarin ons aan julle die geleentheid bied 

om van julle eie gedigte in te stuur vir plasing. Maats, maar dit moet julle eie poging wees 

en nie iewers afgeskryf nie. Ons kyk uit na die koms van julle gedigte. Moenie te min dink van 

jou pogings nie. Stuur vir ons die gediggies en dan deel al die maats in jou probeerslag. 

Ons plaas hierdie maand 'n gedig van Jaco van der Merwe (Graad 11). 

ANGSGEBED 

Angs bedek 

haar wolhaarskil 

soos mis wat 

die Hoëveld op 'n 

koel wintersoggend toevou – 

onpersoonlik grou. 

Die vrugtevlieg sweef nader 

(Sy trek haar 

asem in). 

Hy gaan sit op die tak en staar 

met bewondering. 

'n Gebed kom by haar 

op; 

die woorde vergader 

en styg na bo, na God: 

“Hoekom, Heer, 

moet my tyd nou al aanbreek; 

het so pas die stadium van 

algehele volwassenheid bereik 

- is al mooi 

oranje-rooi – 

my lewe lê voor 

my 

wyd 

en lank soos 'n pasgeteerde pad. 

Wat het ek gesondig, Heer, in my 

nietigheid? 

Laat ek leef sodat ek my doel – 

om 'n kind gelukkig te maak – kan 

bereik. 

Beskerm my van 

die vrot wat loer 

en 

lyding wat breek 

ek smeek.” 

Waarom lyk stokinsekte soos takkies? 

marina 

... om hulle teen hulle vyande te kamoefl eer. 

Die meeste stokinsete het nie vlerke nie, en 

dié wat wel vlerke het, vlieg lomp en stadig. 

Daarom kruip hulle weg op die stokkies en 

takkies waarop hulle leef. So word hulle nie 

maklik raakgesien nie. Slim, nè! 

slingervel augustus 2012 17 

Foto: mieliestronk.com

Oom Attie Venter 

Kan ’n boom dink? 

Ons het al gesien dat ’n blom kan tel en bakterieë kan 

praat. Nie tel of praat soos óns dit doen nie, maar elkeen 

op sy eie manier. Vandag gaan ons vasstel of ’n boom kan 

dink, natuurlik ook op sy eie manier. 

Enige plant of dier (en ook die mens) moet op prikkels 

wat van sy omgewing kom, kan reager – al is dit meestal 

outomati es – anders sal hy gou-gou beserings opdoen, 

honger ly, doodbrand, verkluim, en baie ander teëspoede 

optel? Daar is natuurlik nog baie van die “tel-, praat- en 

dinkwerk” wat wetenskaplikes nie verstaan nie, maar 

dit wat ons wél verstaan, is genoeg om ’n mens te laat 

wonder hoe dit moontlik is dat baie van die slim mense 

nie die hand van ’n Skepper in die natuur kan sien nie 

(lees Rom. 1:19-20)! 

Neem nou maar die avokadopeer-boom as 

voorbeeld. Ons ken almal die mooi, groen 

vrug wat mense onder andere op hulle 

brood smeer. Baie gesond, sê die kenners. Dit 

bevat al die belangrikste vitamines, minerale en 

vette van die “goeie” soort. 

Besonderse blomme 

Die vrug ontstaan natuurlik uit die vrugbeginsel 

van ’n blom wat op ’n boom groei. Elke avokadopeer-blom 

besit beide manlike en vroulike organe, 

naamlik meeldrade en ’n stamper. Dus sê ons 

die blom is tweeslagtig. Die kroon- en kelkblare 

laat ons vir hierdie bespreking buite rekening. 

Die twee stelle geslagsorgane sit naby mekaar, 

met die vrugbeginsel in die middel (onthou: die 

vrugbeginsel, styl en stempel vorm saam die 

stamper.) Die vrugbeginsel word later die vrug en 

die meeldrade produseer stuifmeel. 

Jy sal nou dalk dink dat, omdat die manlike en 

vroulike organe so naby mekaar 

sit, selfbestuiwing sal plaasvind. 

Baie soorte blomme kán hulleself 

bestuif; dan sê ons so ’n blom 

is selfverenigbaar. Dan hoef 

daar nie nog ’n ander boom van 

dieselfde soort in die omgewing 

te wees nie. By die avokado is 

selfbestuiwing feitlik onmoontlik, 

alhoewel hy selfverenigbaar is. 

Die rede is dat die gedrag van 

die blom dit verhoed. Kyk nou 

mooi watter wonderlike planne 

die boom (of blom) “uitdink”: 

Planmaker duisend 

As ’n betrokke blom op 


’n sekere dag in die oggend 

oopgaan (kom ons sê op dag 

1), is dit vroulik, met ander 

woorde die vrugbeginsel en 

die stempel is ontvanklik. As 

daar ’n stuifmeelkorrel op die 

stempel val, sal dit daaraan 

vassit en selfs ontkiem, maar 

as is verbrande hout, soos die 

spreekwoord lui. Daar word 

geen stuifmeel op daardie 

stadium deur die betrokke blom 

geproduseer nie (maar wel van 

’n ander blom). 

Ons sê die blom is struktureel 

tweeslagtig, maar funksioneel is 

dit vroulik. (Die stelsel is soms 

só goed gesinkroniseerd dat al 

die blomme veronderstel is om 

onder ideale omstandighede 

terselfdertyd oop te gaan.) Al die 

blomme is dus vroulik vir so drie 

tot vier ure. Dan gaan die blom 

toe, kompleet soos ’n blomknop. 

Kyk nou wat gebeur op dag 

2: Teen die middag se kant gaan 

die blom weer oop. Maar nou is 

die oorblyfsel van die stamper 

bruin, half verskrompeld en glad 

nie vir stuifmeel ontvanklik nie. 

Die meeldrade staan nou mooi 

regop – die manlike fase – en die 

helmknoppe stel stuifmeel vry 

met behulp van kleppe. Dan, aan 

die einde van daardie tweede 

dag gaan die blom weer toe, 

maar hierdie keer vir altyd! 

DUS: Die blom het twee 

fases: 

Op DAG 1 in die oggend is dit 

vroulik. 

Op DAG 2 in die middag is dit 

manlik. 

Dit is die meganisme om te 

verhoed dat die blomme hulleself 

bestuif. (Ander soorte blomme maak ander planne. Dit kan ’n oulike 

onderwerp vir ’n tema uitmaak.) 

Eintlik het jy nog ’n ander boom in die omgewing nodig wat 

tydens die vroulike fase van die een boom stuifmeel daarnatoe kan 

afgee. Gelukkig is die klimaat in Suid-Afrika sodanig dat daar altyd 

blomme is wat in die vroulike fase verkeer terwyl ander weer manlik 

is. Die perfekte sinkronisasie kry jy in die tropiese gebiede. Daar is 

dit absoluut noodsaaklik dat jy oor twee kultivars van die plant moet 

beskik – hulle word die A-tipe en die B-tipe avokado’s genoem: 

Die A-tipe is in die oggend vroulik en die volgende middag manlik 

(soos in die geval hierbo). 

Die B-tipe is in die middag vroulik en die volgende dag in die 

oggend manlik. 

As jy ’n boord het met dié twee soorte, het jy ’n beter kans dat 

kruisbestuiwing kan plaasvind. 

Bestuiwers 

Omdat die stuifmeel van so ’n aard is dat windbestuiwing nie kan 

plaasvind nie, word dié takie deur insekte, veral heuningbye, verrig. 

Daarby sit die manlike en vroulike blomme op verskillende bome. 

Dus: stuifmeel moet vervoer word vanaf ’n blom in die manlike 

stadium na ’n blom wat op daardie stadium in die vroulike fase verkeer. 

As daar dus nie byekorwe in jou omgewing is nie, gaan jy ’n swak oes 

kry – miskien drie of vier vruggies per boom, terwyl, as daar genoeg 

bye is, kan jy 100 tot 150 vruggies verwag. 

Beheer 

Daar is nog ’n ander faktor wat ’n skrale oes kan veroorsaak. Die 

plant het beheer oor die hoeveelheid vrugte wat hy “toelaat” om te 

vorm, as gevolg van verskillende oorsake: 

 

 

Om vrugte te vorm, moet die boom baie olies, minerale, stysel 

en ander voedingstowwe inpomp. Dit dreiner sy energie en 

hulpbronne. Dus moet die boom kan “bepaal” of hy oor voldoende 

voorrade beskik om, sê, 20% of 60% of 100% van sy kapasiteit 

te produseer. Die boom moet dus “tevrede” wees dat hy goeie 

behandeling van die boer kry! 

Ook kan ’n boom nie “toelaat” dat al die blomme aan ’n tak vrugte 

voortbring nie – die tak sal eenvoudig te swaar word en breek. 

Slot 

Die terme “toelaat”, “dink”, “bepaal”, “tevrede wees” is hierbo 

gebruik. Onthou net: dit is nie soos wat ’n mens of selfs ’n dier dink, 

bepaal of tevrede is nie. Mense en diere het ’n senuweestelsel met ’n 

brein en plante het dit nie. Hormone en ensieme doen by plante die 

“dink”-werk. Daarom plaas ek van dié woorde in aanhalingstekens. SV 


tannie susan 

Wat kan ek lees? 

Frith, Alex. 2011. Die groot boek van groot dinosourusse. 

Geïllustreer deur Fabiano Fiorin. Pretoria: Protea Boekhuis. Prys: 

R125,00. ISBN: 978-1-86919-494-9. 

Die groot boek van groot dinosourusse is ’n pragtig geïllustreerde 

prenteboek met uitvoublaaie van dik karton. Enigiemand (oud 

of jonk, groot of klein) wat meer wil weet van di nosourusse, 

sal hierdie boek baie interessant vind. Hierin word vertel en pragtig 

geïllustreer hoe die verskillende dinosourusse ge lyk het, hoe groot, 

swaar, ver skriklik of vredeliewend hulle was, wat elkeen se voorkeurkos 

was en in watter tydperke hulle geleef het. 

Kinders hou baie daarvan om van monsteragtige groot diere te leer. 

Hierdie boek sal gou ’n guns teling op hulle boekrakke wees. 

Kulot, Daniela. 2011. Neuskrap is lekker. Pretoria: Protea 

Boekhuis. Prys: R110,00. ISBN: 978-1-86919-514-4. 

Olifant en Muis krap graag in hulle neuse, maar Pad da mag nie 

– sy ma het dit verbied. Die drie maats het gewonder of dit 

dan enigsins toelaatbaar was of nie en het hulle ouers daaroor 

gekonfronteer. Tot hulle verbasing was al die ouers eenstemmig daaroor 

dat dit taboe is. Indien hulle tog wel in hulle neuse sou krap, sal daar 

vreeslike gevolge wees soos vingers wat vas sit, slurpe wat afbreek en 

neus puntwortelontsteking wat kan ontstaan. Olifant, Muis en Padda het 

groot geskrik en besluit om nooit weer in hulle neuse te krap nie. Toe 

hulle egter hulle oumas en oupas gaan besoek, het ’n groot verrassing 

op hulle gewag! 

Neuskrap is lekker is ’n kos telike prenteboek vol humor. Die 

kleurillustrasies (ook deur die ou teur van die boek) is vet pret en 

ondersteun die eenvoudige ver haaltjie pragtig. Kinders sal heerlik 

skaterlag wanneer hierdie storie (wat eintlik oor ’n taboe in die samelewing 

handel) aan hulle voorgelees word of wanneer hulle dit self lees of die 

boek deurblaai. Die vertaling uit Duits is gedoen deur Nicol Stassen. 

Nordqvist, Sven. 2011. 

Die jakkalsjag. Vertaal deur Daniel Hugo. Pretoria: Protea 

Boekhuis. Prys: R90,00. ISBN: 978-1-86919-405-5. 

Pettson en sy kat, Fielies, het rustig en doodtevrede met hulle 

hoenders op hulle plasie gebly en niemand ge pla nie. Op ’n 

dag het buurman Gustavsson en sy hond met ’n geweer daar 

aangekom. Hy het die jakkals gesoek wat die vorige nag een van sy 

henne gevang het en wou hom doodskiet. 

Fielies het aan Pettson voorge stel dat hulle die jakkals eerder moes 

fl ous as doodskiet. Hulle het toe ’n baie slim plan beraam om dit te kan 

doen en terselfdertyd die hoenders te beveilig. Pettson het die jakkals 

in die nag gesien en hom jammer gekry en wou hom nie meer laat skrik 

nie, maar sake het toe heeltemal 

anders ver loop as wat beplan is! 

Hierdie humoristiese prenteboek 

sal jong lesers se tone 

laat omkrul van pure lekkerte en 

pret. Dit is ’n kostelike storie met 

treffende illustrasies ter ondersteuning 

van die verhaaltjie. Die 

besondere taalgebruik prikkel ook 

die lagspiere en sorg vir heerlike 

binnepret. 

Jacobs, Jaco. 2012. Professor 

Fungus en die ongeloofl ike 

miniatuur-avontuur. 

Illustrasies deur Johann 

Strauss. Pretoria: LAPA 

Uitgewers. 40 p. Prys: R60,00. 

ISBN: 978 0 7993 5263 4. 

Bennie en Jenny is ’n 

tweeling en kuier graag 

by professor Fungus, 

’n neef van hullle ma. Hy is ’n 

we tenskaplike wat allerhande 

eksperimente in sy laboratorium 

doen en allerhande uitvindsels 

maak. Saam met Argon, die 

blaf fende konyn, en Edison, die 

robot, help hulle hom graag met 

sy eksperimente wat dikwels in 

skreeusnaakse avonture uitloop. 

Prof. Fungus was baie opgewonde 

en wou vir hulle sy nuutste 

uitvinding demonstreer – die 

K.R.I.M.P. 3000. Dit is ’n masjien 

wat goed piepklein kan maak om 

’n mens se pakplekprobleme op 

te los. Ongelukkig gebeur daar 

’n ongeluk en Bennie en Jen ny 

word gekrimp totdat hulle piepklein 

is. Gou ontdek die twee 

hoe moeilik en gevaarlik dit is om 

tussen goggas en spinnekoppe te 

oorleef wat groter as hulleself is. 


Hulle beleef allerhande 

span nende avonture en 

hoop dat prof. Fungus 

se masjien hulle darem 

weer groot sal kan 

maak. 

Die taalgebruik 

sluit uitstekend aan by 

moderne jong kinders 

se taalidioom. Die tipografi 

e en hu mo ris tiese 

kleurillustrasies dra 

by tot die genot van 

die boek. Hierdie boek 

vorm deel van ’n nu we 

lekker leesreeks vir jong le sers. 

Aan die einde van die boek word een van prof. Fungus se eks perimente verduidelik, 

sodat waag halsige lesers dit tuis kan probeer doen. 

Dirks, Cor. 2011. Die Uile in die wildtuin. Pretoria: Protea Boekhuis. 154 p. 

Prys: R100,00. ISBN: 978-1-86919-459-8. (Die Uile-reeks, 4.) 

Terwyl die vyf Uile ’n opwindende wintervakansie op Vaatjie-hulle se 

Bosveldplaas deurbring, kry hulle ook die geleentheid om vir ’n paar dae in 

die Wildtuin te gaan kamp – en watter spannende avontuur het hulle nie daar 

beleef nie! Hulle paaie het onwetend dié van gewetenlose smokkelaars gekruis. 

Ook het hulle amper noodlottig in die pad van ’n woedende olifant beland. 

Tienerlesers sal maklik met die bekende karakters in hierdie spannende avontuurverhaal 

identifi seer. Die taalgebruik is modern en in lekkerlees Afrikaans. 

Lesers sal gretig uitsien na ’n volgende avontuur in hierdie gewilde tieneravontuurreeks. 

SV 


dr. nico van der merwe 

113. Eerder gebroke as dood 

Lees: 1 Sam. 24:10-23 Teks: 1 Sam. 24:17(b)-18 

Saul het alles probeer om vir Dawid dood te maak (1 Sam. 19:1). 

Nou kry Dawid die geleentheid om vir Saul, die vyand wat hom 

om die lewe wil bring, baie maklik in die grot dood te maak. Maar 

hy het nie! Hy sny nie Saul se lewe af nie, maar nét die punt van 

sy mantel. Dit kan slegs gebeur as die liefde van God in jou hart 

is. Die klipharde Saul is gebroke na hierdie optrede van Dawid. ’n 

Gebroke Saul is beter as ’n gestorwe Saul. Teenoor Saul het die 

Da wid die weg van die kruis gestap. Dit is die weg van versoening 

en vergewing. Alleen in die weg van die kruis is lewe moontlik. God 

leer ons om die kwaad met die goeie te oorwin (Rom. 12:21). Dit is 

die pad van Christus en daarom moet dit die pad van elke gelowige 

wees. ’n Gelowige tiener kan nie anders as om te doen wat God van 

hom vra nie, naamlik liefde. 

115. Gebed in eensaamheid 

Lees: Psalm 42:1-12 Teks: Psalm 42:2 & 10 

Eensaamheid is ’n wrede vyand. Die digter van Psalm 42 was 

’n vlugteling buite die grense van Kanaän in die omgewing van 

Hermonberg, in die noorde van die land. In daardie onherbergsame 

landsdeel ervaar hy bittere eensaamheid. Die psalmdigter mis die 

teen woordigheid van God (vs. 10). In sy eensaamheid tussen die 

ber ge verlang sy hart na die tempel in Jerusalem. Die tempel was 

die simbool van God se teenwoordigheid. Daar is die offers tot God 

gebring en gebid. Hy voel dat dáár die teenwoordigheid van God 

werk lik ervaar word. En dit moet hy nou mis. Om die nabyheid van 

God bid hy. 

Dit kan wees dat jy tussen al jou vriende eensaam voel omdat jy 

God mis. Bid God inniglik en opreg dat jy sy teenwoordigheid deur 

die Gees kan ontvang. 

117. Gebed om genesing 

Lees: Jeremia 17:5-18 Teks: Jeremia 17:14 

Op ’n dag toe Jeremia siek is, soek hy sy hulp by God. In sy 

gebed vra hy vir God: “Maak Ú my gesond, Here.” Op dieselfde 

wyse smeek Dawid tot God om hom gesond te maak (Ps. 41:5). 

Wanneer die gelowige by God pleit om hom gesond te maak, 

weet jy dat God ook medisyne en instrumente gebruik om dit te doen. 

Die briljantste dokter en die beste medisyne kan net genesing bring 

as God dit seën. Tog moet die gelowige tot God bid om genesing. 

Jy moet ook jou eie verantwoordelikheid ken om siekte te verhoed 

deur ’n gesonde en gebalanseerde lewenswyse. Jesus het talle siek 

mense gesond gemaak as teken dat God almagtig is en die gang 

van siektes kan beheer. 

Omdat jy as kind van God in alles van Hom afhanklik is, moet jy 

en kan jy in tye van siekte by God pleit om genesing. 

119. Gebedsroep om hulp 

Lees: Markus 4:35-41 Teks: Markus 4:48 

Jesus en sy dissipels is plotseling deur ’n storm oorval op die Galilea 

See. Jesus het egter op die bank in die agterstewe gelê en 

slaap. In hulle benoudheid maak die dissipels vir Jesus wakker. Dan 

hoor Hy hulle noodroep: “Meneer, gee U dan nie om dat ons vergaan 

nie?” Nadat Jesus die storm laat bedaar het, vra Hy vir die 

dis sipels: “Het julle dan nie geloof nie?” Tog was die noodroep van 

die dissipels opreg! Hulle soek by Christus hulp en uitkoms. Daarom 

rea geer Jesus op hulle noodroep. Jesus toon dat Hy oor die mag 

be skik om die storm stil te maak. 

Daaruit kom die verkondiging tot elke gelowige dat Christus enige 

storm kan laat bedaar. Nie net die letterlike storm op die see nie, 

maar ook die lewensstorms wat soms oor jou losbreek. Jy kan ten 

vol le op Hom vertrou! Hy ís ’n toevlug in die nood (Ps. 46). 

114. Eiewillige godsdiens 

Lees: 1 Samuel 15:10-25 Teks: 1 Samuel 15:22(b) 

God het aan Saul die opdrag gegee om die Amalekiete heeltemal 

uit te wis. Daar mag niks oorbly nie (vs. 2-3). Maar Saul wou 

slimmer as God wees en het dit nie gedoen nie (vs. 8-9). Sy verskoning 

is dat hy die mooiste vee saamgebring het om aan die Here te 

offer (vs. 15). 

Jy moet onthou: Godsdiens is gehoorsaamheid. Ongehoorsaam 

heid kan jy nie met skynbare goeie dade goed maak nie. Jy kan 

jou oneerlikheid in die eksamen nie regmaak deur Sondag na die 

ere diens te gaan nie. Jy kan jou liefdeloosheid teenoor medemense 

nie goed maak met ’n lang gebed nie. Jesus het in gehoorsaamheid 

aan die Vader Homself geoffer om jou van jou sonde te red. Daarom 

word van jou ook algehele gehoor saamheid aan God gevra. Dit is ’n 

opdrag van die Here wat jy móét nakom. 

116. Gebed om buigsaamheid 

Lees: Johannes 17:1-19 Teks: Johannes 17:15 

Jy het dalk gehoor van kinders met ’n afwyking in hulle bloed, wat 

veroorsaak dat die liggaam nie kieme en virusse kan bestry nie. 

Van hierdie kinders moet in ’n plastiese “kamer” bly wat afgeseël is 

van die aansteeklike lug daarbuite. Herstel van die bloed is nodig om 

weer normaal te kan lewe. 

So iets is op geestelike vlak ook waar. Jy kan jouself nie isoleer 

van die sonde in die wêreld nie. Sonde ontstaan nie buite jou nie, 

maar in jou (Matt. 15:11, 18-20). Wat jy as gelowige tiener nodig 

het, is ’n innerlike verdedigingsisteem teen die sonde! Dít kry jy as jy 

deur die geloof aan Christus gebind is. Hy bid tot sy Vader dat Hy die 

gelowiges in hierdie wêreld van sonde moet bewaar. As verloste kind 

van God word jy in die sondebesmette wêreld ingestuur, onder God 

se beskermde genade. God se krag hou jou staande. 

118. Gebed om groter seën 

Lees: 1 Kronieke 4:1-10 Teks: 1 Kronieke 4:10 

Jabes beteken: “Ek het hom met smart in die wêreld gebring.” Hy 

het die negatiewe in sy naam te bowe gekom. Hy het na meer 

ge streef as die smart wat in sy naam afgedruk is. Hy het sy lewe 

in die hand van God geplaas. Hy vertel God van sy begeertes (Fil. 

4:6-7). Hy vra dat God die inhoud van sy naam uit sy lewe sal weer. 

Stort u seën oor my uit. Vergroot my grondgebied. Neem my onder 

u beskerming. Weerhou onheil van my sodat geen smart my tref nie. 

Dan kom die antwoord: “God het laat gebeur wat hy gevra het.” 

Ons moet daarop let dat Jabes uit die Judastam gekom het, 

waar uit Christus gebore sou word. Daar sit dus iets Messiaans in die 

gebed van Jabes. In Christus kan elke gelowige tot God bid en God 

se seën en voorspoed vra. Omdat God jou Vader is, kán jy dié dinge 

van Hom met groot vrymoedigheid vra. 

120. Die geheim van jou krag 

Lees: Rigters 16:5-21 Teks: Rigters 16:17 

S imson verraai die geheim van sy krag aan Delila. Die krag het 

egter nie in sy hare gelê nie, maar in sy gehoorsaamheid aan 

God. Sy hare was net ’n teken van sy krag wat hy van God ontvang 

het. Eers wil Simson sy geheim nie bekendmaak nie. Hy het God 

meer lief as Delila. Maar dán swig hy voor die heidense vrou. Toe 

hy die teken van sy krag vertrap, skend hy die verbond van God 

met hom. 

In die swakheid van Simson is daar die roep na die ware Verlosser, 

Jesus Christus. Christus het tot die uiterste einde toe in die 

liefde van sy Vader gehoorsaam gebly. In Christus is jou krag geleë. 

God het dit aan jou met die teken van die doop bevestig. Pas op dat 

jy nie die krag van God se verlossing in jou lewe vergeet nie. Moet 

dit nie verruil vir die begeerlikhede van die wêreld nie. 


121. Geloof hoor alles 

Lees: 1 Samuel 10:17-27 Teks: 1 Samuel 10:27 

Toe God Saul as koning laat salf, was daar twee menings oor 

hom. Die een groep sê: “Lank lewe die koning.” Die ander groep 

ver werp hom. Op hierdie stadium het Saul geweet dat sy roeping 

van God nie afhanklik is van die goedkeuring van mense nie. As God 

roep, kan mense maar verag, dit speel geen rol nie. 

God se kinders moet hoor wat God sê en hulle doof hou vir die 

stem van die wêreld. Geloof let net op God en nie op mense nie. 

Daarom word die geloof nooit oorhaastig en senuagtig in reaksie op 

die kritiek of kwaadwillige praatjies van mense nie. 

Al hoor die gelowige alles, moet hy soms optree asof hy doof 

is. Jy kan nie jou koninkryksroeping vervul as jy jou ore aan die wêreld 

uitleen nie. Jou ore moet die ewigheidsklanke van die Woord 

op vang. 

123. Geloofsopvoeding 

Lees: Deuteronomium 6:1-9 Teks: Deut. 6:7 

Die gesinslewe in die tyd van die Bybel was heeltemal anders as 

vandag. Die gesinslewe verskil van land tot land, van volk tot 

volk en van kultuur tot kultuur. Maar die volheid van God se Woord, 

gerig op die huisgesin, bly altyd dieselfde. Dit geld vir alle tye. Elke 

faset van die moderne lewe moet nog steeds volgens die riglyne van 

God gelewe word. Die opdrag van Deuteronomium 6:7, om kin ders 

op te voed om in hulle hele lewe soos kinders van God te leef, bly 

steeds staan. Dit is jou ouers se taak om toe te sien dat hulle verbondskinders 

in staat is om die Bybel te kan hanteer en toepas in 

elke faset van hulle kinderlewe. 

Opvoeding is in alles gerig op diens aan God, nakoming van 

die Wet van God en tot eer van God se Naam (Pred. 12:13; 1 Kor. 

10:31; Kol. 3:17; 1 Pet. 4:11). Sê vir God dankie vir jou ouers! 

125. Genade en kinderopvoeding 

Lees: Genesis 39:1-6 Teks: Genesis 39:2 

As kinders het ons geleer om ’n hoë dunk van Josef, die seun van 

Jakob, te hê. Die Bybel lê egter nie klem op Josef se goedheid 

of briljantheid nie. Wat is die geheim van Josef se sukses? “Die Here 

was by Josef” (vs. 2). (Lees ook vers 21 & 23). 

Hierdie waarheid wat driemaal herhaal word, is van groot betekenis 

vir elke tiener. Jy moenie dink dat jy as tiener in staat is om 

self die goeie te bereik nie. Jy kan nie dinge wat skadelik is, in eie 

krag vermy nie. Soms klop ouers hulle kinders op die skouer vir wat 

bereik is en roem self in hulle kinders se prestasies. God leer ons 

dat dit alles uit genade is. Jy mag nooit God se genade in jou lewe 

as jong kind vergeet nie. 

Ouers en kinders moet nie in hulleself roem nie, maar altyd in 

God! Dit maak jou nederig en dankbaar voor die Here. 

127. Geseënd voor Kersfees 

Lees: Matteus 1:18-25 Teks: Matteus 1:21 

Elke Sondag in die erediens bely jy saam met die gemeente dat jy 

glo in Jesus Christus wat ontvang is van die Heilige Gees, gebore 

uit die maagd Maria. Hierdie waarheid in ons geloofsbelydenis is ’n 

werklikheid. Die wondergeboorte van Jesus is nie ’n mite, ’n sage of 

’n storie nie. Jesus is in die moederskoot van Maria gewek deur die 

krag van die Heilige Gees en Hy is gewoonweg gebore soos elke 

an der kindjie (Heb. 2:14). 

Daardie lewe wat God in Maria gewek het, is vir jou die weg, die 

waarheid en die lewe (Joh. 14:6). Hy is die weg vir jou na die ewigheid. 

As jy deur die geloof met Christus een is, is jy reeds geseënd 

nog voor dit Kersfees is. Jy kan reeds in vreugde en vrede leef, want 

dit is reeds vir jou ’n werklikheid in Jesus Christus. Jy hoef nie vir 

Kers fees te wag vir hierdie blye boodskap nie. 

122. Geloofsafsydigheid 

Lees: Rigters 5:17-31 Teks: Rigters 5:23 

Gelowiges is medearbeiders van God in sy koninkryk op aarde. 

Ge lowiges deel God se oorwinning oor die kwaad in Jesus 

Chris tus aan die kruis. Gelowiges loop ook in God se oorwinningstoet 

deur die lewe omdat hulle deur God se genade ’n plek gegee is. Toe 

God deur Debora en Barak die oorwinning oor die vyand gee, het 

die inwoners van Meros hulle afsydig gehou. Die saak van God se 

volk het hulle nie geraak nie. Meros verval in die sonde van geloofsafsydigheid 

as dit by die saak van God se koninkryk kom. Daarom is 

Meros deur God vervloek. So ook elkeen wat hom afsydig hou van 

God se koninkryk. 

Jy het ’n groot taak om in die daaglikse lewe die oorwining van 

Christus toe te pas. Jy moet lewe soos ’n mens wat die sonde oorwin 

het. 

124. Veels geluk met jou verjaardag 

Lees: Psalm 139:1-24 Teks: Psalm 139:16 

As daar vir jou gevra word hoe oud is jy, tel jy jou lewensjare terug 

tot by jou geboorte en sê dan hoe oud jy is. In Psalm 139 gaan 

Dawid veel verder terug: “U het my al gesien toe ek nog ongebore 

was, al my lewensdae was in u boek opgeskryf nog voor ek gebore 

was” (vs. 16). Daarom wil hy God loof (vs. 14). 

Die beginpunt van die gelowige se lewe lê veel verder terug as 

die dag van jou geboorte. God het oor jou lewe besluit lank voordat 

jy in jou ma se skoot ontvang is en uit haar gebore is. Daardie fa set 

van jou lewe was aan God bekend toe jy in jou moederskoot aanme 

kaar geweef is (vs. 15). Dít is eintlik jou verjaardag, die begin 

van jou lewe. Die lewe wat God so aan jou gegee het, sal nie ophou 

nie, in Christus duur dit vir ewig. Daarvoor moet jy die Here gedurig 

dankie sê. 

126. Genade is al wat sterk maak 

Lees: Genesis 39:7-12 Teks: Genesis 39:8-9 

Soms is ouers bekommerd of hulle kinders, as hulle uit die huis 

uit gaan, sal voortgaan om te lewe soos kinders van God. Sal die 

kinders die opvoeding wat hulle van hulle ma en pa ontvang, onthou? 

Ons het in die vorige oordenking geleer dat Josef sterk staan omdat 

hy geweet het God is naby hom. Met Josef het dit nie goed gegaan 

omdat hy so uitsonderlik goed was nie, maar omdat Gód met hom 

was (vs. 2). Toe die oomblik kom dat Josef baie diep kon val (vs. 7), 

doen hy dit nie, want: “Ek sal mos teen God sondig!” sê Josef (vs. 9). 

Die wil van God het so baie vir Josef beteken omdat God so baie vir 

hom beteken het. As jy in die opvoedingsjare saam met jou ouers en 

onder hulle leiding God se pad gestap het, soos in die Woord gegee, 

sal jy as kind, as jy uit die huis gaan, deur die genade op die regte 

pad bly voortstap. 

128. Heilige bloed 

Lees: Levitikus 17:1-15 Teks: Levitikus 17:11 

B loedoortappings is medies noodsaaklik. God vertel hoe belangrik 

’n geestelike bloedoortapping is. In bloed sit lewenskrag. Daarom 

het heidene bloed gedrink. God het Israel die heidense gebruike 

verbied, want: “Die lewe van ’n dier is in sy bloed” (vs. 11). God gee 

lewe. Dit behoort aan Hom. Daarom mag bloed nie verspil word nie 

(Gen. 4:10; Lev. 17:13). God bepaal waarvoor bloed gebruik mag 

word. “Ek (het) die bloed vir julle gegee om op die altaar versoening 

te doen vir julle lewens” (vs. 11). Dit is nie die bloed van sondige 

men se nie. Dit is die bloed van ’n onskuldige dier wat in die plek van 

die sondige mens geoffer word as ’n teken van skuldbelydenis en 

skuld vergiffenis. Dis ’n geestelike bloedoortapping. 

Die bloed wat die sonde van die wêreld wegneem, is die bloed 

van die ware Paaslam, Jesus Christus. 


Hoor net die volgende oulike uitvindsels: 

Tandlose kamme vir pan-koppe. 

Plastiek-bladmusiek vir ouens wat onder die stort wil sing. 

’n Onderstebo vuurtoring vir diepsee-duikers. 

’n Wekker sonder klokke vir laatslapers. 

’n Opblaas pyltjiebord vir ouens wat sleg speel. 

Koppies met die oor aan die ander kant vir linkshandiges. 

’n Kruiwa sonder ’n wiel vir luiaards. 

“Hoekom het jou hond so ’n plat neus?” 

“Omdat hy altyd geparkeerde motors jaag!” 

Seun: “Pa, ek hou nie van die kaas met gaatjies in nie.” 

Pa: “Wel, eet dan maar net die kaas en los die gaatjies aan die 

kant van jou bord!” 

Onderwyser: “Wat is fortifi kasie?” 

Ben: “Meneer, dis twee twintigfi kasies.” 

Johan kan dit nie verdra om meisies in die skoolbus te sien 

staan nie. Daarom sit hy met toe oë! 

Onderwyser: “Hoe oud is jy?” 

Marius: “Ek weet nie, meneer.” 

Onderwyser: “Wanneer is jy gebore?” 

Marius: “Ek is nie gebore nie, meneer, ek het ’n stiefma.” 

Raai … raai ... raai ... 

Raai, raai, hoekom skiet Koos gaatjies deur sy ore? Om 

mansjetknopies by sy safaripakke te dra. 

Raai, raai, hoeveel kante het ’n sirkel? Twee kante – ’n 

binnekant en ’n buitekant! 

Raai, raai, wanneer het al wat mens is dieselfde 

hoenderhaan hoor kraai? ... In Noag se ark! 

Raai, raai, wat word meer as jy dit omdraai? Die syfer 6. 

Raai, raai, hoe laat is dit as ’n olifant op jou heining sit? Tyd 

om ’n nuwe heining te bou. 

Raai, raai, wat is ’n padprop? Iemand wat teen 50 km/u op 

’n snelweg ry. 

Raai, raai, wat waggel soos ’n eend, swem soos ’n eend en 

kwaak soos ’n eend? ’n Eend! 

Raai, raai, hoekom blink ’n haas se neus altyd? Omdat sy 

poeierkwas aan die verkeerde kant sit. 

ons pretblad 

Raai, raai, hoekom maak ’n hoenderhaan sy oë toe as hy 

kraai? Hy ken die wysie uit sy kop. 

Raai, raai, hoeveel snye brood kan jy van een heel brood 

afsny? Net een, want daarna is die brood nie meer heel nie. 

Raai, raai, waar is die meeste visse in die wêreld? In die 

water. 

Raai, raai, wat het die meeste tyd en geduld? ’n Horlosie. 

24 slingervel augustus 2012 

 

 

 

 

Waarom het die kat elke woord in die boek oorgeskryf?” 

Antwoord: Dit is ’n “copycat”. 

Wie red spoke wat in die see wil verdrink?” 

Antwoord: Die “ghostguard”! 

Wat kry jy as jy ’n kat met sjokolade-geld kruis?” 

Antwoord: ’n Kitkat! 

Waar is dit die beste om ’n geskenk vir ’n kat te soek?” 

Antwoord: In ’n kat-alogus! 

Wat kry jy as jy ’n duisendpoot met ’n papegaai kruis?” 

Antwoord: ’n “Walkie-talkie”! 

Wat sing ’n mens vir ’n trein wat verjaar?” 

Antwoord: “Happy Birthday, choo-choo!” 

Wat gooi ’n dinosourus oor sy aartappelskyfi es? 

Antwoord: Tamatiesourus. 

 

 

 

Wat het die een M vir die ander M gesê toe die E by hulle 

verbystap? “Hy trek ook alewig dwars!” 

Wat het die een P vir die ander P gesê toe die b verbykom? 

“Hy was altyd so rondborstig, maar nou sit alles in sy 

maag!” 

Wat het die een B vir die ander B gesê toe die b by hulle 

verbystap? “Lyk my hy’t kop verloor!” 

Dieretuinwerker: “Haai daar, seunie, staan weg van daardie 

leeu af.” 

Seun: “Hoekom? Ek gaan hom mos nie seermaak nie.” 

Onderwyser aan seun wat aan die voet van die trappe op die 

grond lê: “Koos, het jy ’n trappie gemis?” 

Koos: “Meneer kan so sê. Ek het die boonste trappie gemis en 

al die ander getref.”

Slingervel Augustus 2012.indd - CJBF

You also want an ePaper? Increase the reach of your titles

Delete template?

Save as template?